Սաղմոսներ

145 Կմեծարեմ քեզ, ո՛վ իմ Աստված, իմ Թագավո՛ր,+

Քո անունը կգովերգեմ հավիտյան, դարեդար:+

 2 Ամբողջ օրը քեզ փառք կտամ,+

Քո անունը կգովերգեմ հավիտյան, դարեդար:+

 3 Մեծ է Եհովան և արժանի ամենայն գովաբանության,+

Չենք կարող ըմբռնել չափը նրա մեծության:+

 4 Սերնդեսերունդ մարդիկ քո արածները կգովաբանեն,

Քո զորավոր գործերի մասին կպատմեն:+

 5 Նրանք քո մեծափառ վայելչության մասին կխոսեն,+

Եվ ես քո զարմանահրաշ գործերի շուրջ կխորհրդածեմ:

 6 Նրանք ակնածանք ներշնչող գործերիդ* մասին կխոսեն,

Եվ ես քո մեծության մասին կհռչակեմ:

 7 Նրանք քո անսահման բարության շուրջ կխորհեն,

Եվ նրանց բերանից գովաբանության խոսքեր կբխեն:+

 8 Եհովան կարեկից ու գթառատ է,+

Շուտ չի բարկանում և հավատարիմ սիրով լի է:+

 9 Եհովան բոլորին բարությամբ* է վերաբերվում,+

Նրա գթասրտությունը ակներև է իր բոլոր գործերում:

10 Ո՛վ Եհովա, քո բոլոր գործերը քեզ փառք կբերեն,+

Քեզ նվիրվածները քո գովքը կերգեն:+

11 Քո թագավորության փառքի մասին կհռչակեն+

Եվ քո հզորության մասին կխոսեն,+

ל [Լամեդ]

12 Որ մարդկանց հայտնի դարձնեն քո հզոր գործերը+

Եվ քո թագավորության վեհաշուք փառքը:+

13 Հավերժական թագավորություն է քո թագավորությունը,

Սերնդեսերունդ շարունակվում է քո իշխանությունը:+

14 Եհովան աջակցում է բոլոր նրանց, ովքեր ուր որ է կընկնեն,+

Վեր է բարձրացնում բոլոր նրանց, ովքեր վհատությունից կռացած են:+

15 Բոլորի աչքերը հույսով լի նայում են քո ձեռքին,

Դու նրանց ուտելիք ես տալիս ճիշտ ժամանակին:+

16 Դու ձեռքդ բաց ես անում

Եվ ամեն կենդանի արարածի փափագը գոհացնում:+

17 Եհովան միշտ արդարությամբ է վարվում+

Եվ վստահարժան* է իր բոլոր գործերում:+

18 Եհովան մոտ է բոլոր նրանց, ովքեր իրեն են կանչում,+

Ովքեր անկեղծորեն* են իրեն աղոթում:+

19 Նա իրենից վախեցողների փափագը գոհացնում է,+

Լսում է նրանց օգնության աղաղակն ու նրանց փրկում է:+

20 Բոլոր իրեն սիրողներին Եհովան պահպանում է,+

Իսկ բոլոր անօրեններին նա վերացնելու է:+