યશાયા

૫૪ યહોવા કહે છે, “હે વાંઝણી સ્ત્રી, જેણે બાળકને જન્મ આપ્યો નથી, તું ખુશીથી પોકારી ઊઠ!+

જેણે કદી બાળકને જન્મ આપવાની પીડા સહી નથી,+ તું આનંદથી ઝૂમી ઊઠ અને હર્ષથી પોકારી ઊઠ.+

 ૨ તારા તંબુની જગ્યા વિશાળ બનાવ.+

તારા મોટા મંડપનું* કાપડ ફેલાવ.

અચકાઈશ નહિ, તારા તંબુનાં દોરડાં લાંબાં કર.

તારા તંબુના ખીલા મજબૂત કર.+

 ૩ તું જમણી અને ડાબી બાજુ ફેલાઈ જઈશ.

તારાં બાળકો પ્રજાઓને કબજે કરી લેશે.

તેઓ ઉજ્જડ શહેરોમાં જઈને રહેશે.+

 ૪ ગભરાઈશ નહિ,+ તારે શરમાવું નહિ પડે.+

અપમાન થાય તોપણ તું નીચું ન જો, તારે નિરાશ થવું નહિ પડે.

તારી યુવાનીની બદનામી તું ભૂલી જઈશ.

વિધવા હોવાનું અપમાન હવે તને યાદ નહિ આવે.”

ઇઝરાયેલનો પવિત્ર ઈશ્વર તને છોડાવનાર છે.+

તે આખી ધરતીનો ઈશ્વર કહેવાશે.+

 ૮ મેં રોષે ભરાઈને પળભર માટે મારું મોં તારાથી ફેરવી લીધું હતું.+

પણ હવે હું તારા પર દયા રાખીશ, કેમ કે મારો અતૂટ પ્રેમ કાયમ ટકે છે,”+ તારા છોડાવનાર+ યહોવા એમ કહે છે.

 ૯ “આ મારા માટે નૂહના દિવસો જેવું છે.+

નૂહના સમયમાં મેં સમ ખાધા હતા કે પૂરના પાણી ફરી કદી પૃથ્વીને ઢાંકી નહિ દે.+

એ જ રીતે હું સમ ખાઉં છું કે તારા પર ક્યારેય રોષે ભરાઈશ નહિ કે તને ઠપકો આપીશ નહિ.+

મારો શાંતિનો કરાર કાયમ ટકશે,”+ તારા પર દયા રાખનાર ઈશ્વર યહોવા એમ કહે છે.+

૧૨ હું તારી દીવાલો માણેકની બનાવીશ.

૧૩ તારા બધા દીકરાઓને* યહોવા શીખવશે.+

તારા દીકરાઓની શાંતિનો કોઈ પાર નહિ રહે.+

૧૪ તને સચ્ચાઈમાં અડગ રીતે દૃઢ કરવામાં આવશે.+

તારા પર કોઈ જુલમ નહિ થાય.+

તને કશાની બીક નહિ લાગે અને તારે કશાથી ગભરાવું નહિ પડે.

ડર તારી પાસે ફરકશે પણ નહિ.+

જે કોઈ તારા પર હુમલો કરશે, એ ચોક્કસ હારશે.”+

૧૬ “જુઓ, મેં પોતે કારીગરને બનાવ્યો છે.

મેં જ વિનાશ કરનાર માણસને ઘડ્યો છે, જે સંહાર કરે છે.+

૧૭ તારી વિરુદ્ધ ઘડેલું એક પણ હથિયાર સફળ થશે નહિ.+

ન્યાયચુકાદા વખતે જે જીભ તારી વિરુદ્ધ ઊઠશે, એને તું દોષિત ઠરાવશે.