અયૂબ

 ૨ “હું બોલું ત્યાં સુધી થોડી ધીરજ રાખો,

કેમ કે મારે ઈશ્વરના પક્ષમાં હજી કંઈક કહેવું છે.

 ૩ હું જે જાણું છું, એ વિશે તમને વિસ્તારથી જણાવીશ,

હું જાહેર કરીશ કે મારા રચનાર કેટલા ન્યાયી છે!+

 ૪ મારું માનો, મારા શબ્દો ખોટા નથી;

એ શબ્દો તો એમની પાસેથી છે, જે બધું જાણે છે.+

 ૫ સાચે જ, ઈશ્વર પરાક્રમી છે,+ તે કોઈનો નકાર કરતા નથી;

તેમની સમજણનો કોઈ પાર નથી.

 ૬ તે દુષ્ટોનું રક્ષણ કરશે નહિ,+

પણ લાચાર લોકોને ન્યાય આપશે.+

 ૭ તે નેક લોકો પરથી પોતાની નજર હટાવતા નથી;+

તે તેઓને રાજાઓ સાથે બેસાડે છે*+ અને હંમેશાં ઉચ્ચ પદે રાખે છે.

 ૮ પણ જો તેઓને બેડીઓ પહેરાવવામાં આવે,

અને દુઃખનાં દોરડાંથી બાંધવામાં આવે,

 ૯ તો તે તેઓને જણાવે છે કે તેઓએ કઈ ભૂલ કરી છે,

અને ઘમંડમાં આવીને કયો અપરાધ કર્યો છે.

૧૦ તે તેઓના કાન ઉઘાડે છે, જેથી તેઓ ઠપકો સાંભળે,

તે તેઓને આજ્ઞા કરે છે, જેથી તેઓ દુષ્ટ માર્ગથી પાછા ફરે.+

૧૧ જો તેઓ તેમનું સાંભળે અને તેમની ઉપાસના કરે,

તો તેઓના દિવસો સમૃદ્ધિમાં પસાર થશે

અને તેઓનાં વર્ષો સુખચેનમાં વીતશે.+

૧૨ પણ જો તેઓ ન માને, તો તલવારથી* માર્યા જશે,+

અને અજ્ઞાન હાલતમાં મરી જશે.

૧૪ તેઓ નીચ પુરુષો* સાથે જીવન વિતાવે છે,*+

અને ભરયુવાનીમાં જ માર્યા જાય છે.+

૧૫ પણ ઈશ્વર* દીન-દુખિયાને તેઓની વિપત્તિ દરમિયાન બચાવે છે,

તેઓ જુલમ સહેતા હોય ત્યારે, તે તેઓ સાથે વાત કરે છે.*

૧૬ હે અયૂબ, ઈશ્વર તમને મુસીબતના મોંમાંથી બહાર કાઢશે,+

જ્યાં કોઈ બંધન નથી એવી ખુલ્લી જગ્યાએ લાવશે,+

તમારી મેજ પર સ્વાદિષ્ટ ભોજન પીરસીને તે તમને દિલાસો આપશે.+

૧૭ જ્યારે દુષ્ટોને સજા થશે અને સાચો ન્યાય તોળવામાં આવશે,

ત્યારે દુષ્ટોને સંભળાવેલા ન્યાયચુકાદાથી તમને સંતોષ મળશે.+

૧૮ પણ ધ્યાન રાખજો, ગુસ્સો તમને ખરાબ કામ* તરફ લઈ ન જાય,+

અને લાંચ તમને અવળે માર્ગે દોરી ન જાય.

૧૯ નહિતર, મદદ માટે તમે ગમે એટલી બૂમો પાડશો,

ગમે એટલા ધમપછાડા કરશો, પણ મુસીબતથી બચી નહિ શકો.+

૨૦ તમે રાતની રાહ ન જોતા,

જ્યારે લોકો પોતપોતાનાં બિછાનાં પર જાય છે.

૨૧ સાવધ રહેજો કે તમે ભૂંડાઈ તરફ આગળ ન વધો,

દુઃખ સહન કરવાને બદલે દુષ્ટતા પસંદ ન કરો.+

૨૨ જુઓ! ઈશ્વરની શક્તિ અપાર છે;

તેમના જેવો બીજો શિક્ષક કોણ છે?

૨૪ તેમનાં કામોના ગુણગાન ગાવાનું ન ભૂલતા,+

જે વિશે માણસોએ પણ સ્તોત્રો ગાયાં છે.+

૨૫ આખી માણસજાતે એ કામો જોયાં છે,

નાશવંત માણસ એને દૂરથી નિહાળે છે.

૨૬ હા, ઈશ્વરની મહાનતા આપણી સમજ બહાર છે;+

તેમનાં વર્ષો ગણ્યાં ગણાય નહિ એટલાં છે.*+

૨૭ તે પાણીનાં ટીપાંને ઉપર ખેંચી લે છે,+

એ ઠરીને ધુમ્મસ અને વરસાદ બને છે.

૨૮ પછી વાદળ એને નીચે ઠાલવે છે+

અને મનુષ્યો પર વરસાદ વરસાવે છે.

૩૦ જુઓ! તે અજબ રીતે વાદળોમાં વીજળી* ચમકાવે છે,+

અને સાગરોનાં ઊંડાણ ઢાંકી દે છે.

૩૧ એનાથી તે લોકોને નિભાવી રાખે છે*

અને તેઓને ભરપૂર ખોરાક આપે છે.+

૩૨ તે પોતાની હથેળીમાં વીજળીને છુપાવે છે,

અને એને ધારેલા નિશાન પર ફેંકે છે.+

૩૩ વાદળોનો ગડગડાટ તેમની હાજરી વિશે જણાવે છે,

અરે, કોણ* આવી રહ્યું છે એ વિશે પશુઓ પણ કહે છે.