ബൈബിൾ വിശേ​ഷാ​ശ​യങ്ങൾ സഭാ​പ്ര​സം​ഗി 1:1-12:14

“സത്യ​ദൈ​വത്തെ ഭയപ്പെട്ട്‌ അവന്റെ കല്‌പ​ന​കളെ പ്രമാ​ണി​ക്കുക”

ഈ നാളി​ലും യുഗത്തി​ലും ദൈവത്തെ ഭയപ്പെ​ടു​ക​യും അനുസ​രി​ക്ക​യും ചെയ്യുക എന്നത്‌ ഏററവും അധികം അപ്രാ​യോ​ഗി​ക​മാ​യി കണക്കാ​ക്കു​ന്നു. എന്നാൽ 3000-ത്തോളം വർഷങ്ങൾക്കു മുമ്പ്‌ ശലോ​മോൻ രാജാവ്‌ എഴുതിയ സഭാ​പ്ര​സം​ഗി (എബ്രായ, ഓഹെ​ലെത്ത്‌, സഭാ സംഘാ​ടകൻ) എന്ന പുസ്‌തകം (1:1) ദൈവ​ത്തി​ന്റെ ഉദ്ദേശ്യ​ത്തെ അവഗണി​ച്ചു​കൊ​ണ്ടുള്ള മാനുഷ പ്രയത്‌ന​ങ്ങ​ളു​ടെ വിഫലത വിവരി​ക്കു​ന്നു.

ഈ പുസ്‌ത​കത്തെ വളരെ​യ​ധി​കം ഹൃദയാ​വർജ്ജ​ക​മാ​ക്കു​ന്നത്‌ എഴുത്തു​കാ​രൻ ചൂഴ്‌ന്നി​റ​ങ്ങുന്ന വിപു​ല​വ്യാ​പ​ക​മായ വിഷയ​ങ്ങ​ളാണ്‌—മാനുഷ ജ്ഞാനവും ഭരണവും, ഭൗതിക ധനവും ഉല്ലാസ​ങ്ങ​ളും, ബാഹ്യ​പ്ര​ക​ടനം മാത്ര​മുള്ള മതം മുതലാ​യവ. ഈ കാര്യ​ങ്ങ​ളെ​ല്ലാം വ്യർത്ഥ​മാണ്‌. കാരണം അവ നിലനിൽക്കു​ന്ന​വയല്ല. നേരെ​മ​റിച്ച്‌ അവയെ​ക്കു​റി​ച്ചു ധ്യാനി​ക്കു​ന്ന​തി​നാൽ വിവേ​ച​നാ​ശ​ക്തി​യുള്ള മനസ്സിനെ ഒരു നിഗമ​ന​ത്തി​ലെ​ത്തി​ക്കു​ന്നു: “സത്യ​ദൈ​വത്തെ ഭയപ്പെട്ട്‌ അവന്റെ കല്‌പ​ന​കളെ പ്രമാ​ണി​ക്കുക. എന്തു​കൊ​ണ്ടെ​ന്നാൽ അതാണ്‌ മമനു​ഷ്യ​ന്റെ മുഴു കടമയും.”—സഭാ​പ്ര​സം​ഗി 12:13.

“എല്ലാം വ്യർത്ഥ​മാണ്‌!”

ദയവായി 1-ഉം2-ഉം അദ്ധ്യാ​യങ്ങൾ വായി​ക്കുക. പ്രകൃ​തി​യു​ടെ അനന്തമായ പരിവൃ​ത്തി​ക​ളോ​ടു ബന്ധപ്പെ​ടു​ത്തു​മ്പോൾ, മുഴു മാനുഷ പ്രയത്‌ന​ങ്ങ​ളും ക്ഷണിക​വും താല്‌ക്കാ​ലി​ക​വു​മാണ്‌ (1:4-7). ഈ സഭാ സംഘാ​ട​കന്റെ മഹത്തായ നേട്ടങ്ങൾപോ​ലും ഒരുപക്ഷേ അർഹത​യി​ല്ലാത്ത ആരി​ലേ​ക്കെ​ങ്കി​ലും മാററ​പ്പെ​ടണം (2:18, 19). എബ്രാ​യ​യിൽ “വ്യർത്ഥം” എന്നതിന്‌ “ആവി” അഥവാ “ശ്വാസം” എന്നാണർത്ഥം.

◆ 1:9—“സൂര്യ​നു​കീ​ഴെ പുതു​താ​യി യാതൊ​ന്നു​മി​ല്ലാ”തിരി​ക്കു​ന്നത്‌ ഏതു വിധത്തി​ലാണ്‌?

