യഹോ​വ​യു​ടെ ആരാധ​ന​യ്‌ക്ക്‌ നമ്മുടെ ജീവി​ത​ത്തി​ലുള്ള ഉചിത​മായ സ്ഥാനം

“നാൾതോ​റും ഞാൻ നിന്നെ വാഴ്‌ത്തും; ഞാൻ നിന്റെ നാമത്തെ എന്നെ​ന്നേ​ക്കും സ്‌തു​തി​ക്കും.”—സങ്കീർത്തനം 145:2.

1. ആരാധ​ന​യോ​ടുള്ള ബന്ധത്തിൽ യഹോവ എന്താണു പ്രതീ​ക്ഷി​ക്കു​ന്നത്‌?

“നിന്റെ ദൈവ​മായ യഹോ​വ​യായ ഞാൻ സമ്പൂർണ ഭക്തി നിഷ്‌കർഷി​ക്കുന്ന ദൈവ​മാ​കു​ന്നു.” (പുറപ്പാട്‌ 20:5, NW) ആ പ്രഖ്യാ​പനം മോശ യഹോ​വ​യിൽനി​ന്നു കേൾക്കു​ക​യും പിന്നീട്‌ ഇസ്രാ​യേൽ ജനതയെ അഭിസം​ബോ​ധന ചെയ്‌ത​പ്പോൾ ആവർത്തി​ക്കു​ക​യും ചെയ്‌തു. (ആവർത്ത​ന​പു​സ്‌തകം 5:9) തന്റെ ദാസൻമാർ തന്നെ സമ്പൂർണ​മാ​യി ആരാധി​ക്കാൻ യഹോ​വ​യാം ദൈവം പ്രതീ​ക്ഷി​ച്ചി​രു​ന്നു എന്ന കാര്യ​ത്തിൽ മോശക്കു യാതൊ​രു സംശയ​വു​മി​ല്ലാ​യി​രു​ന്നു.

2, 3. (എ) സീനായി പർവത​ത്തി​നു സമീപം സംഭവിച്ച സംഗതി അസാധാ​ര​ണ​മായ ഒന്നായി​രു​ന്നു​വെന്ന്‌ ഇസ്രാ​യേ​ല്യ​രെ ബോധ്യ​പ്പെ​ടു​ത്തി​യത്‌ എന്തായി​രു​ന്നു? (ബി) ഇസ്രാ​യേ​ല്യ​രു​ടെ​യും ദൈവ​ത്തി​ന്റെ ഇന്നത്തെ ദാസരു​ടെ​യും ആരാധന സംബന്ധി​ച്ചു നാം ഏതു ചോദ്യ​ങ്ങൾ പരി​ശോ​ധി​ക്കു​ന്ന​താണ്‌?

