૩૦ યહોવાની નજરમાં ઓમ્રીનો દીકરો આહાબ તેની અગાઉ થયેલા બધા રાજાઓ કરતાં સૌથી વધારે પાપી હતો.+ ૩૧ તે નબાટના દીકરા યરોબઆમના પાપી માર્ગે ચાલ્યો.+ એ જાણે ઓછું હોય તેમ, તેણે સિદોનીઓના+ રાજા એથબઆલની દીકરી ઇઝેબેલ+ સાથે લગ્‍ન કર્યા. તે બઆલને* નમન કરીને તેની ભક્તિ કરવા લાગ્યો.+ 

૫૧ યહૂદામાં યહોશાફાટ રાજાના શાસનનું ૧૭મું વર્ષ ચાલતું હતું. એ સમયે આહાબનો દીકરો અહાઝ્યા+ સમરૂનમાં ઇઝરાયેલનો રાજા બન્યો. અહાઝ્યાએ ઇઝરાયેલ પર બે વર્ષ રાજ કર્યું. 

૫૩ તેણે બઆલને નમન કરીને એની ભક્તિ કરવાનું ચાલુ રાખ્યું.+ તેના પિતાની જેમ તે પણ ઇઝરાયેલના ઈશ્વર યહોવાને કોપાયમાન કરતો રહ્યો.+

૨૧ યેહૂએ ઇઝરાયેલના ખૂણે ખૂણે ઢંઢેરો પિટાવ્યો. બઆલના બધા ભક્તો આવ્યા, એકેય બાકી રહ્યો નહિ. તેઓ બઆલના મંદિરમાં ભેગા થયા+ અને એ ખીચોખીચ ભરાઈ ગયું. 

૪ રાજાએ પ્રમુખ યાજક હિલ્કિયાને,+ બીજા યાજકોને અને દરવાનોને હુકમ કર્યો: યહોવાના મંદિરમાંથી એ બધી વસ્તુઓ બહાર કાઢી લાવો, જે બઆલની અને ભક્તિ-થાંભલાની+ પૂજા કરવા તેમજ આકાશમાં જે કંઈ છે એ બધાની* પૂજા કરવા વપરાય છે. તેણે એ બધી વસ્તુઓ યરૂશાલેમ બહાર કિદ્રોનના ઢોળાવો પર બાળી નાખી અને એની રાખ બેથેલ લઈ ગયો.+ ૫ યોશિયાએ બીજા દેવોની પૂજા કરતા યાજકોને કાઢી મૂક્યા, જેઓને યહૂદાના રાજાઓએ રાખ્યા હતા. એ યાજકો યહૂદા અને યરૂશાલેમની આસપાસનાં શહેરોમાં ભક્તિ-સ્થળોએ આગમાં બલિદાનો ચઢાવતા હતા. તેણે એવા લોકોને પણ કાઢી મૂક્યા, જેઓ બઆલને, સૂર્ય-ચંદ્રને, રાશિનાં નક્ષત્રોને અને આકાશમાં જે કંઈ છે એ બધાને આગમાં બલિદાનો ચઢાવતા હતા.+