സൂര്യൻ പ്രകാ​ശി​ക്കുന്ന ദൈനം​ദിന ജീവി​ത​ത്തി​ലെ പ്രാകൃ​തിക സംഭവ​ങ്ങ​ളു​ടെ പരിവൃ​ത്തി​യിൽ മൊത്ത​ത്തിൽ ഒന്നും പുതു​താ​യി ഇല്ല. “പുതിയ” കണ്ടുപി​ടു​ത്തങ്ങൾ പോലും അധിക​വും യഹോവ സൃഷ്ടി​ക​ളിൽ നേരത്തെ തന്നെ പ്രയോ​ഗി​ച്ചി​രി​ക്കുന്ന തത്വങ്ങ​ളു​ടെ ബാധക​മാ​ക്ക​ലു​ക​ളാണ്‌. എന്നാൽ യഹോവ “സൂര്യനു കീഴെ” മനുഷ്യ​വർഗ്ഗത്തെ ബാധി​ക്കുന്ന പുതിയ ആത്മീയ വികാ​സങ്ങൾ കൊണ്ടു​വ​ന്നി​ട്ടുണ്ട്‌.—മാർച്ച്‌ 1, 1987-ലെ വാച്ച്‌ ടവർ പേജ്‌ 27-9 കാണുക.

◆ 2:2—സന്തോ​ഷി​ക്കു​ന്നതു തെററാ​ണോ?

അല്ല. തെററല്ല. ചിരി അല്ലെങ്കിൽ സന്തോഷം ഒരുവന്റെ പ്രശ്‌ന​ങ്ങ​ളിൽ നിന്ന്‌ താല്‌ക്കാ​ലി​ക​മാ​യി വിടുതൽ ലഭിക്കു​ന്ന​തി​നു സഹായി​ച്ചേ​ക്കാം, എന്നാൽ പ്രശ്‌നങ്ങൾ വിട്ടു​പോ​ക​യില്ല. അതു​കൊണ്ട്‌ ആഹ്ലാദി​ക്ക​ലി​ലൂ​ടെ യഥാർത്ഥ സന്തോഷം കണ്ടെത്താൻ ശ്രമി​ക്കു​ന്നത്‌ “ചിത്ത​ഭ്രമം” ആണ്‌, അത്‌ നിരർത്ഥ​ക​മാണ്‌. അതു​പോ​ലെ “സന്തോ​ഷി​ക്കൽ” ജീവി​ത​ത്തി​ന്റെ പ്രശ്‌ന​ങ്ങളെ പരിഹ​രി​ക്കു​ന്നില്ല. ആഹ്ലാദ​വും ഉല്ലാസ​ങ്ങ​ളും അപ്രകാ​രം ഒരുവന്റെ പ്രവർത്ത​ന​ത്തിൻമേൽ യഹോ​വ​യു​ടെ അനു​ഗ്രഹം ഉണ്ടായി​രി​ക്കു​ന്ന​തി​ന്റെ ഫലമാ​യു​ണ്ടാ​കുന്ന സന്തോ​ഷ​ത്തി​നു വിപരീ​ത​മാ​യി വരുന്നു.—2:24.

നമുക്കു​വേ​ണ്ടി​യുള്ള പാഠം: നാം ശലോ​മോ​ന്റെ ബുദ്ധി​യു​പ​ദേശം അനുസ​രി​ക്ക​യും ഭൗതിക ലാഭങ്ങൾക്കും രോമാ​ഞ്ച​ജ​ന​ക​മായ പുതിയ അനുഭ​വ​ങ്ങൾക്കും വേണ്ടി​യുള്ള അനുധാ​വനം ജീവി​ത​ത്തി​ന്റെ ഏക ലക്ഷ്യമാ​ക്കാ​തി​രി​ക്ക​യും വേണം. പകരം നാം യഹോ​വയെ അനുസ​രി​ച്ചു​കൊണ്ട്‌ ‘അവന്റെ മുമ്പാകെ നല്ലവരാ​യി​രി​ക്കണം.’ അപ്പോൾ നാം അവന്റെ “ജ്ഞാനം, അറിവ്‌, സന്തോഷം” എന്നിവ​യു​ടെ അനു​ഗ്രഹം ആസ്വദി​ക്കും.—2:26.

എല്ലാറ്റിനും ഒരു സമയം

അദ്ധ്യായം 3, 4 വായി​ക്കുക. ശലോ​മോൻ ജീവി​ത​ത്തി​ന്റെ വിധി വിശ്വാസ വീക്ഷണത്തെ പിന്താ​ങ്ങു​ക​യ​ല്ലാ​യി​രു​ന്നു (3:1-9). പകരം, ദൈവം മുന്നോ​ട്ടു ചലിപ്പി​ച്ചി​രി​ക്കു​ന്ന​തി​നെ മനുഷ്യർക്ക്‌ കേവലം മാററാൻ കഴിയു​ക​യില്ല എന്നു അവൻ സൂചി​പ്പി​ക്കു​ക​യാ​യി​രു​ന്നു. (3:14) ഈ കാര്യ​ത്തിൽ മനുഷ്യർ മൃഗങ്ങ​ളെ​ക്കാൾ മെച്ചമല്ല. (3:19-21). അതു​കൊണ്ട്‌ മത്സരാ​ത്മാ​വി​നെ​ക്കാൾ (4:4) സഹകരണ മനോ​ഭാ​വം (4:9-12) വളരെ​യ​ധി​കം പ്രതി​ഫ​ല​ദാ​യ​ക​മാ​യി​രി​ക്കും.