² സീനായി പർവത​ത്തി​നു സമീപം പാളയ​മി​റ​ങ്ങിയ ഇസ്രാ​യേ​ല്യ​രും അവരോ​ടൊ​പ്പം ഈജി​പ്‌ത്‌ വിട്ടു​പോന്ന “വലി​യോ​രു സമ്മി​ശ്ര​പു​രു​ഷാ​ര​വും” അസാധാ​ര​ണ​മായ ഒരു സംഭവ​ത്തി​നു ദൃക്‌സാ​ക്ഷി​ക​ളാ​യി. (പുറപ്പാ​ടു 12:38) പത്തു പ്രഹരങ്ങൾ അഥവാ ബാധകൾ മൂലം അപമാ​നി​ത​രായ ഈജി​പ്‌തി​ലെ ദൈവ​ങ്ങ​ളു​ടെ ആരാധ​ന​യു​മാ​യി അതിന്‌ യാതൊ​രു​വി​ധ​ത്തി​ലും സാദൃ​ശ്യ​മി​ല്ലാ​യി​രു​ന്നു. യഹോവ തന്റെ സാന്നി​ധ്യം മോശ​യു​ടെ മുന്നിൽ വെളി​പ്പെ​ടു​ത്തി​യ​പ്പോൾ ഭീതി​ജ​ന​ക​മായ പ്രതി​ഭാ​സം ഉടലെ​ടു​ത്തു: ഇടിമു​ഴ​ക്ക​വും മിന്നലും കാതട​ക്കുന്ന ശബ്ദത്തിൽ കാഹള​ധ്വ​നി​യും. അവ മുഴു പാളയ​ത്തെ​യും ഭയപര​വ​ശ​രാ​ക്കി. അടുത്ത​താ​യി, മുഴു പർവത​വും കുലു​ങ്ങി​യ​തി​നാൽ തീയും പുകയും ഉണ്ടായി. (പുറപ്പാ​ടു 19:16-20; എബ്രായർ 12:18-21) സംഭവി​ച്ചത്‌ ഒരു അസാധാ​രണ സംഗതി​യാ​യി​രു​ന്നു​വെ​ന്ന​തി​നു കൂടുതൽ തെളിവ്‌ ഏതെങ്കി​ലും ഇസ്രാ​യേ​ല്യന്‌ ആവശ്യ​മാ​യി​രു​ന്നു​വെ​ങ്കിൽ അത്‌ ഉടനെ ലഭിക്കു​മാ​യി​രു​ന്നു. ദൈവ​നി​യ​മ​ത്തി​ന്റെ രണ്ടാമ​തൊ​രു പ്രതി കൈപ്പ​റ​റി​യ​ശേഷം മോശ പർവത​ത്തിൽനിന്ന്‌ ഇറങ്ങി​വന്നു. നിശ്വസ്‌ത വൃത്താ​ന്ത​പ്ര​കാ​രം, “അവന്റെ [മോശ​യു​ടെ] മുഖത്തി​ന്റെ ത്വക്ക്‌ പ്രകാ​ശി​ക്കു​ന്നതു കണ്ടു; അതു​കൊ​ണ്ടു അവർ [ജനങ്ങൾ] അവന്റെ അടുക്കൽ ചെല്ലു​വാൻ ഭയപ്പെട്ടു.” തീർച്ച​യാ​യും മറക്കാ​നാ​വാത്ത, അമാനു​ഷി​ക​മായ ഒരു അനുഭ​വം​തന്നെ!—പുറപ്പാ​ടു 34:30.

³ ദൈവ​ത്തി​ന്റെ ആ സവിശേഷ ജനതയെ സംബന്ധി​ച്ചി​ട​ത്തോ​ളം യഹോ​വ​യു​ടെ ആരാധന എന്തു സ്ഥാനം വഹിച്ചി​രു​ന്നു​വെ​ന്ന​കാ​ര്യ​ത്തിൽ ചോദ്യ​മേ ഉദിച്ചി​രു​ന്നില്ല. അവൻ അവരുടെ വിമോ​ചകൻ ആയിരു​ന്നു. അവർ തങ്ങളുടെ ജീവനു​വേണ്ടി അവനോ​ടു കടപ്പെ​ട്ടി​രു​ന്നു. അവൻ അവരുടെ നിയമ​ദാ​താ​വു​മാ​യി​രു​ന്നു. എന്നാൽ അവർ യഹോ​വ​യു​ടെ ആരാധന ഒന്നാം സ്ഥാനത്തു വെച്ചി​രു​ന്നോ? ദൈവ​ത്തി​ന്റെ ആധുനിക ദാസൻമാ​രെ സംബന്ധി​ച്ചെന്ത്‌? അവരുടെ ജീവി​ത​ത്തിൽ യഹോ​വ​യു​ടെ ആരാധന എന്തു സ്ഥാനം വഹിക്കു​ന്നു?—റോമർ 15:4.

ഇസ്രാ​യേ​ല്യ​രു​ടെ യഹോ​വ​യു​ടെ ആരാധന

4. മരുഭൂ​മി​യി​ലെ താത്‌കാ​ലിക താമസ​ത്തി​നു​വേ​ണ്ടി​യുള്ള ഇസ്രാ​യേ​ല്യ​രു​ടെ പാളയ​ത്തി​ന്റെ രൂപകൽപ്പന എപ്രകാ​ര​മാ​യി​രു​ന്നു, പാളയ​ത്തി​ന്റെ മധ്യത്തിൽ എന്തായി​രു​ന്നു?

