ആഗസ്റ്റ്‌

കഴിയു​ന്നത്ര ആളുകൾ നമ്മൾ അറിയി​ക്കുന്ന മുന്നറി​യി​പ്പിൻ സന്ദേശം ശ്രദ്ധി​ക്ക​ണ​മെ​ന്നും ഇപ്പോൾത്തന്നെ നമ്മളോ​ടൊ​പ്പം യഹോ​വയെ ആരാധിച്ച്‌ തുടങ്ങ​ണ​മെ​ന്നും ആണ്‌ നമ്മുടെ ആത്മാർഥ​മായ ആഗ്രഹം. എന്നാൽ നമ്മുടെ മുന്നറി​യി​പ്പി​നു ശ്രദ്ധ​കൊ​ടു​ക്കാ​ത്ത​വ​രു​ടെ കാര്യ​മോ? ബാബി​ലോൺ എന്ന മഹതി​യു​ടെ നാശം കണ്ടിട്ട്‌ മാറ്റം വരുത്താൻ തയ്യാറാ​കുന്ന ആളുകളെ യഹോവ രക്ഷി​ച്ചേ​ക്കാം. അതു​കൊണ്ട്‌ നമ്മൾ ആളുകൾക്കു മുന്നറി​യി​പ്പു കൊടു​ക്കു​ന്ന​തിൽ തുട​രേ​ണ്ടത്‌ ഇപ്പോൾ കൂടുതൽ അടിയ​ന്തി​ര​മാണ്‌. ശരിയല്ലേ? കാരണം, നമ്മൾ ഇപ്പോൾ പറയുന്ന കാര്യ​ങ്ങ​ളാ​യി​രി​ക്കും ഭാവി​യിൽ അവർ ഓർക്കു​ന്നത്‌. (യഹ. 33:33 താരത​മ്യം ചെയ്യുക.) നമ്മളിൽനിന്ന്‌ കേട്ട മുന്നറി​യി​പ്പി​നെ​ക്കു​റിച്ച്‌ ഒരുപക്ഷേ ആ സമയത്ത്‌ അവർ ചിന്തി​ക്കു​ക​യും അധികം വൈകു​ന്ന​തി​നു മുമ്പു​തന്നെ നമ്മളോ​ടൊ​പ്പം യഹോ​വയെ സേവി​ക്കാൻ തയ്യാറാ​കു​ക​യും ചെയ്‌തേ​ക്കാം. ഒന്നാം നൂറ്റാ​ണ്ടിൽ ഫിലി​പ്പി​യി​ലെ ജയില​ധി​കാ​രി “വലിയ ഒരു ഭൂകമ്പം” ഉണ്ടായി​ക്ക​ഴി​ഞ്ഞ​പ്പോ​ഴാണ്‌ മാറ്റം വരുത്തി​യത്‌. അതു​പോ​ലെ ഇന്ന്‌ സത്യ​ത്തോ​ടു പ്രതി​ക​രി​ക്കാത്ത ചിലർ, ബാബി​ലോൺ എന്ന മഹതി​യു​ടെ നാശത്തി​നു ശേഷമാ​യി​രി​ക്കാം മാറ്റം വരുത്താൻ തയ്യാറാ​കു​ന്നത്‌.—പ്രവൃ. 16:25-34. w24.05 പേ. 17 ഖ. 9-10

എബ്രാ​യ​ക്രി​സ്‌ത്യാ​നി​കൾക്ക്‌ അപ്പോ​സ്‌ത​ല​നായ പൗലോസ്‌ എഴുതിയ കത്തിൽനിന്ന്‌ നമുക്ക്‌ ഒരു വിലപ്പെട്ട പാഠം പഠിക്കാൻ കഴിയും. അവരിൽ ചിലർ ആത്മീയ​മാ​യി വളർന്നു​കൊ​ണ്ടി​രു​ന്നില്ല. സത്യത്തിൽ, ‘കട്ടിയായ ആത്മീയാ​ഹാ​ര​ത്തി​നു പകരം പാൽ വേണ്ട അവസ്ഥയി​ലേക്ക്‌ അവർ തിരി​ച്ചു​പോ​യി.’ (എബ്രാ. 5:12) യഹോവ സഭയി​ലൂ​ടെ അവരെ പഠിപ്പി​ച്ചു​കൊ​ണ്ടി​രുന്ന പുതിയ സത്യങ്ങൾ മനസ്സി​ലാ​ക്കാ​നും അംഗീ​ക​രി​ക്കാ​നും അവർക്കു കഴിഞ്ഞില്ല. (സുഭാ. 4:18) ഉദാഹ​ര​ണ​ത്തിന്‌, യേശു​വി​ന്റെ മോച​ന​വി​ല​യു​ടെ അടിസ്ഥാ​ന​ത്തിൽ, ഏകദേശം 30 വർഷങ്ങൾക്കു മുമ്പ്‌ മോശ​യു​ടെ നിയമം നീങ്ങി​പ്പോ​യെ​ങ്കി​ലും ജൂതമ​ത​ത്തിൽനിന്ന്‌ ക്രിസ്‌ത്യാ​നി​ക​ളാ​യവർ അത്‌ അപ്പോ​ഴും മുറു​കെ​പ്പി​ടി​ച്ചി​രു​ന്നു. (തീത്തോ. 1:10) അതു​കൊ​ണ്ടാണ്‌ എബ്രാ​യർക്കുള്ള തന്റെ കത്തിലൂ​ടെ കട്ടിയായ ചില ആത്മീയ​സ​ത്യ​ങ്ങൾ അവരെ പഠിപ്പി​ക്കാൻ പൗലോസ്‌ ശ്രമി​ച്ചത്‌. അങ്ങനെ, യഹോവ യേശു​വി​ലൂ​ടെ സ്ഥാപിച്ച ആരാധ​ന​യ്‌ക്കുള്ള പുതിയ ക്രമീ​ക​രണം പഴയതി​നെ​ക്കാൾ വളരെ മികച്ച​താ​ണെന്ന്‌ അവർക്കു മനസ്സി​ലാ​കു​മാ​യി​രു​ന്നു. പ്രസം​ഗ​പ്ര​വർത്ത​ന​ത്തിൽ തുടരാ​നുള്ള ധൈര്യ​വും അവർക്ക്‌ ലഭിക്കു​മാ​യി​രു​ന്നു.—എബ്രാ. 10:19-23. w24.04 പേ. 6 ഖ. 15

ആദാമും ഹവ്വയും സാത്താ​ന്റെ​കൂ​ടെ ചേർന്ന്‌ യഹോ​വയെ ധിക്കരി​ച്ച​തു​മു​തൽ കോടി​ക്ക​ണ​ക്കിന്‌ ആളുകൾ മരിച്ചു​പോ​യി​ട്ടുണ്ട്‌. അവരുടെ പ്രത്യാശ എന്താണ്‌? ആ ആളുകളെ എന്താണ്‌ കാത്തി​രി​ക്കു​ന്നത്‌? യേശു​വി​ന്റെ വിശ്വ​സ്‌ത​രായ അനുഗാ​മി​ക​ളിൽ കുറച്ചു​പേർ, അതായത്‌, 1,44,000 പേർ സ്വർഗ​ത്തി​ലെ അമർത്യ​ജീ​വ​നി​ലേക്ക്‌ ഉയിർപ്പി​ക്ക​പ്പെ​ടും. (വെളി. 14:1) യഹോ​വയെ സ്‌നേ​ഹിച്ച വിശ്വ​സ്‌ത​രായ സ്‌ത്രീ​പു​രു​ഷ​ന്മാ​രു​ടെ ഒരു വലിയ കൂട്ടം ‘നീതി​മാ​ന്മാ​രു​ടെ പുനരു​ത്ഥാ​ന​ത്തിൽ’ ഉണ്ടായി​രി​ക്കും. ക്രിസ്‌തു​വി​ന്റെ ആയിരം​വർഷ ഭരണകാ​ല​ത്തും അന്തിമ​പ​രി​ശോ​ധ​ന​യു​ടെ സമയത്തും നീതി​മാ​ന്മാ​രാ​യി നിലനി​ന്നാൽ അവർക്ക്‌ ഭൂമി​യിൽ എന്നേക്കും ജീവി​ക്കാ​നാ​കും. (ദാനി. 12:13; എബ്രാ. 12:1) ആയിരം​വർഷ ഭരണകാ​ലത്ത്‌ ‘നീതി​കെ​ട്ട​വ​രും’ ഉയിർപ്പി​ക്ക​പ്പെ​ടും. അതിൽ യഹോ​വയെ മുമ്പൊ​രി​ക്ക​ലും സേവി​ച്ചി​ട്ടി​ല്ലാ​ത്ത​വ​രോ ‘മോശ​മായ കാര്യങ്ങൾ ചെയ്‌ത​വ​രോ’ പോലും ഉൾപ്പെ​ടും. മാറ്റങ്ങൾ വരുത്താ​നും യഹോ​വ​യു​ടെ വിശ്വ​സ്‌ത​ദാ​സ​രാ​കാ​നും അവർക്ക്‌ അപ്പോൾ അവസരം ലഭിക്കും. (യോഹ. 5:29; ലൂക്കോ. 23:42, 43) എന്നാൽ ചില ആളുക​ളു​ടെ കാര്യ​ത്തിൽ യഹോവ അവരെ പുനരു​ത്ഥാ​ന​പ്പെ​ടു​ത്തില്ല എന്നു തീരു​മാ​നി​ച്ചി​ട്ടുണ്ട്‌. കാരണം അവർ അത്രയ​ധി​കം ദുഷ്ടന്മാ​രാ​യി​രു​ന്നു.—ലൂക്കോ. 12:4, 5. w24.05 പേ. 2 ഖ. 3; പേ. 5 ഖ. 15; പേ. 6 ഖ. 17

യഹോ​വ​യു​ടെ കൂടാ​ര​ത്തിൽ അതിഥി​യാ​യി​രി​ക്കാൻ ഒരാൾ ‘ഹൃദയ​ത്തിൽ സത്യം സംസാ​രി​ക്കു​ന്ന​യാൾ’ ആയിരി​ക്കണം. (സങ്കീ. 15:2) അതിൽ നുണ പറയാ​തി​രി​ക്കു​ന്നതു മാത്രമല്ല ഉൾപ്പെ​ടു​ന്നത്‌. നമ്മൾ പറയു​ക​യും പ്രവർത്തി​ക്കു​ക​യും ചെയ്യുന്ന എല്ലാ കാര്യ​ങ്ങ​ളി​ലും സത്യസ​ന്ധ​രാ​യി​രി​ക്കാൻ യഹോവ പ്രതീ​ക്ഷി​ക്കു​ന്നു. (എബ്രാ. 13:18) കാരണം, “യഹോവ വഞ്ചകരെ വെറു​ക്കു​ന്നു, നേരു​ള്ള​വ​രെ​യാ​ണു ദൈവം ഉറ്റസു​ഹൃ​ത്തു​ക്ക​ളാ​ക്കു​ന്നത്‌.” (സുഭാ. 3:32) ‘ഹൃദയ​ത്തിൽ സത്യം സംസാ​രി​ക്കു​ന്ന​യാൾ’ എങ്ങനെ​യുള്ള ഒരാളാ​യി​രി​ക്കും? അയാൾ മറ്റുള്ള​വ​രു​ടെ മുമ്പിൽ ശരിയായ കാര്യങ്ങൾ ചെയ്‌തിട്ട്‌, ഒറ്റയ്‌ക്കാ​യി​രി​ക്കു​മ്പോൾ ദൈവ​നി​യ​മങ്ങൾ ലംഘി​ക്കുന്ന ഒരാളാ​യി​രി​ക്കില്ല. അങ്ങനെ അഭിന​യി​ക്കുന്ന ഒരു വ്യക്തി യഹോവ വെച്ചി​രി​ക്കുന്ന ചില നിയമ​ങ്ങ​ളൊ​ക്കെ ശരിക്കും ആവശ്യ​മു​ള്ള​താ​ണോ എന്നു ചിന്തി​ക്കാൻതു​ട​ങ്ങും. (യാക്കോ. 1:5-8) വലിയ പ്രാധാ​ന്യ​മൊ​ന്നും ഇല്ലെന്നു തോന്നുന്ന കാര്യ​ങ്ങ​ളിൽ അദ്ദേഹം അനുസ​ര​ണ​ക്കേടു കാണി​ക്കും. എന്നിട്ടും കുഴപ്പ​മൊ​ന്നും സംഭവി​ക്കു​ന്നില്ല എന്നു തോന്നു​മ്പോൾ ഗുരു​ത​ര​മായ തെറ്റുകൾ ചെയ്യാൻതു​ട​ങ്ങും. അങ്ങനെ​യുള്ള ഒരാൾ താൻ ദൈവത്തെ സേവി​ക്കു​ന്നു​ണ്ട​ല്ലോ എന്നു ചിന്തി​ച്ചാ​ലും ആ ആരാധന ദൈവം സ്വീക​രി​ക്കില്ല. (സഭാ. 8:11) അതു​കൊണ്ട്‌ നമുക്ക്‌ എല്ലാ കാര്യ​ങ്ങ​ളി​ലും സത്യസ​ന്ധ​രാ​യി​രി​ക്കാൻ ശ്രമി​ക്കാം. w24.06 പേ. 10 ഖ. 7-8