◆ 3:11—ദൈവം സകലവും “അതതിന്റെ സമയത്തു ഭംഗി​യാ​യി” ഉണ്ടാക്കി​യി​രി​ക്കു​ന്ന​തെ​ങ്ങനെ?

“ഭംഗി” എന്ന പദത്തിന്‌ “നല്ലത്‌, ഉചിതം, യോജി​ച്ചത്‌” എന്നും അർത്ഥമുണ്ട്‌. ദൈവ​ത്തി​ന്റെ ഓരോ പ്രവർത്ത​ന​വും അവന്റെ ഉദ്ദേശ്യ​ത്തിന്‌ യോജി​ക്കുന്ന ഉചിത​മായ സ്ഥലത്ത്‌ അതിന്റെ സ്വന്തം സമയത്ത്‌ വെളി​പ്പെ​ടു​ത്തും. ദൈവം മനുഷ്യ​വർഗ്ഗ​ത്തി​നു​വേണ്ടി അനേകം കാര്യങ്ങൾ “ഭംഗി​യാ​യി” ഉണ്ടാക്കി​യി​ട്ടുണ്ട്‌. ദൃഷ്ടാ​ന്ത​ത്തിന്‌, അവൻ മനുഷ്യർക്ക്‌ ഏദെനിൽ ഒരു പൂർണ്ണ​ത​യുള്ള ആരംഭം നൽകി. മനുഷ്യൻ പാപത്തിൽ വീണ​പ്പോൾ അവൻ ഒരു വീണ്ടെ​ടു​പ്പു​കാ​ര​നായ സന്തതി​യു​ടെ വരവി​നെ​ക്കു​റിച്ച്‌ മുൻകൂ​ട്ടി പറഞ്ഞു. തക്ക സമയത്ത്‌ ദൈവം ആ സന്തതിയെ അയച്ചു. എല്ലാറ​റി​ലും വച്ച്‌ ‘ഏററവും ഭംഗി​യാ​യി’ യഹോവ ആ സന്തതിയെ തന്റെ രാജ്യ​ത്തി​ന്റെ രാജാ​വാ​ക്കി.

◆ 4:6—ശലോ​മോൻ ഒരു വിശ്രമ ജീവിതം ശുപാർശ ചെയ്യു​ക​യാ​യി​രു​ന്നോ?

അല്ല. എന്നാൽ ലാഭത്തി​നു​വേ​ണ്ടി​യുള്ള കഠിനാ​ദ്ധ്വാ​ന​വും സാമർത്ഥ്യ​വും മിക്ക​പ്പോ​ഴും മത്സരത്തി​ലേ​ക്കും വൈരാ​ഗ്യ​ത്തി​ലേ​ക്കും നയിക്കു​ന്നു എന്ന്‌ ശലോ​മോൻ നിരീ​ക്ഷി​ച്ചു. (4:4) മറിച്ച്‌, ഇത്‌ പ്രശ്‌ന​ങ്ങൾക്കും നേര​ത്തെ​യുള്ള മരണത്തി​നും​പോ​ലും ഇടയാ​ക്കാൻ കഴിയും. (1 തിമൊ​ഥെ​യോസ്‌ 6:9, 10) അതു​കൊണ്ട്‌ സമനി​ല​യുള്ള വീക്ഷണ​മെ​ന്താണ്‌? കഠിനാ​ദ്ധ്വാ​ന​വും കലാപ​വും സഹിത​മുള്ള ഇരട്ടി ലാഭത്തി​നു പകരം സമാധാ​ന​ത്തോ​ടെ ഉള്ള കുറഞ്ഞ വരുമാ​ന​ത്തിൽ തൃപ്‌ത​രാ​യി​രി​ക്കുക.

നമുക്കു​വേ​ണ്ടി​യുള്ള പാഠം: വ്യക്തി​പ​ര​മായ താല്‌പ​ര്യ​ങ്ങ​ളി​ലുള്ള അത്യാ​ശ​യ്‌ക്കു പകരം മുമ്പേ ദൈവ​ത്തി​ന്റെ രാജ്യം അന്വേ​ഷി​ക്കു​ന്ന​തി​നുള്ള സമയമാ​ണിത്‌ (3:1). നാം ഒററ​പ്പെ​ടു​ന്ന​തി​നു​പ​കരം സഹക്രി​സ്‌ത്യാ​നി​ക​ളോ​ടുള്ള സഹകര​ണ​ത്തിൽ പ്രവർത്തി​ക്കണം (4:9-12). ഈ വിധത്തിൽ പ്രയാ​സ​ങ്ങ​ളും എതിർപ്പു​ക​ളും ഉണ്ടെങ്കി​ലും നമുക്ക്‌ ആവശ്യ​മായ സഹായ​വും പ്രോ​ത്സാ​ഹ​ന​വും ലഭ്യമാ​ക്കാൻ കഴിയും.

