ઝખાર્યા

“યહોવાનો સંદેશો હાદ્રાખ દેશ વિરુદ્ધ છે,

દમસ્ક એના નિશાના પર છે,*+

કેમ કે યહોવાની આંખો માણસો પર+

અને ઇઝરાયેલનાં બધાં કુળો પર છે.

 ૨ એ સંદેશો તેની સરહદે આવેલા હમાથ વિરુદ્ધ છે,+

તૂર+ અને સિદોન વિરુદ્ધ પણ છે,+ જેઓ પોતાને બહુ શાણા સમજે છે.+

તેણે ધૂળની જેમ ચાંદીના ઢગલે-ઢગલા કર્યા છે,

અને રસ્તાની માટીની જેમ સોનું ભેગું કર્યું છે.+

 ૪ જુઓ! યહોવા તેની બધી સંપત્તિ લૂંટી લેશે,

તેની સેનાને સમુદ્રમાં* મારી નાખશે.+

 ૫ એ જોઈને આશ્કલોન ગભરાઈ જશે,

ગાઝા ચિંતામાં ડૂબી જશે,

એક્રોન દુઃખી દુઃખી થઈ જશે, કેમ કે તેની આશા નિરાશામાં ફેરવાઈ ગઈ હશે.

ગાઝામાંથી રાજાનો નાશ થશે

અને આશ્કલોનમાં કોઈ રહેશે નહિ.+

 ૭ હું તેના* મોંમાંથી લોહી દૂર કરીશ,

તેના દાંતમાંથી ધિક્કારપાત્ર ખોરાક કાઢી નાખીશ,

તેના બચી ગયેલા લોકો ઈશ્વરના થશે,

તે યહૂદામાં શેખ* બનશે,+

એક્રોનના લોકો યબૂસીઓ જેવા થશે.+

 ૮ હું છાવણી નાખીને મારા ઘરની ચોકી કરીશ,+

જેથી કોઈ આવજા ન કરે અને ફરી કોઈ જુલમી* ત્યાંથી પસાર ન થાય,+

કેમ કે મારી આંખોએ એ* જોયું છે.

તે નેક* છે અને ઉદ્ધાર લાવે છે,*

તે નમ્ર છે+ અને ગધેડા પર સવારી કરે છે,

તે ખોલકા પર, હા, ગધેડીના બચ્ચા પર બેસીને આવે છે.+

૧૦ હું એફ્રાઈમમાંથી યુદ્ધના રથો

અને યરૂશાલેમમાંથી ઘોડાઓ લઈ લઈશ.

તેની સત્તા સમુદ્રથી સમુદ્ર સુધી,

અને નદીથી* લઈને પૃથ્વીના છેડા સુધી હશે.+

આજે હું તને કહું છું,

‘હે સ્ત્રી, હું તને બમણો આશીર્વાદ આપીશ.+

૧૩ કેમ કે હું યહૂદાને વાળીને એને મારું ધનુષ્ય બનાવીશ,

અને એફ્રાઈમને એ ધનુષ્ય પર ચઢાવીશ.*

હે સિયોન, હું તારા દીકરાઓને

ગ્રીસના દીકરાઓ વિરુદ્ધ ઉશ્કેરીશ.

૧૪ યહોવા સાબિત કરશે કે તે પોતાના લોકોની સાથે છે,

તેમનું તીર વીજળીવેગે આગળ વધશે.

વિશ્વના માલિક* યહોવા રણશિંગડું વગાડશે+

અને દક્ષિણથી ફૂંકાતા તોફાનની જેમ તે દુશ્મનો પર ધસી આવશે.

૧૫ સૈન્યોના ઈશ્વર યહોવા પોતાના લોકોનું રક્ષણ કરશે,

દુશ્મનો ગોફણથી હુમલો કરશે, પણ તેઓ દુશ્મનોને હરાવી દેશે.+

૧૬ જેમ ઘેટાંપાળક પોતાનાં ઘેટાંને બચાવે છે,+

તેમ એ દિવસે તેઓના ઈશ્વર યહોવા પોતાના લોકોને બચાવશે,

મુગટનાં રત્નોની જેમ તેઓ તેમના દેશમાં ચમકશે.+

અનાજ યુવાનોને મજબૂત કરશે

અને નવો દ્રાક્ષદારૂ યુવતીઓને નિખારશે.”+