Salamo

Misaora an’i Jehovah fa tsara izy;+

Be fitiavana izy sady tsy mivadika mandrakizay.+

 2 Iza no mahavita milaza ny asa rehetra nataon’i Jehovah tamin’ny heriny,

Na manambara ny asa mendri-piderana rehetra nataony?+

 3 Sambatra izay manao ny rariny,

Ka manao ny marina foana.+

Karakarao sy vonjeo aho,

 5 Amin’izay aho dia hankafy ny zava-tsoa omenao an’ireo olom-boafidinao,+

Sy hiara-mifaly amin’ny firenenao,

Ary hirehareha hidera anao miaraka amin’ny lovanao.

 6 Efa nanota hoatran’ny razambenay izahay;+

Efa diso izahay ary nanao ratsy.+

Tsy tadidin’izy ireo fa be fitiavana sy tsy mivadika ianao.

Nikomy kosa izy ireo teo amin’ny ranomasina, dia ny Ranomasina Mena.+

 8 Novonjen’Andriamanitra ihany anefa izy ireo noho ny anarany,+

Mba hampahafantarana ny heriny.+

 9 Noteneniny mafy ny Ranomasina Mena, dia ritra.

Nentiny namakivaky rano lalina toy ny mamakivaky tany efitra*+ izy ireo;

10 Namonjy azy ireo teo an-tanan’izay mankahala azy izy,+

Sady nanavotra azy teo an-tanan’ny fahavalo.+

11 Saron’ny rano ny fahavalony,

Ka tsy nisy tafavoaka velona* na iray aza.+

12 Dia nino ny fampanantenany izy ireo,+

Ka nihira fiderana ho azy.+

13 Vetivety anefa izy ireo dia nanadino an’izay nataon’Andriamanitra;+

Tsy niandry an’izay torohevitra avy taminy izy ireo.

14 Resin’ny faniriany feno fitiavan-tena izy ireo tany amin’ny tany karakaina;+

Nitsapa an’Andriamanitra izy ireo tany an-tany efitra.+

15 Nomeny azy ireo izay nangatahiny,

Nefa avy eo nasiany tamin’ny aretina mampahia izy ireo.+

16 Nialona an’i Mosesy izy ireo tao an-toby,

Sady nialona an’i Arona,+ ilay masin’i Jehovah.+

17 Dia nisokatra ny tany ka nitelina an’i Datana,

Sy nanarona an’ireo niaraka tamin’i Abirama.+

18 Nisy afo nandoro an’ireo mpomba azy ireo;

Nisy lelafo nandevona an’ireo ratsy fanahy.+

19 Nanamboatra zanak’omby izy ireo tao Horeba,

Ary niankohoka teo anoloan’ny sarivongana metaly;*+

20 Ny voninahitro dia natakalony

Sarin’omby mpihinana ahitra.+

21 Nohadinoin’izy ireo Andriamanitra,+ ilay Mpamonjy azy,

Izay nanao zavatra miavaka tany Ejipta,+

22 Sy zavatra mahatalanjona tany amin’ny tanin’i Hama,+

Ary zavatra mampahatahotra teo amin’ny Ranomasina Mena.+

23 Efa saika nanome baiko izy hoe haripaka izy ireo,

Nefa nitalaho taminy* i Mosesy olom-boafidiny,

Mba hampitony ny fahatezerany Izy ka tsy handringana an’ireo.+

24 Ary nataon’izy ireo tsinontsinona ilay tany mahafinaritra;+

Tsy nino ny fampanantenany izy ireo.+

25 Nimenomenona foana izy ireo tao an-tranolainy,+

Ka tsy nihaino ny feon’i Jehovah.+

26 Koa nanangan-tanana izy ka nianiana momba azy ireo

Hoe hataony miampatrampatra any an-tany efitra ny fatin’izy ireo;+

27 Hataony miampatrampatra any amin’ireo firenena ny fatin’ny taranany,

Ary haparitany any amin’ny tany samy hafa izy ireo.+

28 Dia lasa nanompo an’i* Balan’i Peora+ izy ireo,

Ary nihinana an’ireo sorona natolotra ho an’ny maty.*

29 Nampahatezitra an’Andriamanitra ny zavatra nataony,+

Ka tratran’ny loza izy ireo.+

30 Rehefa nijoro anefa i Finehasa ka niditra an-tsehatra,

Dia nitsahatra ilay loza.+

31 Izany no nahatonga azy hekena hoe olo-marina,

Hatramin’ny taranaka fara aman-dimby, mandrakizay.+

32 Nanao izay nampahatezitra an’Andriamanitra izy ireo, teo amin’ny rano tao Meriba,*

Ka nidiran-doza i Mosesy noho ny nataon’izy ireo.+

33 Nampahasosotra azy izy ireo,

Ka nanao teny tsy voahevitra izy.+

34 Tsy noringanin’izy ireo ny firenena+

Nasain’i Jehovah naringany.+

35 Nifangaroharo tamin’ireo firenena kosa izy ireo,+

Ka nanaraka* ny fanaony.+

36 Notompoin’izy ireo ny sampin’ireny,+

Ka lasa fandrika ho azy.+

37 Nataony sorona ho an’ny demonia

Ny zanany lahy sy ny zanany vavy.+

38 Nandatsaka ran’olona tsy manan-tsiny izy ireo,+

Dia ny ran’ny zanany lahy sy ny zanany vavy,

Izay nataony sorona ho an’ireo sampin’i Kanana;+

Dia naloto ilay tany noho ny fandatsahan-dra.

39 Nanjary nandoto tena izy ireo noho ny fanaony;

Nivaro-tena* tamin’ny andriamani-kafa izy ireo noho ny nataony.+

40 Koa tezitra be tamin’ny vahoakany i Jehovah,

Ka lasa halany ny lovany.

41 Imbetsaka izy ireo no nataony resin’ireo firenena,+

Mba hanjakazaka amin’izy ireo izay nankahala azy.+

42 Nampahorin’ny fahavalony izy ireo,

Ary lasa teo ambany fahefany.*

43 Imbetsaka izy no namonjy azy ireo,+

Nefa nikomy sy tsy nankatò izy ireo,+

Ka naetry noho ny fahadisoany.+

44 Nahita ny fahorian’izy ireo anefa izy+

Ary nandre ny antso vonjy nataony.+

45 Nahatsiaro ny fifanekena nataony tamin’izy ireo izy,

Ary niantra azy,* satria tena be fitiavana sy tsy mivadika.+

46 Nataony lasa niantra azy

Izay rehetra naka azy ho babo.+

47 Vonjeo izahay, ry Jehovah Andriamanitray ô!+

Angony avy any amin’ireo firenena izahay+

Mba ho afaka hisaotra ny anaranao masina,

Sy ho faly hidera anao.+

48 Enga anie i Jehovah Andriamanitry ny Israely hoderaina

Mandrakizay doria!*+