97 Yehova akómi Mokonzi!+
Mabele ezala na esengo.+
Ebele ya bisanga esepela.+
2 Mapata mpe molili makasi ezingi ye;+
Boyengebene mpe bosembo ezali moboko ya kiti ya bokonzi na ye.+
3 Mɔtɔ ezali kokende liboso na ye,+
Mpe ezali kozikisa banguna na ye bipai nyonso.+
4 Mikalikali na ye engɛngisi mokili;
Mabele emoni yango mpe elɛngi.+
5 Bangomba ezali konyangwa lokola mafuta liboso ya Yehova,+
Liboso ya Nkolo ya mabele mobimba.
6 Likoló esakoli bosembo na ye,
Mpe bato ya bikólo nyonso bamoni nkembo na ye.+
7 Baoyo nyonso basambelaka ekeko bázala na nsɔni,+
Baoyo bazali komikumisa mpo na banzambe ya mpambampamba.+
Bógumbamela ye, bino banzambe nyonso.+
8 Siona eyoki mpe esepeli;+
Bingumba ya Yuda ezali na esengo
Mpo na bikateli na yo, Ee Yehova.+
9 Mpo yo, Ee Yehova, ozali Oyo-Aleki-Likoló na mabele mobimba;
Omati likoló mingi mpenza koleka banzambe mosusu nyonso.+
10 Ee bino baoyo bolingaka Yehova, bóyina oyo ezali mabe.+
Abatelaka bomoi ya bato na ye ya sembo;+
Abikisaka bango na lobɔkɔ ya bato mabe.+
11 Pole ebimi mpo na bato ya sembo+
Mpe esengo mpo na bato oyo bazali na motema sembo.
12 Bino bato ya sembo, bósepela mpo na Yehova,
Mpe bópesa matɔndi na nkombo na ye mosantu.