സങ്കീർത്തനം
സംഗീതസംഘനായകന്‌; ദാവീദ്‌ രചിച്ച ശ്രുതിമധുരമായ ഗാനം.
68 ദൈവം എഴുന്നേൽക്കട്ടെ; ദൈവത്തിന്റെ ശത്രുക്കൾ ചിതറിപ്പോകട്ടെ.
ദൈവത്തെ വെറുക്കുന്നവർ തിരുമുമ്പിൽനിന്ന്‌ ഓടിയകലട്ടെ.+
2 കാറ്റിൽപ്പെട്ട പുകപോലെ അവരെ പറത്തിക്കളയേണമേ;
തീയിൽ മെഴുക്‌ ഉരുകിപ്പോകുംപോലെ
തിരുമുമ്പിൽ ദുഷ്ടന്മാർ നശിച്ചുപോകട്ടെ.+
3 എന്നാൽ, നീതിമാന്മാർ ആഹ്ലാദിക്കട്ടെ;+
അവർ ദൈവസന്നിധിയിൽ അത്യധികം ആഹ്ലാദിക്കട്ടെ;
അവർ സന്തോഷിച്ചുല്ലസിക്കട്ടെ.
4 ദൈവത്തിനു പാട്ടു പാടുവിൻ; തിരുനാമത്തെ സ്‌തുതിച്ച്‌ പാടുവിൻ.*+
മരുപ്രദേശത്തുകൂടെ* സവാരി ചെയ്യുന്നവനു സ്‌തുതി പാടുവിൻ.
യാഹ്‌* എന്നല്ലോ ദൈവത്തിന്റെ പേര്‌!+ തിരുമുമ്പാകെ ആഹ്ലാദിക്കുവിൻ!
ദുശ്ശാഠ്യക്കാർക്കോ* തരിശുഭൂമിയിൽ കഴിയേണ്ടിവരും.+
8 ഭൂമി കുലുങ്ങി;+ തിരുമുമ്പാകെ ആകാശം മഴ ചൊരിഞ്ഞു;*
ദൈവത്തിന്റെ മുന്നിൽ, ഇസ്രായേലിൻദൈവത്തിന്റെ മുന്നിൽ, സീനായ്‌ കുലുങ്ങി.+
9 ദൈവമേ, അങ്ങ്‌ സമൃദ്ധമായി മഴ പെയ്യിച്ചു;
ക്ഷീണിച്ചവശരായ ജനത്തിനു* പുതുജീവൻ നൽകി.
10 അങ്ങയുടെ പാളയത്തിലെ കൂടാരങ്ങളിൽ അവർ കഴിഞ്ഞു;+
നന്മ നിറഞ്ഞ ദൈവമേ, അങ്ങ്‌ ദരിദ്രർക്കു വേണ്ടതെല്ലാം നൽകി.
12 രാജാക്കന്മാരും അവരുടെ സൈന്യങ്ങളും ഓടിപ്പോകുന്നു;+ അവർ പേടിച്ചോടുന്നു!
വീട്ടിൽ ഇരിക്കുന്നവൾക്കു കൊള്ളമുതലിന്റെ പങ്കു ലഭിക്കുന്നു.+
13 പുരുഷന്മാരേ, തീ കൂട്ടി അതിന്‌ അടുത്ത്‌* കിടക്കേണ്ടിവന്നെങ്കിലും
വെള്ളിച്ചിറകും തങ്കത്തൂവലും* ഉള്ള പ്രാവിനെ നിങ്ങൾക്കു ലഭിക്കും.
14 സർവശക്തൻ രാജാക്കന്മാരെ ചിതറിച്ചപ്പോൾ+
സൽമോനിൽ മഞ്ഞു പെയ്‌തു.*
16 കൊടുമുടികളുള്ള പർവതങ്ങളേ,
ദൈവം താമസിക്കാൻ തിരഞ്ഞെടുത്ത* പർവതത്തെ
നിങ്ങൾ അസൂയയോടെ നോക്കുന്നത്‌ എന്തിന്‌?+
അതെ, യഹോവ അവിടെ എന്നും വസിക്കും.+
17 ദൈവത്തിന്റെ യുദ്ധരഥങ്ങൾ ആയിരമായിരം! പതിനായിരംപതിനായിരം!+
സീനായിൽനിന്ന്‌ യഹോവ വിശുദ്ധസ്ഥലത്തേക്കു വന്നിരിക്കുന്നു.+
18 അങ്ങ്‌ ഉന്നതങ്ങളിലേക്കു കയറി;+
ബന്ദികളെ പിടിച്ചുകൊണ്ടുപോയി;
മനുഷ്യരെ സമ്മാനമായി എടുത്തു;+
അവരോടൊപ്പം കഴിയേണ്ടതിന്‌,
ദൈവമാം യാഹേ, അങ്ങ്‌ ദുശ്ശാഠ്യക്കാരെപ്പോലും+ കൊണ്ടുപോയി.