സത്യാ​രാ​ധന തൃപ്‌തി​വ​രു​ത്തു​ന്നു

അദ്ധ്യായം 5, 6 വായി​ക്കുക. യഹോവ സർവ്വശ​ക്ത​നാ​ക​യാൽ ഭോഷ​ത്വ​പൂർവ്വ​വും നമ്മുടെ “യാഗം” സ്വീക​രി​ക്കും എന്നു പ്രതീ​ക്ഷി​ച്ചു​കൊ​ണ്ടും പ്രവർത്തി​ക്കാ​തെ നാം അവനു​മാ​യുള്ള ബന്ധത്തെ ഗൗരവ​പൂർവ്വം എടുക്കണം (5:1, 2). ദൈവത്തെ ഭയപ്പെ​ടു​ന്നവൻ അവന്റെ ഭൗതിക സ്വത്ത്‌ ഉപയോ​ഗി​ക്കു​ന്ന​തിൽ നിന്ന്‌ തൃപ്‌തി​നേ​ടും, എന്നാൽ അതുകൂ​ട്ടി​വെ​ക്കു​ന്ന​വന്‌ സന്തോഷം ലഭിക്കു​ന്നില്ല.—5:18-20; 6:2, 3—മായി താരത​മ്യം ചെയ്യുക.

◆ 5:2—ഈ ഉപദേശം ബാധക​മാ​ക്കു​ന്ന​തെ​ങ്ങനെ?

നാം നമ്മുടെ ഹൃദയത്തെ ദൈവ​ത്തി​ലേക്കു പകരണം, എന്നാൽ അവന്റെ മഹത്വ​വും ഔന്നത്യ​വും നിമിത്തം ആവേശ​ത്തോ​ടു​കൂ​ടി​യ​തും ചിന്താ​ര​ഹി​ത​വും ആയ വാക്കു​കൾക്കെ​തി​രെ നാം സൂക്ഷി​ക്കണം. (സങ്കീർത്തനം 62:8) കാടു​ക​യ​റു​ന്ന​തി​നു പകരം നാം ലളിത​മായ ഹൃദയ​പൂർവ്വ​ക​മായ വാക്കുകൾ ഉപയോ​ഗി​ക്കണം. (മത്തായി 6:7) മോശെ മിരി​യാ​മി​നു​വേണ്ടി കേവലം അഞ്ചു ചുരു​ങ്ങിയ എബ്രായ വാക്കു​കൾകൊണ്ട്‌ അപേക്ഷി​ക്ക​യും അനുകൂ​ല​മായ മറുപടി ലഭിക്ക​യും ചെയ്‌തു.—സംഖ്യാ​പു​സ്‌തകം 12:13.

◆ 6:9—“ദേഹി​യു​ടെ സഞ്ചാരം എന്താണ്‌?

ഇവിടെ “ദേഹി”ക്ക്‌ “മുഴു​ദേ​ഹി​യോ​ടു​കൂ​ടിയ ആഗ്രഹം” എന്നർത്ഥ​മുണ്ട്‌. അതു​കൊണ്ട്‌ ഈ പ്രയോ​ഗം, നിറ​വേ​റ​റാൻ കഴിയാത്ത ആഗ്രഹ​ങ്ങളെ തൃപ്‌തി​പ്പെ​ടു​ത്തു​ന്ന​തി​നു​വേ​ണ്ടി​യുള്ള അനന്തമായ തേട്ടത്തെ പരാമർശി​ക്കു​ന്നു. ഇത്‌ “കണ്ണു​കൊണ്ട്‌ കാണു​ന്ന​തിൽ നിന്ന്‌” അതായത്‌ യാഥാർത്ഥ്യ​ത്തെ അഭിമു​ഖീ​ക​രി​ക്കു​ന്ന​തിൽ നിന്ന്‌ വിപരീ​ത​മാ​യി​രി​ക്കു​ന്നു. അപ്രകാ​രം, ദൈവ​രാ​ജ്യ​ത്തി​നു മാത്രമേ യഥാർത്ഥ​മാ​ററം വരുത്താൻ കഴിയു എന്നറി​ഞ്ഞു​കൊണ്ട്‌ നാം തൃപ്‌ത​രാ​യി​രി​ക്ക​യും അയഥാർത്ഥ്യ​വും അപ്രാ​പ്യ​വു​മായ ആഗ്രഹ​ങ്ങ​ളാൽ നമ്മുടെ സമാധാ​നം കെടു​ത്തി​ക്ക​ള​യാൻ അനുവ​ദി​ക്കാ​തി​രി​ക്ക​യും വേണം.

