ಯೋಹಾನನಿಗೆ ಕೊಟ್ಟ ಪ್ರಕಟನೆ

6 ಕುರಿಮರಿ+ ಆ ಏಳು ಮುದ್ರೆಯಲ್ಲಿ ಒಂದು ಮುದ್ರೆ ತೆಗೆಯೋದನ್ನ ನಾನು ನೋಡ್ದೆ.+ ಆಗ ನಾಲ್ಕು ಜೀವಿಗಳಲ್ಲಿ ಒಂದು ಜೀವಿ+ ಗುಡುಗಿನ ಹಾಗೆ ಜೋರಾಗಿ “ಬಾ!” ಅನ್ನೋದನ್ನ ಕೇಳಿಸ್ಕೊಂಡೆ. 2 ನಾನು ನೋಡಿದಾಗ ಒಂದು ಬಿಳಿ ಕುದುರೆ+ ಕಾಣಿಸ್ತು. ಅದ್ರ ಮೇಲೆ ಕೂತಿದ್ದವನ ಕೈಯಲ್ಲಿ ಒಂದು ಬಿಲ್ಲಿತ್ತು. ದೇವರು ಅವನಿಗೆ ಒಂದು ಕಿರೀಟ ಕೊಟ್ಟನು.+ ಅವನು ಶತ್ರುಗಳನ್ನ ಸೋಲಿಸ್ತಾ ಗೆಲ್ತಾ ಹೋದನು.+

3 ಕುರಿಮರಿ ಎರಡನೇ ಮುದ್ರೆ ತೆಗೆದಾಗ ಎರಡನೇ ಜೀವಿ+ “ಬಾ!” ಅನ್ನೋದನ್ನ ಕೇಳಿಸ್ಕೊಂಡೆ. 4 ಆಗ ಇನ್ನೊಂದು ಕುದುರೆ ಬಂತು. ಅದು ಕೆಂಪಗಿತ್ತು. ಅದ್ರ ಮೇಲೆ ಕೂತಿದ್ದ ವ್ಯಕ್ತಿಗೆ ಭೂಮಿಯಿಂದ ಶಾಂತಿ ತೆಗೆದುಹಾಕೋ ಅನುಮತಿ ಸಿಕ್ತು. ಜನ್ರು ಒಬ್ಬರನ್ನೊಬ್ರು ಸಾಯಿಸಬೇಕಂತ ಈ ಅನುಮತಿ ಸಿಕ್ತು. ಅಷ್ಟೇ ಅಲ್ಲ ಅವನಿಗೆ ಒಂದು ದೊಡ್ಡ ಕತ್ತಿ ಕೊಡಲಾಯ್ತು.+

5 ಕುರಿಮರಿ ಮೂರನೇ ಮುದ್ರೆ+ ತೆಗೆದಾಗ ಮೂರನೇ ಜೀವಿ+ “ಬಾ!” ಅನ್ನೋದನ್ನ ಕೇಳಿಸ್ಕೊಂಡೆ. ನಾನು ನೋಡ್ತಿದ್ದಾಗ ಒಂದು ಕಪ್ಪು ಕುದುರೆ ಬಂತು. ಅದ್ರ ಮೇಲೆ ಕೂತಿದ್ದವನ ಕೈಯಲ್ಲಿ ಒಂದು ತಕ್ಕಡಿ ಇತ್ತು. 6 ಆ ನಾಲ್ಕು ಜೀವಿಗಳ ಮಧ್ಯದಿಂದ ಒಂದು ಧ್ವನಿ ಹೀಗೆ ಹೇಳೋದನ್ನ ನಾನು ಕೇಳಿಸ್ಕೊಂಡೆ: “ಒಂದು ದಿನಾರಿಗೆ*+ ಒಂದು ಕಿಲೋ* ಗೋದಿ. ಒಂದು ದಿನಾರಿಗೆ ಮೂರು ಕಿಲೋ ಬಾರ್ಲಿ. ಆಲೀವ್‌ ಎಣ್ಣೆ, ದ್ರಾಕ್ಷಾಮದ್ಯ ಖಾಲಿಮಾಡಬೇಡ.”+

7 ಕುರಿಮರಿ ನಾಲ್ಕನೇ ಮುದ್ರೆ ತೆಗೆದಾಗ ನಾಲ್ಕನೇ ಜೀವಿ+ “ಬಾ!” ಅನ್ನೋದನ್ನ ಕೇಳಿಸ್ಕೊಂಡೆ. 8 ನಾನು ನೋಡ್ತಿದ್ದಾಗ ಬಿಳಿಚಿಕೊಂಡಿರೋ ಒಂದು ಕುದುರೆ ಕಾಣಿಸ್ತು. ಅದ್ರ ಮೇಲೆ ಕೂತಿದ್ದವನಿಗೆ ಸಾವು ಅನ್ನೋ ಹೆಸ್ರಿತ್ತು. ಸಮಾಧಿ* ಅನ್ನೋನು ಅವನ ಹಿಂದೆಹಿಂದೆ ಹೋಗ್ತಾ ಇದ್ದ. ಕತ್ತಿಯಿಂದ, ಆಹಾರ ಕೊರತೆಯಿಂದ,+ ಪ್ರಾಣ ತೆಗಿಯೋ ಕಾಯಿಲೆಯಿಂದ, ಕಾಡುಪ್ರಾಣಿಗಳಿಂದ ಜನ್ರನ್ನ ಸಾಯಿಸೋಕೆ ಭೂಮಿಯ ನಾಲ್ಕನೇ ಒಂದು ಭಾಗದ ಮೇಲೆ ಅವ್ರಿಗೆ ಅಧಿಕಾರ ಸಿಕ್ತು.+

