Klɛŋklɛŋ Wolo Ni Akɛmaje Timoteo
4 Shi wiemɔ ni jɛ mumɔŋ lɛ* kɛɔ faŋŋ akɛ, be ko baaba wɔsɛɛ ni mɛi komɛi baatsi amɛhe kɛje hemɔkɛyeli lɛ he, amɛkɛ amɛjwɛŋmɔ baaya lakamɔ wiemɔi ni jɛ mumɔŋ*+ kɛ daimonioi atsɔɔmɔi anɔ, 2 kɛtsɔ amalelɔi asatofeemɔ nɔ,+ mɛi ni amɛhenilee lɛ he eshã tamɔ akɛ dade ni edɔ kadiɔ nii ahe lɛ. 3 Amɛfãa akɛ akabote gbalashihilɛ mli,+ ni amɛfãa mɛi hu akɛ amɛtsi amɛhe kɛje niyenii+ ni Nyɔŋmɔ bɔ akɛ mɛi ni yɔɔ hemɔkɛyeli+ ni le anɔkwale lɛ jogbaŋŋ lɛ kɛ shidaa aye lɛ he.+ 4 Ejaakɛ nɔ fɛɛ nɔ ni Nyɔŋmɔ bɔ lɛ hi,+ ni esaaa akɛ akpoɔ nɔ ko nɔ ko+ kɛ́ ada shi yɛ he be ni nine shɛ nɔ lɛ, 5 ejaakɛ atsɔɔ Nyɔŋmɔ wiemɔ lɛ kɛ sɔlemɔ ni asɔleɔ ashwieɔ nɔ lɛ nɔ ahãa ehe tseɔ.
6 Kɛ́ okɛ ŋaawoo nɛɛ hã nyɛmimɛi lɛ, obaatsɔ Kristo Yesu sɔɔlɔ kpakpa, mɔ ni kɛ hemɔkɛyeli kɛ tsɔɔmɔ kpakpa ni wɔnyiɛɔ sɛɛ kpaakpa lɛ wiemɔi lɛ elɛ ehe.+ 7 Shi tsi ohe kɛje adesãi ni wooo Nyɔŋmɔ hiɛ nyam,+ tamɔ nɔ ni yeimeji tãa lɛ ahe. Shi moŋ, okɛma ohiɛ akɛ okɛ Nyɔŋmɔjamɔ baatsɔse ohe. 8 Ejaakɛ gbɔmɔtsoŋ tsɔsemɔ* he yɛ sɛɛnamɔ yɛ gbɛ bibioo nɔ, shi Nyɔŋmɔjamɔ he yɛ sɛɛnamɔ yɛ nibii fɛɛ amli, ejaakɛ ehiɛ wala ni yɔɔ amrɔ nɛɛ kɛ wala ni baaba lɛ he shiwoo.+ 9 Enɛ ji anɔkwa wiemɔ ni sa akɛ amɔ mli kwraa. 10 Enɛ hewɔ ni wɔtsuɔ nii waa ni wɔmiaa wɔhiɛ lɛ,+ ejaakɛ wɔhiɛ kã Nyɔŋmɔ hiɛkãalɔ lɛ nɔ, mɔ ni ji gbɔmɛi srɔtoi fɛɛ a-Yiwalaherelɔ lɛ,+ titri lɛ anɔkwafoi lɛ.
11 Yaa nɔ okɛ famɔi nɛɛ ahã ni otsɔɔ amɛ nii. 12 Kaafee nɔ ko ni hãŋ abu bo yɛ oblanyo ni oji lɛ hewɔ. Shi moŋ feemɔ nɔkwɛmɔnɔ ohã anɔkwafoi lɛ yɛ wiemɔ mli, yɛ jeŋba mli, yɛ suɔmɔ mli, yɛ hemɔkɛyeli mli, yɛ hetsemɔ* mli. 13 Yaa nɔ okɛ ojwɛŋmɔ ama nikanemɔ yɛ mɛi ahiɛ,+ kɛ wiemɔkɛtsɔɔmɔ,* kɛ nitsɔɔmɔ nɔ kɛyashi maba. 14 Kaaku ohiɛ ofɔ̃ nikeenii ni yɔɔ omli, ni atsɔ gbalɛ kɛ asafoŋ onukpai akuu lɛ niji ni amɛkɛŋmɛlɛ onɔ lɛ nɔ akɛhã bo lɛ nɔ.+ 15 Jwɛŋmɔ nibii nɛɛ anɔ;* okɛ ohe awo mli kwraa, koni mɛi fɛɛ ana ohiɛyaa lɛ faŋŋ. 16 Ohiɛ ahi ohe nɔ kɛ onitsɔɔmɔ lɛ nɔ be fɛɛ be.+ Yaa nɔ ofee nibii nɛɛ, ejaakɛ kɛ́ ofee nakai lɛ, obaahere bo diɛŋtsɛ kɛ mɛi ni boɔ bo toi lɛ fɛɛ yiwala.+