⁴ ഇസ്രാ​യേ​ല്യർ മരുഭൂ​മി​യിൽ പാളയ​മി​റ​ങ്ങി​യി​രി​ക്കു​ന്ന​തി​ന്റെ ഒരു വിഹഗ​വീ​ക്ഷണം നിങ്ങൾക്കു​ണ്ടാ​യി​രു​ന്നെ​ങ്കിൽ നിങ്ങൾ എന്തു കാണു​മാ​യി​രു​ന്നു? ഒരുപക്ഷേ 30 ലക്ഷമോ അതില​ധി​ക​മോ വരുന്ന ജനങ്ങളെ താമസി​പ്പി​ച്ചു​കൊ​ണ്ടു വടക്കും തെക്കും കിഴക്കും പടിഞ്ഞാ​റു​മാ​യി മുമ്മൂന്നു ഗോ​ത്രങ്ങൾ വീതം ഗണംഗ​ണ​മാ​യി, നിരനി​ര​യാ​യി ക്രമത്തിൽ പടുത്തു​യർത്തി​യി​രുന്ന കൂടാ​രങ്ങൾ. കുറച്ചു​കൂ​ടി അടുത്തു​ചെന്നു നോക്കി​യി​രു​ന്നെ​ങ്കിൽ പാളയ​ത്തി​ന്റെ മധ്യ​ത്തോ​ട​ടു​ത്തു മറെറാ​രു ഗണത്തെ​യും നിങ്ങൾ കാണു​മാ​യി​രു​ന്നു. കൂടാ​ര​ങ്ങ​ളു​ടെ ഈ നാലു ചെറു കൂട്ടങ്ങ​ളി​ലാ​യി​രു​ന്നു ലേവി ഗോ​ത്ര​ത്തി​ലെ കുടും​ബങ്ങൾ താമസി​ച്ചി​രു​ന്നത്‌. പാളയ​ത്തി​ന്റെ കൃത്യം മധ്യത്തി​ലാ​യി ഒരു തുണി​മ​റ​കൊ​ണ്ടു തിരി​ച്ചി​രു​ന്നത്‌ അതിവി​ശി​ഷ്ട​മായ ഒരു നിർമാ​ണ​മാ​യി​രു​ന്നു. ഇതായി​രു​ന്നു യഹോ​വ​യു​ടെ പദ്ധതി​പ്ര​കാ​രം “ജ്ഞാനി​ക​ളായ” ഇസ്രാ​യേ​ല്യർ പണിതു​യർത്തിയ “സമാഗ​മ​ന​കൂ​ടാ​രം” അഥവാ തിരു​നി​വാ​സം.—സംഖ്യാ​പു​സ്‌തകം 1:52, 53; 2:3, 10, 17, 18, 25; പുറപ്പാ​ടു 35:10.

5. ഇസ്രാ​യേ​ലിൽ തിരു​നി​വാ​സം​കൊ​ണ്ടുള്ള ഉദ്ദേശ്യ​മെ​ന്താ​യി​രു​ന്നു?

