യഹോ​വയെ അവിടു​ത്തെ വചനത്തി​ലൂ​ടെ അറിയുക

“ഏകസത്യ​ദൈ​വ​മായ അങ്ങയെ​യും അങ്ങ്‌ അയച്ചി​രി​ക്കുന്ന യേശു​ക്രി​സ്‌തു​വി​നെ​യും കുറി​ച്ചുള്ള അറിവ്‌ അവർ ഉൾക്കൊ​ള്ളു​ന്ന​തി​ന്റെ അർഥം നിത്യ​ജീ​വൻ എന്നാകു​ന്നു.”—യോഹ​ന്നാൻ 17:3, NW.

1, 2. (എ) തിരു​വെ​ഴു​ത്തു​ക​ളിൽ ഉപയോ​ഗി​ച്ചി​രി​ക്കു​ന്ന​പോ​ലെ “അറിയുക” “അറിവ്‌” എന്നതിന്റെ അർഥ​മെ​ന്താണ്‌? (ബി) എന്തു ദൃഷ്ടാ​ന്തങ്ങൾ ഈ അർഥം വ്യക്തമാ​ക്കു​ന്നു?

ഒരാളെ വെറും പരിച​യ​ക്കാ​ര​നെ​ന്ന​പോ​ലെ അറിയു​ന്നത്‌ അല്ലെങ്കിൽ എന്തെങ്കി​ലും ഉപരി​പ്ല​വ​മാ​യി അറിയു​ന്നതു തിരു​വെ​ഴു​ത്തു​ക​ളിൽ ഉപയോ​ഗി​ച്ചി​രി​ക്കു​ന്ന​പ്ര​കാ​രം, “അറിയുക”, “അറിവ്‌” എന്ന വാക്കു​ക​ളു​ടെ അർഥത്തിന്‌ അപര്യാ​പ്‌ത​മാണ്‌. ബൈബി​ളിൽ “അനുഭ​വ​ത്തിൽക്കൂ​ടി അറിയുന്ന നടപടി,” “വ്യക്തി​കൾക്കി​ട​യി​ലുള്ള ഒരു വിശ്വാസ ബന്ധം” പ്രകട​മാ​ക്കുന്ന അറിവ്‌ അതിൽ ഉൾപ്പെ​ടു​ന്നു. (ദ ന്യൂ ഇൻറർ നാഷനൽ ഡിക്‌ഷ്‌നറി ഓഫ്‌ ന്യൂ ടെസ്‌റ​റ​മെൻറ്‌) യെഹെ​സ്‌ക്കേ​ലി​ന്റെ പുസ്‌ത​ക​ത്തിൽ കൊടു​ത്തി​രി​ക്കുന്ന ആ പല സംഗതി​ക​ളെ​യും​പോ​ലെ യഹോ​വയെ അവിടു​ത്തെ ചില പ്രത്യേക പ്രവൃ​ത്തി​കൾ കണക്കി​ലെ​ടു​ത്തു​കൊണ്ട്‌ അറിയു​ന്നത്‌ അതിൽ ഉൾപ്പെ​ടു​ന്നു. അവിടെ ദൈവം അധർമി​കൾക്കെ​തി​രെ ഇപ്രകാ​രം പ്രഖ്യാ​പി​ച്ചു​കൊ​ണ്ടു ന്യായ​വി​ധി നടത്തി: ‘ഞാൻ യഹോവ എന്നു അവർ അറിക​യും ചെയ്യും.’—യെഹെ​സ്‌ക്കേൽ 38:23.

² “അറിയുക”, “അറിവ്‌” ഇവ ഉപയോ​ഗി​ക്കാ​വുന്ന വിവിധ വിധങ്ങൾ ചില ദൃഷ്ടാ​ന്ത​ങ്ങ​ളി​ലൂ​ടെ വ്യക്തമാ​ക്കാ​വു​ന്ന​താണ്‌. തന്റെ നാമത്തിൽ പ്രവർത്തി​ച്ചി​ട്ടു​ണ്ടെന്ന്‌ അവകാ​ശ​പ്പെട്ട അനേക​രോ​ടു “ഞാൻ ഒരുനാ​ളും നിങ്ങളെ അറിഞ്ഞി​ട്ടില്ല” എന്ന്‌ യേശു പറഞ്ഞ​പ്പോൾ അവരു​മാ​യി തനിക്കു ഒരു ബന്ധവും ഇല്ലായി​രു​ന്നു​വെന്ന്‌ അർഥമാ​ക്കി. (മത്തായി 7:23) ക്രിസ്‌തു “പാപം അറിയാ​ത്തവ”നാണെന്നു രണ്ടു കൊരി​ന്ത്യർ 5:21 പറയുന്നു. ക്രിസ്‌തു​വി​നു പാപ​ത്തെ​പ്പ​ററി ഒരു അറിവും ഇല്ലായി​രു​ന്നു​വെന്നല്ല മറിച്ച്‌, പാപത്തിൽ അവിടു​ന്നു വ്യക്തി​പ​ര​മാ​യി ഏർപ്പെ​ട്ടില്ല എന്നാണ്‌ അത്‌ അർഥമാ​ക്കു​ന്നത്‌. അപ്രകാ​രം, “ഏകസത്യ​ദൈ​വ​മായ അങ്ങയെ​യും അങ്ങ്‌ അയച്ചി​രി​ക്കുന്ന യേശു​ക്രി​സ്‌തു​വി​നെ​യും കുറി​ച്ചുള്ള അറിവ്‌ അവർ ഉൾക്കൊ​ള്ളു​ന്ന​തി​ന്റെ അർഥം നിത്യ​ജീ​വൻ എന്നാകു​ന്നു” എന്നു യേശു പറഞ്ഞ​പ്പോൾ ദൈവ​ത്തെ​പ്പ​റ​റി​യും യേശു​വി​നെ​പ്പ​റ​റി​യും എന്തെങ്കി​ലു​മൊ​ക്കെ അറിയു​ന്ന​തി​ലും അധികം ഉൾപ്പെ​ട്ടി​രു​ന്നു.—മത്തായി 7:21 താരത​മ്യം ചെയ്യുക.

3. യഹോവ സത്യ​ദൈ​വത്തെ തിരി​ച്ച​റി​യി​ക്കുന്ന ഒരു അടയാളം പ്രദർശി​പ്പി​ക്കു​ന്നു​വെന്ന്‌ എന്തു തെളി​യി​ക്കു​ന്നു?