21 അതെ, ദൈവം ശത്രുക്കളുടെ തല തകർക്കും;
തെറ്റു ചെയ്‌തുകൊണ്ടിരിക്കുന്ന സകലരുടെയും തല തകർക്കും.+
22 യഹോവ പറഞ്ഞു: “ബാശാനിൽനിന്ന്‌ ഞാൻ അവരെ തിരികെ വരുത്തും;+
കടലിന്റെ ആഴങ്ങളിൽനിന്ന്‌ അവരെ മടക്കിവരുത്തും;
23 അപ്പോൾ നിങ്ങളുടെ കാലുകൾ രക്തത്തിൽ മുങ്ങും;+
നിങ്ങളുടെ നായ്‌ക്കൾക്കു* ശത്രുക്കളെ ആഹാരമായി കൊടുക്കും.”
24 ദൈവമേ, അങ്ങ്‌ എഴുന്നള്ളുന്നത്‌,
എന്റെ രാജാവായ ദൈവം വിശുദ്ധസ്ഥലത്തേക്ക്‌ എഴുന്നള്ളുന്നത്‌, അവർ കാണുന്നു.+
25 ഗായകർ മുന്നിൽ നടക്കുന്നു; തന്ത്രിവാദ്യങ്ങൾ മീട്ടി സംഗീതജ്ഞർ അവരുടെ പിന്നാലെയും;+
അവർക്കിടയിൽ തപ്പു കൊട്ടുന്ന യുവതികളുമുണ്ട്‌.+
26 മഹാസദസ്സിൽ* ദൈവത്തെ സ്‌തുതിക്കുവിൻ;
ഇസ്രായേലിന്റെ ഉറവിൽനിന്നുള്ളവരേ, യഹോവയെ വാഴ്‌ത്തുവിൻ.+
27 അവിടെ, ഏറ്റവും ഇളയവനായ ബന്യാമീൻ+ അവരെ കീഴടക്കുന്നു;
യഹൂദാപ്രഭുക്കന്മാരും ആരവം ഉയർത്തി ഒപ്പം നീങ്ങുന്ന ജനക്കൂട്ടവും
സെബുലൂൻപ്രഭുക്കന്മാരും നഫ്‌താലിപ്രഭുക്കന്മാരും അവരെ ജയിച്ചടക്കുന്നു.
28 നിങ്ങൾ കരുത്തരായിരിക്കുമെന്നു നിങ്ങളുടെ ദൈവം പ്രഖ്യാപിച്ചിരിക്കുന്നു.
ഞങ്ങൾക്കുവേണ്ടി പ്രവർത്തിച്ച ദൈവമേ, ശക്തി കാണിക്കേണമേ.+
30 ഈറ്റകൾക്കിടയിലുള്ള വന്യമൃഗങ്ങളെയും
കാളക്കൂട്ടത്തെയും+ കിടാവുകളെയും ശകാരിക്കുവിൻ.
അങ്ങനെ ജനതകൾ വെള്ളിക്കാശുമായി വന്ന്‌ കുമ്പിടട്ടെ.*
എന്നാൽ, യുദ്ധക്കൊതിയന്മാരെ ദൈവം ചിതറിച്ചുകളയുന്നു.
31 വെങ്കലംകൊണ്ടുള്ള ഉരുപ്പടികൾ* ഈജിപ്‌തിൽനിന്ന്‌ വരും;+
ദൈവത്തിനു കാഴ്‌ച അർപ്പിക്കാൻ കൂശ്‌* തിടുക്കം കൂട്ടും.
33 പുരാതന സ്വർഗാധിസ്വർഗങ്ങളെ വാഹനമാക്കി എഴുന്നള്ളുന്നവനു പാടുവിൻ.+
ഇതാ, ദൈവം തന്റെ സ്വരം, തന്റെ ഗംഭീരശബ്ദം, മുഴക്കുന്നു.
34 ദൈവത്തിന്റെ ശക്തി അംഗീകരിക്കുവിൻ.+
ദൈവത്തിൻപ്രതാപം ഇസ്രായേലിന്മേലും
ദൈവത്തിൻശക്തി ആകാശത്തിലും* വിളങ്ങുന്നു.
35 തന്റെ മഹത്ത്വമാർന്ന വിശുദ്ധമന്ദിരത്തിൽ ദൈവം ഭയാദരവ്‌ ഉണർത്തുന്നവൻ.+
അത്‌ ഇസ്രായേലിൻദൈവം,
ജനത്തിനു കരുത്തും ശക്തിയും നൽകുന്ന ദൈവം.+
ദൈവത്തിനു സ്‌തുതി.