നമുക്കു​വേ​ണ്ടി​യുള്ള പാഠം: നമ്മുടെ ആരാധ​നാ​സ്ഥ​ലത്ത്‌ നാം ഉചിത​മായ അന്തസ്സോ​ടെ പെരു​മാ​റു​ക​യും ശ്രദ്ധയു​ള്ള​വ​രാ​യി​രി​ക്ക​യും വേണം (5:1) നാം യഹോ​വ​യു​ടെ മുമ്പാ​കെ​യുള്ള കടപ്പാ​ടു​കൾ നിറ​വേ​റ​റു​ന്ന​തിൽ വേഗത​യു​ള്ള​വ​രും ആയിരി​ക്കണം, ഇതിൽ, നാം വിവാ​ഹി​ത​രെ​ങ്കിൽ, നമ്മുടെ വിവാഹ ഉടമ്പടി നിറ​വേ​റ​റു​ന്ന​തും ഉൾപ്പെ​ടു​ന്നു.—5:4.

ജ്ഞാനത്തി​ന്റെ വാക്കുകൾ

അദ്ധ്യായം 7, 8 വായി​ക്കുക. സഭാസം​ഘാ​ടകൻ മരണത്തി​ന്റെ ഗൗരവാ​വ​ഹ​മായ പ്രഭാ​വ​ത്തെ​യും (7:1-4) ജ്ഞാനത്തി​ന്റെ മൂല്യ​ത്തെ​യും (7:11, 12, 16-19) കുറിച്ചു പരിചി​ന്തി​ക്ക​യും ദുഷിച്ച സ്‌ത്രീ​ക്കെ​തി​രെ മുന്നറി​യി​പ്പു നൽകു​ക​യും ചെയ്യുന്നു (7:26) ഭരണകർത്താ​ക്ക​ളോ​ടു ബുദ്ധി​പൂർവ്വം ഇടപെ​ടുക (8:2-4) അനീതി​ക്കെ​തി​രെ ചൂടാ​കാ​തി​രി​ക്കുക (8:11-14) എന്നിങ്ങ​നെ​യുള്ള കാര്യങ്ങൾ സംബന്ധിച്ച്‌ ബുദ്ധി​യു​പ​ദേശം നൽകുന്നു.

◆ 7:28—ഈ വാക്കുകൾ സ്‌ത്രീ​ക​ളു​ടെ വിലയി​ടി​ക്കു​ക​യാ​ണോ?

നിലവി​ലി​രുന്ന ധാർമ്മിക നിലവാ​രം വളരെ താഴ്‌ന്ന​താ​യി​രു​ന്നു എന്നു പ്രകട​മാ​കു​ന്നു. അതു​കൊണ്ട്‌ ശലോ​മോൻ ആ സമയത്തെ നീതി​യുള്ള പുരു​ഷൻമാ​രു​ടെ​യും സ്‌ത്രീ​ക​ളു​ടെ​യും വിരള​ത​യെ​ക്കു​റി​ച്ചു സംസാ​രി​ക്കു​ക​യാ​യി​രു​ന്നു. ആയിരം പേരിൽ നീതി​യുള്ള ഒരു പുരു​ഷനെ കണ്ടെത്തുക പ്രയാ​സ​മാ​യി​രു​ന്നു, ഒരു നീതി​യുള്ള സ്‌ത്രീ​യെ കണ്ടെത്തു​ന്നത്‌ അതിലും പ്രയാ​സ​ക​ര​മാ​യി​രു​ന്നു. എന്നിരു​ന്നാ​ലും, ബൈബിൾ “ഉത്തമ സ്‌ത്രീ”യെക്കു​റി​ച്ചും “പ്രാപ്‌തി​യുള്ള ഭാര്യ”യെ കുറി​ച്ചും പറയുന്നു (രൂത്ത്‌ 3:11; സദൃശ​വാ​ക്യ​ങ്ങൾ 31:10) ഈ വാക്യം പ്രവച​ന​പ​ര​മാ​യി​രു​ന്നേ​ക്കാം, എന്തു​കൊ​ണ്ടെ​ന്നാൽ യഹോ​വ​യോട്‌ പൂർണ്ണ അനുസ​രണം കാണി​ച്ചി​ട്ടുള്ള ഒരു സ്‌ത്രീ​യും ഉണ്ടായി​രു​ന്നി​ട്ടില്ല, എന്നാൽ അത്തരം ഒരു പുരുഷൻ ഉണ്ടായി​രു​ന്നി​ട്ടുണ്ട്‌—യേശു​ക്രി​സ്‌തു.