³ യഹോ​വ​യു​ടെ അനേകം ഗുണങ്ങ​ളും അവിടു​ത്തെ വചനമായ ബൈബി​ളി​ലൂ​ടെ അറിയാൻ കഴിയും. അവയി​ലൊ​ന്നു കൃത്യ​ത​യോ​ടെ പ്രവചി​ക്കു​ന്ന​തി​നുള്ള കഴിവാണ്‌. ഈ കഴിവു സത്യ​ദൈ​വ​ത്തി​ന്റെ ഒരു അടയാ​ള​മാ​യി തിരി​ച്ച​റി​യി​ക്ക​പ്പെ​ട്ടി​രി​ക്കു​ന്നു: “സംഭവി​പ്പാ​നു​ള്ളതു അവർ കാണിച്ചു നമ്മോടു പ്രസ്‌താ​വി​ക്കട്ടെ; നാം വിചാ​രി​ച്ചു അതിന്റെ അവസാനം അറി​യേ​ണ്ട​തി​ന്നു ആദ്യകാ​ര്യ​ങ്ങൾ ഇന്നിന്ന​വ​യെന്നു അവർ പ്രസ്‌താ​വി​ക്കട്ടെ; അല്ലെങ്കിൽ സംഭവി​പ്പാ​നു​ള്ളതു നമ്മെ കേൾപ്പി​ക്കട്ടെ. നിങ്ങൾ ദേവൻമാർ എന്നു ഞങ്ങൾ അറി​യേ​ണ്ട​തി​ന്നു മേലാൽ വരുവാ​നു​ള്ളതു പ്രസ്‌താ​വി​പ്പിൻ.” (യെശയ്യാ​വു 41:22, 23) യഹോവ തന്റെ വചനത്തിൽ ഭൂമി​യു​ടെ സൃഷ്ടി​യെ​പ്പ​റ​റി​യും അതിലെ ജീവ​നെ​പ്പ​റ​റി​യും ഉള്ള ആദ്യകാ​ര്യ​ങ്ങൾ പറയുന്നു. അവിടുന്ന്‌ സംഭവി​ക്കാൻപോ​കുന്ന കാര്യങ്ങൾ വളരെ മുന്നമേ പറയു​ക​യും അതു സംഭവി​ക്കു​ക​യും ചെയ്‌തി​രി​ക്കു​ന്നു. അവിടുന്ന്‌ ഇപ്പോൾപോ​ലും “സംഭവി​പ്പാ​നു​ള്ളതു നമ്മെ കേൾപ്പി​ക്കു​ന്നു”, വിശേ​ഷിച്ച്‌ ഈ “അന്ത്യനാ​ളു​ക​ളിൽ” സംഭവി​ക്കു​വാൻ പോകുന്ന കാര്യങ്ങൾ.—2 തിമൊ​ഥെ​യൊസ്‌ 3:1-5, 13; ഉല്‌പത്തി 1:1-30; യെശയ്യാ​വു 53:1-12; ദാനീ​യേൽ 8:3-12, 20-25; മത്തായി 24:3-21; വെളി​പ്പാ​ടു 6:1-8; 11:18.

4. തന്റെ ശക്തിയെന്ന ഗുണം യഹോവ ഉപയോ​ഗി​ച്ചി​ട്ടു​ള്ളത്‌ എപ്രകാ​ര​മാണ്‌, അതു വീണ്ടും അവിടുന്ന്‌ എപ്രകാ​രം ഉപയോ​ഗി​ക്കും?

⁴ യഹോ​വ​യു​ടെ മറെറാ​രു ഗുണം ശക്തിയാണ്‌. നക്ഷത്രങ്ങൾ പ്രകാ​ശ​വും ചൂടും വർഷി​ക്കുന്ന അണുസം​യോ​ജന ചൂളക​ളാ​യി പ്രവർത്തി​ക്കുന്ന ആകാശത്ത്‌ ഇതു തെളി​വാ​യി​ക്കാ​ണു​ന്നു. മത്സരി​ക​ളായ മനുഷ്യ​രോ ദൂതൻമാ​രോ യഹോ​വ​യു​ടെ പരമാ​ധി​കാ​രത്തെ വെല്ലു​വി​ളി​ക്കു​മ്പോൾ, അവിടു​ത്തെ നല്ലനാ​മ​ത്തെ​യും നീതി​യുള്ള മാനദ​ണ്ഡ​ങ്ങ​ളെ​യും പരിര​ക്ഷി​ക്കു​ന്ന​തിന്‌ അവിടു​ന്നു തന്റെ ശക്തിയെ “ഒരു യുദ്ധവീ​രൻ” എന്ന നിലയിൽ ഉപയോ​ഗി​ക്കു​ന്നു. അങ്ങനെ​യുള്ള അവസര​ങ്ങ​ളിൽ അവിടു​ന്നു നോഹ​യു​ടെ കാലത്തും, സോ​ദോ​മി​ലും ഗൊ​മോ​റ​യി​ലും അതു​പോ​ലെ​തന്നെ ഇസ്ര​യേ​ലി​ന്റെ ചെങ്കട​ലിൽക്കൂ​ടി​യുള്ള മോച​ന​ത്തി​ലും ചെയ്‌ത​പോ​ലെ തന്റെ ശക്തി നാശക​ര​മായ രീതി​യിൽ പുറ​പ്പെ​ടു​വി​ക്കു​ന്ന​തി​നു മടിക്കു​ന്നില്ല. (പുറപ്പാ​ടു 15:3-7; ഉല്‌പത്തി 7:11, 12, 24; 19:24, 25) വേഗത്തിൽ ദൈവം “സാത്താനെ . . . നിങ്ങളു​ടെ കാൽക്കീ​ഴെ ചതെച്ചു കളയു”ന്നതിനാ​യി ശക്തി ഉപയോ​ഗി​ക്കും.—റോമർ 16:20.

5. ശക്തി​യോ​ടൊ​പ്പം ഏതു ഗുണവും​കൂ​ടി യഹോ​വ​യിൽ കുടി​കൊ​ള്ളു​ന്നു?

⁵ എങ്കിലും അപരി​മി​ത​മായ ഈ ശക്തിയു​ണ്ടാ​യി​രു​ന്നി​ട്ടു​പോ​ലും താഴ്‌മ​യുണ്ട്‌. സങ്കീർത്തനം 18:35, 36 പറയുന്നു: “നിന്റെ സൌമ്യത [താഴ്‌മ, NW] എന്നെ വലിയ​വ​നാ​ക്കി​യി​രി​ക്കു​ന്നു. ഞാൻ കാലടി വെക്കേ​ണ്ട​തി​ന്നു നീ വിശാലത വരുത്തി.” “ആകാശ​ത്തി​ലും ഭൂമി​യി​ലും ഉള്ളവ അവൻ കുനി​ഞ്ഞു​നോ​ക്കു​ന്നു. അവൻ എളിയ​വനെ പൊടി​യിൽനി​ന്നു എഴു​ന്നേൽപ്പി​ക്ക​യും ദരി​ദ്രനെ കുപ്പയിൽനി​ന്നു ഉയർത്തു​ക​യും ചെയ്യു”ന്നതിന്‌, ദൈവ​ത്തി​ന്റെ താഴ്‌മ അവിടു​ത്തെ അനുവ​ദി​ക്കു​ന്നു.—സങ്കീർത്തനം 113:6, 7.

6. യഹോ​വ​യു​ടെ ഏതു ഗുണം ജീവര​ക്ഷാ​ക​ര​മാണ്‌?

⁶ മനുഷ്യ​രു​മാ​യി ഇടപെ​ടു​ന്ന​തിൽ യഹോ​വ​യു​ടെ കരുണ ജീവര​ക്ഷാ​ക​ര​മാണ്‌. മനശ്ശെ ഞടുക്കുന്ന കൃത്യങ്ങൾ ചെയ്‌തി​ട്ടു​ണ്ടാ​യി​രു​ന്നു​വെ​ങ്കി​ലും അദ്ദേഹ​ത്തോ​ടു ക്ഷമിച്ച​പ്പോൾ എത്രമാ​ത്രം കരുണ​യാ​ണു കാണി​ച്ചത്‌! യഹോവ പറയുന്നു: “ഞാൻ ദുഷ്ട​നോ​ടു: നീ മരിക്കും എന്നു പറയു​മ്പോൾ അവൻ തന്റെ പാപം വിട്ടു​തി​രി​ഞ്ഞു നീതി​യും ന്യായ​വും പ്രവർത്തി​ക്ക​യും . . . ചെയ്‌താൽ . . . അവൻ ചെയ്‌ത പാപം ഒന്നും അവന്നു കണക്കി​ടു​ക​യില്ല; അവൻ നീതി​യും ന്യായ​വും പ്രവർത്തി​ച്ചി​രി​ക്കു​ന്നു; അവൻ ജീവി​ക്കും.” (യെഹെ​സ്‌ക്കേൽ 33:14-16; 2 ദിനവൃ​ത്താ​ന്തം 33:1-6, 10-13) ദിവസ​ത്തിൽ 7 പ്രാവ​ശ്യം ക്ഷമിച്ചു​കൊണ്ട്‌ 77 പ്രാവ​ശ്യം ക്ഷമിക്കാൻ പ്രോ​ത്സാ​ഹി​പ്പി​ച്ച​പ്പോൾ യേശു യഹോ​വയെ പ്രതി​ഫ​ലി​പ്പി​ക്കു​ക​യാ​യി​രു​ന്നു!—സങ്കീർത്തനം 103:8-14; മത്തായി 18:21, 22; ലൂക്കൊസ്‌ 17:4.

