യശയ്യ
2 യഹൂദയെയും യരുശലേമിനെയും കുറിച്ച്‌ ആമൊസിന്റെ മകനായ യശയ്യ കണ്ട ദിവ്യദർശനം:+
യഹോവയുടെ ആലയമുള്ള പർവതം
പർവതങ്ങളുടെ മുകളിൽ സുസ്ഥാപിതവും
കുന്നുകളെക്കാൾ ഉന്നതവും ആയിരിക്കും.+
എല്ലാ ജനതകളും അതിലേക്ക്‌ ഒഴുകിച്ചെല്ലും.+
3 അനേകം ജനങ്ങൾ ചെന്ന്‌ ഇങ്ങനെ പറയും:
“വരൂ, നമുക്ക്‌ യഹോവയുടെ പർവതത്തിലേക്കു കയറിപ്പോകാം,
യാക്കോബിൻദൈവത്തിന്റെ ഭവനത്തിലേക്കു കയറിച്ചെല്ലാം.+
ദൈവം തന്റെ വഴികൾ നമുക്കു പഠിപ്പിച്ചുതരും,
നമ്മൾ ദൈവത്തിന്റെ പാതകളിൽ നടക്കും.”+
4 ദൈവം ജനതകൾക്കിടയിൽ ന്യായം വിധിക്കും,
ജനസമൂഹങ്ങൾക്കു തിരുത്തൽ നൽകും.
ജനത ജനതയ്‌ക്കു നേരെ വാൾ ഉയർത്തില്ല,
അവർ ഇനി യുദ്ധം ചെയ്യാൻ പരിശീലിക്കുകയുമില്ല.+
6 അങ്ങയുടെ ജനമായ യാക്കോബുഗൃഹത്തെ അങ്ങ്‌ ഉപേക്ഷിച്ചിരിക്കുന്നു,+
അവരുടെ ദേശം കിഴക്കരുടെ വസ്‌തുക്കൾകൊണ്ട്‌ നിറഞ്ഞിരിക്കുന്നല്ലോ,
അവർ ഫെലിസ്‌ത്യരെപ്പോലെ മന്ത്രവാദം+ നടത്തുന്നു,
അന്യദേശക്കാരുടെ മക്കൾ അവർക്കിടയിൽ പെരുകിയിരിക്കുന്നു.
7 അവരുടെ ദേശത്ത്‌ സ്വർണവും വെള്ളിയും നിറഞ്ഞിരിക്കുന്നു,
അവരുടെ നിക്ഷേപങ്ങൾ അസംഖ്യമാണ്‌.
അവരുടെ ദേശത്ത്‌ കുതിരകൾ നിറഞ്ഞിരിക്കുന്നു,
അവരുടെ രഥങ്ങൾ അസംഖ്യമാണ്‌.+
8 അവരുടെ ദേശം ഒരു ഗുണവുമില്ലാത്ത ദൈവങ്ങളെക്കൊണ്ട്‌ നിറഞ്ഞിരിക്കുന്നു.+
സ്വന്തം കൈകളാൽ തീർത്ത വസ്‌തുക്കൾക്കു മുന്നിൽ,
സ്വന്തം വിരലുകൾകൊണ്ട്‌ മനഞ്ഞ സൃഷ്ടികൾക്കു മുന്നിൽ, അവർ കുമ്പിടുന്നു.
9 അങ്ങനെ മർത്യൻ അധഃപതിക്കുന്നു, മനുഷ്യൻ തരംതാഴുന്നു;
അങ്ങയ്‌ക്ക്‌ അവരോട്‌ എങ്ങനെ പൊറുക്കാനാകും!
10 യഹോവയുടെ ഭയജനകമായ സാന്നിധ്യവും ഉജ്ജ്വലതേജസ്സും നിമിത്തം+
പാറക്കെട്ടുകളിലേക്കു പോകുവിൻ; പൊടിയിൽ ഒളിച്ചിരിക്കുവിൻ.
