Mika
4 Yɛ gbii lɛ anaagbee lɛ mli lɛ,*
Yehowa shĩa lɛ gɔŋ lɛ+
Baama shi shiŋŋ yɛ gɔji lɛ ayiteŋ,
Ni abaawó nɔ fe gɔŋkpɔi lɛ fɛɛ,
Ni majimaji baaho kɛya he.+
2 Ni jeŋmaji babaoo baaya amɛyakɛɛ akɛ:
“Nyɛbaa ní wɔyakwɔa Yehowa gɔŋ lɛ
Kɛyaa Yakob Nyɔŋmɔ lɛ shĩa lɛ.+
Ebaatsɔɔ wɔ egbɛi lɛ ahe nii,
Ni wɔbaanyiɛ egbɛi lɛ anɔ.”
Ejaakɛ mla* lɛ, Zion ebaajɛ,
Ni Yehowa wiemɔ lɛ, Yerusalem ebaajɛ.
Amɛbaatswia amɛtawuu klantei kɛfee tsina kɔii anaa dadei,
Ni amɛbaatswia amɛkpɔlɔi hu kɛfee kaklai ni akɛsaa tsei ahe.+
Jeŋmaŋ ko wóŋ klante nɔ yɛ jeŋmaŋ ko nɔ,
Ni amɛkaseŋ tawuu hu dɔŋŋ.+
4 Amɛteŋ mɔ fɛɛ mɔ baata* ewain tso kɛ egbami tso shishi,+
Ni mɔ ko mɔ ko woŋ amɛhe gbeyei,+
Ejaakɛ Yehowa, taiatsɛ lɛ, naabu wie.
5 Ejaakɛ majimaji lɛ fɛɛ ateŋ mɔ fɛɛ mɔ baanyiɛ yɛ enyɔŋmɔ gbɛ́i mli,
Shi wɔ lɛ, wɔbaanyiɛ yɛ Yehowa, wɔ-Nyɔŋmɔ lɛ, gbɛ́i mli+ kɛya naanɔi anaanɔ.
6 “Nakai gbi lɛ nɔ lɛ,” Yehowa kɛɛ,
“Mabua maŋ* ni tsutsɔɔ lɛ naa,
Ni mabua maŋ ni egbɛ eshwã lɛ+
Kɛ mɛi ni miwa amɛ yi lɛ anaa.
7 Maŋɔ maŋ* ni tsutsɔɔ lɛ mafee mɛi ni eshwɛ,+
Ni mahã maŋ ni ajie lɛ kɛtee shɔŋŋ lɛ atsɔ jeŋmaŋ ni he wa;+
Ni Yehowa baaye amɛnɔ maŋtsɛ yɛ Zion Gɔŋ lɛ nɔ,
Kɛjɛ bianɛ kɛmiiya naanɔ.
8 Shi bo, tooku lɛ mɔɔ lɛ,
Zion biyoo lɛ gɔŋkpɔ lɛ,+
Bo onɔ ebaaba, hɛɛ, bo onɔ nɔyeli ni ji klɛŋklɛŋ* nɔ lɛ baaba,+
Yerusalem biyoo lɛ maŋtsɛyeli lɛ.+
9 Agbɛnɛ, mɛni hewɔ obolɔɔ waa nɛkɛ?
10 Ao, Zion biyoo, babalamɔ shi ni okɛ̃mɔ
Tamɔ yoo ni miifɔ,
Ejaakɛ agbɛnɛ, obaashi maŋ lɛ mli ní oyahi ŋa mli.
11 Agbɛnɛ, abaabua jeŋmaji babaoo anaa awo bo;
Amɛbaakɛɛ akɛ, ‘Hã abule Zion,
Ní wɔhiŋmɛii ana akɛ enɛ eba enɔ.’
12 Shi amɛleee Yehowa jwɛŋmɔi lɛ,
Amɛnuuu eyiŋtoo* lɛ shishi;
Ejaakɛ ebaabua amɛnaa tamɔ ŋmaa* ni afolɔ etsɛko ni jwere shi sɛrɛnɛɛ kɛya ŋmaagbeemɔhe lɛ.
13 Ao, Zion biyoo, tee shi ni ogbee ŋmaa,+
Ejaakɛ matsake okolontoi lɛ mafee amɛ dade,
Ni matsake onane tokotai* lɛ mafee amɛ akɔɔble,
Ni obaagbɛlɛ majimaji babaoo munyɔmunyɔ.+
Obaatu nii ni amɛtsɔ gbɛ gbonyo nɔ amɛná lɛ ohã Yehowa,
Ni obaatu amɛnibii lɛ ohã shikpɔŋ muu lɛ fɛɛ nɔ anɔkwa Nuŋtsɔ lɛ.”+