ചേതോ​വി​കാ​ര​മുള്ള ഒരു ദൈവം

7. യഹോവ ഗ്രീക്കു​ദൈ​വ​ങ്ങ​ളിൽനി​ന്നും എപ്രകാ​ര​മാ​ണു വ്യത്യ​സ്‌ത​നാ​യി​രി​ക്കു​ന്നത്‌, എന്തു ബഹുമൂ​ല്യ പദവി​യാ​ണു നമുക്കാ​യി തുറന്നി​രി​ക്കു​ന്നത്‌?

⁷ എപ്പിക്കൂ​ര്യ​രെ​പോ​ലുള്ള ഗ്രീക്കു തത്ത്വജ്ഞാ​നി​കൾ ദൈവ​ങ്ങ​ളിൽ വിശ്വ​സി​ച്ചി​രു​ന്നെ​ങ്കി​ലും മനുഷ്യ​നിൽ ഏന്തെങ്കി​ലും താത്‌പ​ര്യ​മെ​ടു​ക്കു​ന്ന​തി​നോ അവന്റെ വികാ​ര​ങ്ങ​ളാൽ ബാധി​ക്ക​പ്പെ​ടു​ന്ന​തി​നോ കഴിയാ​ത്ത​വണ്ണം അവർ ഭൂമി​യിൽനി​ന്നും അതിവി​ദൂ​ര​ത​യിൽ സ്ഥിതി​ചെ​യ്യു​ന്ന​താ​യി വീക്ഷി​ച്ചി​രു​ന്നു. യഹോ​വ​യും അവിടു​ത്തെ വിശ്വസ്‌ത സാക്ഷി​ക​ളും തമ്മിലുള്ള ബന്ധം എത്ര വ്യത്യ​സ്‌ത​മാണ്‌! “യഹോവ തന്റെ ജനത്തിൽ പ്രസാ​ദി​ക്കു​ന്നു.” (സങ്കീർത്തനം 149:4) ജലപ്ര​ള​യ​ത്തി​നു​മു​മ്പു ദുഷ്ടജ​നങ്ങൾ അവിടുന്ന്‌ അനുത​പി​ക്കു​ന്ന​തി​നും അവിടു​ത്തെ “ഹൃദയ​ത്തി​നു ദുഃഖമാ”കുന്നതി​നും ഇടയാക്കി. ഇസ്രയേൽ അതിന്റെ അവിശ്വ​സ്‌ത​ത​യാൽ യഹോ​വ​യ്‌ക്കു വേദന​യും ദുഃഖ​വും കൈവ​രു​ത്തി. ക്രിസ്‌ത്യാ​നി​കൾക്കു തങ്ങളുടെ അനുസ​ര​ണ​ക്കേ​ടു​മൂ​ലം യഹോ​വ​യു​ടെ ആത്മാവി​നെ വ്യസനി​പ്പി​ക്കാ​നാ​കും; എന്നാൽ അവരുടെ വിശ്വ​സ്‌ത​ത​യാൽ അവർക്ക്‌ അവിടു​ത്തെ സന്തോ​ഷി​പ്പി​ക്കാൻ കഴിയും. ഭൂമി​യി​ലെ നിസ്സാര മനുഷ്യന്‌ അഖിലാ​ണ്ഡ​ത്തി​ന്റെ സ്രഷ്ടാ​വി​നെ ദുഃഖി​പ്പി​ക്കു​ന്ന​തി​നോ സന്തോ​ഷി​പ്പി​ക്കു​ന്ന​തി​നോ കഴിയു​മെന്നു വിചാ​രി​ക്കു​ന്നത്‌ എത്ര വിസ്‌മ​യാ​വ​ഹ​മാണ്‌! അവിടു​ന്നു നമുക്കു​വേണ്ടി ചെയ്യുന്ന എല്ലാ കാര്യ​ങ്ങ​ളു​ടെ​യും വീക്ഷണ​ത്തിൽ നമുക്ക്‌ അവിടു​ത്തെ പ്രസാ​ദി​പ്പി​ക്കു​ന്ന​തി​നുള്ള ബഹുമൂ​ല്യ പദവി​യു​ണ്ടെ​ന്നു​ള്ളത്‌ എത്ര അത്ഭുത​ക​ര​മാണ്‌.—ഉല്‌പത്തി 6:6; സങ്കീർത്തനം 78:40, 41; സദൃശ​വാ​ക്യ​ങ്ങൾ 27:11; യെശയ്യാ​വു 63:10; എഫെസ്യർ 4:30.

8. അബ്രഹാം യഹോ​വ​യോ​ടുള്ള തന്റെ സംസാ​ര​സ്വാ​ത​ന്ത്ര്യം ഉപയോ​ഗി​ച്ചത്‌ എപ്രകാ​രം?

⁸ യഹോ​വ​യു​ടെ സ്‌നേഹം നമുക്കു വലിയ “സംസാ​ര​സ്വാ​ത​ന്ത്ര്യം” അനുവ​ദി​ക്കു​ന്നു​വെന്നു ദൈവ​വ​ചനം പ്രകട​മാ​ക്കു​ന്നു. (1 യോഹ​ന്നാൻ 4:17, NW) യഹോവ സോ​ദോ​മി​നെ നശിപ്പി​ക്കാൻ വന്നപ്പോൾ അബ്രഹാ​മി​ന്റെ കാര്യം കുറി​ക്കൊ​ള്ളുക. അബ്രഹാം യഹോ​വ​യോ​ടു പറഞ്ഞു: “ദുഷ്ട​നോ​ടു​കൂ​ടെ നീതി​മാ​നെ​യും നീ സംഹരി​ക്കു​മോ? പക്ഷെ ആ പട്ടണത്തിൽ അമ്പതു​നീ​തി​മാൻമാർ ഉണ്ടെങ്കിൽ നീ അതിനെ സംഹരി​ക്കു​മോ? അതിലെ അമ്പതു നീതി​മാൻമാർ നിമിത്തം ആ സ്ഥലത്തോ​ടു ക്ഷമിക്ക​യി​ല്ല​യോ? ഇങ്ങനെ നീ ഒരു നാളും ചെയ്യു​ന്ന​ത​ല്ല​ല്ലോ? . . . സർവ്വഭൂ​മി​ക്കും ന്യായാ​ധി​പ​തി​യാ​യവൻ നീതി പ്രവൃ​ത്തി​ക്കാ​തി​രി​ക്കു​മോ?” ദൈവ​ത്തോ​ടു പറഞ്ഞ വാക്കുകൾ നോക്കുക! എങ്കിലും നീതി​മാൻമാ​രായ 50 ആളുകൾ അവിടെ ഉണ്ടെങ്കിൽ സോ​ദോ​മി​നെ രക്ഷിക്കാ​മെന്നു യഹോവ സമ്മതിച്ചു. അബ്രഹാം തുടർന്നും യഹോ​വ​യോ​ടു സംസാ​രിച്ച്‌ ആ സംഖ്യ 50-ൽനിന്നും 20 ആക്കികു​റച്ചു. താൻ കൂടുതൽ സമ്മർദം ചെലു​ത്തു​ന്ന​താ​യി അദ്ദേഹം ശങ്കിച്ചു. അദ്ദേഹം പറഞ്ഞു: “[യഹോവ] കോപി​ക്ക​രു​തേ; ഞാൻ ഇനി ഒരു പ്രാവ​ശ്യം മാത്രം സംസാ​രി​ക്കും; പക്ഷേ പത്തു​പേരെ അവിടെ കണ്ടാലോ.” “ഞാൻ പത്തു​പേ​രു​ടെ നിമിത്തം നശിപ്പി​ക്ക​യില്ല” എന്ന്‌ അരുളി​ച്ചെ​യ്‌തു​കൊ​ണ്ടു വീണ്ടും യഹോവ സമ്മതി​ക്കു​ന്നു.—ഉല്‌പത്തി 18:23-33.