⁵ മരുഭൂ​മി​യി​ലെ യാത്ര​യിൽ 40 പാളയ​സ്ഥ​ല​ങ്ങ​ളിൽ ഇസ്രാ​യേ​ല്യർ തിരു​നി​വാ​സം പണിതു​യർത്തു​ക​യും അത്‌ അവരുടെ താവള​ത്തി​ന്റെ കേന്ദ്ര​സ്ഥാ​ന​മാ​യി​ത്തീ​രു​ക​യും ചെയ്‌തി​രു​ന്നു. (സംഖ്യാ​പു​സ്‌തകം, 33-ാം അധ്യായം) യഹോവ തന്റെ ജനത്തിന്റെ ഇടയിൽ അവരുടെ പാളയ​ത്തി​ന്റെ മധ്യേ വസിക്കു​ന്ന​താ​യി ബൈബിൾ വർണി​ക്കു​ന്നത്‌ ഉചിത​മാണ്‌. അവന്റെ മഹിമ തിരു​നി​വാ​സ​ത്തിൽ നിറഞ്ഞി​രു​ന്നു. (പുറപ്പാ​ടു 29:43-46; 40:34; സംഖ്യാ​പു​സ്‌തകം 5:3; 11:20; 16:3) ഔർ ലിവിങ്‌ ബൈബിൾ എന്ന പുസ്‌തകം ഇങ്ങനെ അഭി​പ്രാ​യ​പ്പെ​ടു​ന്നു: “കൂടെ കൊണ്ടു​പോ​കാ​മാ​യി​രുന്ന ഈ തിരു​നി​വാ​സം അത്യന്തം പ്രധാ​ന​പ്പെട്ട ഒന്നായി​രു​ന്നു. കാരണം, അതു ഗോ​ത്ര​ങ്ങൾക്ക്‌ മതപര​മായ കൂടി​വ​ര​വി​നുള്ള ഒരു കേന്ദ്ര​സ്ഥാ​ന​മാ​യി വർത്തിച്ചു. അങ്ങനെ ഇത്‌ മരുഭൂ​മി​യി​ലൂ​ടെ വർഷങ്ങ​ളോ​ളം അലഞ്ഞു​നടന്ന കാലത്ത്‌ അവരെ ഏകീകൃ​ത​രാ​ക്കു​ക​യും ഒററ​ക്കെ​ട്ടായ പ്രവർത്തനം സാധ്യ​മാ​ക്കി​ത്തീർക്കു​ക​യും ചെയ്‌തു.” അതിലു​പ​രി​യാ​യി സ്രഷ്ടാ​വി​നുള്ള ആരാധ​ന​യാ​ണു തങ്ങളുടെ ജീവി​ത​ത്തി​ന്റെ കേന്ദ്ര​ബി​ന്ദു​വെന്ന്‌ ഇസ്രാ​യേ​ല്യ​രെ നിരന്തരം ഓർമി​പ്പി​ക്കുന്ന ഒന്നായും തിരു​നി​വാ​സം നില​കൊ​ണ്ടു.

6, 7. ആരാധ​ന​യ്‌ക്കു​വേണ്ടി തിരു​നി​വാ​സ​ത്തി​നു പകരമാ​യി​ത്തീർന്നത്‌ എന്തായി​രു​ന്നു, അത്‌ ഇസ്രാ​യേൽ ജനതയെ സഹായി​ച്ച​തെ​ങ്ങനെ?

⁶ ഇസ്രാ​യേ​ല്യർ വാഗ്‌ദ​ത്ത​ദേ​ശത്ത്‌ എത്തി​ച്ചേർന്ന​ശേ​ഷ​വും തിരു​നി​വാ​സം ഇസ്രാ​യേ​ലി​ന്റെ ആരാധനാ കേന്ദ്ര​മാ​യി തുടർന്നു. (യോശുവ 18:1; 1 ശമൂവേൽ 1:3) കാല​ക്ര​മേണ, സ്ഥിരമായ ഒരു കെട്ടിടം പണിയാൻ ദാവീദ്‌ രാജാവു നിർദേ​ശി​ച്ചു. ഇതായി​രു​ന്നു അദ്ദേഹ​ത്തി​ന്റെ പുത്ര​നായ ശലോ​മോൻ പിന്നീടു പണിത ആലയം. (2 ശമൂവേൽ 7:1-10) അതിന്റെ ഉദ്‌ഘാ​ട​ന​ച്ച​ട​ങ്ങിൽ യഹോ​വ​യു​ടെ അംഗീ​കാ​രം ആ കെട്ടി​ട​ത്തി​നു​മേൽ ഉണ്ടെന്നു സൂചി​പ്പി​ക്കു​ന്ന​തിന്‌ ഒരു മേഘം അവരോ​ഹണം ചെയ്‌തു. “ഞാൻ നിനക്കു ഒരു നിവാ​സാ​ലയം, നിനക്കു എന്നേക്കും വസിപ്പാൻ ഒരു സ്ഥലം പണിതി​രി​ക്കു​ന്നു” എന്ന്‌ ശലോ​മോൻ പ്രാർഥി​ച്ചു. (1 രാജാ​ക്കൻമാർ 8:12, 13; 2 ദിനവൃ​ത്താ​ന്തം 6:2) പുതു​താ​യി നിർമിച്ച ആലയം ജനതയു​ടെ ഭക്ത്യാ​ദ​ര​ങ്ങൾക്കു​വേ​ണ്ടി​യുള്ള കേന്ദ്ര​മാ​യി മാറി.

