યશાયા

૫૫ હે તરસ્યા લોકો,+ પાણી પીવા આવો!+

પૈસા ન હોય તોપણ આવો, ખાવાનું લો અને ખાઓ!

મારી પાસે આવો, દ્રાક્ષદારૂ અને દૂધ+ મફત લઈ જાઓ!+

 ૨ જે ખાવાથી પેટ ભરાતું નથી એના માટે તમે શું કામ પૈસા ખર્ચો છો?

જેનાથી સંતોષ મળતો નથી, એમાં શું કામ તમારી કમાણી* ઉડાવો છો?

 ૩ કાન દઈને સાંભળો અને મારી પાસે આવો.+

મારું સાંભળો અને જીવતા રહો.

હું ચોક્કસ તમારી સાથે કાયમનો કરાર કરીશ.+

મને દાઉદ પર અતૂટ પ્રેમ હોવાથી, મેં જે વચનો આપ્યાં હતાં એ પ્રમાણે કરીશ. એ વચનો ભરોસાપાત્ર* છે.+

 ૫ તું* એ પ્રજાને બોલાવશે, જેને તું જાણતો નથી.

પ્રજામાંથી જેઓ તને જાણતા નથી, એ લોકો તારી પાસે દોડી આવશે.

 ૬ યહોવા મળી શકે એમ છે ત્યાં સુધી તેમની પાસે પાછા ફરો.+

તે પાસે છે ત્યાં સુધી તેમને પોકારો.+

તે યહોવા પાસે પાછો ફરે, જે દયા બતાવશે.+

તે આપણા ઈશ્વર પાસે પાછો ફરે, કેમ કે તે દિલથી માફ કરશે.*+

મારા માર્ગો ને તમારા માર્ગો વચ્ચે આભ-જમીનનો ફરક છે.+

૧૦ આકાશમાંથી વરસાદ અને બરફ પડે છે. એ કંઈ આમ જ પાછા ફરતા નથી.

એ ધરતીને સિંચે છે અને અનાજ ઉગાડે છે.

એ વાવનારને બી અને ખાનારને રોટલી આપે છે.

એ મારા દિલની ઇચ્છા જરૂર પૂરી કરશે.+

મારા કહેવા પ્રમાણે ચોક્કસ થશે, મારું વચન જરૂર પૂરું થશે.

પર્વતો અને ડુંગરો તમારી આગળ આનંદનો પોકાર કરતા ઝૂમી ઊઠશે.+

બધાં વૃક્ષો ખુશીથી તાળી પાડશે.+

૧૩ ઝાડી-ઝાંખરાંને બદલે ગંધતરુનાં* વૃક્ષો ઊગશે.+

કુવેચને* બદલે મેંદી ઊગી નીકળશે.

એનાથી યહોવાનું નામ મહાન થશે.+

હંમેશ માટેની એ નિશાનીનો કદી નાશ થશે નહિ.”