◆ 8:8—സഭാസം​ഘാ​ടകൻ ഇവിടെ എന്തി​നെ​ക്കു​റിച്ച്‌ സംസാ​രി​ക്ക​യാ​യി​രു​ന്നു?

അവൻ മരണ​ത്തെ​ക്കു​റി​ച്ചു സംസാ​രി​ക്ക​യാ​യി​രു​ന്നു. മരണദി​വസം നീട്ടി​വെ​ക്കാൻ തക്കവണ്ണം ആർക്കും തന്റെ ജീവശക്തി തന്റെ കോശ​ങ്ങ​ളിൽ നിന്ന്‌ വിട്ടു​പോ​കു​ന്ന​തി​നെ തടയാൻ സാദ്ധ്യമല്ല. നമ്മുടെ പൊതു ശത്രു​വായ മരണത്തി​നെ​തി​രെ​യുള്ള പോരാ​ട്ട​ത്തിൽ ആർക്കും വിമു​ക്തി​നേ​ടു​ന്ന​തി​നോ ഒരു പകരക്കാ​രനെ അയക്കു​ന്ന​തി​നോ സാദ്ധ്യമല്ല. (സങ്കീർത്തനം 49:7-9) തങ്ങളുടെ കുടി​ല​മായ പദ്ധതി​ക​ളോ​ടു​കൂ​ടെ ദുഷ്ടൻമാർ പോലും മരണത്തിൽ നിന്നു രക്ഷപെ​ടു​ക​യില്ല.

നമുക്കു വേണ്ടി​യുള്ള പാഠം: ഭൗതിക സമ്പത്തുക്കൾ അനേക​രു​ടെ​യും ജീവിത ലക്ഷ്യമാ​യി​ത്തീർന്നി​രി​ക്കു​ന്നെ​ങ്കി​ലും ദൈവി​ക​ജ്ഞാ​ന​ത്തി​നു മാത്രമേ നിത്യ​ജീ​വ​നി​ലേക്കു നയിക്കാൻ സാദ്ധ്യ​മാ​ക​യു​ള്ളു. (7:12; ലൂക്കോസ്‌ 12:15) ‘പഴയ നല്ല കാലത്തി​നു​വേണ്ടി വാഞ്‌ഛി​ക്കു​ന്ന​തി​നാൽ നമുക്കു കാര്യങ്ങൾ മെച്ചമാ​ക്കി​ത്ത​രി​ക​യില്ല (7:10). പകരം നാം തുടർന്നും ദൈവത്തെ ഭയപ്പെ​ടു​ന്നെ​ങ്കിൽ മാത്രമേ കാര്യങ്ങൾ നമുക്കു മെച്ചമാ​യി “തിരിഞ്ഞു വരിക”യുള്ളു.—8:5, 12.

ജീവി​ത​ത്തി​ലെ യാദൃ​ച്ഛിക സംഭവങ്ങൾ

അദ്ധ്യായം 9, 10 വായി​ക്കുക. ജീവിതം വില​യേ​റി​യ​താണ്‌. നാം അത്‌ ആസ്വദി​ക്കാൻ ദൈവം ആഗ്രഹി​ക്കു​ന്നു. (9:4, 7), ജീവി​ത​ത്തിൽ സംഭവി​ക്കാ​വുന്ന കാര്യ​ങ്ങ​ളിൻമേൽ നമുക്കു നിയ​ന്ത്ര​ണ​മി​ല്ലാ​ത്ത​തി​നാൽ (9:11, 12), മിക്ക ആളുക​ളും വിലമ​തി​ക്കു​ന്നി​ല്ലെ​ങ്കി​ലും, ദൈവി​ക​ജ്ഞാ​ന​ത്തി​ന​നു​സ​രിച്ച്‌ ജീവി​ക്കു​ന്ന​താണ്‌ മെച്ചം (9:17). ജീവി​ത​ത്തി​ന്റെ അനിശ്ചി​ത​ത്വ​ങ്ങൾ നിമിത്തം നാം നമ്മുടെ ഹൃദയ​ങ്ങളെ കാത്തു​സൂ​ക്ഷി​ക്ക​യും (10:2) നാം ചെയ്യുന്ന എല്ലാറ​റി​ലും ജാഗ്രത പാലി​ക്ക​യും പ്രാ​യോ​ഗിക ജ്ഞാന​ത്തോ​ടെ പ്രവർത്തി​ക്ക​യും ചെയ്യണം.—10:8-10.

◆ 9:1—ദൈവ​ത്തി​ന്റെ കരങ്ങളിൽ നീതി​മാൻമാ​രു​ടെ പ്രവർത്ത​നങ്ങൾ എപ്രകാ​ര​മാ​യി​രി​ക്കു​ന്നു?