⁷ ഇസ്രാ​യേ​ലി​ലെ പുരു​ഷൻമാർ ദൈവാ​നു​ഗ്ര​ഹ​ത്തെ​പ്രതി വർഷത്തിൽ മൂന്നു പ്രാവ​ശ്യം യെരു​ശ​ലേം ദേവാ​ല​യ​ത്തി​ലെ ആനന്ദജ​ന​ക​മായ ആഘോ​ഷ​ങ്ങ​ളിൽ പങ്കെടു​ക്കാൻ പോയി​രു​ന്നു. ദൈവാ​രാ​ധ​ന​യിൽ ശ്രദ്ധ​കേ​ന്ദ്രീ​ക​രി​ക്കുന്ന “അതതു കാലത്തു വിശു​ദ്ധ​സ​ഭാ​യോ​ഗം വിളി​ച്ചു​കൂ​ട്ടേ​ണ്ടുന്ന യഹോ​വ​യു​ടെ ഉത്സവങ്ങൾ” എന്ന്‌ ഉചിത​മാ​യും, ഈ കൂടി​വ​ര​വു​കൾക്കു പേർവി​ളി​ക്ക​പ്പെട്ടു. (ലേവ്യ​പു​സ്‌തകം 23:2, 4) ദൈവ​ഭ​ക്തി​യുള്ള സ്‌ത്രീ​കൾ കുടും​ബ​ത്തി​ലെ മററം​ഗ​ങ്ങ​ളോ​ടൊ​പ്പം അതിൽ ഹാജരാ​യി​രു​ന്നു.—1 ശമൂവേൽ 1:3-7; ലൂക്കൊസ്‌ 2:41-44.

8. യഹോ​വ​യു​ടെ ആരാധ​ന​യ്‌ക്കുള്ള പ്രാധാ​ന്യം സംബന്ധി​ച്ചു സങ്കീർത്തനം 84:1-12 സാക്ഷ്യ​പ്പെ​ടു​ത്തു​ന്ന​തെ​ങ്ങനെ?

