Ezekiel
2 Kɛkɛ ni ekɛɛ mi akɛ: “Gbɔmɔ bi,* tee shi odamɔ shi yɛ onaji anɔ koni mikɛ bo awie.”+ 2 Be ni ekɛ mi wieɔ lɛ, mumɔ ba mimli ni ehã midamɔ minaji anɔ+ koni manu mɔ ni kɛ mi wieɔ lɛ he.
3 Etee nɔ ekɛɛ mi akɛ: “Gbɔmɔ bi, miitsu bo Israelbii lɛ,+ jeŋmaji ni etse mihiɛ atua lɛ aŋɔɔ.+ Amɛ kɛ amɛtsɛmɛi lɛ etɔ̃ minɔ aahu kɛbashi ŋmɛnɛ gbi nɛɛ.+ 4 Miitsu bo bii* ni toi wa* ni amɛtsuiŋ hu wa lɛ aŋɔɔ,+ ni oyakɛɛ amɛ akɛ, ‘Nɔ ni Nuŋtsɔ Ofe Yehowa kɛɛ nɛ.’ 5 Ni amɛ lɛ, kɛ́ amɛbo toi jio, amɛbooo toi jio—ejaakɛ amɛji atuatselɔi ashĩa+—amɛbaaná amɛle akɛ gbalɔ ko ehi amɛteŋ.+
6 “Shi bo, gbɔmɔ bi, eyɛ mli akɛ aklatei kɛ ŋmei efo ohe kɛkpe,*+ ni oyɛ nyɔŋmɔŋkrakroi ateŋ moŋ, shi kaashe amɛ gbeyei,+ ni kaashe amɛwiemɔi lɛ hu gbeyei. Kaashe amɛwiemɔi lɛ gbeyei,+ ni kaahã amɛkɛ amɛhiɛ wo ohe gbeyei+ ejaakɛ amɛji atuatselɔi ashĩa. 7 Kɛɛmɔ amɛ miwiemɔi lɛ, amɛbo toi jio, amɛbooo toi jio, ejaakɛ amɛji atuatselɔi.+
8 “Shi bo, gbɔmɔ bi, bo nɔ ni mikɛɔ bo lɛ toi. Kaatse atua tamɔ atuatselɔi ashĩa nɛɛ. Gbɛɛ odaaŋ ni oye nɔ ni mikɛhãa bo lɛ.”+
9 Be ni mikwɛ lɛ, mina ni akpã nine mli ahã mi,+ ni yɛ nine lɛ mli lɛ, mina wolokpo ni aŋma nii yɛ mli.+ 10 Be ni egbɛ mli etsɔɔ mi lɛ, aŋma nii yɛ ehiɛ kɛ esɛɛ fɛɛ.+ Aŋma yaafo lalai* kɛ awerɛhoyeli kɛ yaafo yɛ mli.+