ആപത്ത്‌ ജ്ഞാനി​ക​ളെ​യും നീതി​മാൻമാ​രെ​യും വലയം ചെയ്യു​മെ​ങ്കി​ലും ഇത്‌ ദൈവ​ത്തി​ന്റെ അനുവാ​ദ​ത്തോ​ടു​കൂ​ടി മാത്രമേ സംഭവി​ക്ക​യു​ള്ളു, അവൻ അവരെ ഉപേക്ഷി​ക്ക​യു​മില്ല. ദൈവ​ത്തി​ന്റെ “കരങ്ങളാൽ” അഥവാ പ്രയോ​ഗി​ക്ക​പ്പെ​ടുന്ന ശക്തിയാൽ നീതി​മാൻമാർ ഒന്നുകിൽ ഒരു പരി​ശോ​ധ​ന​യിൽ നിന്ന്‌ വിടു​വി​ക്ക​പ്പെ​ടു​ക​യോ അല്ലെങ്കിൽ അതു സഹിക്കു​ന്ന​തി​നു ശക്തി​പ്പെ​ടു​ത്ത​പ്പെ​ടു​ക​യോ ചെയ്യും. (1 കൊരി​ന്ത്യർ 10:13) ഈ വസ്‌തുത ഓർമ്മി​ക്കു​ന്ന​തി​നാൽ യഹോ​വ​യു​ടെ ഒരു ദാസന്‌ പ്രയാ​സങ്ങൾ സംഭവി​ക്കു​മ്പോൾ ആശ്വാ​സ​പ്പെ​ടാൻ കഴിയും.

◆ 10:2—ഹൃദയം വലതു കൈയിൽ ആകുന്ന​തെ​ങ്ങനെ?

“വലതു കൈ” മിക്ക​പ്പോ​ഴും ഒരു ആനുകൂ​ല്യ​ത്തി​ന്റെ സ്ഥാനത്തെ കുറി​ക്കു​ന്നു. (മത്തായി 25:33) അതു​കൊണ്ട്‌ ജ്ഞാനി​യു​ടെ ഹൃദയം “അവന്റെ വലതു​കൈ​യി​ലാണ്‌” എന്ന വസ്‌തുത അത്‌ അയാളെ ഒരു നല്ല ആനുകൂ​ല്യ​ത്തി​ന്റെ ഗതി പിൻതു​ട​രു​ന്ന​തിന്‌ പ്രേരി​പ്പി​ക്കും എന്ന്‌ സൂചി​പ്പി​ക്കു​ന്നു. എന്നാൽ ഭോഷന്‌ നല്ല ആന്തരത്തി​ന്റെ അഭാവ​മുണ്ട്‌, ഭോഷ​ത്വ​പൂർവ്വ​വും അനുചി​ത​മാ​യും പ്രവർത്തി​ക്ക​യും ചെയ്യും. അയാളു​ടെ ഹൃദയം “ഇടതു കൈയി​ലാണ്‌” എന്നതി​നാൽ അയാൾ ഒരു തെററായ ഗതി പിൻതു​ട​രു​ന്ന​തിന്‌ പ്രേരി​പ്പി​ക്ക​പ്പെ​ടു​ന്നു എന്നു സൂചി​പ്പി​ക്കു​ന്നു.

നമുക്കു​വേ​ണ്ടി​യുള്ള പാഠം: നമ്മിൽ ഏതൊ​രു​വ​നും മരണം പെട്ടെന്നു സംഭവി​ക്കാ​മെ​ന്നു​ള്ള​തി​നാൽ (9:12), നാം നമ്മുടെ ജീവി​തത്തെ യഹോ​വ​യു​ടെ സേവന​ത്തിൽ ഉപയോ​ഗി​ച്ചു​കൊ​ണ്ടി​രി​ക്കണം, നമ്മുടെ ചരമം എല്ലാറ​റി​നും ഒരു വിരാമം ഇടും (9:10). ഒരു കുഴി കുഴി​ക്കു​ക​യോ അല്ലെങ്കിൽ മരം വെട്ടു​ക​യോ പോ​ലെ​യുള്ള ലളിത​മായ കാര്യ​ങ്ങ​ളിൽപോ​ലു​മുള്ള നമ്മുടെ കാര്യ​ക്ഷ​മ​ത​ക്കു​റ​വു​നി​മി​ത്തം നമുക്കു തന്നെയും മററു​ള്ള​വർക്കും അപകടം വരുത്താൻ കഴിയു​മെ​ന്ന​തി​നാൽ നാം നമ്മുടെ സേവന​ത്തിൽ സാമർത്ഥ്യം നേടേണ്ട ആവശ്യ​മുണ്ട്‌.—10:8, 9.

