Samuela Iharuana

6 Davida ese Israela ai tuari diba momo tatau ibounai 30,000 ma ia haboua. 2 Bena Davida bona ia ida idia noho tatau ibounai be Bala-iuda dekenai idia lao, unuseni amo Dirava momokanina ena Maua idia mailaia totona,+ guna unai Maua ena vairanai taunimanima ese tuari oreadia edia Iehova* ena ladanai idia boiboi,+ ia be kerubi rua edia ataiai* ia helai.+ 3 Vadaeni idia ese Dirava momokanina ena Maua be treila matamata latanai idia atoa,+ Abinadaba ena ruma amo idia abia lao totona,+ Abinadaba ena ruma be ororo ai ia noho. Bona iena natudia memero, Usa bona Ahio, be treila matamata vairanai idia raka.

4 Vadaeni idia ese Dirava momokanina ena Maua be Abinadaba ena ruma, unai be ororo ai ia noho, amo idia abia lao, bona Ahio be Maua ena vairanai ia raka. 5 Davida bona Israela besena ibounai be Iehova ena vairanai idia moale, bona Iunipa au amo idia karaia miusiki gaudia idauidau, hap,* miusiki gaudia ma haida mai edia varo,+ tambarin,+ miusiki gaudia ma haida, bona simbol* idia gadaralaia.+ 6 To Nakono ena witi moia gabuna ai idia ginidae neganai, Usa ese ena imana amo Dirava momokanina ena Maua ia dogoatao,+ badina boromakau ese kahirakahira treila idia hagiroa. 7 Unai neganai Iehova ena badu mai siahuna be Usa latanai ia diho, bona Dirava momokanina ese unuseniai ia hamasea,+ badina ia ese Dirava ena taravatu ia matauraia lasi,+ bona Dirava momokanina ena Maua kahirakahira ia mase. 8 To Davida ia badu,* badina Iehova ena badu be Usa latanai ia diho, bona unai gabu ena ladana idia hatoa Perese-usa ema bona hari. 9 Vadaeni unai dina ai Davida be Iehova dekenai ia gari+ bona ia gwau: “Iehova ena Maua be edena bamona lau dekenai do idia abia mai?”+ 10 Davida ia ura lasi Iehova ena Maua be ia noho gabuna, Davida Ena Siti dekenai ia mailaia.+ Unai dainai Davida ese Gata tauna Obeda-edoma ena ruma dekenai ia abia lao.+

11 Hua toi lalonai Iehova ena Maua be Gata tauna Obeda-edoma ena ruma dekenai ia noho, bona Iehova ese Obeda-edoma bona ena ruma bese ia hanamoa noho.+ 12 Haida ese King Davida idia hamaoroa, idia gwau: “Dirava momokanina ena Maua be Obeda-edoma ida ia noho dainai, Iehova ese iena bese bona ia biagua gaudia ibounai ia hanamoa.” Vadaeni Davida ia lao bona Obeda-edoma ena ruma amo Dirava momokanina ena Maua ia abia bona mai moale ida Davida Ena Siti dekenai ia mailaia.+ 13 Iehova ena Maua huaia taudia+ idia raka matamaia bona aena maka namba 6 dekenai Davida ese boromakau tau bona tauanina badana animal ta ia bouboulaia.

14 Davida be Iehova ena vairanai ia mavaru, mai goada ibounai ida, unai negai ia ese epodi* dabua ia kwatua.+ 15 Davida bona Israela bese ibounai be mai moale ida idia boiboi+ bona mai kibi regena ida+ Iehova ena Maua+ idia abia daekau mai. 16 To Iehova ena Maua be Davida Ena Siti dekenai idia abia vareai neganai, Saulo ena natuna Mikala+ be ruma ena windo amo ia itaia King Davida be Iehova ena vairanai ia roho isi bona ia mavaru. Bona ena kudouna ai Davida ia lalodika henia matamaia.+ 17 Vadaeni idia ese Iehova ena Maua be Davida ese ia haginia palai rumana lalonai idia abia vareai, bona ena gabu ai idia atoa.+ Bena Davida ese Iehova ena vairanai+ gabua bouboudia+ bona maino karaia bouboudia ia henia.+ 18 Davida ese gabua bouboudia bona maino karaia bouboudia ia henia ore murinai, ia ese tuari oreadia edia Iehova ena ladana ai taunimanima ia hanamoa. 19 Danu, ia ese Israela taudia ibounai, tatau bona hahine, dekenai rini bamona paraoa, pama huahua keke, bona greips kaukau keke ia henidia, bona taunimanima ibounai be edia ruma ta ta dekenai idia lao.

20 Davida be ena ruma bese hanamoa totona ia giroa lou neganai, Saulo ena natuna Mikala+ ia raka-lasi Davida ia hedavari henia totona. Ia gwau: “Israela ena king be sibona ia hahemaraia, badina hari dina ia be ena hesiai taudia edia igui hesiai kekenidia edia vairanai ena ataiai dabua ia kokia, kavakava tauna ese sibona ena dabua ia kokia bamona!”+ 21 Unai negai Davida be Mikala dekenai ia gwau: “Lau be Iehova totona lau moale, ia ese lau ia abia hidi, Iehova ena taunimanima, Israela taudia lau gunalaia totona, to oiemu tamana bona ena ruma bese taudia ibounai ia abia hidi lasi.+ Unai dainai, Iehova ena vairanai do lau moale, 22 bona lau be sibona do lau hamanaua bona ladana bada lasi tauna bamona do lau noho. To oi gwauraia hesiai kekenidia ese lau do idia hanamoa.” 23 Vadaeni Saulo ena natuna Mikala+ be natudia ia havaraia lasi ela bona ena mase dinana.