⁸ തങ്ങളുടെ ജീവി​ത​ത്തിൽ ആരാധന എത്ര പ്രധാ​ന​മാ​യി​രു​ന്നു​വെന്നു നിശ്വസ്‌ത സങ്കീർത്ത​ന​ക്കാർ വാ​ഗ്വൈ​ഭ​വ​ത്തോ​ടെ സമ്മതിച്ചു. “സൈന്യ​ങ്ങ​ളു​ടെ യഹോവേ, തിരു​നി​വാ​സം എത്ര മനോ​ഹരം!” എന്ന്‌ കോരഹ്‌ പുത്രൻമാർ പാടി. തീർച്ച​യാ​യും അവർ കേവലം ഒരു മണിമാ​ളി​കയെ പുകഴ്‌ത്തു​ക​യാ​യി​രു​ന്നില്ല. മറിച്ച്‌, “എന്റെ ഹൃദയ​വും എന്റെ മാംസ​വും ജീവനുള്ള ദൈവത്തെ നോക്കി ഘോഷി​ക്കു​ന്നു” എന്ന്‌ ഉറക്കെ പ്രഖ്യാ​പി​ച്ചു​കൊണ്ട്‌ അവർ യഹോ​വ​യാം ദൈവത്തെ സ്‌തു​തി​ച്ചു. ലേവ്യ​രു​ടെ​സേ​വനം അവർക്കു വലിയ സന്തുഷ്ടി കൈവ​രു​ത്തി. “നിന്റെ ആലയത്തിൽ വസിക്കു​ന്നവർ ഭാഗ്യ​വാൻമാർ” എന്ന്‌ അവർ പ്രഖ്യാ​പി​ച്ചു. “അവർ നിന്നെ നിത്യം സ്‌തു​തി​ച്ചു​കൊ​ണ്ടി​രി​ക്കും.” വാസ്‌ത​വ​ത്തിൽ മുഴു ഇസ്രാ​യേ​ല്യ​രും ഇങ്ങനെ പാടി: “ബലം നിന്നിൽ ഉള്ള മനുഷ്യൻ ഭാഗ്യ​വാൻ; ഇങ്ങി​നെ​യു​ള്ള​വ​രു​ടെ മനസ്സിൽ . . . പെരു​വ​ഴി​കൾ ഉണ്ടു. . . . അവർ മേല്‌ക്കു​മേൽ ബലം പ്രാപി​ക്കു​ന്നു; എല്ലാവ​രും സീയോ​നിൽ ദൈവ​സ​ന്നി​ധി​യിൽ ചെന്നെ​ത്തു​ന്നു.” യെരു​ശ​ലേ​മി​ലേ​ക്കുള്ള ഒരു ഇസ്രാ​യേ​ല്യ​ന്റെ യാത്ര ദീർഘ​വും ക്ഷീണി​പ്പി​ക്കു​ന്ന​തു​മാ​യി​രു​ന്നെ​ങ്കി​ലും അവൻ തലസ്ഥാ​ന​ന​ഗ​രി​യിൽ എത്തുന്ന​തോ​ടെ ബലം വീണ്ടെ​ടു​ക്കു​ക​യാ​യി. “നിന്റെ പ്രാകാ​ര​ങ്ങ​ളിൽ കഴിക്കുന്ന ഒരു ദിവസം വേറെ ആയിരം ദിവസ​ത്തെ​ക്കാൾ ഉത്തമമ​ല്ലോ; ദുഷ്ടൻമാ​രു​ടെ കൂടാ​ര​ങ്ങ​ളിൽ പാർക്കു​ന്ന​തി​നെ​ക്കാൾ എന്റെ ദൈവ​ത്തി​ന്റെ ആലയത്തിൽ വാതിൽകാ​വ​ല്‌ക്കാ​ര​നാ​യി​രി​ക്കു​ന്നതു എനിക്കു ഏറെ ഇഷ്ടം. . . . സൈന്യ​ങ്ങ​ളു​ടെ യഹോവേ, നിന്നിൽ ആശ്രയി​ക്കുന്ന മനുഷ്യൻ ഭാഗ്യ​വാൻ” എന്നു പാടി​ക്കൊണ്ട്‌ യഹോ​വയെ ആരാധി​ക്കു​ന്ന​തി​നുള്ള തന്റെ പദവിയെ പുകഴ്‌ത്തി​യ​പ്പോൾ അവന്റെ ഹൃദയം ആനന്ദത്തിൽ ആറാടി. യഹോ​വ​യു​ടെ ആരാധ​ന​യ്‌ക്ക്‌ ആ ഇസ്രാ​യേ​ല്യർ നൽകിയ മുൻഗ​ണ​നയെ ഇത്തരം ആശയ​പ്ര​ക​ട​നങ്ങൾ വെളി​പ്പെ​ടു​ത്തു​ന്നു.—സങ്കീർത്തനം 84:1-12.

9. യഹോ​വ​യു​ടെ ആരാധന മുൻപ​ന്തി​യിൽ വയ്‌ക്കു​ന്ന​തിൽ ഇസ്രാ​യേൽ ജനത പരാജ​യ​പ്പെ​ട്ട​പ്പോൾ അവർക്ക്‌ എന്തു സംഭവി​ച്ചു?