യഹോ​വ​യു​ടെ ജനം ദൈവ​വ​ച​ന​ത്തിൽ കാണുന്ന സത്യത്തെ സ്‌നേ​ഹി​ക്കു​ന്നു. അതാണു നമ്മുടെ വിശ്വാ​സ​ത്തി​ന്റെ അടിസ്ഥാ​നം. (റോമ. 10:17) യഹോവ ക്രിസ്‌തീ​യസഭ സ്ഥാപി​ച്ചി​രി​ക്കു​ന്നത്‌, “സത്യത്തി​ന്റെ തൂണും താങ്ങും” ആയിട്ടാ​ണെന്നു നമുക്ക്‌ അറിയാം. (1 തിമൊ. 3:15) ബൈബി​ളി​ലും സംഘടന നൽകുന്ന നിർദേ​ശ​ങ്ങ​ളി​ലും ഉള്ള നമ്മുടെ വിശ്വാ​സം നഷ്ടപ്പെട്ട്‌ കാണു​ന്ന​താ​ണു സാത്താന്‌ ഏറ്റവും സന്തോഷം. (എഫെ. 4:14) പെട്ടെ​ന്നു​തന്നെ സാത്താൻ രാഷ്‌ട്ര​ങ്ങളെ മുഴുവൻ യഹോ​വ​യ്‌ക്ക്‌ എതിരെ തിരി​ക്കു​ന്ന​തി​നു വളരെ തന്ത്രപ​ര​മാ​യി മനഞ്ഞെ​ടുത്ത നുണകൾ പ്രചരി​പ്പി​ക്കും. (വെളി. 16:13, 14) അതു​പോ​ലെ യഹോ​വ​യു​ടെ ജനത്തെ വഴി​തെ​റ്റി​ക്കാ​നുള്ള ശ്രമങ്ങ​ളും സാത്താൻ ശക്തമാ​ക്കു​മെന്നു നമുക്ക്‌ അറിയാം. (വെളി. 12:9) അതു​കൊണ്ട്‌ സത്യവും നുണയും തമ്മിലുള്ള വ്യത്യാ​സം തിരി​ച്ച​റി​യാ​നും സത്യത്തിൽത്തന്നെ ഉറച്ചു​നിൽക്കാ​നും നമ്മൾ പഠി​ക്കേ​ണ്ടതു പ്രധാ​ന​മാണ്‌. (റോമ. 6:17; 1 പത്രോ. 1:22) മഹാക​ഷ്ട​തയെ നമ്മൾ അതിജീ​വി​ക്കു​മോ എന്നത്‌ അതിനെ ആശ്രയി​ച്ചാ​ണി​രി​ക്കു​ന്നത്‌! w24.07 പേ. 8 ഖ. 1-3

യഹോവ ഇസ്രാ​യേ​ല്യ​രെ തന്റെ ജനതയാ​യി തിര​ഞ്ഞെ​ടു​ത്ത​പ്പോൾ അവരു​മാ​യി ഒരു ഉടമ്പടി ചെയ്‌തു. യഹോവ കൊടുത്ത നിയമങ്ങൾ അവർ അനുസ​രി​ക്കു​ക​യാ​ണെ​ങ്കിൽ യഹോവ അവരെ സംരക്ഷി​ക്കു​ക​യും അനു​ഗ്ര​ഹി​ക്കു​ക​യും ചെയ്യു​മാ​യി​രു​ന്നു. എന്നാൽ വേറെ ദൈവ​ങ്ങളെ ആരാധി​ക്കു​ക​യും മറ്റും ചെയ്‌തു​കൊണ്ട്‌ അവർ യഹോ​വയെ ധിക്കരി​ക്കു​ക​യാ​ണെ​ങ്കിൽ യഹോവ തന്റെ സംരക്ഷണം പിൻവ​ലി​ക്കു​ക​യും അവർ കഷ്ടപ്പെ​ടേ​ണ്ടി​വ​രു​ക​യും ചെയ്യു​മാ​യി​രു​ന്നു. അതിന്റെ അർഥം യഹോവ അവരെ പൂർണ​മാ​യി ഉപേക്ഷി​ക്കു​മാ​യി​രു​ന്നു എന്നല്ല. അവർക്കു ദൈവ​മായ ‘യഹോ​വ​യി​ലേക്കു തിരി​യാ​നും ദൈവ​ത്തി​ന്റെ വാക്കു​ക​ളെ​ല്ലാം അനുസ​രി​ക്കാ​നും’ കഴിയു​മാ​യി​രു​ന്നു. (ആവ. 30:1-3, 17-20) മറ്റു വാക്കു​ക​ളിൽ പറഞ്ഞാൽ, അവർക്കു മാനസാ​ന്ത​ര​പ്പെ​ടാൻ സാധി​ക്കു​മാ​യി​രു​ന്നു. അങ്ങനെ ചെയ്‌താൽ യഹോവ അവരോട്‌ അടുക്കു​ക​യും അവരെ വീണ്ടും അനു​ഗ്ര​ഹി​ക്കു​ക​യും ചെയ്യും. ഇസ്രാ​യേൽ ജനത യഹോ​വ​യോ​ടു വീണ്ടും​വീ​ണ്ടും ധിക്കാരം കാണിച്ചു. അതിന്റെ ഫലമായി അവർക്കു ദുരി​തങ്ങൾ അനുഭ​വി​ക്കേ​ണ്ടി​വന്നു. എന്നാൽ അവർ വഴി​തെ​റ്റി​പ്പോ​യി​ട്ടും യഹോവ അവരെ ഉപേക്ഷി​ച്ചില്ല. മാനസാ​ന്ത​ര​പ്പെട്ട്‌ തിരി​ഞ്ഞു​വ​രാൻ അവരെ സഹായി​ക്കു​ന്ന​തിന്‌ യഹോവ വീണ്ടും​വീ​ണ്ടും പ്രവാ​ച​ക​ന്മാ​രെ അവരുടെ അടു​ത്തേക്ക്‌ അയച്ചു.—2 രാജാ. 17:13, 14. w24.08 പേ. 9 ഖ. 4-5

യേശു മരിച്ച​തി​നു ശേഷമുള്ള വർഷങ്ങ​ളിൽ, യരുശ​ലേ​മി​ലും യഹൂദ്യ​യി​ലും ഉള്ള എബ്രാ​യ​ക്രി​സ്‌ത്യാ​നി​കൾക്ക്‌ ഒരുപാ​ടു കഷ്ടപ്പാ​ടു​കൾ നേരി​ടേ​ണ്ടി​വന്നു. ക്രിസ്‌തീ​യസഭ സ്ഥാപി​ത​മായ ഉടനെ​തന്നെ അവർക്കു ശക്തമായ ഉപദ്ര​വ​ങ്ങ​ളു​ണ്ടാ​യി. ഏതാണ്ട്‌ 20 വർഷങ്ങൾക്കു ശേഷം ക്രിസ്‌തു​വി​ന്റെ അനുഗാ​മി​കൾക്കു വലിയ സാമ്പത്തി​ക​ബു​ദ്ധി​മു​ട്ടു​കൾ അനുഭ​വി​ക്കേ​ണ്ടി​വന്നു. മുമ്പ്‌ ദേശത്തു​ണ്ടായ ക്ഷാമത്തി​ന്റെ ഫലമാ​യി​ട്ടാ​യി​രി​ക്കാം അവർക്ക്‌ അതു നേരി​ട്ടത്‌. (പ്രവൃ. 11:27-30) എന്നാൽ ഏതാണ്ട്‌ എ.ഡി. 61 ആയപ്പോ​ഴേ​ക്കും അവിടത്തെ സാഹച​ര്യം കുറെ​യൊ​ക്കെ മെച്ച​പ്പെട്ടു. വരാനി​രുന്ന സംഭവ​ങ്ങൾവെച്ച്‌ നോക്കു​മ്പോൾ അവർക്ക്‌ അതൊരു സമാധാ​ന​കാ​ല​ഘ​ട്ട​മാ​യി​രു​ന്നു. ആ സമയത്താണ്‌ അപ്പോ​സ്‌ത​ല​നായ പൗലോസ്‌ ദൈവ​പ്ര​ചോ​ദി​ത​മാ​യി അവർക്ക്‌ ഒരു കത്ത്‌ എഴുതു​ന്നത്‌. അതിലെ നിർദേ​ശങ്ങൾ ഭാവി​യിൽ നേരി​ടാ​നുള്ള സംഭവ​ങ്ങൾക്കാ​യി അവരെ ഒരുക്കു​മാ​യി​രു​ന്നു. എബ്രാ​യർക്ക്‌ എഴുതിയ ആ കത്ത്‌ കൃത്യ​സ​മ​യ​ത്തുള്ള ഒന്നായി​രു​ന്നു. കാരണം അവർക്കു​ണ്ടാ​യി​രുന്ന ആ സമാധാ​ന​ത്തി​ന്റെ സമയം അധികം നാൾ നീണ്ടു​നിൽക്കു​മാ​യി​രു​ന്നില്ല. കഷ്ടതക​ളു​ടെ ആ സമയത്ത്‌ സഹിച്ചു​നിൽക്കാൻ സഹായി​ക്കുന്ന പ്രാ​യോ​ഗി​ക​നിർദേ​ശ​ങ്ങ​ളാ​ണു പൗലോസ്‌ അവർക്കു നൽകി​യത്‌. w24.09 പേ. 8 ഖ. 1-2

പ്രയാ​സങ്ങൾ അനുഭ​വി​ക്കുന്ന സമയത്ത്‌ സഹവി​ശ്വാ​സി​കൾ നമുക്കു ‘വലിയ ഒരു ആശ്വാ​സ​മാണ്‌.’ സഹോ​ദ​ര​ങ്ങ​ളി​ലൂ​ടെ നമുക്ക്‌ യഹോ​വ​യു​ടെ സ്‌നേഹം അനുഭ​വി​ച്ച​റി​യാ​നാ​കും. നമ്മളോ​ടൊ​പ്പം സമയം ചെലവ​ഴി​ച്ചു​കൊ​ണ്ടും നമ്മൾ പറയു​ന്നതു ശ്രദ്ധ​യോ​ടെ കേട്ടു​കൊ​ണ്ടും സഹോ​ദ​രങ്ങൾ നമ്മളെ ആശ്വസി​പ്പി​ക്കും. അവർ ബൈബിൾവാ​ക്യ​ങ്ങൾ ഉപയോ​ഗിച്ച്‌ നമ്മളെ പ്രോ​ത്സാ​ഹി​പ്പി​ക്കു​ക​യോ നമ്മളോ​ടൊ​പ്പം പ്രാർഥി​ക്കു​ക​യോ ഒക്കെ ചെയ്‌തേ​ക്കാം. (റോമ. 15:4) ചില​പ്പോൾ ഒരു കാര്യ​ത്തെ​ക്കു​റിച്ച്‌ യഹോ​വ​യു​ടെ ചിന്ത മനസ്സി​ലാ​ക്കാ​നും അങ്ങനെ സമനി​ല​യോ​ടെ മുന്നോ​ട്ടു​പോ​കാ​നും ഒരു സഹോ​ദ​ര​നോ സഹോ​ദ​രി​ക്കോ നമ്മളെ സഹായി​ക്കാ​നാ​കും. ഇനി, നമ്മൾ നിരാ​ശ​പ്പെ​ട്ടി​രി​ക്കു​മ്പോൾ ഒരു നേരത്തെ ഭക്ഷണം ഉണ്ടാക്കി​ത്ത​രു​ന്ന​തു​പോ​ലെ എന്തെങ്കി​ലു​മൊ​ക്കെ സഹായങ്ങൾ ചെയ്‌തു​ത​രാ​നും അവർക്കു കഴിയും. മറ്റുള്ള​വ​രിൽനിന്ന്‌ സഹായം കിട്ടാൻ നമ്മൾ ചില​പ്പോൾ സഹായം ചോദി​ക്കേ​ണ്ട​തു​ണ്ടാ​യി​രി​ക്കാം. (സുഭാ. 17:17) നമുക്ക്‌ എന്താണു തോന്നു​ന്ന​തെ​ന്നോ, എന്താണു വേണ്ട​തെ​ന്നോ അവർക്ക്‌ അറിയാൻ കഴി​ഞ്ഞെ​ന്നു​വ​രില്ല. (സുഭാ. 14:10) അതു​കൊണ്ട്‌ നിങ്ങൾക്ക്‌ എന്താണു തോന്നു​ന്ന​തെന്നു പക്വത​യുള്ള കൂട്ടു​കാ​രോ​ടു തുറന്നു​പ​റ​യാൻ തയ്യാറാ​കുക. എങ്കിലേ നിങ്ങളെ സഹായി​ക്കാൻ എന്താണു ചെയ്യേ​ണ്ട​തെന്ന്‌ അവർക്കു മനസ്സി​ലാ​കു​ക​യു​ള്ളൂ. ചില​പ്പോൾ നിങ്ങൾക്ക്‌ അടുപ്പ​മുള്ള ഒന്നോ രണ്ടോ മൂപ്പന്മാ​രോ​ടാ​യി​രി​ക്കും നിങ്ങൾ സംസാ​രി​ക്കാൻ തീരു​മാ​നി​ക്കു​ന്നത്‌. ഇനി ചില സഹോ​ദ​രി​മാർക്കു പക്വത​യുള്ള മറ്റൊരു സഹോ​ദ​രി​യോട്‌ ഉള്ളുതു​റ​ക്കു​ന്നതു കൂടുതൽ എളുപ്പ​മാ​യി തോന്നി​യി​ട്ടുണ്ട്‌. w24.10 പേ. 10 ഖ. 15-16