9. അബ്രഹാം അപ്രകാ​രം സംസാ​രി​ക്കു​വാൻ യഹോവ അനുവ​ദി​ച്ചത്‌ എന്തു​കൊണ്ട്‌, നമുക്കി​തിൽനി​ന്നും എന്തു പഠിക്കാൻ കഴിയും?

⁹ യഹോവ എന്തു​കൊ​ണ്ടാണ്‌ അബ്രഹാ​മിന്‌ ഇപ്രകാ​രം സംസാ​രി​ക്കാൻ തക്കവണ്ണം സംസാ​ര​സ്വാ​ത​ന്ത്ര്യം അനുവ​ദി​ച്ചത്‌? ഒരു സംഗതി, അബ്രഹാ​മി​ന്റെ മനോ​വ്യഥ യഹോവ അറിയു​ന്നു​ണ്ടാ​യി​രു​ന്നു. അബ്രഹാ​മി​ന്റെ സഹോ​ദ​ര​പു​ത്ര​നായ ലോത്ത്‌ സോ​ദോം പട്ടണത്തിൽ താമസി​ക്കു​ന്നു​ണ്ടെ​ന്നും അവന്റെ സുരക്ഷി​ത​ത്വ​ത്തിൽ അബ്രഹാം ചിന്തയു​ള്ള​വ​നാ​ണെ​ന്നും അവിടുന്ന്‌ അറിഞ്ഞി​രു​ന്നു. കൂടാതെ അബ്രഹാം ദൈവ​ത്തി​ന്റെ സ്‌നേ​ഹി​ത​നാ​യി​രു​ന്നു. (യാക്കോബ്‌ 2:23) നമ്മോട്‌ ഒരാൾ പരുഷ​മാ​യി സംസാ​രി​ക്കു​മ്പോൾ, വിശേ​ഷിച്ച്‌ അയാൾ ഏതെങ്കി​ലും വിധത്തി​ലുള്ള വൈകാ​രി​ക​സ​മ്മർദ​ത്തിൻ കീഴി​ലാ​യി​രി​ക്കുന്ന ഒരു സുഹൃ​ത്താ​ണെ​ങ്കിൽ അയാളു​ടെ വാക്കു​കൾക്കു പിന്നി​ലുള്ള ചേതോ​വി​കാ​ര​ങ്ങളെ തിരി​ച്ച​റി​യു​ന്ന​തി​നും സാഹച​ര്യ​ങ്ങൾ കണക്കി​ലെ​ടു​ക്കു​ന്ന​തി​നും നാം ശ്രമി​ക്കാ​റു​ണ്ടോ? അബ്രഹാ​മി​ന്റെ കാര്യ​ത്തി​ലെ​ന്ന​പോ​ലെ യഹോവ നമ്മുടെ സംസാ​ര​സ്വാ​ത​ന്ത്ര്യ​ത്തി​ന്റെ ഉപയോ​ഗ​ത്തെ​യും മനസ്സി​ലാ​ക്കു​ന്ന​വ​നാ​യി​രി​ക്കും എന്നു കാണു​ന്നത്‌ ഒരു ആശ്വാ​സ​മല്ലേ?

10. സംസാ​ര​സ്വാ​ത​ന്ത്ര്യം നമ്മെ പ്രാർഥ​ന​യിൽ എങ്ങനെ സഹായി​ക്കു​ന്നു?

¹⁰ വിശേ​ഷാൽ “പ്രാർഥന കേൾക്കു​ന്നവൻ” എന്ന നിലയിൽ നാം അവിടു​ത്തെ അന്വേ​ഷി​ക്കു​മ്പോൾ, നാം കഠിന​മാ​യി ദുഃഖി​ത​രാ​യി​രി​ക്കു​ക​യും വൈകാ​രി​ക​മാ​യി കുഴങ്ങി​യി​രി​ക്കു​ക​യും ചെയ്യുന്ന അവസര​ത്തിൽ നമ്മുടെ ദേഹി അവി​ടേക്കു പകരു​ന്ന​തി​നു​വേണ്ടി നാം ഈ സംസാ​ര​സ്വാ​ത​ന്ത്ര്യ​ത്തി​നാ​യി കെഞ്ചി​യാ​ചി​ക്കു​ന്നു. (സങ്കീർത്തനം 51:17; 65:2, 3) വാക്കുകൾ പോരാ​തെ​വ​രുന്ന ആ സമയങ്ങ​ളിൽ “ആത്മാവു തന്നേ ഉച്ചരി​ച്ചു​കൂ​ടാത്ത ഞരക്കങ്ങ​ളാൽ നമുക്കു വേണ്ടി പക്ഷവാദം ചെയ്യുന്നു,” യഹോവ അതു ശ്രദ്ധി​ക്കു​ക​യും ചെയ്യുന്നു. അവിടുന്ന്‌ നമ്മുടെ ചിന്തന​ങ്ങളെ അറിയു​ന്നു: “എന്റെ നിരൂ​പണം നീ ദൂരത്തു​നി​ന്നു ഗ്രഹി​ക്കു​ന്നു. യഹോവേ, നീ മുഴു​വ​നും അറിയാ​തെ ഒരു വാക്കും എന്റെ നാവിൻമേൽ ഇല്ല.” എന്നിരു​ന്നാ​ലും നാം ചോദി​ക്കു​ക​യും അന്വേ​ഷി​ക്കു​ക​യും മുട്ടു​ക​യും ചെയ്‌തു​കൊ​ണ്ടി​രി​ക്കേ​ണ്ട​തുണ്ട്‌.—റോമർ 8:26; സങ്കീർത്തനം 139:2, 4; മത്തായി 7:7, 8.

11. യഹോവ യഥാർഥ​ത്തിൽ നമുക്കാ​യി കരുതു​ന്നു​വെന്ന്‌ എപ്രകാ​രം പ്രകട​മാ​ക്കി​യി​രി​ക്കു​ന്നു?