⁹ ദുഃഖ​ക​ര​മെന്നു പറയട്ടെ, സത്യാ​രാ​ധന പ്രമു​ഖ​സ്ഥാ​നത്തു വയ്‌ക്കു​ന്ന​തിൽ ഇസ്രാ​യേ​ല്യർ പരാജ​യ​പ്പെട്ടു. യഹോ​വ​യോ​ടുള്ള തങ്ങളുടെ തീക്ഷ്‌ണ​ത​യ്‌ക്കു തുരങ്കം വയ്‌ക്കാൻ വ്യാജ ദൈവ​ങ്ങ​ളോ​ടുള്ള ഭക്തിയെ അവർ അനുവ​ദി​ച്ചു. തദനന്തരം, യഹോവ അവരെ ശത്രു​ക്കൾക്ക്‌ ഏൽപ്പി​ച്ചു​കൊ​ടു​ക്കു​ക​യും അവരെ ബാബി​ലോ​നിൽ പ്രവാ​സ​ത്തി​ലേക്കു പിടി​ച്ചു​കൊ​ണ്ടു​പോ​കു​ന്നിന്‌ അനുവ​ദി​ക്കു​ക​യും ചെയ്‌തു. 70 വർഷത്തി​നു​ശേഷം ഇസ്രാ​യേ​ല്യർ സ്വദേ​ശത്തു തിരി​ച്ചെ​ത്തി​യ​പ്പോൾ യഹോവ അവർക്കു ഹഗ്ഗായി, സെഖര്യാവ്‌, മലാഖി എന്നീ പ്രവാ​ച​കൻമാ​രി​ലൂ​ടെ പ്രചോ​ദ​ന​മേ​കുന്ന അനുശാ​സ​നങ്ങൾ നൽകി. ആലയം പുതു​ക്കി​പ്പ​ണി​യു​ന്ന​തി​നും സത്യാ​രാ​ധന പുനഃ​സ്ഥാ​പി​ക്കു​ന്ന​തി​നും പുരോ​ഹി​ത​നായ എസ്രാ​യും ഗവർണ​റായ നെഹെ​മ്യാ​വും ദൈവ​ജ​നത്തെ പ്രേരി​പ്പി​ച്ചു. എന്നാൽ നൂററാ​ണ്ടു​കൾ കഴിഞ്ഞ​പ്പോൾ സത്യാ​രാ​ധന ദേശത്തു വീണ്ടും കുറഞ്ഞ പ്രാധാ​ന്യ​മു​ള്ള​താ​യി​ത്തീർന്നു.

സത്യാ​രാ​ധ​ന​യെ​പ്രതി ഒന്നാം നൂററാ​ണ്ടി​ലെ തീക്ഷ്‌ണത

10, 11. യേശു ഭൂമി​യി​ലാ​യി​രു​ന്ന​പ്പോൾ വിശ്വ​സ്‌ത​രായ ആളുക​ളു​ടെ ജീവി​ത​ത്തിൽ യഹോ​വ​യു​ടെ ആരാധ​ന​യ്‌ക്ക്‌ എന്തു സ്ഥാനമാ​ണു​ണ്ടാ​യി​രു​ന്നത്‌?

¹⁰ യഹോ​വ​യു​ടെ നിയമിത സമയത്തു മിശിഹാ പ്രത്യ​ക്ഷ​നാ​യി. വിശ്വ​സ്‌തർ രക്ഷയ്‌ക്കു​വേണ്ടി യഹോ​വ​യി​ലേക്കു നോക്കു​ന്നു​ണ്ടാ​യി​രു​ന്നു. (ലൂക്കൊസ്‌ 2:25; 3:15) 84 വയസ്സു​ണ്ടാ​യി​രുന്ന ഒരു വിധവ​യാ​യി​രുന്ന ഹന്നാ “ദൈവാ​ലയം വിട്ടു​പി​രി​യാ​തെ ഉപവാ​സ​ത്തോ​ടും പ്രാർത്ഥ​ന​യോ​ടും​കൂ​ടെ രാവും പകലും ആരാധന ചെയ്‌തു​പോന്ന”തായി ലൂക്കോ​സി​ന്റെ സുവി​ശേഷം വ്യക്തമാ​യി വിവരി​ക്കു​ന്നു.—ലൂക്കൊസ്‌ 2:37.