ആരോ​ഗ്യ​ത്തോ​ടെ​യി​രി​ക്കാൻ ഇന്നു പല ആളുക​ളും നന്നായി വ്യായാ​മം ചെയ്യു​ക​യും നല്ല ഭക്ഷണം കഴിക്കു​ക​യും ചെയ്യുന്നു. ഇങ്ങനെ​യൊ​ക്കെ​യാ​ണെ​ങ്കി​ലും പ്രായ​മാ​കു​മെ​ന്നും മരിക്കു​മെ​ന്നും അവർക്ക്‌ അറിയാം. എന്നേക്കും ജീവി​ക്കാൻ കഴിയുക എന്നതു നടക്കാത്ത കാര്യ​മാ​യി അവർക്കു തോന്നു​ന്നു. എന്നാൽ യേശു, മനുഷ്യർക്കു ‘നിത്യം ജീവി​ക്കാൻ’ കഴിയു​മെന്നു പറഞ്ഞി​ട്ടുണ്ട്‌. യോഹ​ന്നാൻ 3:16-ലും 5:24-ലും നമുക്ക്‌ അതു കാണാം. യേശു അത്ഭുത​ക​ര​മാ​യി ആയിര​ക്ക​ണ​ക്കിന്‌ ആളുകൾക്ക്‌ അപ്പവും മീനും കൊടു​ത്തു. അത്‌ അതിശ​യി​പ്പി​ക്കുന്ന ഒരു കാര്യ​മാ​യി​രു​ന്നെ​ങ്കി​ലും അടുത്ത ദിവസം യേശു പറഞ്ഞത്‌ അവരെ കൂടുതൽ അത്ഭുത​പ്പെ​ടു​ത്തി. ആളുകൾ യേശു​വി​നെ ഗലീല കടൽത്തീ​ര​ത്തിന്‌ അടുത്തുള്ള കഫർന്ന​ഹൂം​വരെ പിന്തു​ടർന്നു. അവി​ടെ​വെച്ച്‌ യേശു പുനരു​ത്ഥാ​ന​ത്തെ​ക്കു​റി​ച്ചും നിത്യ​ജീ​വ​നെ​ക്കു​റി​ച്ചും അവരോ​ടു പറഞ്ഞു. (യോഹ. 6:39, 40) യോഹ​ന്നാൻ 6-ാം അധ്യാ​യ​ത്തി​ലെ യേശു​വി​ന്റെ വാക്കുകൾ കാണി​ക്കു​ന്നത്‌, മരിച്ചു​പോയ പലരും പുനരു​ത്ഥാ​ന​പ്പെ​ടു​മെ​ന്നും നിങ്ങൾക്കും നിങ്ങളു​ടെ പ്രിയ​പ്പെ​ട്ട​വർക്കും നിത്യം ജീവി​ക്കാൻ പറ്റു​മെ​ന്നും ആണ്‌. w24.12 പേ. 8 ഖ. 1-2

ലോകാ​രോ​ഗ്യ സംഘട​ന​യു​ടെ അടുത്തി​ടെ​യുള്ള ഒരു റിപ്പോർട്ട​നു​സ​രിച്ച്‌, പല ഭർത്താ​ക്ക​ന്മാ​രും തങ്ങളുടെ ഭാര്യ​മാ​രെ ശാരീ​രി​ക​മാ​യോ മാനസി​ക​മാ​യോ വാക്കു​കൾകൊ​ണ്ടോ ഉപദ്ര​വി​ക്കു​ന്നുണ്ട്‌. അങ്ങനെ​യുള്ള ഒരാൾ മറ്റുള്ള​വ​രു​ടെ മുന്നിൽവെച്ച്‌ ഭാര്യ​യോട്‌ ആദര​വോ​ടെ ഇടപെ​ടു​ക​യും എന്നാൽ വീട്ടിൽവെച്ച്‌ വളരെ മോശ​മാ​യി പെരു​മാ​റു​ക​യും ചെയ്‌തേ​ക്കാം. ചില ഭർത്താ​ക്ക​ന്മാർ ഇങ്ങനെ​യൊ​ക്കെ ചെയ്യു​ന്നത്‌ എന്തു​കൊ​ണ്ടാണ്‌? ചില​പ്പോൾ സ്വന്തം അപ്പൻ അമ്മയോ​ടു മോശ​മാ​യി ഇടപെ​ടു​ന്നത്‌ കണ്ടായി​രി​ക്കാം അവർ വളർന്നു​വ​ന്നത്‌. അതു​കൊണ്ട്‌ അതൊരു തെറ്റൊ​ന്നു​മല്ല എന്നായി​രി​ക്കും അവർ ചിന്തി​ക്കു​ന്നത്‌. മറ്റു ചിലരെ സ്വാധീ​നി​ക്കു​ന്നത്‌ അവർക്കു ചുറ്റു​മുള്ള സംസ്‌കാ​ര​മാണ്‌. ഒരു ‘ആണാണ്‌’ എന്നു കാണി​ക്ക​ണ​മെ​ങ്കിൽ ഭാര്യയെ അടക്കി​ഭ​രി​ക്ക​ണ​മെന്ന തെറ്റായ ചിന്ത പല സംസ്‌കാ​ര​ങ്ങ​ളി​ലു​മുണ്ട്‌. വേറെ ചിലർക്കു ദേഷ്യം​പോ​ലുള്ള വികാ​രങ്ങൾ നിയ​ന്ത്രി​ക്കാൻ അറിയില്ല. കാരണം അവരെ അതു പഠിപ്പി​ച്ചി​ട്ടില്ല. ഇനി, ചില പുരു​ഷ​ന്മാർ പതിവാ​യി അശ്ലീലം കാണു​ന്ന​തു​കൊണ്ട്‌ സ്‌ത്രീ​കളെ ലൈം​ഗിക ആഗ്രഹങ്ങൾ തൃപ്‌തി​പ്പെ​ടു​ത്താ​നുള്ള വെറും ഉപകര​ണ​ങ്ങ​ളാ​യി അവർ വീക്ഷി​ക്കു​ന്നു. കൂടാതെ, കോവിഡ്‌ മഹാമാ​രി​യു​ടെ സമയത്ത്‌ ഭാര്യ​മാർക്കു നേരെ​യുള്ള അതി​ക്ര​മങ്ങൾ കൂടി​യ​താ​യും റിപ്പോർട്ടു​കൾ കാണി​ക്കു​ന്നു. പക്ഷേ എന്തു കാരണം പറഞ്ഞാ​ലും, ഭാര്യ​യ്‌ക്കു നേരെ​യുള്ള മോശ​മായ പെരു​മാ​റ്റത്തെ ഒരിക്ക​ലും ന്യായീ​ക​രി​ക്കാ​നാ​കില്ല. w25.01 പേ. 8 ഖ. 2-3

മോശ​യു​ടെ നിയമ​ത്തി​ലെ ഏറ്റവും പ്രധാ​ന​പ്പെട്ട കല്പന ഏതാ​ണെന്നു യേശു വ്യക്തമാ​ക്കി: “നിന്റെ ദൈവ​മായ യഹോ​വയെ നീ നിന്റെ മുഴു​ഹൃ​ദ​യ​ത്തോ​ടും നിന്റെ മുഴു​ദേ​ഹി​യോ​ടും നിന്റെ മുഴു​മ​ന​സ്സോ​ടും നിന്റെ മുഴു​ശ​ക്തി​യോ​ടും കൂടെ സ്‌നേ​ഹി​ക്കണം.” (മർക്കോ. 12:30) അതെ, യഹോ​വ​യോ​ടുള്ള സ്‌നേ​ഹ​ത്തിൽ നമ്മുടെ ഹൃദയം, അതായത്‌ നമ്മുടെ ആഗ്രഹ​ങ്ങ​ളും വികാ​ര​ങ്ങ​ളും എല്ലാം ഉൾപ്പെ​ടു​ന്നുണ്ട്‌. യഹോ​വ​യോ​ടുള്ള സ്‌നേ​ഹ​ത്തിൽ നമ്മുടെ മുഴു​ദേ​ഹി​യോ​ടെ​യുള്ള ഭക്തിയും നമ്മുടെ ശക്തിയും അഥവാ ഊർജ​വും ഉൾപ്പെ​ടു​ന്നു. ഇനി യഹോ​വ​യോ​ടുള്ള സ്‌നേ​ഹ​ത്തിൽ ഉൾപ്പെ​ടുന്ന മറ്റൊരു കാര്യ​മാ​ണു നമ്മുടെ മനസ്സ്‌. ഓരോ കാര്യ​ത്തെ​ക്കു​റി​ച്ചും നമ്മൾ ചിന്തി​ക്കുന്ന വിധം അതിൽപ്പെ​ടും. യഹോവ ചിന്തി​ക്കു​ന്ന​തു​പോ​ലെ ചിന്തി​ക്കാ​നാ​ണു നമ്മൾ ശ്രമി​ക്കു​ന്നത്‌. എന്നാൽ യഹോ​വ​യു​ടെ ചിന്തകൾ പൂർണ​മാ​യി മനസ്സി​ലാ​ക്കാൻ നമുക്കു കഴിയില്ല എന്നതു ശരിയാണ്‌. എങ്കിലും ‘ക്രിസ്‌തു​വി​ന്റെ മനസ്സ്‌’ പഠിക്കു​ന്ന​തി​ലൂ​ടെ നമുക്ക്‌ യഹോ​വ​യു​ടെ ചിന്തകൾ നന്നായി മനസ്സി​ലാ​ക്കാ​നാ​കും. കാരണം യേശു യഹോ​വ​യു​ടെ ചിന്തകൾ പൂർണ​മാ​യി പകർത്തിയ ആളാണ്‌.—1 കൊരി. 2:16. w25.03 പേ. 8 ഖ. 1

പാപം ചെയ്യു​ന്ന​തി​നു മുമ്പ്‌ ആദ്യമ​നു​ഷ്യ​നായ ആദാം എങ്ങനെ​യാ​യി​രു​ന്നോ അതു​പോ​ലെ​തന്നെ പൂർണ​നാ​യി​രു​ന്നു യേശു​വും. (1 കൊരി. 15:45) അതു​കൊണ്ട്‌ തന്റെ മരണത്തി​ലൂ​ടെ ആദാമി​ന്റെ പാപത്തി​നു പരിഹാ​രം കൊണ്ടു​വ​രാൻ, അതായത്‌ ആദാം നഷ്ടപ്പെ​ടു​ത്തി​യതു വീണ്ടെ​ടു​ക്കാൻ യേശു​വി​നാ​യി. (റോമ. 5:19) അങ്ങനെ യേശു “അവസാ​നത്തെ ആദാം” ആയിത്തീർന്നു. ഇനി വേറൊ​രു പൂർണ​മ​നു​ഷ്യൻ വന്ന്‌ ആദാം നഷ്ടപ്പെ​ടു​ത്തി​യ​തി​നു പകരം കൊടു​ക്കേ​ണ്ട​തില്ല. കാരണം യേശു “എല്ലാ കാല​ത്തേ​ക്കും​വേണ്ടി ഒരു പ്രാവ​ശ്യം” ആ വില കൊടു​ത്തു. (എബ്രാ. 7:27; 10:12) അപ്പോൾ പാപപ​രി​ഹാ​ര​ത്തി​നാ​യുള്ള ക്രമീ​ക​ര​ണ​വും മോച​ന​വി​ല​യും തമ്മിലുള്ള വ്യത്യാ​സം എന്താണ്‌? പാപപ​രി​ഹാര ക്രമീ​ക​ര​ണ​ത്തിൽ താനും മനുഷ്യ​രും തമ്മിലുള്ള ബന്ധം വീണ്ടെ​ടു​ക്കാൻ യഹോവ ചെയ്യുന്ന കാര്യ​ങ്ങ​ളാണ്‌ ഉൾപ്പെ​ടു​ന്നത്‌. എന്നാൽ, പാപി​ക​ളായ മനുഷ്യ​രു​ടെ കാര്യ​ത്തിൽ പാപപ​രി​ഹാ​രം സാധ്യ​മാ​കു​ന്ന​തി​നു​വേണ്ടി കൊടുത്ത വിലയാണ്‌ മോച​ന​വില. നമുക്കു​വേണ്ടി ചൊരിഞ്ഞ യേശു​വി​ന്റെ വില​യേ​റിയ രക്തമാ​യി​രു​ന്നു ആ വില.—എബ്രാ. 9:14. w25.02 പേ. 5 ഖ. 12-13