¹¹ യഹോവ കരുതു​ന്നു. താൻ സൃഷ്ടിച്ച ജീവനു​വേണ്ടി കരുതൽചെ​യ്യു​ന്നു. “എല്ലാവ​രു​ടെ​യും കണ്ണു നിന്നെ നോക്കി കാത്തി​രി​ക്കു​ന്നു; നീ തത്സമയത്തു അവർക്കു ഭക്ഷണം കൊടു​ക്കു​ന്നു. നീ തൃക്കൈ തുറന്നു ജീവനു​ള്ള​തി​ന്നൊ​ക്കെ​യും പ്രസാ​ദം​കൊ​ണ്ടു തൃപ്‌തി​വ​രു​ത്തു​ന്നു.” (സങ്കീർത്തനം 145:15, 16) കുററി​ക്കാ​ടു​ക​ളി​ലെ പക്ഷികളെ അവിടു​ന്നു പോറ​റു​ന്ന​തെ​ങ്ങനെ എന്നുകാ​ണാൻ നമ്മെ ക്ഷണിക്കു​ന്നു. വയലിലെ ലില്ലി​കളെ നോക്കുക, എത്ര മനോ​ഹ​ര​മാ​യി അവിടുന്ന്‌ അവയെ ഉടുപ്പി​ക്കു​ന്നു. അവയ്‌ക്കു​വേണ്ടി ചെയ്യു​ന്ന​തി​ല​ധി​കം ദൈവം നമുക്കു​വേണ്ടി ചെയ്യു​മെന്നു യേശു കൂട്ടി​ച്ചേർത്തു. അതു​കൊ​ണ്ടു നാം എന്തിന്‌ ഉത്‌ക​ണ്‌ഠാ​കു​ല​രാ​കണം? (ആവർത്തനം 32:10; മത്തായി 6:26-32; 10:29-31) “അവൻ നിങ്ങൾക്കാ​യി കരുതു​ന്ന​താ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊൾവിൻ” എന്ന്‌ ഒന്നു പത്രൊസ്‌ 5:7 നിങ്ങളെ ക്ഷണിക്കു​ന്നു.

“അവിടു​ത്തെ സത്തയുടെ കൃത്യ​മായ പ്രതി​രൂ​പം”

12, 13. യഹോ​വയെ സൃഷ്ടി​യിൽക്കൂ​ടി​യും ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന അവിടു​ത്തെ പ്രവർത്തി​ക​ളിൽക്കൂ​ടി​യും കാണു​ന്ന​തി​നു പുറമേ നമുക്ക്‌ എപ്രകാ​രം അവിടു​ത്തെ കാണു​ന്ന​തി​നും കേൾക്കു​ന്ന​തി​നും സാധ്യ​മാ​കു​ന്നു?

¹² യഹോ​വ​യാം ദൈവത്തെ അവിടു​ത്തെ സൃഷ്ടി​യി​ലൂ​ടെ നമുക്കു കാണാൻ കഴിയും; ബൈബി​ളിൽ അവിടു​ത്തെ പ്രവർത്തി​കൾ വായി​ക്കു​ന്ന​തി​നാൽ നമുക്ക്‌ അവിടു​ത്തെ കാണാൻ കഴിയും; യേശു​ക്രി​സ്‌തു​വി​നെ സംബന്ധി​ച്ചു രേഖ​പ്പെ​ടു​ത്തി​യി​രി​ക്കുന്ന വാക്കു​ക​ളി​ലൂ​ടെ​യും പ്രവർത്തി​ക​ളി​ലൂ​ടെ​യും നമുക്ക്‌ അവിടു​ത്തെ കാണാൻ കഴിയും. യോഹ​ന്നാൻ 12:45-ൽ യേശു​തന്നെ അപ്രകാ​രം പറയുന്നു: “എന്നെ കാണു​ന്നവൻ എന്നെ അയച്ചവനെ കാണുന്നു.” വീണ്ടും, യോഹ​ന്നാൻ 14:9-ൽ പറയുന്നു: “എന്നെ കണ്ടവൻ പിതാ​വി​നെ കണ്ടിരി​ക്കു​ന്നു.” കൊ​ലൊ​സ്സ്യർ 1:15 പ്രസ്‌താ​വി​ക്കു​ന്നു: “[യേശു] അദൃശ്യ​നായ ദൈവ​ത്തി​ന്റെ പ്രതിമ . . . ആകുന്നു.” എബ്രായർ 1:3 [NW] പ്രഖ്യാ​പി​ക്കു​ന്നു: “[യേശു] [ദൈവ​ത്തി​ന്റെ] തേജസ്സി​ന്റെ പ്രതി​ഫ​ല​ന​വും അവിടു​ത്തെ സത്തയുടെ കൃത്യ​മായ പ്രതി​രൂ​പ​വും” ആകുന്നു.

¹³ യഹോവ തന്റെ പുത്രനെ അയച്ചത്‌ ഒരു മറുവില പ്രദാനം ചെയ്യു​ന്ന​തി​നു മാത്രമല്ല, പിന്നെ​യോ വാക്കി​ലും പ്രവൃ​ത്തി​യി​ലും അനുക​രി​ക്കു​ന്ന​തിന്‌ ഒരു ദൃഷ്ടാന്തം വെക്കു​ന്ന​തി​നു​കൂ​ടി​യാണ്‌. യേശു ദൈവ​ത്തി​ന്റെ വചനങ്ങൾ സംസാ​രി​ച്ചു. യോഹ​ന്നാൻ 12:50-ൽ “ഞാൻ സംസാ​രി​ക്കു​ന്നതു പിതാവു എന്നോടു അരുളി​ച്ചെ​യ്‌ത​തു​പോ​ലെ തന്നേ സംസാ​രി​ക്കു​ന്നു” എന്ന്‌ അവിടു​ന്നു പറഞ്ഞു. അവിടു​ന്നു തന്റെ സ്വന്തമാ​യി ഒന്നും ചെയ്‌തില്ല പിന്നെ​യോ ദൈവം പറഞ്ഞ കാര്യ​ങ്ങ​ളാണ്‌ അവിടു​ന്നു ചെയ്‌തത്‌. യോഹ​ന്നാൻ 5:30-ൽ “എനിക്കു സ്വതേ ഒന്നും ചെയ്‌വാൻ കഴിയു​ന്നതല്ല” എന്ന്‌ അവിടു​ന്നു പറഞ്ഞു.—യോഹ​ന്നാൻ 6:38.

14. (എ) യേശു​വിന്‌ അനുകമ്പ തോന്നു​വാൻ ഇടയാ​ക്കിയ കാഴ്‌ചകൾ ഏതെല്ലാം? (ബി) യേശു​വി​ന്റെ സംസാ​ര​രീ​തി ആളുകൾ അവിടു​ത്തെ ശ്രദ്ധി​ക്കു​ന്ന​തി​ലേക്കു കൂട്ടി​വ​രു​ത്തി​യത്‌ എന്തു​കൊണ്ട്‌?

