Nzembo

86 Ee Yehova, tyá litoi na yo* mpe yanolá ngai,

Mpo nazali moto ya mpasi mpe mobola.+

Bikisá mosaleli na yo oyo azali kotyela yo motema,

Mpo ozali Nzambe na ngai.+

 3 Ee Yehova, moniselá ngai boboto,+

Mpo nazali kobelela yo mokolo mobimba.+

 4 Sepelisá mosaleli na yo,*

Mpo nazali kotalela yo,* Ee Yehova.

 5 Mpo yo, Ee Yehova, ozali malamu+ mpe osepelaka kolimbisa;+

Otondi na bolingo ya sembo mpo na baoyo nyonso babelelaka yo.+

 6 Ee Yehova, yoká libondeli na ngai;

Mpe tyá likebi na malɔmbɔ na ngai mpo na kosɛnga lisalisi.+

 7 Na mokolo ya mpasi na ngai nabelelaka yo,+

Mpo okoyanola ngai.+

 8 Ee Yehova, moko te azali lokola yo na kati ya banzambe,+

Mosala moko te ezali lokola misala na yo.+

 9 Bikólo nyonso oyo osalá

Ekoya mpe ekogumbama liboso na yo, Ee Yehova,+

Mpe ekopesa nkombo na yo nkembo.+

10 Mpo ozali monene mpe osalaka makambo ya kokamwa;+

Ozali Nzambe, kaka yo moko.+

12 Ee Yehova Nzambe na ngai, nazali kosanzola yo na motema na ngai mobimba,+

Mpe nakopesa nkombo na yo nkembo mpo na libela,

13 Mpo bolingo na yo ya sembo epai na ngai ezali monene,

Mpe obikisi bomoi na ngai uta na bisika mozindo ya Nkunda.*+

14 Ee Nzambe, bato ya lofundo batɛlɛmɛli ngai;+

Etuluku ya banyokoli eluki bomoi na ngai,

Mpe bazangi mpenza limemya epai na yo.*+

15 Kasi yo, Ee Yehova, ozali Nzambe ya motema mawa mpe ya ngɔlu,

Oyokaka nkanda noki te mpe otondi na bolingo ya sembo mpe na bosembo.*+

Pesá mosaleli na yo makasi na yo,+

Mpe bikisá mwana ya moombo na yo ya mwasi.

17 Lakisá ngai elembo* moko ya bolamu na yo,

Mpo baoyo bazali koyina ngai bámona yango mpe báyoka nsɔni.