യഹോ​വയെ ജീവനുള്ള ദൈവ​മാ​യി കാണു​മ്പോൾ നമുക്കു നേരി​ടുന്ന പരി​ശോ​ധ​ന​ക​ളെ​ക്കു​റിച്ച്‌ നമു​ക്കൊ​രു ശരിയായ വീക്ഷണ​മു​ണ്ടാ​യി​രി​ക്കും. അത്‌ എങ്ങനെ​യാണ്‌? നമ്മുടെ പ്രശ്‌നത്തെ യഹോ​വ​യും സാത്താ​നും ഉൾപ്പെട്ട വലി​യൊ​രു പ്രശ്‌ന​ത്തി​ന്റെ ഭാഗമാ​യി നമ്മൾ കാണാൻതു​ട​ങ്ങും. പ്രശ്‌ന​ങ്ങ​ളു​ണ്ടാ​കു​മ്പോൾ നമ്മൾ യഹോ​വയെ ഉപേക്ഷി​ക്കു​മെ​ന്നാ​ണു സാത്താൻ പറയു​ന്നത്‌. (ഇയ്യോ. 1:10, 11; സുഭാ. 27:11) എന്നാൽ യഹോ​വ​യോ​ടു വിശ്വ​സ്‌ത​രാ​യി നിൽക്കു​മ്പോൾ നമ്മൾ യഹോ​വയെ സ്‌നേ​ഹി​ക്കു​ന്നെ​ന്നും സാത്താൻ ഒരു നുണയ​നാ​ണെ​ന്നും തെളി​യി​ക്കു​ക​യാണ്‌. നിങ്ങൾ ഇപ്പോൾ ഗവൺമെ​ന്റി​ന്റെ എതിർപ്പോ സാമ്പത്തി​ക​ബു​ദ്ധി​മു​ട്ടോ ശുശ്രൂ​ഷ​യി​ലെ മോശം പ്രതി​ക​ര​ണ​മോ അല്ലെങ്കിൽ അതു​പോ​ലുള്ള മറ്റ്‌ ഏതെങ്കി​ലും പ്രശ്‌ന​ങ്ങ​ളോ നേരി​ടു​ന്നു​ണ്ടോ? എങ്കിൽ, അവയെ​യെ​ല്ലാം യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കാ​നുള്ള അവസര​ങ്ങ​ളാ​യി കാണുക. നിങ്ങൾക്കു സഹിക്കാൻ പറ്റാത്തത്ര വലിയ പ്രശ്‌നം നേരി​ടാൻ യഹോവ ഒരിക്ക​ലും അനുവ​ദി​ക്കി​ല്ലെന്ന്‌ ഓർക്കുക. പ്രശ്‌ന​ങ്ങ​ളു​ണ്ടാ​കു​മ്പോൾ സഹിച്ചു​നിൽക്കാൻ വേണ്ട ശക്തി യഹോവ തരും. w24.06 പേ. 22 ഖ. 9

ഏതുതരം പ്രലോ​ഭ​ന​ത്തി​ലാണ്‌ നിങ്ങൾ എളുപ്പം വീണു​പോ​കാൻ സാധ്യ​ത​യു​ള്ളത്‌ എന്നു നിങ്ങൾക്ക്‌ അറിയാ​മോ? നമ്മുടെ ദൗർബ​ല്യ​ങ്ങൾ അവഗണി​ച്ചു​കൊണ്ട്‌ ‘എനിക്കു തെറ്റൊ​ന്നും പറ്റില്ല’ എന്നു ചിന്തി​ക്കു​ന്നത്‌ മണ്ടത്തര​മാണ്‌. (1 യോഹ. 1:8) ജാഗ്രത കൈവി​ട്ടാൽ ‘ആത്മീയ​യോ​ഗ്യ​ത​യു​ള്ളവർ’ പോലും തെറ്റിൽ വീണു​പോ​കാൻ സാധ്യ​ത​യുണ്ട്‌ എന്നു പൗലോസ്‌ മുന്നറി​യി​പ്പു നൽകി. (ഗലാ. 6:1) നമ്മൾ സത്യസ​ന്ധ​മാ​യി സ്വയം വിലയി​രു​ത്തു​ക​യും ഏതു കാര്യ​ങ്ങ​ളി​ലാ​ണു നമുക്കു ദൗർബ​ല്യം ഉള്ളതെന്നു തിരി​ച്ച​റി​യു​ക​യും വേണം. (2 കൊരി. 13:5) നമുക്ക്‌ ഏറ്റവും കൂടുതൽ പ്രലോ​ഭനം തോന്നു​ന്നത്‌ ഏതു കാര്യ​ത്തി​ലാണ്‌ എന്നു മനസ്സി​ലാ​ക്കി​യാൽ, പിന്നെ നമ്മൾ എന്തു ചെയ്യണം? പ്രതി​രോ​ധം ശക്തമാ​ക്കണം. ഉദാഹ​ര​ണ​ത്തിന്‌, ബൈബിൾക്കാ​ല​ങ്ങ​ളി​ലെ ഒരു നഗരമ​തി​ലി​ന്റെ കാര്യ​മെ​ടു​ത്താൽ അതിന്റെ ഏറ്റവും ദുർബ​ല​മായ ഭാഗം കവാട​ങ്ങ​ളാ​യി​രു​ന്നു. കാരണം, അതിലൂ​ടെ ശത്രു​ക്കൾക്ക്‌ എളുപ്പം അകത്തു​ക​ട​ക്കാൻ പറ്റും. അതു​കൊ​ണ്ടു​തന്നെ ഏറ്റവും കൂടുതൽ കാവൽക്കാർ നിന്നി​രു​ന്ന​തും കവാട​ങ്ങ​ളി​ലാണ്‌. അതു​പോ​ലെ നമ്മളും, നമുക്ക്‌ ഏറ്റവും ദൗർബ​ല്യ​മു​ണ്ടെന്നു തോന്നുന്ന കാര്യ​ങ്ങൾക്കു പ്രത്യേ​കം ശ്രദ്ധ​കൊ​ടു​ക്കേ​ണ്ടതു പ്രധാ​ന​മാണ്‌.—1 കൊരി. 9:27. w24.07 പേ. 15 ഖ. 5-7

ഇന്നത്തെ വാക്യ​ത്തിൽ പറഞ്ഞി​രി​ക്കുന്ന സത്‌പ്ര​വൃ​ത്തി​ക​ളിൽ, സന്തോ​ഷ​വാർത്ത പ്രസം​ഗി​ക്കു​ന്ന​തും ഉൾപ്പെ​ടു​ന്നുണ്ട്‌. അതു​കൊണ്ട്‌ ദൈവ​വ​ചനം വായി​ക്കു​ക​യും ധ്യാനി​ക്കു​ക​യും ചെയ്യുക. അത്‌ യഹോ​വ​യി​ലുള്ള നമ്മുടെ വിശ്വാ​സം ശക്തമാ​ക്കും. സന്തോ​ഷ​വാർത്ത പ്രസം​ഗി​ക്കേ​ണ്ട​തി​ന്റെ പ്രാധാ​ന്യം നമ്മൾ തിരി​ച്ച​റി​യു​ക​യും ചെയ്യും. ദൈവ​വ​ച​ന​ത്തിൽനിന്ന്‌ പരമാ​വധി പ്രയോ​ജനം നേടണ​മെ​ങ്കിൽ നമ്മൾ തിരക്കു​പി​ടി​ക്കാ​തെ സമയ​മെ​ടുത്ത്‌ ബൈബിൾ വായി​ക്കു​ക​യും പഠിക്കു​ക​യും ധ്യാനി​ക്കു​ക​യും ചെയ്യണം. ബൈബിൾ വായി​ക്കു​മ്പോൾ ഏതെങ്കി​ലും ഒരു വാക്യ​ത്തി​ന്റെ അർഥം മനസ്സി​ലാ​യി​ല്ലെ​ങ്കിൽ, അതു വിട്ടു​ക​ള​ഞ്ഞേ​ക്കാം എന്നു വിചാ​രി​ക്ക​രുത്‌. പകരം, യഹോ​വ​യു​ടെ സാക്ഷി​കൾക്കു​വേ​ണ്ടി​യുള്ള ഗവേഷ​ണ​സ​ഹാ​യി​യോ വാച്ച്‌ടവർ പ്രസി​ദ്ധീ​കരണ സൂചി​ക​യോ (ഇംഗ്ലീഷ്‌) ഉപയോ​ഗിച്ച്‌ ആ വാക്യ​ത്തി​ന്റെ അർഥം മനസ്സി​ലാ​ക്കാൻ ശ്രമി​ക്കുക. ഇങ്ങനെ സമയ​മെ​ടുത്ത്‌ പഠിച്ചാൽ ബൈബി​ളിൽ പറയുന്ന കാര്യ​ങ്ങ​ളെ​ല്ലാം സത്യമാ​ണെന്നു നിങ്ങൾക്കു കൂടുതൽ ഉറപ്പാ​കും. (1 തെസ്സ. 5:21) ആ ഉറപ്പ്‌ എത്ര ശക്തമാ​ണോ അതനു​സ​രിച്ച്‌ പഠിച്ച കാര്യങ്ങൾ മറ്റുള്ള​വ​രോ​ടു പറയു​ന്നതു നിങ്ങൾ കൂടുതൽ ആസ്വദി​ക്കും. w24.04 പേ. 15 ഖ. 4-5

‘യഹോവ നല്ലവനും ക്ഷമിക്കാൻ സന്നദ്ധനും ആണ്‌’ എന്ന്‌ ദാവീദ്‌ പറഞ്ഞു. (സങ്കീ. 86:5) മീഖ എഴുതി: ‘അങ്ങയെ​പ്പോ​ലെ വേറൊ​രു ദൈവ​മു​ണ്ടോ? അങ്ങു തെറ്റുകൾ ക്ഷമിക്കു​ക​യും ലംഘനങ്ങൾ പൊറു​ക്കു​ക​യും ചെയ്യുന്നു.’ (മീഖ 7:18) ഇനി, യശയ്യയു​ടെ വാക്കുകൾ ശ്രദ്ധി​ക്കുക: “ദുഷ്ടൻ തന്റെ വഴി വിട്ടു​മാ​റട്ടെ. ദ്രോഹി തന്റെ ചിന്തകൾ ഉപേക്ഷി​ക്കട്ടെ. അവൻ യഹോ​വ​യി​ലേക്കു തിരികെ വരട്ടെ; ദൈവം അവനോ​ടു കരുണ കാണി​ക്കും, നമ്മുടെ ദൈവ​ത്തി​ലേക്കു മടങ്ങി​വ​രട്ടെ; ദൈവം അവനോട്‌ ഉദാര​മാ​യി ക്ഷമിക്കും.” (യശ. 55:7) യഹോ​വയെ അനുക​രി​ച്ചു​കൊണ്ട്‌, മാനസാ​ന്ത​ര​പ്പെട്ട ഒരു വ്യക്തിയെ തിരികെ സ്വാഗതം ചെയ്യാ​നും തങ്ങൾ അദ്ദേഹത്തെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു കൊടു​ക്കാ​നും ഉള്ള നിർദേശം കൊരി​ന്തു​സ​ഭ​യ്‌ക്കു കിട്ടി. ആ നിർദേശം അനുസ​രി​ച്ചു​കൊണ്ട്‌ തങ്ങൾ ‘എല്ലാ കാര്യ​ത്തി​ലും അനുസ​ര​ണ​മു​ള്ള​വ​രാണ്‌’ എന്നു സഭ കാണിച്ചു. തെറ്റു ചെയ്‌ത വ്യക്തിയെ സഭയിൽനിന്ന്‌ നീക്കം ചെയ്‌തിട്ട്‌ ഏതാനും മാസങ്ങളേ ആയിരു​ന്നു​ള്ളൂ എന്നതു ശരിയാണ്‌. എങ്കിലും ശിക്ഷണം കൊടു​ത്ത​തി​ന്റെ ഉദ്ദേശ്യം നടന്നു. ശിക്ഷണം അദ്ദേഹത്തെ മാനസാ​ന്ത​ര​ത്തി​ലേക്കു നയിച്ചു. അതു​കൊണ്ട്‌ മൂപ്പന്മാർ അദ്ദേഹത്തെ പുനഃ​സ്ഥി​തീ​ക​രി​ക്കുന്ന കാര്യം ഇനിയും വൈകി​പ്പി​ക്കേ​ണ്ട​തി​ല്ലാ​യി​രു​ന്നു. w24.08 പേ. 17-18 ഖ. 12-13

