સફાન્યા

 ૪ હું યરૂશાલેમના સર્વ રહેવાસીઓ વિરુદ્ધ

અને યહૂદા વિરુદ્ધ મારો હાથ ઉગામીશ.

 ૫ જેઓ ધાબા પર જઈને આકાશના સૈન્ય આગળ નમે છે,+

જેઓ યહોવાને નમન કરે છે અને તેમને વફાદાર રહેવાના સમ ખાય છે,+

સાથે સાથે માલ્કામને* પણ વફાદાર રહેવાના સમ ખાય છે,+

એ સર્વને હું જડમૂળથી ઉખેડી નાખીશ.

 ૬ જેઓ યહોવાના માર્ગોથી ફંટાઈ ગયા છે,+

જેઓ યહોવા પાસે પાછા ફરતા નથી કે તેમની સલાહ લેતા નથી,+

તેઓના પણ હું એવા જ હાલ કરીશ.”

 ૮ “હું યહોવા, બલિદાન ચઢાવીશ એ દિવસે

અધિકારીઓ પાસે, રાજાના દીકરાઓ+ પાસે

અને બીજી પ્રજાઓ જેવો પહેરવેશ અપનાવે છે,

એ સર્વ પાસે હિસાબ માંગીશ.

 ૯ એ દિવસે હું એ બધા પાસે હિસાબ માંગીશ,

જેઓ મંચ* પર ચઢે છે,

જેઓ હિંસા અને કપટ કરીને પોતાના માલિકનું ઘર ભરે છે.”

૧૦ યહોવા એલાન કરે છે,

“એ દિવસે માછલી દરવાજેથી+ રડારોળ સંભળાશે,

શહેરના નવા વિસ્તારમાંથી વિલાપ સંભળાશે+

અને ડુંગરોમાંથી મોટા ધડાકા કાને પડશે.

૧૧ હે માખ્તેશના* રહેવાસીઓ, તમે પોક મૂકીને રડો,

કેમ કે તમારા વેપારીઓનો નાશ થયો છે*

અને ચાંદી તોળી આપનારાઓનો નાશ થયો છે.

તેઓ ઘરો બાંધશે, પણ એમાં રહી શકશે નહિ,

તેઓ દ્રાક્ષાવાડીઓ રોપશે, પણ એનો દ્રાક્ષદારૂ પી શકશે નહિ.+

૧૫ એ દિવસ કોપનો દિવસ છે,+

એ મુસીબત અને વેદનાનો દિવસ છે,+

એ વાવાઝોડા અને વિનાશનો દિવસ છે,

એ અંધકારનો, ઘોર અંધકારનો દિવસ છે,+

એ ઘનઘોર વાદળોનો દિવસ છે,+

૧૬ એ કોટવાળાં શહેરો અને ખૂણાના ઊંચા મિનારા વિરુદ્ધ+

રણશિંગડું વગાડવાનો અને યુદ્ધનો પોકાર કરવાનો દિવસ છે.+

૧૭ હું લોકો પર આફત લાવીશ

અને તેઓ આંધળા માણસની જેમ ભટકશે,+

કેમ કે તેઓએ યહોવા વિરુદ્ધ પાપ કર્યું છે.+

તેઓનું લોહી ધૂળની જેમ

અને તેઓનું માંસ* છાણની જેમ પડી રહેશે.+

૧૮ યહોવાના કોપના દિવસે તેઓનું સોનું કે ચાંદી તેઓને બચાવી શકશે નહિ,+

તેમના ક્રોધની જ્વાળાથી આખી પૃથ્વી ભસ્મ થઈ જશે,+

કેમ કે તે પૃથ્વીના સર્વ રહેવાસીઓનો સંહાર કરશે, હા, ભયંકર રીતે તેઓનો સંહાર કરશે.”+