Изреки

15 Благиот одговор го смирува гневот,

а остриот* збор предизвикува лутина.

 2 Јазикот на мудрите вешто го користи знаењето,

а од устата на глупавите извира глупавост.

 3 Очите на Јехова гледаат насекаде;

тој ги гледа и лошите и добрите.

 4 Благиот јазик* е дрво на животот,

а изопачените зборови нанесуваат болка.*

 5 Глупавиот ги презира поуките* на својот татко,

а паметниот човек прифаќа укор.

 6 Во куќата на праведниот има големо богатство,

а на злобниот заработката му носи неволја.

 7 Усните на мудрите шират знаење,

но срцето не ги поттикнува глупавите да го прават тоа.

 8 Жртвата на злобните му е одвратна на Јехова,

а молитвата на чесните му е пријатна.

 9 Јехова ги мрази постапките на злобниот,

а го сака оној што се труди да постапува праведно.

10 На оној што застранува од правиот пат казната* му изгледа строга;

кој го мрази укорот, ќе умре.

11 Ако Јехова ги гледа гробот* и смртната јама,*

колку повеќе може да види што има во срцето на човекот!

13 Радосното срце го разведрува лицето,

а болката во срцето го крши духот.

14 Разборитото срце е желно за знаење,

а устата на безумните се насладува со глупавост.

15 На оној што страда* сите денови му се лоши,

а оној што има весело срце, на гозба е без престан.

16 Подобро е да имаш малку, а да имаш стравопочит кон Јехова,

отколку да имаш големо богатство, а да бидеш загрижен.*

17 Подобро е јадење од зеленчук таму каде што има љубов,

отколку згоен јунец таму каде што има омраза.

18 Избувливиот човек предизвикува караница,

а стрпливиот* смирува расправија.

19 Патот на мрзливиот е како трнлива ограда,

а патеката на чесниот е како рамен пат.

20 Мудриот син го радува својот татко,

а безумниот ја презира својата мајка.

21 На неразумниот човек* глупавоста му причинува радост,

а разборитиот чекори по правиот пат.

22 Без советување,* плановите пропаѓаат,

а со многу советници, тие се остваруваат.

24 Разборитиот оди по патот што води во долг живот

и го избегнува патот што води во гробот.*

25 Јехова ќе ја сруши куќата на вообразените,

а ќе ги зачува меѓите на вдовиците.

26 Јехова ги мрази сплетките на злобните,

а се радува на пријатните зборови.

27 Кој заработува на нечесен начин, му навлекува неволја* на својот дом,

а кој мрази поткуп, ќе живее.

28 Срцето на праведниот внимателно размислува пред да одговори,*

а од устата на злобните извираат лоши зборови.

29 Јехова е далеку од злобните,

а ја слуша молитвата на праведните.

30 Веселиот поглед* го радува срцето,

и добрата вест ги зајакнува коските.

31 Кој слуша укор што води во живот,

се наоѓа меѓу мудрите.

32 Оној што ги отфрла советите* не си го цени животот,*

а оној што слуша укор стекнува разборитост.*

33 Стравопочитта кон Јехова го учи човекот на мудрост,

и понизноста води до слава.