വലിയ മാറ്റങ്ങൾ സംഭവി​ക്കാൻപോ​കുന്ന ഒരു കാലത്താ​ണു നമ്മൾ ജീവി​ക്കു​ന്നത്‌. യേശു ഉടൻതന്നെ എല്ലാ മനുഷ്യ​രെ​യും ന്യായം വിധി​ക്കും. ആ ന്യായ​വി​ധി​ക്കു മുമ്പായി ഈ ലോകത്തു നടക്കാൻപോ​കുന്ന സംഭവ​ങ്ങ​ളെ​ക്കു​റിച്ച്‌ യേശു ശിഷ്യ​ന്മാ​രോ​ടു പറഞ്ഞു. യേശു​വി​ന്റെ അദൃശ്യ​സാ​ന്നി​ധ്യ​ത്തി​ന്റെ​യും “വ്യവസ്ഥി​തി അവസാ​നി​ക്കാൻപോ​കു​ന്നു എന്നതി​ന്റെ​യും” ഒരു പ്രാവ​ച​നിക “അടയാളം” നൽകി​ക്കൊ​ണ്ടാണ്‌ യേശു അതു ചെയ്‌തത്‌. (മത്താ. 24:3) ആ പ്രവചനം മത്തായി 24, 25 അധ്യാ​യ​ങ്ങ​ളി​ലും അതിന്റെ സമാന്ത​ര​വി​വ​ര​ണ​ങ്ങ​ളായ മർക്കോസ്‌ 13-ാം അധ്യാ​യ​ത്തി​ലും ലൂക്കോസ്‌ 21-ാം അധ്യാ​യ​ത്തി​ലും കാണാം. യേശു മൂന്നു ദൃഷ്ടാ​ന്ത​ക​ഥകൾ പറഞ്ഞു​കൊണ്ട്‌ നമുക്കു ചില മുന്നറി​യി​പ്പു​കൾ തന്നു. ഏതൊ​ക്കെ​യാണ്‌ ആ ദൃഷ്ടാ​ന്തങ്ങൾ? ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ദൃഷ്ടാന്തം, വിവേ​ക​മ​തി​ക​ളും വിവേ​ക​മി​ല്ലാ​ത്ത​വ​രും ആയ കന്യക​മാ​രു​ടെ ദൃഷ്ടാന്തം, താലന്തു​ക​ളു​ടെ ദൃഷ്ടാന്തം. യേശു ഒരു വ്യക്തിയെ ന്യായം വിധി​ക്കു​ന്നത്‌ അയാളു​ടെ പ്രവൃ​ത്തി​ക​ളു​ടെ അടിസ്ഥാ​ന​ത്തി​ലാ​യി​രി​ക്കും എന്നു മനസ്സി​ലാ​ക്കാൻ ഈ ഓരോ ദൃഷ്ടാ​ന്ത​ക​ഥ​യും നമ്മളെ സഹായി​ക്കും. w24.09 പേ. 20 ഖ. 1-2

നമ്മുടെ ഏറ്റവും നല്ല മാതൃ​ക​യായ യേശു​വി​നെ പ്രേരി​പ്പി​ച്ചതു സ്‌നേ​ഹ​മാണ്‌; പിതാ​വി​നോ​ടും ആളുക​ളോ​ടും ഉള്ള സ്‌നേഹം. ആ സ്‌നേഹം കഠിനാ​ധ്വാ​നം ചെയ്യാ​നും മറ്റുള്ള​വർക്കു​വേണ്ടി എളിയ ജോലി​കൾ ചെയ്യാ​നും യേശു​വി​നെ പ്രേരി​പ്പി​ച്ചു. (മത്താ. 20:28; യോഹ. 13:5, 14, 15) യേശു​വി​നെ​പ്പോ​ലെ സ്‌നേ​ഹ​മാ​ണു നിങ്ങ​ളെ​യും പ്രേരി​പ്പി​ക്കു​ന്ന​തെ​ങ്കിൽ യഹോവ നിങ്ങളെ അനു​ഗ്ര​ഹി​ക്കു​ക​യും ശുശ്രൂ​ഷാ​ദാ​സ​നാ​കുക എന്നതു​പോ​ലുള്ള ആത്മീയ യോഗ്യ​ത​ക​ളിൽ എത്തി​ച്ചേ​രാൻ സഹായി​ക്കു​ക​യും ചെയ്യും. (1 പത്രോ. 5:5) സ്വയം വലിയ​വ​രാ​ണെന്നു കാണി​ക്കു​ന്ന​വ​രെ​യാണ്‌ ഇന്നു ലോകം ആദരി​ക്കു​ന്നത്‌. എന്നാൽ യഹോ​വ​യു​ടെ സംഘട​ന​യിൽ അങ്ങനെയല്ല. യേശു​വി​നെ​പ്പോ​ലെ സ്‌നേ​ഹ​ത്താൽ പ്രേരി​ത​മാ​യി പ്രവർത്തി​ക്കുന്ന ഒരു സഹോ​ദരൻ, ഒരിക്ക​ലും അധികാ​ര​മോ പ്രാമു​ഖ്യ​ത​യോ നേടാൻ ശ്രമി​ക്കില്ല. അധികാ​ര​മോ​ഹി​യായ ഒരാളെ സഭയിൽ നിയമി​ച്ചാൽ ആ വ്യക്തി യഹോ​വ​യു​ടെ വിലപ്പെട്ട ആടുകൾക്കു​വേണ്ടി എളിയ ജോലി​കൾ ചെയ്യാൻ മടി കാണി​ച്ചേ​ക്കാം. അത്തരം ജോലി​കൾ അദ്ദേഹം ഒരു കുറച്ചി​ലാ​യി കാണാൻ സാധ്യ​ത​യുണ്ട്‌. അഹങ്കാ​ര​മോ സ്വാർഥ​മായ ആഗ്രഹ​ങ്ങ​ളോ ഉള്ളിൽവെ​ച്ചു​കൊണ്ട്‌ പ്രവർത്തി​ക്കുന്ന ഒരാളു​ടെ ശ്രമങ്ങളെ യഹോവ അനു​ഗ്ര​ഹി​ക്കില്ല.—യോഹ. 10:12 w24.11 പേ. 15 ഖ. 6-7

ലോക​മെ​ങ്ങു​മാ​യി ‘മനുഷ്യ​രാ​കുന്ന സമ്മാന​ങ്ങ​ളാ​യി’ സേവി​ക്കാൻ നമുക്കു കൂടുതൽ സഹോ​ദ​ര​ന്മാ​രെ ആവശ്യ​മുണ്ട്‌. (എഫെ. 4:8) നിങ്ങൾ സ്‌നാ​ന​മേറ്റ ഒരു സഹോ​ദരൻ ആണെങ്കിൽ നിങ്ങൾക്ക്‌ ഈ വിധത്തിൽ ‘നന്മ ചെയ്യാൻ കഴിയു​മോ?’ (സുഭാ. 3:27) ഒരു ശുശ്രൂ​ഷാ​ദാ​സൻ ആയിത്തീ​രുക എന്ന ലക്ഷ്യം​വെച്ച്‌ അതിനു​വേണ്ടി പ്രവർത്തി​ക്കാൻ നിങ്ങൾ തയ്യാറാ​ണോ? ഇനി നിങ്ങൾ ഇപ്പോൾത്തന്നെ ഒരു ശുശ്രൂ​ഷാ​ദാ​സൻ ആണെങ്കിൽ സഹോ​ദ​ര​ങ്ങളെ കൂടുതൽ സേവി​ക്കാ​നാ​യി ഒരു മൂപ്പനാ​യി​ത്തീ​രുക എന്ന ലക്ഷ്യം വെക്കാ​നാ​കു​മോ? ജീവി​ത​ത്തിൽ ചില മാറ്റങ്ങ​ളൊ​ക്കെ വരുത്തി രാജ്യ​സു​വി​ശേ​ഷ​കർക്കുള്ള സ്‌കൂ​ളിന്‌ അപേക്ഷി​ക്കാൻ നിങ്ങൾക്കു കഴിയു​മോ? ആ സ്‌കൂ​ളിൽനിന്ന്‌ കിട്ടുന്ന പരിശീ​ലനം നിങ്ങളെ യേശു​വി​നു കൂടുതൽ ഉപയോ​ഗി​ക്കാൻ പറ്റുന്ന ഒരാളാ​ക്കി​ത്തീർക്കും. ഈ കാര്യങ്ങൾ ഒന്നും ചെയ്യാ​നുള്ള കഴിവ്‌ നിങ്ങൾക്കില്ല എന്നു തോന്നു​ന്നെ​ങ്കിൽ യഹോ​വ​യോ​ടു പ്രാർഥി​ക്കുക. നിങ്ങൾക്കു കിട്ടുന്ന ഏതൊരു നിയമ​ന​വും ഏറ്റവും നന്നായി ചെയ്യാൻ പരിശു​ദ്ധാ​ത്മാ​വി​നെ തന്ന്‌ സഹായി​ക്കണേ എന്ന്‌ അപേക്ഷി​ക്കുക. (ലൂക്കോ. 11:13) യേശു നിയമി​ച്ചി​രി​ക്കുന്ന ‘മനുഷ്യ​രാ​കുന്ന സമ്മാനങ്ങൾ,’ ഈ അവസാ​ന​കാ​ലത്ത്‌ യേശു നമ്മളെ വഴിന​യി​ക്കു​ന്നു എന്നതിന്റെ തെളി​വാണ്‌. (മത്താ. 28:20) നമ്മുടെ ആവശ്യങ്ങൾ അറിയുന്ന, നമ്മളെ സഹായി​ക്കാ​നാ​യി യോഗ്യ​ത​യുള്ള സഹോ​ദ​ര​ന്മാ​രെ തന്നിരി​ക്കുന്ന, സ്‌നേ​ഹ​നി​ധി​യായ, ഉദാര​നായ ഒരു രാജാ​വു​ള്ള​തിൽ നമ്മൾ നന്ദിയു​ള്ള​വ​രല്ലേ! w24.10 പേ. 23 ഖ. 16-17

ദൈവ​ജ​ന​ത്തിന്‌ വേദന​യും ദുരി​ത​ങ്ങ​ളും വരുത്തി​വെച്ച സംഭവ​ങ്ങ​ളു​ടെ കാര്യ​മോ? കുറെ കഴിയു​മ്പോൾ ആ കാര്യ​ങ്ങ​ളെ​ല്ലാം “മറന്നു​പോ​യി​രി​ക്കും. (ദൈവ​ത്തി​ന്റെ) കണ്ണുകൾ ഇനി അവ കാണില്ല.” (യശ. 65:16) യഹോവ നമ്മുടെ ദുരി​ത​ങ്ങ​ളെ​ല്ലാം ഇല്ലാതാ​ക്കും. കാലം കടന്നു​പോ​കു​മ്പോൾ അതിന്റെ ഓർമ​കൾപോ​ലും മാഞ്ഞു​പോ​കും. ഇപ്പോൾത്തന്നെ നമ്മുടെ മനസ്സിനു ശാന്തത നൽകുന്ന ഒരു കാര്യ​മാണ്‌, ക്രിസ്‌തീ​യ​യോ​ഗ​ങ്ങ​ളിൽ പങ്കെടു​ക്കു​ന്നത്‌. കാരണം അവി​ടെ​യാ​യി​രി​ക്കു​മ്പോൾ ഈ ലോക​ത്തി​ന്റെ ആകുല​ത​ക​ളെ​ല്ലാം നമുക്കു മറക്കാ​നാ​കു​ന്നു. നമ്മൾ പരിശു​ദ്ധാ​ത്മാ​വി​ന്റെ ഗുണങ്ങ​ളായ സ്‌നേഹം, സന്തോഷം, സമാധാ​നം, ദയ, സൗമ്യത തുടങ്ങി​യവ പ്രകടി​പ്പി​ക്കു​മ്പോൾ ആത്മീയ​പ​റു​ദീ​സ​യിൽ ആയിരി​ക്കു​ന്ന​തി​ന്റെ ആ ശാന്തത അനുഭ​വി​ച്ച​റി​യാൻ നമ്മൾ സഹോ​ദ​ര​ങ്ങളെ സഹായി​ക്കു​ക​യാണ്‌. (ഗലാ. 5:22, 23) യഹോ​വ​യു​ടെ സംഘട​ന​യോ​ടൊ​പ്പം സഹവസി​ക്കാ​നാ​കു​ന്നത്‌ എത്ര വലി​യൊ​രു അനു​ഗ്ര​ഹ​മാണ്‌! ആത്മീയ​പ​റു​ദീ​സ​യിൽത്തന്നെ തുടരു​ന്ന​വർക്ക്‌ ‘പുതിയ ആകാശ​ത്തെ​യും പുതിയ ഭൂമി​യെ​യും’ കുറി​ച്ചുള്ള ദൈവ​ത്തി​ന്റെ വാഗ്‌ദാ​നം മുഴു​വ​നാ​യി നിറ​വേ​റു​ന്നതു കാണാ​നു​മാ​കും. w24.04 പേ. 22 ഖ. 9-10