ചെറു​പ്പ​ക്കാ​ര​നും ജീവിത ലക്ഷ്യവും

അദ്ധ്യായം 11, 12 വായി​ക്കുക. നാമെ​ല്ലാം ഔദാ​ര്യം പ്രകടി​പ്പി​ക്ക​യും നിർണ്ണാ​യ​ക​മായ നടപടി എടുക്കു​ക​യും വേണം (11:1-6) സ്രഷ്ടാ​വി​നെ സേവി​ക്കു​ന്ന​തിൽ തങ്ങളുടെ സമയവും ഊർജ്ജ​വും നന്നായി ഉപയോ​ഗി​ക്കുന്ന യുവാ​ക്കൾക്ക്‌ പിന്നീ​ടുള്ള ജീവി​ത​ത്തിൽ പശ്ചാത്ത​പി​ക്കേ​ണ്ടി​വ​രില്ല (11:9, 10). പകരം, തങ്ങളുടെ ആരോ​ഗ്യ​വും വീര്യ​വും നഷ്ടപ്പെ​ടു​ന്ന​തി​നു മുമ്പ്‌ ദൈവത്തെ പ്രീതി​പ്പെ​ടു​ത്തി​യ​തി​ലുള്ള സംതൃ​പ്‌തി​യു​ണ്ടാ​യി​രി​ക്കും.—12:1-7, 1977 ഡിസംബർ 15, വാച്ച്‌ ടവർ പേജ്‌ 746 കാണുക.

◆ 11:1—അപ്രകാ​രം അപ്പം എറിയു​ന്ന​തി​ന്റെ അർത്ഥം എന്താണ്‌?

അപ്പം ജീവന്റെ ആധാര​മാണ്‌. അതു “വെള്ളത്തിൽ” എറിയു​ന്നത്‌ വിലയുള്ള എന്തെങ്കി​ലും പങ്കു​വെ​ക്ക​ലാണ്‌. എന്നിരു​ന്നാ​ലും “നിങ്ങൾ അതു വീണ്ടും കണ്ടെത്തും,” എന്തു​കൊ​ണ്ടെ​ന്നാൽ അപ്രതീ​ക്ഷി​ത​മായ വിധത്തിൽ ഔദാ​ര്യ​മുള്ള ഒരുവന്‌ മടക്കി ലഭിക്കും.—ലൂക്കോസ്‌ 6:38.

◆ 12:12—പുസ്‌ത​ക​ങ്ങ​ളെ​ക്കു​റിച്ച്‌ അത്തരം നിഷേ​ധാ​ത്മക മനോ​ഭാ​വം എന്തു​കൊണ്ട്‌?

യഹോ​വ​യു​ടെ വചന​ത്തോ​ടു താരത​മ്യ​പ്പെ​ടു​ത്തു​മ്പോൾ ലോക​ത്തി​ന്റെ ‘അന്തമി​ല്ലാത്ത’ വാല്യങ്ങൾ വെറും മാനുഷ ന്യായങ്ങൾ അടങ്ങി​യ​വ​യാണ്‌. ഈ ചിന്താ​ഗ​തി​യിൽ അധിക​വും സാത്താന്റെ മനസ്സിനെ പ്രതി​ഫ​ലി​പ്പി​ക്കു​ന്നു (2 കൊരിന്ത്യർ 4:4) തദനു​സ​രണം, അത്തരം ലൗകിക വസ്‌തു​ക്ക​ളി​ലുള്ള “അധിക​മായ അർപ്പണം” നിലനിൽക്കുന്ന മൂല്യം ഉളവാ​ക്കു​ന്നില്ല.

നമുക്കു​വേ​ണ്ടി​യുള്ള പാഠം: ശലോ​മോ​നെ​പ്പോ​ലെ നാമും ദൈവ​വ​ചനം ജീവ​നെ​ക്കു​റി​ച്ചും പറയു​ന്ന​തി​നെ​ക്കു​റി​ച്ചും ധ്യാനി​ക്കണം. അപ്പോൾ ദൈവത്തെ ഭയപ്പെ​ടു​ക​യും അനുസ​രി​ക്ക​യും ചെയ്യു​ന്ന​തി​നുള്ള നമ്മുടെ തീരു​മാ​നം ബലിഷ്‌ഠ​മാ​ക്ക​പ്പെ​ടും. യഹോ​വ​യ്‌ക്ക്‌ നമ്മെ സംബന്ധിച്ച്‌ ഏററവും അടുത്ത പരിഗ​ണ​ന​യു​ണ്ടെ​ന്ന​റി​യു​ന്നത്‌ (12:13, 14) നമ്മെ അവനോട്‌ കൂടുതൽ അടുപ്പി​ക്കു​ന്നു.

അതു​കൊണ്ട്‌, നമുക്ക്‌ “സത്യ​ദൈ​വത്തെ ഭയപ്പെട്ട്‌ അവന്റെ കല്‌പ​ന​കളെ പ്രമാ​ണി​ക്കാം.” ഇതു നമ്മുടെ കടമയാണ്‌, നമുക്ക്‌ നിലനിൽക്കുന്ന സന്തുഷ്ടി കൈവ​രു​ത്തു​ക​യും ചെയ്യും. (w87 9/15)