¹⁴ അവിടു​ന്നു കുഷ്‌ഠ​രോ​ഗി​ക​ളും ബലഹീ​ന​രും ബധിര​രും കുരു​ട​രും ഭൂതബാ​ധി​ത​രും മരിച്ച​വ​രെ​പ്പ​ററി വിലപി​ക്കു​ന്ന​വ​രും ആയ ആളുകളെ കണ്ടു. അനുക​മ്പ​തോ​ന്നി അവിടു​ന്നു രോഗി​കളെ സൗഖ്യ​മാ​ക്കു​ക​യും മരിച്ച​വരെ ഉയിർപ്പി​ക്കു​ക​യും ചെയ്‌തു. ജനക്കൂട്ടം ആത്മീയ​മാ​യി കുഴഞ്ഞ​വ​രും ചിന്നി​യ​വ​രും ആയിരി​ക്കു​ന്ന​തു​കണ്ട്‌ അവിടുന്ന്‌ അവരെ പല കാര്യ​ങ്ങ​ളും പഠിപ്പി​ക്കാൻ തുടങ്ങി. അവിടുന്ന്‌ അവരെ പഠിപ്പി​ച്ചതു ശരിയായ വാക്കു​ക​ളാൽ മാത്രമല്ല, പിന്നെ​യോ തന്റെ ഹൃദയ​ത്തിൽനി​ന്നുള്ള ലാവണ്യ​വാ​ക്കു​കൾകൊ​ണ്ടാ​യി​രു​ന്നു, അതു മററു​ള്ള​വ​രു​ടെ ഹൃദയ​ത്തി​ലേക്കു നേരെ കടന്നു, അത്‌ അവരെ യേശു​വി​ലേക്ക്‌ അടുപ്പി​ച്ചു, അത്‌ അവിടു​ത്തെ ശ്രദ്ധി​ക്കു​ന്ന​തി​നാ​യി അവരെ അതികാ​ലത്തു ദേവാ​ല​യ​ത്തി​ലേക്കു വരുത്തി, അത്‌ അവർ അവിടു​ത്തെ സന്തോ​ഷ​ത്തോ​ടെ ശ്രദ്ധി​ക്കു​ന്ന​തിന്‌ അവിടു​ത്തെ അനുഗ​മി​ക്കു​ന്ന​തിന്‌ ഇടയാക്കി. ‘ഈ മനുഷ്യൻ സംസാ​രി​ക്കു​ന്ന​തു​പോ​ലെ ആരും ഒരുനാ​ളും സംസാ​രി​ച്ചി​ട്ടില്ല’ എന്നു പ്രഖ്യാ​പി​ച്ചു​കൊണ്ട്‌ അവിടു​ത്തെ ശ്രവി​ക്കു​ന്ന​തി​നാ​യി അവർ കൂട്ടം​കൂ​ടി. അവിടു​ന്നു പഠിപ്പി​ക്കുന്ന വിധത്തിൽ വിസ്‌മ​യി​ച്ചു​പോ​യി. (യോഹ​ന്നാൻ 7:46; മത്തായി 7:28, 29; മർക്കൊസ്‌ 11:18; 12:37; ലൂക്കൊസ്‌ 4:22; 19:48; 21:38) ശത്രുക്കൾ അവിടു​ത്തെ ചോദ്യ​ങ്ങ​ളാൽ കുടു​ക്കാൻ ശ്രമി​ച്ച​പ്പോൾ അവിടുന്ന്‌ അവരെ ഖണ്ഡിച്ചു​കൊണ്ട്‌ നിശബ്ദ​രാ​ക്കി.—മത്തായി 22:41-46; മർക്കൊസ്‌ 12:34; ലൂക്കൊസ്‌ 20:40.

15. യേശു​വി​ന്റെ പഠിപ്പി​ക്ക​ലി​ന്റെ കേന്ദ്ര​വി​ഷയം എന്തായി​രു​ന്നു, അതു പരത്തു​ന്ന​തിൽ അവിടു​ന്നു മററു​ള്ള​വരെ എത്ര​ത്തോ​ളം ഉൾപ്പെ​ടു​ത്തി?

¹⁵ അവിടു​ന്നു “സ്വർഗ്ഗ​രാ​ജ്യം സമീപി​ച്ചി​രി​ക്കു​ന്നു” എന്നു ഘോഷി​ക്കു​ക​യും “മുമ്പെ അവന്റെ രാജ്യ​വും നീതി​യും അന്വേ​ഷി​ക്കാൻ” കേൾവി​ക്കാ​രെ പ്രേരി​പ്പി​ക്കു​ക​യും ചെയ്‌തു. “സ്വർഗ്ഗ​രാ​ജ്യം സമീപി​ച്ചി​രി​ക്കു​ന്നു” എന്നു പ്രസം​ഗി​ക്കു​ന്ന​തി​നും “സകല ജാതി​ക​ളെ​യും ശിഷ്യ​രാ​ക്കു”ന്നതിനും “ഭൂമി​യു​ടെ അററ​ത്തോ​ള​വും” ക്രിസ്‌തു​വി​ന്റെ സാക്ഷി​ക​ളാ​യി​രി​ക്കു​ന്ന​തി​നും വേണ്ടി അവിടു​ന്നു മററു​ള്ള​വരെ അയച്ചു. ഇന്ന്‌ 45 ലക്ഷത്തോ​ളം യഹോ​വ​യു​ടെ സാക്ഷികൾ ആ കാര്യങ്ങൾ ചെയ്‌തു​കൊണ്ട്‌ അവിടു​ത്തെ കാൽച്ചു​വ​ടു​കൾ പിന്തു​ട​രു​ന്നു.—മത്തായി 4:17; 6:33; 10:7; 28:20; പ്രവൃ​ത്തി​കൾ 1:8.

16. യഹോ​വ​യു​ടെ സ്‌നേ​ഹ​മെന്ന ഗുണം എങ്ങനെ കഠിന​മായ പരീക്ഷ​ണ​ത്തി​നു വിധേ​യ​മാ​യി, എന്നാൽ അതു മനുഷ്യ​വർഗ​ത്തി​നു​വേണ്ടി എന്തു സാധിച്ചു?

¹⁶ “ദൈവം സ്‌നേഹം തന്നെ” എന്ന്‌ 1 യോഹ​ന്നാൻ 4:8-ൽ നമ്മോടു പറഞ്ഞി​രി​ക്കു​ന്നു. തന്റെ ഏകജാ​ത​നായ പുത്രനെ മരിക്കാ​നാ​യി ഭൂമി​യി​ലേ​ക്ക​യ​ച്ച​പ്പോൾ ഈ വിശി​ഷ്ട​മായ ഗുണം വിഭാ​വ​ന​ചെ​യ്യാ​വു​ന്ന​തി​ലേ​ക്കും​വെച്ച്‌ ഏററവും വേദനാ​ജ​ന​ക​മായ പരീക്ഷ​ണ​ത്തി​നു വിധേ​യ​മാ​യി. ഈ പ്രിയ​പു​ത്രൻ സഹിച്ച യാതന​യും തന്റെ സ്വർഗീയ പിതാ​വി​നോ​ടുള്ള യാചന​യും, കഠിന​മായ പരീക്ഷ​ണ​ത്തിൻകീ​ഴിൽ യഹോ​വ​യ്‌ക്കു ഭൂമി​യിൽ തന്നോടു നിർമലത മുറുകെ പിടി​ക്കു​ന്ന​വ​രു​ണ്ടാ​യി​രി​ക്കാൻ കഴിയു​ക​യില്ല എന്ന പിശാ​ചി​ന്റെ വെല്ലു​വി​ളി തെററാ​ണെന്ന്‌ ഈ നടപടി​യിൽ യേശു തെളി​യി​ച്ചെ​ങ്കിൽപ്പോ​ലും യഹോ​വയെ വേദനി​പ്പി​ക്കു​ക​യും ദുഃഖി​പ്പി​ക്കു​ക​യും ചെയ്‌തി​രി​ക്കും. യേശു​വി​ന്റെ ത്യാഗ​ത്തി​ന്റെ ആധിക്യ​വും നാം വിലമ​തി​ക്കേ​ണ്ട​തുണ്ട്‌, കാരണം നമുക്കു​വേണ്ടി മരിക്കാ​നാണ്‌ ദൈവം അവിടു​ത്തെ അയച്ചത്‌. (യോഹ​ന്നാൻ 3:16) ഇത്‌ എളുപ്പ​മുള്ള, പെട്ടന്നുള്ള ഒരു മരണമാ​യി​രു​ന്നില്ല. ദൈവ​വും യേശു​വും അനുഭ​വിച്ച വേദന​യും നമുക്കു​വേ​ണ്ടി​യുള്ള അവരുടെ ത്യാഗ​ത്തി​ന്റെ ആധിക്യ​വും വിലമ​തി​ക്കു​ന്ന​തി​നു നമുക്കു സംഭവങ്ങൾ സംബന്ധിച്ച ബൈബിൾരേഖ പരി​ശോ​ധി​ക്കാം.