ഡേറ്റിങ്ങ്‌ വളരെ സന്തോഷം തരുന്ന സമയമാണ്‌. എന്നാൽ അത്‌ വിവാ​ഹ​ത്തി​ലേക്കു നയി​ച്ചേ​ക്കാ​വു​ന്ന​തു​കൊണ്ട്‌ ഡേറ്റി​ങ്ങിൽ ഏർപ്പെ​ടു​ന്നവർ അതിനെ ഗൗരവ​ത്തോ​ടെ കാണേ​ണ്ട​തുണ്ട്‌. വിവാ​ഹ​ദി​വസം ദമ്പതികൾ യഹോ​വ​യു​ടെ മുമ്പാകെ എടുക്കുന്ന പ്രതി​ജ്ഞ​യിൽ, ജീവി​ച്ചി​രി​ക്കു​ന്നി​ട​ത്തോ​ളം കാലം പരസ്‌പരം സ്‌നേ​ഹി​ക്കു​മെ​ന്നും ബഹുമാ​നി​ക്കു​മെ​ന്നും വാക്കു കൊടു​ക്കു​ന്നുണ്ട്‌. ഏതൊരു പ്രതിജ്ഞ എടുക്കു​ന്ന​തി​നു മുമ്പും നമ്മൾ കാര്യങ്ങൾ നന്നായി വിലയി​രു​ത്തണം. വിവാ​ഹ​പ്ര​തി​ജ്ഞ​യു​ടെ കാര്യ​ത്തി​ലും അതു സത്യമാണ്‌. വിവാ​ഹ​ത്തി​നു മുമ്പ്‌ പരസ്‌പരം അടുത്ത​റി​യാ​നും ശരിയായ തീരു​മാ​ന​മെ​ടു​ക്കാ​നും ഡേറ്റിങ്ങ്‌ അവസരം നൽകുന്നു. ചില​പ്പോൾ വിവാഹം കഴിക്കാ​നാ​യി​രി​ക്കും തീരു​മാ​നി​ക്കു​ന്നത്‌ അല്ലെങ്കിൽ ഡേറ്റിങ്ങ്‌ അവസാ​നി​പ്പി​ക്കാ​നാ​യി​രി​ക്കും. വിവാഹം കഴി​ക്കേണ്ടാ എന്നാണ്‌ തീരു​മാ​ന​മെ​ങ്കിൽ അതിന്റെ അർഥം, അവരുടെ ഡേറ്റിങ്ങ്‌ ഒരു പരാജ​യ​മാ​യി​രു​ന്നു എന്നല്ല, പകരം ഡേറ്റി​ങ്ങി​ന്റെ ഉദ്ദേശ്യം നടന്നു എന്നാണ്‌. അതായത്‌ അവർക്ക്‌ ഒരു നല്ല തീരു​മാ​നം എടുക്കാ​നാ​യി. ഏകാകി​കൾക്ക്‌ ഡേറ്റി​ങ്ങി​നെ​ക്കു​റിച്ച്‌ ശരിയായ കാഴ്‌ച​പ്പാട്‌ ഉണ്ടായി​രി​ക്കേ​ണ്ടത്‌ എന്തു​കൊ​ണ്ടാണ്‌? അങ്ങനെ​യാ​കു​മ്പോൾ, അവർ വിവാഹം കഴിക്കാ​നുള്ള ഉദ്ദേശ്യ​മി​ല്ലാ​തെ ഡേറ്റി​ങ്ങിൽ ഏർപ്പെ​ടില്ല. w24.05 പേ. 26-27 ഖ. 3-4

ചില​പ്പോ​ഴൊ​ക്കെ വിശ്വാ​സ​ങ്ങ​ളെ​ക്കു​റിച്ച്‌ മറ്റുള്ള​വ​രോ​ടു പറയാൻ ചെറു​പ്പ​ക്കാ​രായ ക്രിസ്‌ത്യാ​നി​കൾക്ക്‌ ഒരു പേടി​യു​ണ്ടാ​യി​രി​ക്കും. ഉദാഹ​ര​ണ​ത്തിന്‌, പരിണാ​മ​ത്തിൽ വിശ്വ​സി​ക്കാ​ത്ത​തി​ന്റെ കാരണ​ത്തെ​ക്കു​റിച്ച്‌ മറ്റുള്ള​വ​രോ​ടു വിശദീ​ക​രി​ക്കാൻ അവർക്കു ധൈര്യ​ക്കു​റവ്‌ തോന്നി​യേ​ക്കാം. കാരണം, തെളി​യി​ക്ക​പ്പെട്ട ഒരു വസ്‌തു​ത​യാ​യി​ട്ടാ​യി​രി​ക്കും അധ്യാ​പകർ പരിണാ​മ​ത്തെ​ക്കു​റിച്ച്‌ പഠിപ്പി​ക്കു​ന്നത്‌. അതു​കൊണ്ട്‌ ധൈര്യ​ത്തോ​ടെ തന്റെ വിശ്വാ​സ​ത്തിൽ ഉറച്ചു​നിൽക്കാൻ മാതാ​പി​താ​ക്കൾക്ക്‌ മക്കളെ എങ്ങനെ സഹായി​ക്കാം? സൃഷ്ടി​യെ​ക്കു​റി​ച്ചുള്ള സത്യം അറിയാം എന്നതു​കൊണ്ട്‌ നാണ​ക്കേടു തോ​ന്നേ​ണ്ട​തി​ല്ലെന്ന്‌ മക്കൾക്ക്‌ ഉറപ്പു​കൊ​ടു​ക്കുക. എന്തു​കൊണ്ട്‌? ജീവൻ യാദൃ​ശ്ചി​ക​മാ​യോ പെട്ടെ​ന്നോ ഉണ്ടായ​താ​ണെന്നു പല ശാസ്‌ത്ര​ജ്ഞ​ന്മാ​രും വിശ്വ​സി​ക്കു​ന്നില്ല എന്നതാണു വസ്‌തുത. ബുദ്ധി​ശ​ക്തി​യുള്ള ആരോ സൃഷ്ടിച്ച സങ്കീർണ​ത​യുള്ള ഒന്നാണു ജീവൻ എന്ന്‌ ഈ ശാസ്‌ത്ര​ജ്ഞ​ന്മാർ മനസ്സി​ലാ​ക്കു​ന്നു. അതു​കൊ​ണ്ടു​തന്നെ അവർ പരിണാ​മ​സി​ദ്ധാ​ന്ത​ത്തോട്‌ യോജി​ക്കു​ന്നില്ല. ജീവൻ സൃഷ്ടി​ക്ക​പ്പെ​ട്ട​താണ്‌ എന്നു വിശ്വ​സി​ക്കാൻ മറ്റു സഹോ​ദ​ര​ങ്ങളെ പ്രേരി​പ്പിച്ച കാരണ​ങ്ങ​ളെ​ക്കു​റിച്ച്‌ ചിന്തി​ക്കു​ന്നതു മക്കളുടെ ബോധ്യം കൂടുതൽ ശക്തമാ​ക്കും.w24.12 പേ. 17 ഖ. 14-15

പ്രസം​ഗ​പ്ര​വർത്ത​ന​ത്തെ​ക്കു​റിച്ച്‌ യേശു നല്ലൊരു കാഴ്‌ച​പ്പാട്‌ നിലനി​റു​ത്തി​യി​രു​ന്നു. ഉത്സാഹ​ത്തോ​ടെ ശുശ്രൂഷ തുടരാൻ അത്‌ യേശു​വി​നെ സഹായി​ച്ചു. ഉദാഹ​ര​ണ​ത്തിന്‌, എ.ഡി 30-ന്റെ അവസാ​ന​മാ​യ​പ്പോ​ഴേ​ക്കും സന്തോ​ഷ​വാർത്ത സ്വീക​രി​ക്കാൻ ഒരുക്ക​മുള്ള ധാരാളം ആളുക​ളു​ണ്ടെന്ന്‌ യേശു മനസ്സി​ലാ​ക്കി. കൊയ്‌ത്തി​നു പാകമാ​യി നിൽക്കുന്ന വയലി​നോ​ടാ​ണു യേശു അവരെ താരത​മ്യ​പ്പെ​ടു​ത്തി​യത്‌. (യോഹ. 4:35) ഏതാണ്ട്‌ ഒരു വർഷത്തി​നു ശേഷം യേശു ശിഷ്യ​ന്മാ​രോട്‌ ഇങ്ങനെ പറഞ്ഞു: “വിളവ്‌ ധാരാ​ള​മുണ്ട്‌.” (മത്താ. 9:37, 38) പിന്നീടു യേശു വീണ്ടും ഇങ്ങനെ പറഞ്ഞു: “വിളവ്‌ ധാരാ​ള​മുണ്ട്‌. . . . അതു​കൊണ്ട്‌ വിള​വെ​ടു​പ്പി​നു പണിക്കാ​രെ അയയ്‌ക്കാൻ വിള​വെ​ടു​പ്പി​ന്റെ അധികാ​രി​യോ​ടു യാചി​ക്കുക.” (ലൂക്കോ. 10:2) സന്തോ​ഷ​വാർത്ത​യോട്‌ ആളുകൾ നല്ല രീതി​യിൽ പ്രതി​ക​രി​ക്കാ​നുള്ള സാധ്യത യേശു ഒരിക്ക​ലും തള്ളിക്ക​ള​ഞ്ഞില്ല. ആളുകൾ നന്നായി പ്രതി​ക​രി​ച്ച​പ്പോൾ യേശു സന്തോ​ഷി​ക്കു​ക​യും ചെയ്‌തു. തങ്ങളുടെ സന്ദേശ​ത്തെ​ക്കു​റിച്ച്‌ നല്ലൊരു വീക്ഷണം ഉണ്ടായി​രി​ക്കാൻ യേശു ശിഷ്യ​ന്മാ​രെ പഠിപ്പി​ച്ചു. അതു തീക്ഷ്‌ണ​ത​യോ​ടെ പ്രസം​ഗ​പ്ര​വർത്ത​ന​ത്തിൽ തുടരാൻ അവരെ സഹായി​ക്കു​മാ​യി​രു​ന്നു. w25.03 പേ. 18-19 ഖ. 15-16

