Sofoni
3 Malè pou vil ki rebèl la, vil ki kontamine a, vil k ap toupizi moun ki ladan l yo+!
2 Li pa t vle koute+ e li pa t aksepte disiplin+.
Li pa t met konfyans li nan Jewova+ e li pa t pwoche bò kote Bondye l la+.
3 Chèf ki ladan l yo se lyon k ap gwonde+.
Jij li yo se lou k ap chase lannuit.
Yo pa kite menm yon zo pou yo kraze nan demen maten.
4 Pwofèt li yo awogan, yo se moun ki trèt+.
Prèt li yo pa gen respè pou bagay ki sakre+.
Yo pa respekte lalwa+.
5 Jewova dwat e li ret nan vil la+, li pa fè okenn bagay ki mal.
Maten apre maten, li fè yo konnen desizyon l yo+,
Menm jan ak douvanjou ki toujou parèt.
Men, moun ki pa dwat yo pa konn wont+.
6 “Mwen te detwi nasyon yo. Fòtrès yo genyen nan kwen miray yo te ret vid.
Mwen te demantibile wout yo genyen yo, konsa pèsonn pa t pase ladan yo.
Vil yo te tounen yon pakèt dekonm, san pa gen yon moun ladan yo, san okenn moun pa ret ladan yo+.
7 Mwen te di moun nan vil la: ‘San mank, n ap gen lakrentif pou mwen e n ap aksepte disiplin*+’,
Yon fason pou kote yo rete a pa detwi+.
Anfèt, mwen dwe mande l regleman* pou tout bagay sa yo.
Men, yo pi chofe toujou pou yo fè sa ki mal+.
8 Men sa Jewova di: ‘Se poutèt sa, kontinye ret tann mwen*+,
Jiskaske jou a rive pou m leve pou m pran tout sa m jwenn*.
Paske, mwen pran desizyon pou m rasanble nasyon yo ak wayòm yo,
Pou m lage kòlè m sou yo, tout kòlè m nèt+.
Paske, kòlè m tankou yon dife e li pral kankannen tout tè a+.
9 Paske, lè sa a, m ap fè pèp yo pale yon lang ki pwòp,
Pou yo tout ka louwe non m, ki se Jewova,
10 “Moun k ap sipliye m yo, moun nan pèp mwen an ki gaye yo,
Ap sot nan zòn rivyè ki nan peyi Etyopi yo pou yo pote yon ofrann pou mwen+.
11 Jou sa a, yo pap fè nou wont
Malgre tout aksyon nou te fè pou nou fè rebèl avè m yo+.
Paske, lè sa a m ap retire moun ki gen ògèy e k ap fè grandizè yo nan mitan nou,
E nou pap janm gen ògèy ankò nan mòn mwen an ki sakre+.
12 M ap kite yon pèp ki gen imilite e ki pa awogan rete nan mitan nou+,
E y ap jwenn pwoteksyon nan non m, ki se Jewova.
13 Rès moun ki nan pèp Izrayèl la+ pap fè sa ki pa bon+,
Yo pap bay manti, ni yo pap twonpe moun ak lang nan bouch yo.
Yo pral manje e yo pral kouche, e pa gen pèsonn k ap vin fè yo pè+.”
14 Nou menm moun Siyon, se pou n rele tèlman n kontan!
Nou menm moun Izrayèl, se pou n rele, se pou n fè fèt+!
Nou menm moun Jerizalèm yo, se pou nou gen kè kontan e se pou nou kontan ak tout kè nou+!
15 Jewova retire nou nan pinisyon* nou te ye a+.
Li fè ènmi nou an ale+.
Jewova, Wa Izrayèl la, nan mitan nou+.
Nou pap pè malè ankò+.
17 Jewova, Bondye nou an, nan mitan nou+.
Piske li se Sila a ki gen pisans lan, l ap sove nou.
L ap kontan anpil pou nou+.
Lanmou li gen pou nou ap fè l santi l byen.
L ap kontan pou nou e l ap rele tèlman l kontan.
18 M ap rasanble moun ki tris poutèt yo pa t la nan fèt nou yo+,
Yo pa t la avèk nou paske yo te nan lawont ann egzil+.