17-19. യേശു തനിക്കു വരാനി​രുന്ന കഠിന​പ​രീ​ക്ഷ​ണത്തെ എങ്ങനെ വിവരി​ച്ചു?

¹⁷ സംഭവി​ക്കാൻ പോകു​ന്നത്‌ എന്താ​ണെന്നു യേശു നാലു പ്രാവ​ശ്യ​മെ​ങ്കി​ലും തന്റെ അപ്പോ​സ്‌ത​ലൻമാ​രോ​ടു വിവരി​ച്ചു. അതു സംഭവി​ക്കു​ന്ന​തിന്‌ ഏതാനും ദിവസ​ങ്ങൾക്കു​മുമ്പ്‌ അവിടു​ന്നു പറഞ്ഞു: “ഇതാ, നാം യെരൂ​ശ​ലേ​മി​ലേക്കു പോകു​ന്നു; അവിടെ മനുഷ്യ​പു​ത്രൻ മഹാപു​രോ​ഹി​തൻമാ​രു​ടെ​യും ശാസ്‌ത്രി​മാ​രു​ടെ​യും കയ്യിൽ ഏല്‌പി​ക്ക​പ്പെ​ടും; അവർ അവനെ മരണത്തി​നു വിധിച്ചു ജാതി​കൾക്കു ഏല്‌പി​ക്കും. അവർ അവനെ പരിഹ​സി​ക്ക​യും തുപ്പു​ക​യും തല്ലുക​യും കൊല്ലു​ക​യും . . . ചെയ്യും.”—മർക്കൊസ്‌ 10:33, 34.

¹⁸ റോമാ​ക്കാ​രു​ടെ പ്രഹര​ത്തി​ന്റെ ഘോരത മനസ്സി​ലാ​ക്കി​ക്കൊ​ണ്ടു തനിക്കു സംഭവി​ക്കാ​നി​രു​ന്നതു സംബന്ധി​ച്ചു യേശു​വി​നു സമ്മർദം അനുഭ​വ​പ്പെട്ടു. അടിക്കു​ന്ന​തി​നുള്ള തോലു​കൊ​ണ്ടുള്ള ചാട്ടവാ​റിൽ ലോഹ​ക്ക​ഷ​ണ​ങ്ങ​ളും ആടിന്റെ എല്ലുക​ളും പതിപ്പി​ച്ചി​രു​ന്നു; അതു​കൊ​ണ്ടു പ്രഹരം തുടരു​മ്പോൾ മുതു​കും കാലു​ക​ളും രക്തമൊ​ലി​ക്കുന്ന കീറി​പ്പ​റിഞ്ഞ മാംസ​പാ​ളി​കൾ ആയിത്തീർന്നി​രു​ന്നു. മുന്നി​ലുള്ള കഠിന​പ​രീ​ക്ഷണം തന്നിൽ സൃഷ്ടി​ക്കുന്ന വൈകാ​രിക സംഘർഷ​ത്തെ​പ്പ​ററി സൂചി​പ്പി​ച്ചു​കൊണ്ട്‌ മാസങ്ങൾക്കു​മു​മ്പു യേശു, നാം ലൂക്കൊസ്‌ 12:50-ൽ വായി​ക്കു​ന്ന​പ്ര​കാ​രം “എങ്കിലും എനിക്കു ഒരു സ്‌നാനം ഏല്‌പാൻ ഉണ്ടു; അതു കഴിയു​വോ​ളം ഞാൻ എത്ര ഞെരു​ങ്ങു​ന്നു” എന്നു പറഞ്ഞു.

¹⁹ സമയം സമാഗ​ത​മാ​യ​തോ​ടെ സമ്മർദം അത്യധി​ക​മാ​യി. ഇതേപ്പ​ററി അവിടു​ന്നു തന്റെ സ്വർഗീയ പിതാ​വി​നോ​ടു സംസാ​രി​ച്ചു: “ഇപ്പോൾ എന്റെ ഉള്ളം കലങ്ങി​യി​രി​ക്കു​ന്നു; ഞാൻ എന്തു പറയേണ്ടു? പിതാവേ, ഈ നാഴി​ക​യിൽനി​ന്നു എന്നെ രക്ഷി​ക്കേ​ണമേ; എങ്കിലും ഇതു നിമിത്തം ഞാൻ ഈ നാഴി​ക​യി​ലേക്കു വന്നിരി​ക്കു​ന്നു.” (യോഹ​ന്നാൻ 12:27) തന്റെ ഏകജാ​ത​നായ പുത്രന്റെ ഈ യാചന യഹോ​വയെ എങ്ങനെ ബാധി​ച്ചി​രി​ക്കും! തന്റെ മരണത്തിന്‌ ഏതാനും മണിക്കൂ​റു​കൾ മുമ്പു യേശു ഗെത്ത്‌ശെ​മ​ന​യിൽവെച്ചു പത്രോ​സി​നോ​ടും യാക്കോ​ബി​നോ​ടും യോഹ​ന്നാ​നോ​ടും കഠിന​വേ​ദ​യോ​ടെ അസ്വസ്ഥ​നാ​യി: “എന്റെ ഉള്ളം മരണ​വേ​ദ​ന​പോ​ലെ അതിദുഃ​ഖി​ത​മാ​യി​രി​ക്കു​ന്നു” എന്നു പറഞ്ഞു. മിനി​റ​റു​കൾക്കു​ശേഷം അവിടുന്ന്‌ ഈ വിഷയത്തെ സംബന്ധി​ച്ചു യഹോ​വ​യോട്‌ അവസാന പ്രാർഥന നടത്തി: “‘പിതാവേ, നിനക്കു മനസ്സു​ണ്ടെ​ങ്കിൽ ഈ പാനപാ​ത്രം എങ്കൽനി​ന്നു നീക്കേ​ണമേ; എങ്കിലും എന്റെ ഇഷ്ടമല്ല നിന്റെ ഇഷ്ടം തന്നേ ആകട്ടെ.’ പിന്നെ അവൻ പ്രാണ​വേ​ദ​ന​യി​ലാ​യി അതി​ശ്ര​ദ്ധ​യോ​ടെ പ്രാർത്ഥി​ച്ചു; അവന്റെ വിയർപ്പു നിലത്തു വീഴുന്ന വലിയ ചോര​ത്തു​ള്ളി​പോ​ലെ ആയി.” (മത്തായി 26:38; ലൂക്കൊസ്‌ 22:42, 44) ഇതു വൈദ്യ​ശാ​സ്‌ത്ര​പ​ര​മാ​യി രക്തസ്വേ​ദം (Hematidrosis) എന്നറി​യ​പ്പെ​ടുന്ന സംഗതി ആയിരി​ക്കാ​വു​ന്ന​താണ്‌. ഇതു വിരള​മാ​യാ​ണെ​ങ്കി​ലും ഉയർന്ന വൈകാ​രിക അവസ്ഥക​ളിൽ സംഭവി​ച്ചേ​ക്കാം.

20. തന്റെ കഠിന​പ​രീ​ക്ഷ​ണത്തെ വിജയി​ക്കാൻ യേശു​വി​നെ സഹായി​ച്ച​തെന്ത്‌?