യഹോവ നമുക്ക്‌ ഒരു അഭയസ്ഥാ​ന​മാണ്‌. കൊടു​ങ്കാറ്റ്‌ അടിക്കുന്ന സമയത്ത്‌ വലി​യൊ​രു പാറ നമുക്കു സംരക്ഷണം തരും. അതു​പോ​ലെ ജീവി​ത​ത്തിൽ പ്രശ്‌നങ്ങൾ ഉണ്ടാകു​മ്പോൾ യഹോവ നമുക്ക്‌ ഒരു അഭയസ്ഥാ​ന​മാ​യി​രി​ക്കും. യഹോ​വ​യു​മാ​യുള്ള നമ്മുടെ ബന്ധത്തെ തകർത്തേ​ക്കാ​വുന്ന എല്ലാ കാര്യ​ങ്ങ​ളിൽനി​ന്നും ദൈവം നമ്മളെ സംരക്ഷി​ക്കും. മാത്രമല്ല നമ്മൾ അനുഭ​വി​ക്കുന്ന പ്രശ്‌നങ്ങൾ താത്‌കാ​ലി​ക​മാ​യി​രി​ക്കു​മെ​ന്നും യഹോവ ഉറപ്പു​ത​ന്നി​ട്ടുണ്ട്‌. അതിലും വലി​യൊ​രു കാര്യം ചെയ്യു​മെ​ന്നും യഹോവ വാക്കു​ത​ന്നി​രി​ക്കു​ന്നു: ഉത്‌ക​ണ്‌ഠ​യ്‌ക്കും കഷ്ടപ്പാ​ടി​നും ഇടയാ​ക്കുന്ന എല്ലാ കാര്യ​ങ്ങ​ളും ഭാവി​യിൽ യഹോവ മാറ്റും. (യഹ. 34:25, 26) പ്രശ്‌ന​ങ്ങ​ളൊ​ക്കെ ഉണ്ടാകു​മ്പോൾ യഹോ​വയെ പാറ​പോ​ലുള്ള അഭയസ്ഥാ​ന​മാ​ക്കാൻ നമുക്കു ചെയ്യാ​നാ​കുന്ന ഒരു കാര്യം പ്രാർഥി​ക്കുക എന്നതാണ്‌. പ്രാർഥി​ക്കു​മ്പോൾ യഹോവ നമുക്കു “ദൈവ​സ​മാ​ധാ​നം” തരും. അതു നമ്മുടെ ഹൃദയ​ത്തെ​യും മനസ്സി​നെ​യും കാക്കും. (ഫിലി. 4:6, 7) നമ്മളെ സഹായി​ക്കാൻ യഹോവ എപ്പോ​ഴും നമ്മുടെ കൂടെ​യുണ്ട്‌. “ശാശ്വ​ത​മായ പാറ” ആയതു​കൊണ്ട്‌ നമുക്ക്‌ യഹോ​വ​യിൽ ആശ്രയി​ക്കാം. (യശ. 26:3, 4) ഇനി, തന്റെ വാക്കു പാലി​ക്കാ​നും നമ്മുടെ പ്രാർഥ​നകൾ കേൾക്കാ​നും നമുക്കു വേണ്ട സഹായം ചെയ്‌തു​ത​രാ​നും യഹോവ എപ്പോ​ഴും ജീവ​നോ​ടെ​യു​ണ്ടാ​യി​രി​ക്കും. യഹോ​വ​യിൽ ആശ്രയി​ക്കാ​വു​ന്ന​തി​ന്റെ മറ്റൊരു കാരണം, തന്നെ സേവി​ക്കു​ന്ന​വ​രോട്‌ യഹോവ വിശ്വ​സ്‌ത​നാ​യി​രി​ക്കും എന്നതാണ്‌. (2 ശമു. 22:26) ദൈവ​സേ​വ​ന​ത്തിൽ നമ്മൾ ചെയ്യുന്ന ഒരു കാര്യ​വും യഹോവ മറക്കില്ല; അതി​നെ​ല്ലാം പ്രതി​ഫലം തരുക​യും ചെയ്യും.—എബ്രാ. 6:10; 11:6. w24.06 പേ. 27 ഖ. 4-6

മോശ​മായ വിനോ​ദ​പ​രി​പാ​ടി​കൾക്കു നമ്മുടെ ഹൃദയത്തെ വിഭജി​ത​മാ​ക്കാൻ കഴിയും. മോശ​മായ സഹവാ​സ​ത്തി​ന്റെ കാര്യ​വും അങ്ങനെ​ത​ന്നെ​യാണ്‌; പണമാണു ജീവി​ത​ത്തിൽ ഏറ്റവും വലു​തെന്നു ചിന്തി​ക്കാൻ അത്‌ ഇടയാ​ക്കും. ഇതു​പോ​ലെ എന്തെങ്കി​ലും ഒരു കാര്യം യഹോ​വ​യോ​ടുള്ള നമ്മുടെ സ്‌നേഹം കുറയാൻ ഇടയാ​ക്കു​ന്നു​ണ്ടെ​ങ്കിൽ പെട്ടെ​ന്നു​തന്നെ വേണ്ട മാറ്റങ്ങൾ വരുത്തുക. (മത്തായി 5:29, 30) നമ്മുടെ ഹൃദയം വിഭജി​ത​മാ​ക്കാൻ, അതായത്‌ പൂർണ​ഹൃ​ദ​യ​ത്തോ​ടെ യഹോ​വയെ സേവി​ക്കു​ന്ന​തിൽനിന്ന്‌ നമ്മളെ തടയാൻ, ഒന്നി​നെ​യും അനുവ​ദി​ക്ക​രുത്‌. ദൈവ​സേ​വ​ന​ത്തിൽ തിര​ക്കോ​ടെ ഏർപ്പെ​ടു​ന്ന​തു​കൊണ്ട്‌ മോശം സ്വാധീ​ന​ങ്ങ​ളൊ​ന്നും നമു​ക്കൊ​രു പ്രശ്‌ന​മാ​കി​ല്ലെന്നു നമ്മൾ ചിന്തി​ച്ചു​പോ​യേ​ക്കാം. ഒരു ഉദാഹ​രണം നോക്കാം. നല്ല വെയി​ലുള്ള ദിവസം നിങ്ങൾ പുറത്തു​പോ​യിട്ട്‌ തിരിച്ച്‌ വീട്ടിൽ എത്തി. വന്ന ഉടനെ നിങ്ങൾ മുറി​യിൽ എ.സി. ഓണാക്കി. പക്ഷേ വാതിൽ തുറന്നി​ട്ടി​രി​ക്കു​ക​യാ​ണെ​ങ്കിൽ എന്തെങ്കി​ലും പ്രയോ​ജ​ന​മു​ണ്ടോ? പുറത്തെ ചൂട്‌ അകത്തേക്കു കയറു​ന്ന​തു​കൊണ്ട്‌ മുറി ഒരിക്ക​ലും തണുക്കില്ല. എന്താണ്‌ പാഠം? യഹോ​വ​യു​മാ​യുള്ള നമ്മുടെ ബന്ധം ശക്തമാക്കി നിറു​ത്തു​ന്ന​തിന്‌ ആത്മീയ​കാ​ര്യ​ങ്ങൾ ചെയ്‌താൽ മാത്രം പോരാ. ഒപ്പം നമ്മളെ മോശ​മാ​യി സ്വാധീ​നി​ച്ചേ​ക്കാ​വുന്ന കാര്യ​ങ്ങൾക്കു നേരെ നമ്മുടെ ഹൃദയ​ത്തി​ന്റെ വാതിൽ അടയ്‌ക്കു​ക​യും വേണം. അങ്ങനെ​യാ​കു​മ്പോൾ ഈ ലോക​ത്തി​ലെ ചൂടു “വായു,” അതായത്‌ ദൈവ​ത്തി​ന്റെ നിലവാ​ര​ങ്ങ​ളു​മാ​യി ചേരാത്ത മനോ​ഭാ​വം നമ്മുടെ ഹൃദയ​ത്തി​ലേക്കു കടന്ന്‌ അതിനെ വിഭജി​ത​മാ​ക്കില്ല.—എഫെ. 2:2. w24.07 പേ. 21 ഖ. 6-7

യേശു സഹിച്ച കടുത്ത വേദന​യും നിന്ദയും അനീതി​യും ഒന്നും നമുക്ക്‌ ഊഹി​ക്കാൻപോ​ലും കഴിയില്ല. യേശു ഒരുപാട്‌ അനീതി സഹി​ച്ചെ​ങ്കി​ലും അതൊ​ന്നും തന്നെ കീഴട​ക്കാൻ യേശു അനുവ​ദി​ച്ചില്ല. തന്നെ സ്‌തം​ഭ​ത്തിൽ തറച്ച പടയാ​ളി​കളെ ശിക്ഷി​ക്കാൻ ആവശ്യ​പ്പെ​ടു​ന്ന​തി​നു പകരം, യേശു ഇങ്ങനെ പ്രാർഥി​ച്ചു: “പിതാവേ, ഇവർ ചെയ്യു​ന്നത്‌ എന്താ​ണെന്ന്‌ ഇവർക്ക്‌ അറിയി​ല്ലാ​ത്ത​തു​കൊണ്ട്‌ ഇവരോ​ടു ക്ഷമി​ക്കേ​ണമേ.” (ലൂക്കോ. 23:34) നമ്മളോ​ടു മോശ​മാ​യി പെരു​മാ​റി​യ​വർക്കു​വേണ്ടി നമ്മൾ പ്രാർഥി​ക്കു​മ്പോൾ നമ്മുടെ ഉള്ളിലുള്ള പകയും ദേഷ്യ​വും ഒക്കെ കുറയ്‌ക്കാ​നാ​കും. അതു​പോ​ലെ അവരെ നമ്മൾ കാണുന്ന വിധം​പോ​ലും മാറി​യേ​ക്കാം. ഈ ദുഷ്ടവ്യ​വ​സ്ഥി​തി അവസാ​നി​ക്കു​ന്ന​തി​നു മുമ്പ്‌, നമ്മൾ എന്തെല്ലാം അനീതി നേരി​ടേ​ണ്ടി​വ​രും എന്നു പറയാ​നാ​കില്ല. എന്നാൽ എന്തൊക്കെ വന്നാലും സഹായ​ത്തി​നാ​യി നമുക്ക്‌ എപ്പോ​ഴും യഹോ​വ​യോ​ടു പ്രാർഥി​ക്കാം. അതു​പോ​ലെ യേശു അനീതി നേരി​ട്ട​പ്പോൾ പ്രതി​ക​രിച്ച വിധം അനുക​രി​ക്കാ​നും ബൈബിൾത​ത്ത്വ​ങ്ങൾ പകർത്താ​നും നമുക്കു ശ്രമി​ക്കാം. അങ്ങനെ ചെയ്യു​മ്പോൾ യഹോവ നമ്മളെ അനു​ഗ്ര​ഹി​ക്കു​മെന്ന്‌ ഉറപ്പാണ്‌.—1 പത്രോ. 3:8, 9. w24.11 പേ. 6 ഖ. 16; പേ. 7 ഖ. 17, 19

എന്തും അനുവ​ദി​ച്ചു​കൊ​ടു​ക്കുന്ന ഒരു ദൈവമല്ല യഹോവ. ദൈവം പാപത്തെ വെറു​ക്കു​ന്നു. (സങ്കീ. 5:4-6) ബൈബി​ളി​ലൂ​ടെ തന്നിരി​ക്കുന്ന കല്പനകൾ നമ്മൾ അനുസ​രി​ക്കാ​നാണ്‌ യഹോവ പ്രതീ​ക്ഷി​ക്കു​ന്നത്‌. അപൂർണ​രായ മനുഷ്യ​രിൽനിന്ന്‌ യഹോവ ഒരിക്ക​ലും പൂർണത പ്രതീ​ക്ഷി​ക്കു​ന്നില്ല എന്നതു ശരിയാണ്‌. (സങ്കീ. 130:3, 4) അതേസ​മയം ദൈവ​ഭക്തി ഇല്ലാത്തവർ ‘നമ്മുടെ ദൈവ​ത്തി​ന്റെ അനർഹ​ദ​യയെ മറയാക്കി ധിക്കാ​ര​ത്തോ​ടെ പെരു​മാ​റു​ന്നത്‌’ ദൈവം വെച്ചു​പൊ​റു​പ്പി​ക്കു​ക​യു​മില്ല. (യൂദ 4) “ദൈവ​ഭ​ക്തി​യി​ല്ലാത്ത മനുഷ്യ​രെ” അർമ​ഗെ​ദോൻ യുദ്ധത്തിൽ നശിപ്പി​ക്കു​മെ​ന്നു​ത​ന്നെ​യാ​ണു ബൈബിൾ പറയു​ന്നത്‌. (2 പത്രോ. 3:7; വെളി. 16:16) എന്നാൽ, ആരും നശിച്ചു​പോ​കാൻ യഹോവ ആഗ്രഹി​ക്കു​ന്നില്ല. “എല്ലാവ​രും മാനസാ​ന്ത​ര​പ്പെ​ടാൻ” ആണ്‌ ദൈവം ആഗ്രഹി​ക്കു​ന്ന​തെന്നു മുൻലേ​ഖ​ന​ങ്ങ​ളിൽ നമ്മൾ കണ്ടല്ലോ. (2 പത്രോ. 3:9) തങ്ങളുടെ വഴികൾക്കു മാറ്റം വരുത്താ​നും യഹോ​വ​യു​ടെ അംഗീ​കാ​ര​ത്തി​ലേക്കു മടങ്ങി​വ​രാ​നും തെറ്റു ചെയ്‌ത​വരെ ക്ഷമയോ​ടെ സഹായി​ക്കു​മ്പോൾ മൂപ്പന്മാർ ശരിക്കും യഹോ​വയെ അനുക​രി​ക്കു​ക​യാണ്‌. w24.08 പേ. 26 ഖ. 1-2