9 ಕುರಿಮರಿ ಐದನೇ ಮುದ್ರೆ ತೆಗೆದಾಗ ನನಗೆ ಯಜ್ಞವೇದಿಯ+ ಕೆಳಗೆ ಸ್ವಲ್ಪ ಜನ್ರ ರಕ್ತ*+ ಕಾಣಿಸ್ತು. ದೇವರ ಮಾತನ್ನ ಪಾಲಿಸಿದ್ರಿಂದ ಮತ್ತು ಸಿಹಿಸುದ್ದಿ ಸಾರಿದ್ರಿಂದ ಅವ್ರನ್ನ ಕೊಂದಿದ್ರು.+ 10 ಅವರು ಜೋರಾಗಿ ಹೀಗೆ ಕಿರಿಚ್ತಾ ಇದ್ರು: “ವಿಶ್ವದ ರಾಜನೇ, ಪವಿತ್ರನೇ, ಸತ್ಯವಂತನೇ+ ಎಷ್ಟು ದಿನ ಅಂತ ನೀನು ಹೀಗೇ ನೋಡ್ತಾ ನ್ಯಾಯತೀರಿಸದೆ ಸುಮ್ಮನೆ ಇರ್ತಿಯಾ? ನಮ್ಮ ರಕ್ತ ಸುರಿಸಿದವ್ರ ವಿರುದ್ಧ ಯಾವಾಗ ಸೇಡು ತೀರಿಸ್ಕೊಳ್ತೀಯಾ?”+ 11 ಬಲಿ ಆದವ್ರಲ್ಲಿ ಒಬ್ಬೊಬ್ರಿಗೂ ಹಾಕೊಳ್ಳೋಕೆ ಒಡೆಯ ಒಂದೊಂದು ಬಿಳಿ ಬಟ್ಟೆ ಕೊಟ್ಟನು.+ ಆಮೇಲೆ ಅವ್ರಿಗೆ ಸ್ವಲ್ಪ ಸಮಯ ಕಾಯೋಕೆ ಹೇಳಿದನು. ಯಾಕಂದ್ರೆ ಅವ್ರ ತರಾನೇ, ಭವಿಷ್ಯದಲ್ಲಿ ಸಾಯ್ತಿದ್ದ ಜೊತೆ ಸೇವಕರ, ಸಹೋದರರ ಸಂಖ್ಯೆ ಪೂರ್ತಿ ಆಗಬೇಕಿತ್ತು.+

12 ಕುರಿಮರಿ ಆರನೇ ಮುದ್ರೆ ತೆಗೆಯೋದನ್ನ ನಾನು ನೋಡ್ದೆ. ಆಗ ಒಂದು ದೊಡ್ಡ ಭೂಕಂಪ ಆಯ್ತು. ಸೂರ್ಯ ಕೂದಲಿಂದ* ಮಾಡಿದ ಕಪ್ಪು ಗೋಣಿಚೀಲದ ತರ ಆದ. ಚಂದ್ರ ರಕ್ತದ ತರ ಕೆಂಪಗಾದ.+ 13 ಜೋರಾಗಿ ಗಾಳಿ ಬೀಸಿದಾಗ ಅಂಜೂರದ ಕಾಯಿಗಳು ಉದುರೋ ಹಾಗೆ ಆಕಾಶದ ನಕ್ಷತ್ರಗಳು ಭೂಮಿಗೆ ಉದುರಿದ್ವು. 14 ಆಕಾಶ ಸುರುಳಿ ತರ ಸುತ್ಕೊಂಡು ಮಾಯ ಆಯ್ತು.+ ಎಲ್ಲ ಬೆಟ್ಟ, ದ್ವೀಪಗಳು ತಮ್ಮತಮ್ಮ ಜಾಗ ಬಿಟ್ಟು ಹೋಗಿಬಿಟ್ವು.+ 15 ಆಮೇಲೆ ಭೂಮಿ ಮೇಲಿದ್ದ ರಾಜರು, ದೊಡ್ಡದೊಡ್ಡ ಅಧಿಕಾರಿಗಳು, ಸೇನಾಪತಿಗಳು, ಶ್ರೀಮಂತರು, ಬಲಿಷ್ಠರು, ದಾಸರು, ಸ್ವತಂತ್ರರಾಗಿದ್ದ ಎಲ್ಲ ಜನ್ರು ಗುಹೆಗಳಲ್ಲಿ, ಬೆಟ್ಟಗಳಲ್ಲಿ, ಬಂಡೆಗಳಲ್ಲಿ ಬಚ್ಚಿಟ್ಕೊಂಡ್ರು.+ 16 ಅವರು ಬೆಟ್ಟಗಳಿಗೆ ಮತ್ತು ಬಂಡೆಗಳಿಗೆ “ನಾವು ಕಾಣಿಸದ ಹಾಗೆ+ ನಮ್ಮನ್ನ ಬಚ್ಚಿಡಿ. ಸಿಂಹಾಸನದ+ ಮೇಲೆ ಕೂತಿರೋ ದೇವರಿಂದ, ಕುರಿಮರಿಯ+ ಕೋಪದಿಂದ ನಮ್ಮನ್ನ ಕಾಪಾಡಿ. 17 ಯಾಕಂದ್ರೆ ಅವರು ಕೋಪ ತೋರಿಸೋ ಮಹಾ ದಿನ ಬಂದಿದೆ.+ ಅದ್ರಿಂದ ಯಾರು ತಪ್ಪಿಸ್ಕೊಳ್ತಾರೆ?”+ ಅಂತ ಹೇಳ್ತಿದ್ರು.