11 അഹങ്കാരമുള്ള കണ്ണുകൾ താഴ്‌ത്തപ്പെടും,
മനുഷ്യരുടെ ഗർവം തല കുനിക്കും.*
അന്ന്‌ യഹോവ മാത്രം ഉന്നതനായിരിക്കും.
12 അതു സൈന്യങ്ങളുടെ അധിപനായ യഹോവയുടെ ദിവസമല്ലോ.+
അഹങ്കാരവും നിഗളവും ഉള്ള എല്ലാവരുടെയും മേൽ അതു വരും,
ഉയർന്നവനാകട്ടെ താഴ്‌ന്നവനാകട്ടെ ആർക്കും അതിൽനിന്ന്‌ ഒഴിഞ്ഞുമാറാനാകില്ല.+
13 ലബാനോനിലെ തലയെടുപ്പുള്ള എല്ലാ ദേവദാരുക്കളുടെ മേലും,
ബാശാനിലെ എല്ലാ ഓക്ക്‌ മരങ്ങളുടെ മേലും,
14 ഉയരമുള്ള എല്ലാ പർവതങ്ങളുടെ മേലും,
ഉന്നതമായ എല്ലാ കുന്നുകളുടെ മേലും,
15 ഉയർന്ന ഗോപുരങ്ങളുടെ മേലും എല്ലാ കോട്ടമതിലുകളുടെ മേലും,
16 എല്ലാ തർശീശുകപ്പലുകളുടെ+ മേലും
അഴകാർന്ന വള്ളങ്ങളുടെ മേലും അതു വരും.
17 മനുഷ്യന്റെ അഹങ്കാരം താഴ്‌ത്തപ്പെടും,
മനുഷ്യന്റെ ഗർവം തല കുനിക്കും.
അന്ന്‌ യഹോവ മാത്രം ഉയർത്തപ്പെടും.
18 ഒരു ഗുണവുമില്ലാത്ത ദൈവങ്ങൾ ഇല്ലാതെയാകും.+
19 ഭൂമിയെ വിറപ്പിക്കാൻ ദൈവം എഴുന്നേൽക്കുമ്പോൾ
യഹോവയുടെ ഭയജനകമായ സാന്നിധ്യവും ഉജ്ജ്വലതേജസ്സും കാരണം+
ജനങ്ങൾ പാറക്കെട്ടുകളിലെ ഗുഹകളിലും
നിലത്തെ പൊത്തുകളിലും അഭയം തേടും.+
20 അവർക്കു കുമ്പിട്ട്‌ നമസ്‌കരിക്കാനായി അവർ ഉണ്ടാക്കിയ ദൈവങ്ങളെ,
സ്വർണംകൊണ്ടും വെള്ളികൊണ്ടും ഉണ്ടാക്കിയ ഒരു ഗുണവുമില്ലാത്ത ദൈവങ്ങളെ,
അവർ അന്നു ചുണ്ടെലിക്കും വവ്വാലിനും എറിഞ്ഞുകൊടുക്കും.+
21 അങ്ങനെ അവർ പാറക്കെട്ടുകളിലെ പൊത്തുകളിലും
വൻപാറകളുടെ പിളർപ്പുകളിലും കയറിയൊളിക്കും.
ഭൂമിയെ നടുക്കാൻ ദൈവം എഴുന്നേൽക്കുമ്പോൾ
യഹോവയുടെ ഭയജനകമായ സാന്നിധ്യവും രാജകീയപ്രൗഢിയും നിമിത്തം
അവർക്ക്‌ ഒളിക്കേണ്ടിവരും.
22 നിനക്കു നന്മ വരേണ്ടതിനു മനുഷ്യനിൽ ആശ്രയിക്കുന്നതു നിറുത്തുക,
മൂക്കിലെ ശ്വാസം നിലച്ചാൽ പിന്നെ അവനെ എന്തിനു കൊള്ളാം!*
നീ അവനു വില കല്‌പിക്കുന്നത്‌ എന്തിന്‌!