യഹോ​വ​യെ​പ്പോ​ലെ നമുക്കും സ്‌നേ​ഹ​ത്തോ​ടെ മറ്റുള്ള​വരെ ഭൗതി​ക​മാ​യി സഹായി​ക്കാ​നാ​കും. ഉദാഹ​ര​ണ​ത്തിന്‌, ഭക്ഷണമോ വസ്‌ത്ര​മോ ആവശ്യ​മുള്ള ഏതെങ്കി​ലും സഹോ​ദ​ര​ങ്ങളെ നിങ്ങൾക്ക്‌ അറിയാ​മോ? അവരുടെ അപ്പോ​ഴത്തെ ആവശ്യം നടത്തി​ക്കൊ​ടു​ക്കാൻ യഹോ​വ​യ്‌ക്കു നിങ്ങളെ ഉപയോ​ഗി​ക്കാ​നാ​കും. എന്തെങ്കി​ലും ദുരന്ത​ങ്ങ​ളു​ണ്ടാ​കുന്ന സമയത്ത്‌ മറ്റുള്ള​വരെ ഉദാര​മാ​യി സഹായി​ക്കുന്ന കാര്യ​ത്തിൽ യഹോ​വ​യു​ടെ ജനം നല്ലൊരു മാതൃ​ക​യാണ്‌. ഉദാഹ​ര​ണ​ത്തിന്‌, കോവിഡ്‌ മഹാമാ​രി​യു​ടെ സമയത്ത്‌ സഹോ​ദ​രങ്ങൾ അവർക്കു​ണ്ടാ​യി​രുന്ന ഭക്ഷണവും വസ്‌ത്ര​വും മറ്റു വസ്‌തു​ക്ക​ളും ആവശ്യ​മു​ണ്ടാ​യി​രു​ന്ന​വ​രു​മാ​യി പങ്കു​വെച്ചു. ഒരുപാ​ടു പേർ ലോക​വ്യാ​പക പ്രവർത്ത​ന​ത്തി​ലേക്കു സംഭാ​വ​നകൾ നൽകി. അതു ദുരി​താ​ശ്വാ​സ പ്രവർത്ത​ന​ങ്ങൾക്ക്‌ ഒരു സഹായ​മാ​യി. ആ സഹോ​ദ​ര​ങ്ങ​ളെ​ല്ലാം എബ്രായർ 13:16-ലെ ഈ വാക്കു​കൾക്കു ചേർച്ച​യിൽ പ്രവർത്തി​ക്കു​ക​യാ​യി​രു​ന്നു: “നന്മ ചെയ്യാ​നും നിങ്ങൾക്കു​ള്ളതു മറ്റുള്ള​വ​രു​മാ​യി പങ്കു​വെ​ക്കാ​നും മറക്കരുത്‌. അങ്ങനെ​യുള്ള ബലിക​ളി​ലാ​ണു ദൈവം പ്രസാ​ദി​ക്കു​ന്നത്‌.” w24.09 പേ. 27 ഖ. 6-7

ഇങ്ങനെ ഒരു സാഹച​ര്യം ചിന്തി​ക്കുക. കുടും​ബ​ത്തി​നു​വേണ്ടി കരുതാൻ നിങ്ങൾ ഒരു ജോലി അന്വേ​ഷി​ക്കു​ന്നു. രണ്ടു ജോലി കണ്ടെത്തി. അതെക്കു​റി​ച്ചുള്ള വസ്‌തു​ത​ക​ളെ​ല്ലാം നിങ്ങൾ പരി​ശോ​ധി​ച്ചു. എന്തു തരം ജോലി​യാണ്‌, ജോലി​യു​ടെ സമയം എങ്ങനെ​യാ​യി​രി​ക്കും, അതിനു​വേണ്ടി എത്ര​ത്തോ​ളം സമയം യാത്ര ചെയ്യണം എന്നതൊ​ക്കെ. രണ്ടു ജോലി​യും തിരു​വെ​ഴു​ത്തു​ത​ത്ത്വ​ങ്ങൾക്കു വിരു​ദ്ധമല്ല. നിങ്ങൾക്ക്‌ ഇഷ്ടപ്പെട്ട ജോലി​യാ​യ​തു​കൊ​ണ്ടോ ശമ്പളം കൂടു​ത​ലാ​യ​തു​കൊ​ണ്ടോ അതിൽ ഒരെണ്ണം തിര​ഞ്ഞെ​ടു​ക്കാൻ നിങ്ങൾ ആഗ്രഹി​ക്കു​ന്നു. എന്നാൽ ഒരു തീരു​മാ​ന​മെ​ടു​ക്കു​ന്ന​തി​നു മുമ്പ്‌ നിങ്ങൾ ചിന്തി​ക്കേണ്ട മറ്റു ചില കാര്യ​ങ്ങ​ളു​മുണ്ട്‌. ഉദാഹ​ര​ണ​ത്തിന്‌, ആ ജോലി കാരണം നിങ്ങളു​ടെ ഏതെങ്കി​ലും മീറ്റി​ങ്ങു​കൾ മുടങ്ങു​മോ? കുടും​ബ​ത്തി​ന്റെ ആത്മീയ​വും വൈകാ​രി​ക​വും ആയ ആവശ്യ​ങ്ങൾക്കാ​യി കരുതാ​നുള്ള സമയം അതു കവർന്നെ​ടു​ക്കു​മോ? ഈ ചോദ്യ​ങ്ങൾ ചോദി​ക്കു​ന്നതു ‘കൂടുതൽ പ്രാധാ​ന്യ​മുള്ള കാര്യങ്ങൾ’ ഉറപ്പു​വ​രു​ത്താൻ നിങ്ങളെ സഹായി​ക്കും. അതായത്‌, ഭൗതി​ക​കാ​ര്യ​ങ്ങ​ളെ​ക്കാൾ നിങ്ങളു​ടെ ആരാധ​ന​യ്‌ക്കും കുടും​ബ​ത്തി​ന്റെ ആവശ്യ​ങ്ങൾക്കും പ്രാധാ​ന്യം കൊടു​ക്കാൻ. അപ്പോൾ യഹോവ അനു​ഗ്ര​ഹി​ക്കുന്ന ഒരു തീരു​മാ​ന​ത്തിൽ നിങ്ങൾക്ക്‌ എത്തി​ച്ചേ​രാ​നാ​കും. w25.01 പേ. 17 ഖ. 11-13

മറ്റുള്ളവർ നിങ്ങ​ളോ​ടു മോശ​മാ​യി പെരു​മാ​റി​യി​ട്ടു​ണ്ടെ​ങ്കി​ലും, യഹോവ നിങ്ങളെ സ്‌നേ​ഹി​ക്കു​ന്നു​ണ്ടെ​ന്നും വില​പ്പെ​ട്ട​വ​രാ​യി കാണു​ന്നു​ണ്ടെ​ന്നും ഉറപ്പു​ണ്ടാ​യി​രി​ക്കുക. വിഷമിച്ച്‌, ‘മനസ്സ്‌ തകർന്നി​രി​ക്കു​മ്പോ​ഴും’ നിങ്ങൾക്ക്‌ ഓർക്കാ​നാ​കുന്ന ഒന്നുണ്ട്‌: യഹോവ നിങ്ങളു​ടെ നല്ല ഗുണങ്ങൾ കണ്ട്‌ നിങ്ങളെ തന്നി​ലേക്ക്‌ ആകർഷി​ച്ച​താണ്‌ എന്ന കാര്യം. (യോഹ. 6:44) ദൈവം നിങ്ങളെ സഹായി​ക്കാൻ എപ്പോ​ഴും തയ്യാറാണ്‌. കാരണം, നിങ്ങൾ യഹോ​വ​യ്‌ക്ക്‌ അത്രയ്‌ക്കു വില​പ്പെ​ട്ട​വ​രാണ്‌. യഹോ​വ​യ്‌ക്കു നമ്മളോട്‌ എന്താണു തോന്നു​ന്ന​തെന്നു മനസ്സി​ലാ​ക്കാൻ യേശു ഭൂമി​യി​ലാ​യി​രുന്ന സമയത്ത്‌ മറ്റുള്ള​വ​രോട്‌ ഇടപെട്ട വിധം നോക്കി​യാൽ മതി. ആളുകൾ തീരെ വിലയി​ല്ലാ​ത്ത​വ​രാ​യി കണ്ടവ​രോ​ടു യേശു വളരെ ദയയോ​ടെ ഇടപെട്ടു. (മത്താ. 9:9-12) ഒരിക്കൽ വലി​യൊ​രു രോഗ​ത്താൽ വിഷമി​ച്ചി​രുന്ന ഒരു സ്‌ത്രീ, സുഖ​പ്പെ​ടു​മെന്ന പ്രതീ​ക്ഷ​യോ​ടെ യേശു​വി​ന്റെ വസ്‌ത്ര​ത്തിൽ തൊട്ടു. അപ്പോൾ യേശു അവളെ ആശ്വസി​പ്പി​ക്കു​ക​യും അവളുടെ വിശ്വാ​സത്തെ അഭിന​ന്ദി​ക്കു​ക​യും ചെയ്‌തു. (മർക്കോ. 5:25-34) പിതാ​വി​ന്റെ വ്യക്തി​ത്വ​മാണ്‌ യേശു അങ്ങനെ​തന്നെ പ്രതി​ഫ​ലി​പ്പി​ച്ചത്‌. (യോഹ. 14:9) അതു​കൊണ്ട്‌ യഹോ​വ​യ്‌ക്കു നിങ്ങൾ വില​പ്പെ​ട്ട​വ​രാ​ണെന്ന്‌ ഉറപ്പു​ണ്ടാ​യി​രി​ക്കുക. ദൈവ​ത്തോ​ടു നിങ്ങൾ കാണി​ക്കുന്ന വിശ്വാ​സ​വും സ്‌നേ​ഹ​വും പോലുള്ള നല്ല ഗുണങ്ങൾ ദൈവം തീർച്ച​യാ​യും ശ്രദ്ധി​ക്കു​ന്നുണ്ട്‌. w24.10 പേ. 7 ഖ. 4-5

തന്നെ കണ്ണീരി​ലാ​ഴ്‌ത്തിയ, ബുദ്ധി​മു​ട്ടി​ക്കുന്ന പല സാഹച​ര്യ​ങ്ങ​ളും ദാവീ​ദി​ന്റെ ജീവി​ത​ത്തിൽ ഉണ്ടായി. ദാവീ​ദി​നു പലരിൽനി​ന്നും ശത്രുത നേരി​ടേ​ണ്ടി​വന്നു. സ്വന്തം കൂട്ടു​കാ​രും കുടും​ബ​ത്തി​ലു​ള്ള​വർപ്പോ​ലും ദാവീ​ദി​നെ ചതിച്ചു. (1 ശമു. 19:10, 11; 2 ശമു. 15:10-14, 30) അതെക്കു​റിച്ച്‌ ദാവീദ്‌ ഇങ്ങനെ പറഞ്ഞു: “നെടു​വീർപ്പിട്ട്‌ ഞാൻ ആകെ തളർന്നി​രി​ക്കു​ന്നു. രാത്രി മുഴുവൻ ഞാൻ എന്റെ മെത്ത കണ്ണീരിൽ കുതിർക്കു​ന്നു; കരഞ്ഞു​ക​രഞ്ഞ്‌ കിടക്ക​യിൽനിന്ന്‌ കണ്ണീർ കവി​ഞ്ഞൊ​ഴു​കു​ന്നു.” (സങ്കീ. 6:6) ജീവി​ത​ത്തിൽ ഒരുപാ​ടു പ്രതി​സ​ന്ധി​കൾ ദാവീ​ദി​നു നേരി​ടേ​ണ്ടി​വ​ന്നെ​ങ്കി​ലും യഹോവ തന്നെ സ്‌നേ​ഹി​ക്കു​ന്നു​ണ്ടെന്നു ദാവീ​ദിന്‌ ഉറപ്പാ​യി​രു​ന്നു. കാരണം അദ്ദേഹം പറഞ്ഞു: “എന്റെ കരച്ചിൽ യഹോവ കേൾക്കു​മ​ല്ലോ.” (സങ്കീ. 6:8) യഹോ​വ​യു​ടെ ആർദ്ര​സ്‌നേ​ഹ​ത്തി​ന്റെ​യും കരുത​ലി​ന്റെ​യും നല്ലൊരു ചിത്ര​മാണ്‌ ഇന്നത്തെ വാക്യ​ത്തി​ലെ വാക്കുകൾ വരച്ചി​ടു​ന്നത്‌! തന്റെ കണ്ണീ​രെ​ല്ലാം യഹോവ ഒരു കുടത്തിൽ ശേഖരി​ക്കു​ന്ന​തു​പോ​ലെ​യോ ഒരു പുസ്‌ത​ക​ത്തിൽ രേഖ​പ്പെ​ടു​ത്തു​ന്ന​തു​പോ​ലെ​യോ ആണ്‌ ദാവീ​ദി​നു തോന്നി​യത്‌. തന്റെ വേദനകൾ യഹോവ കാണു​ന്നു​ണ്ടെ​ന്നും ഓർത്തി​രി​ക്കു​ന്നു​ണ്ടെ​ന്നും ദാവീ​ദിന്‌ ഉറപ്പാ​യി​രു​ന്നു. താൻ കടന്നു​പോയ സാഹച​ര്യം മാത്രമല്ല, അത്‌ തന്നെ എത്ര​ത്തോ​ളം വേദനി​പ്പി​ച്ചെ​ന്നും യഹോ​വ​യ്‌ക്ക്‌ അറിയാ​മെന്നു ദാവീ​ദി​നു ബോധ്യ​മു​ണ്ടാ​യി​രു​ന്നു. w24.12 പേ. 22 ഖ. 11-12