Salamo

145 Hanandratra anao aho, ry Andriamanitro sady Mpanjakako+ ô,

Ary hidera ny anaranao mandrakizay mandrakizay.+

 2 Hidera anao tontolo andro+ aho;

Hidera ny anaranao mandrakizay mandrakizay+ aho.

 3 Tena miavaka i Jehovah, ka izy no mendrika hoderaina indrindra;+

Tsy takatry ny saina ny fahalehibeazany.+

 4 Hidera ny asanao ny taranaka fara aman-dimby;

Hanambara ny asa nataonao tamin’ny herinao+ izy ireo.

 5 Ny haja amam-boninahitrao no horesahin’izy ireo,+

Ary izaho kosa hisaintsaina an’ireo asa mahatalanjona nataonao.

 6 Hiresaka momba ny zavatra miavaka sy mampahatahotra nataonao* izy ireo,

Ary izaho hanambara ny fahalehibeazanao.

 7 Hiboiboika teny fiderana ny vavan’izy ireo rehefa mahatsiaro hoe lehibe tokoa ny hatsaran-toetranao,+

Ary hihoby izy ireo noho ianao manao ny rariny.+

 8 Mangoraka* sy mamindra fo i Jehovah,+

Sady tsy mora tezitra ary tena be fitiavana sy tsy mivadika.+

 9 Manao soa amin’ny rehetra i Jehovah,+

Ary hita amin’izay rehetra ataony fa mamindra fo izy.

10 Hanome voninahitra anao ny asanao rehetra, Jehovah ô!+

Ary hidera anao ireo tsy mivadika aminao.+

11 Hanambara ny voninahitry ny fanjakanao+ izy ireo,

Ary hiresaka momba ny herinao,+

ל [Lameda]

12 Mba hampahafantarana amin’ny olona ny asa nataonao tamin’ny herinao+

Sy ny haja amam-boninahitry ny fanjakanao.+

13 Fanjakana maharitra mandrakizay ny fanjakanao,

Ary maharitra hatramin’ny taranaka fara aman-dimby ny fitondranao.+

14 Manohana an’izay rehetra lavo i Jehovah,+

Ary mampitraka an’izay rehetra mitanondrika.+

15 Miandrandra anao ny maso rehetra;

Manome azy ireo ny sakafony amin’ny fotoanany ianao.+

16 Manokatra ny tananao ianao,

Ka manome fahafaham-po ny fanirian’ny zavamananaina rehetra.+

17 Manao ny rariny i Jehovah amin’ny lalany rehetra.+

Tsy mivadika koa izy, amin’izay rehetra ataony.+

18 Akaiky an’izay rehetra miantso azy i Jehovah,+

Dia izay rehetra miantso azy araka ny fahamarinana.*+

19 Manome fahafaham-po ny fanirian’izay matahotra azy izy;+

Henoiny izy ireo rehefa miantso vonjy, ka vonjeny.+

20 Miaro an’izay rehetra tia azy i Jehovah,+

Fa ny ratsy fanahy rehetra kosa haringany.+

21 Hidera an’i Jehovah ny vavako;+

Aoka hidera ny anarany masina mandrakizay mandrakizay ny zavamananaina* rehetra.+