Изреки

24 Не завидувај им на злобните луѓе

и не посакувај да бидеш во нивно друштво.

 2 Зашто нивното срце размислува за насилство

и нивните усни зборуваат како да им наштетат на другите.

 3 Со мудрост се гради дом*

и со разборитост се зацврстува.

 4 Знаењето ги полни собите

со разни богатства, скапоцени и убави.

 5 Мудриот човек е моќен,

а знаењето уште повеќе ја зголемува неговата моќ.

 6 Со мудро водство се води војна,

и каде што има многу советници, таму има и победа.*

 7 Вистинската мудрост е недостижна за безумникот;

тој нема што да каже на градската порта.

 8 Оној што крои зли планови

ќе биде познат како подмолен сплеткар.

 9 Сплетките на безумникот се грев;

луѓето го мразат потсмевачот.

10 Ако се обесхрабриш во време на неволја,

ќе ослаби твојата сила.

11 Избави ги оние што ги водат во смрт

и спаси ги оние што се на работ на погубување.*

12 Ако речеш: „Не знаевме за тоа“,

зарем оној што ги испитува срцата* нема да знае како размислуваш?

Оној што те набљудува ќе знае,

и ќе му плати секому според неговите дела.

13 Сине мој, јади мед бидејќи е добар;

медот од саќе е сладок.

Ако ја пронајдеш, ќе имаш светла иднина

и твојата надеж нема да пропадне.

15 Немој злобно да ја демнеш од заседа куќата на праведниот,

немој да го уништиш неговиот дом.

16 Зашто, ако праведниот падне и седум пати, пак ќе стане,

но злобниот ќе пропадне кога ќе го снајде неволја.

17 Кога твојот непријател ќе падне, не радувај се,

и кога тој ќе се сопне, нека не се весели твоето срце,

18 инаку Јехова ќе го види тоа и нема да му биде мило,

па ќе го одврати својот гнев од него.

19 Немој да се вознемируваш* поради оние што прават зло;

немој да им завидуваш на злобните луѓе,

20 бидејќи лошиот човек нема никаква иднина;

светилката на злобните ќе угасне.

Немој да се дружиш со бунтовници*

22 бидејќи ненадејно ќе ги снајде пропаст.

24 Оној што му вели на злобниот: „Праведен си“,

ќе биде проколнат од луѓето и осуден од народите.

25 А на оние што го укоруваат злобниот ќе им биде добро;

врз нив ќе бидат излеани обилни благослови.

27 Заврши си ја работата надвор и подготви ја нивата,

а потоа гради го својот дом.*

28 Не изнесувај неосновани обвиненија против ближниот

и немој да ги мамиш другите со своите зборови.

29 Немој да велиш: „Како што тој ми направи мене, така и јас ќе му направам нему;

ќе му вратам мило за драго“.

30 Поминав покрај нивата на еден мрзлив човек,

покрај лозјето на еден неразумен човек.*

31 И видов дека сѐ беше обраснато со плевел;

земјата беше прекриена со коприви,

а камениот ѕид беше урнат.

32 А јас го гледав тоа и се подзамислив,

го видов тоа и ја извлеков оваа поука:

33 поспиј си уште малку, дремни си уште малку,

поседи си уште малку со скрстени раце,

34 и сиромаштијата ќе ти дојде како крадец

и немаштијата како вооружен разбојник.