35 Ŋa kɛ shikpɔŋ gbiŋ baanya,+
Ni ŋa kpataa mii baashɛ ehe, ni ebaagba afoforo tamɔ safron fɔfɔi.+
2 Ebaagba afoforo kɛ̃;+
Emii baashɛ ehe ni ebaalá nyamɔ lala.
Akɛ Lebanon anunyam lɛ baahã lɛ,+
Kɛ Karmel+ kɛ Sharon+ hefɛo lɛ hu.
Amɛbaana Yehowa anunyam lɛ, wɔ-Nyɔŋmɔ lɛ agbojee lɛ.
3 Nyɛwajea niji ni mli eje wui lɛ,
Ni nyɛhãa nakutsei ni egbɔjɔ lɛ mli awaa.+
4 Nyɛkɛa mɛi ni tsui efã lɛ akɛ:
“Nyɛfea ekãa. Nyɛkashea gbeyei.
Naa! Nyɛ-Nyɔŋmɔ lɛ diɛŋtsɛ baaba ebatɔ owele,
Nyɔŋmɔ baaba ni ebagbala nyɛhenyɛlɔi lɛ atoi.+
Ebaaba ni ebahere nyɛyiwala.”+
5 Nakai be lɛ mli lɛ, abaagbele shwilafoi ahiŋmɛii,+
Ni abaagbele toimulɔi hu atoii.+
6 Nakai be lɛ mli lɛ, akpakei baatumɔ tamɔ baayelɔ,+
Ni mumuii alilɛii baalá nyamɔ lala.+
Ejaakɛ nui baatue yɛ ŋa nɔ,
Ni fai hu baaho yɛ ŋa kpataa nɔ.
7 Shikpɔŋ ni hulu eshã lɛ ni egbi lɛ baatsɔ kpaakpo,
Ni nuhiŋmɛii baayi shikpɔŋ ni nu bɛ nɔ lɛ nɔ.+
Ŋa mli gbei ashibumɔhei lɛ,+
Jwɛi fɔ kɛ gãlãi kɛ papiro tsei baakwɛ̃ yɛ jɛmɛ.
8 Ni gbɛjegbɛ baahi jɛmɛ,+
Lɛɛlɛŋ, gbɛ ko ni abaatsɛ lɛ Krɔŋkrɔŋfeemɔ Gbɛ.
Mɔ ni he tseee enyiɛŋ nɔ.+
Aje ahã mɛi ni nyiɛɔ gbɛ lɛ nɔ lɛ;
Buulu ko buulu ko eduŋ gbɛ kɛyanyiɛŋ nɔ.
9 Jata ko jata ko ehiŋ jɛmɛ,
Ni kooloi awuiyelɔi hu baŋ nɔ.
Anaŋ amɛ yɛ jɛmɛ;+
Mɛi ni akpɔ̃ amɛ lɛ pɛ baanyiɛ jɛmɛ.+
10 Mɛi ni Yehowa ekpɔ̃ amɛ lɛ baaku amɛsɛɛ,+ ni amɛbaaba Zion kɛ nyamɔ lala.+
Miishɛɛ ni sɛɛ efooo baatsɔ akekerei ni fimɔ amɛyitsei.+
Nyamɔ kɛ miishɛɛ baatsɔ amɛnɔ,
Ni awerɛho kɛ kɛ̃ɛmɔ baajo foi kɛya.+