Yisaya
35 Esobe mpe mokili oyo ezangá mai ekosepela,+
Mpe mokili patatalu oyo ekauká ekozala na esengo mpe ekobimisa bafololo lokola safra.+
Bakomona nkembo ya Yehova, lokumu ya Nzambe na biso.
4 Bóyebisa baoyo bazali motema likoló boye:
“Bózala makasi. Bóbanga te.
Talá! Nzambe na bino akoya kozongisa mabe,
Nzambe akoya kopesa etumbu.+
Akoya mpe akobikisa bino.”+
5 Na ntango yango miso ya bato oyo bakufá miso ekofungwama,+
Mpe matoi ya bato oyo bakufá matoi ekofungwama.+
6 Na ntango yango motɛngumi akopumbwa lokola serfe,+
Mpe lolemo ya moto oyo alobaka te ekoganga na esengo.+
Mpo mai ekobima na esobe,
Mpe mikɛli na mokili patatalu oyo ekauká.
7 Mabele oyo ekauká ekokóma etima oyo etondi na matiti,
Mpe mabele oyo ezangá mai ekokóma maziba ya mai.+
Na esika oyo bambwa ya zamba* ezalaki kopema,+
Ekozala na matiti ya mobesu, matiti ya ebale ná papirisi.
Moto ya mbindo akoleka kuna te.+
Yango ezali kaka mpo na bato oyo bapesami nzela ya koleka* kuna;
Bazoba bakoyengayenga kuna te.
9 Nkɔsi moko te ekozala kuna,
Mpe nyama moko te ya zamba oyo elyaka nyama ekoya kuna.
10 Baoyo Yehova asikoli bakozonga+ mpe bakoya na Siona na koganga ya esengo.+
Esengo oyo ezangi nsuka ekozala na mitó na bango.+