²⁰ ഗെത്ത്‌ശെ​മ​ന​യി​ലെ ഈ സമയ​ത്തെ​പ്പ​ററി എബ്രായർ 5:7 പറയുന്നു: “ക്രിസ്‌തു തന്റെ ഐഹിക ജീവകാ​ലത്തു തന്നെ മരണത്തിൽനി​ന്നു രക്ഷിപ്പാൻ കഴിയു​ന്ന​വ​നോ​ടു ഉറെച്ച നിലവി​ളി​യോ​ടും കണ്ണുനീ​രോ​ടും​കൂ​ടെ അപേക്ഷ​യും അഭയയാ​ച​ന​യും കഴിക്ക​യും ഭയഭക്തി​നി​മി​ത്തം ഉത്തരം ലഭിക്ക​യും ചെയ്‌തു.” “മരണത്തിൽനി​ന്നും രക്ഷിപ്പാൻ കഴിയു​ന്നവൻ” മരണത്തിൽനി​ന്നും യേശു​വി​നെ രക്ഷപെ​ടു​ത്താഞ്ഞ സ്ഥിതിക്ക്‌ ഏതർഥ​ത്തി​ലാണ്‌ അവിടു​ത്തെ പ്രാർഥന അനുകൂ​ല​മാ​യി കേട്ടത്‌? ലൂക്കൊസ്‌ 22:43 അതിനു​ത്തരം നൽകുന്നു: “അവനെ ശക്തി​പ്പെ​ടു​ത്തു​വാൻ സ്വർഗ്ഗ​ത്തിൽനി​ന്നു ഒരു ദൂതൻ അവന്നു പ്രത്യ​ക്ഷ​നാ​യി.” ദൈവം അയച്ച ദൂതൻ യേശു​വി​നു കഠിന​പ​രീ​ക്ഷണം സഹിക്കു​ന്ന​തി​നു ശക്തിനൽകി​യതു പ്രാർഥ​ന​ക്കുള്ള ഉത്തരമാ​യി​ട്ടാ​യി​രു​ന്നു.

21. (എ) യേശു കഠിന​പ​രീ​ക്ഷ​യിൽ വിജയ​ശ്രീ​ലാ​ളി​ത​നാ​യി എന്ന്‌ എന്തു പ്രകട​മാ​ക്കു​ന്നു? (ബി) നമ്മുടെ പരീക്ഷ​ണങ്ങൾ വർധി​ക്കു​മ്പോൾ നാം എപ്രകാ​രം പറയാൻ ആഗ്രഹി​ക്കേ​ണ്ട​തുണ്ട്‌?

²¹ അനന്തര​ഫ​ല​ത്തിൽ നിന്ന്‌ ഇതു ദൃശ്യ​മാ​യി​രു​ന്നു. ആന്തരിക പോരാ​ട്ടം അവസാ​നി​ച്ച​പ്പോൾ യേശു പത്രോ​സി​ന്റെ​യും യാക്കോ​ബി​ന്റെ​യും യോഹ​ന്നാ​ന്റെ​യും അടു​ത്തേക്കു തിരി​കെ​പ്പോ​യി പറഞ്ഞു: “എഴു​ന്നേ​ല്‌പിൻ; നാം പോക.” (മർക്കൊസ്‌ 14:42) ഫലത്തിൽ അവിടുന്ന്‌ ഇപ്രകാ​രം പറയു​ക​യാ​യി​രു​ന്നു, ‘ഒരു ചുംബ​ന​ത്താൽ ഒററി​ക്കൊ​ടു​ക്ക​പ്പെ​ടാ​നും ജനക്കൂ​ട്ട​ത്താൽ അറസ്‌റ​റു​ചെ​യ്യ​പ്പെ​ടാ​നും നിയമ​വി​രു​ദ്ധ​മാ​യി വിചാ​ര​ണ​ചെ​യ്യ​പ്പെ​ടാ​നും തെററാ​യി കുററം​വി​ധി​ക്ക​പ്പെ​ടാ​നും വേണ്ടി ഞാൻ പോകട്ടെ. പരിഹാ​സ​ത്തി​നും തുപ്പലി​നും പ്രഹര​ത്തി​നും വിധേ​യ​നാ​കു​വാ​നും ദണ്ഡനസ്‌തം​ഭ​ത്തിൽ തറയ്‌ക്ക​പ്പെ​ടു​വാ​നും ഞാൻ പോകട്ടെ.’ ആറുമ​ണി​ക്കൂർ അവിടു​ന്നു കഠിന​വേ​ദ​ന​യിൽ അവസാ​ന​ത്തോ​ളം സഹിച്ചു​നി​ന്നു​കൊണ്ട്‌ അവിടെ തൂങ്ങി​ക്കി​ടന്നു. മരിക്കു​മ്പോൾ വിജയ​ഹർഷ​ത്തിൽ അവിടു​ന്നു വിളി​ച്ചു​പ​റഞ്ഞു: “നിവൃ​ത്തി​യാ​യി.” (യോഹ​ന്നാൻ 19:30) അവിടുന്ന്‌ അചഞ്ചല​നാ​യി നില​കൊ​ള്ളു​ക​യും യഹോ​വ​യു​ടെ പരമാ​ധി​കാ​രത്തെ ഉയർത്തി​പ്പി​ടി​ക്കു​ന്ന​തിൽ തന്റെ അഖണ്ഡത തെളി​യി​ക്കു​ക​യും ചെയ്‌തു. ഭൂമി​യിൽ ചെയ്യു​ന്ന​തി​നു​വേണ്ടി യഹോവ നിയോ​ഗിച്ച സകലകാ​ര്യ​ങ്ങ​ളും അവിടു​ന്നു നിവൃ​ത്തി​ക്കു​ക​യു​ണ്ടാ​യി. നാം മരിക്കു​മ്പോ​ഴോ അർമ​ഗെ​ദ്ദോൻ ആഞ്ഞടി​ക്കു​മ്പോ​ഴോ യഹോ​വ​യിൽനി​ന്നു നമുക്കു ലഭിച്ചി​രി​ക്കുന്ന നിയോ​ഗത്തെ സംബന്ധിച്ച്‌ “നിവൃ​ത്തി​യാ​യി” എന്നു നമുക്കു പറയാൻ കഴിയു​മോ?

22. യഹോ​വ​യു​ടെ പരിജ്ഞാ​നം ഏതളവിൽ വ്യാപി​ക്കു​മെന്ന്‌ എന്തു പ്രകട​മാ​ക്കു​ന്നു?

²² സംഗതി എന്തുത​ന്നെ​യാ​യാ​ലും ദ്രുത​ഗ​തി​യിൽ അടുത്തു​കൊ​ണ്ടി​രി​ക്കുന്ന യഹോ​വ​യു​ടെ തക്കസമ​യത്തു “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്കും” എന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—യെശയ്യാ​വു 11:9.

നിങ്ങൾ ഓർക്കു​ന്നു​ണ്ടോ?

◻ അറിയു​ക​യും അറിവു​ണ്ടാ​യി​രി​ക്കു​ക​യും ചെയ്യുക എന്നതിന്റെ അർഥ​മെന്ത്‌?

◻ യഹോ​വ​യു​ടെ കരുണ​യും ക്ഷമയും അവിടു​ത്തെ വചനത്തിൽ എപ്രകാ​ര​മാ​ണു നമ്മെ കാണി​ച്ചു​ത​ന്നി​രി​ക്കു​ന്നത്‌?

◻ അബ്രഹാം യഹോ​വ​യു​ടെ അടുത്തു സംസാ​ര​സ്വാ​ത​ന്ത്ര്യം എങ്ങനെ ഉപയോ​ഗി​ച്ചു?

◻ നമുക്ക്‌ യേശു​വി​ലേക്കു നോക്കു​ന്ന​തി​നും അവിടു​ന്നിൽ യഹോ​വ​യു​ടെ ഗുണങ്ങൾ കാണു​ന്ന​തി​നും കഴിയു​ന്നത്‌ എന്തു​കൊണ്ട്‌?