¹¹ “എന്നെ അയച്ചവന്റെ ഇഷ്ടം ചെയ്‌തു അവന്റെ പ്രവൃത്തി തികെ​ക്കു​ന്നതു തന്നെ എന്റെ ആഹാരം” എന്ന്‌ യേശു പറഞ്ഞു. (യോഹ​ന്നാൻ 4:34) ആലയത്തിൽ പണമി​ട​പാ​ടു​കാ​രെ അഭിമു​ഖീ​ക​രി​ച്ച​പ്പോൾ യേശു എപ്രകാ​രം പ്രതി​ക​രി​ച്ചു​വെ​ന്നത്‌ അനുസ്‌മ​രി​ക്കുക. അവരുടെ മേശക​ളും പ്രാവു​കളെ വിൽക്കു​ന്ന​വ​രു​ടെ പീഠങ്ങ​ളും അവൻ മറിച്ചി​ട്ടു. മർക്കോസ്‌ ഇങ്ങനെ വിവരി​ക്കു​ന്നു: “[യേശു] ആരും ദൈവാ​ല​യ​ത്തിൽകൂ​ടി ഒരു വസ്‌തു​വും കൊണ്ടു​പോ​കു​വാൻ സമ്മതി​ച്ചില്ല. പിന്നെ അവരെ ഉപദേ​ശി​ച്ചു: എന്റെ ആലയം സകല ജാതി​കൾക്കും പ്രാർത്ഥ​നാ​ലയം എന്നു വിളി​ക്ക​പ്പെ​ടും എന്നു എഴുതി​യി​രി​ക്കു​ന്നി​ല്ല​യോ? നിങ്ങളോ അതിനെ കള്ളൻമാ​രു​ടെ ഗുഹയാ​ക്കി​ത്തീർത്തു എന്നു പറഞ്ഞു.” (മർക്കൊസ്‌ 11:15-17) അതേ, പട്ടണത്തി​ന്റെ മറെറാ​രു​ഭാ​ഗ​ത്തേക്കു സാധനങ്ങൾ ചുമന്നു​കൊ​ണ്ടു കുറു​ക്കു​വ​ഴി​യാ​യി ആലയത്തി​ന്റെ മുററ​ത്തു​കൂ​ടെ കടന്നു​പോ​കു​ന്ന​തി​നു​പോ​ലും യേശു ആരെയും അനുവ​ദി​ച്ചില്ല. “മുമ്പേ അവന്റെ [ദൈവ​ത്തി​ന്റെ] രാജ്യ​വും നീതി​യും അന്വേ​ഷി​പ്പിൻ” എന്ന്‌ യേശു മുമ്പു നൽകിയ ഉപദേ​ശത്തെ ദൃഢീ​ക​രി​ക്കു​ന്ന​താ​യി​രു​ന്നു അവന്റെ പ്രവൃ​ത്തി​കൾ. (മത്തായി 6:33) യഹോ​വക്കു തന്റെ സമ്പൂർണ ഭക്തി നൽകു​ന്ന​തി​നു യേശു നമുക്ക്‌ ഉത്‌കൃ​ഷ്ട​മായ മാതൃക വെച്ചിട്ടു പോയി​രി​ക്കു​ന്നു. താൻ പ്രസം​ഗി​ച്ച​തെ​ല്ലാം അവൻ യഥാർഥ​ത്തിൽ പ്രവർത്തി​ക്കു​ക​യു​ണ്ടാ​യി.—1 പത്രൊസ്‌ 2:21.

12. യേശു​വി​ന്റെ ശിഷ്യൻമാർ യഹോ​വ​യു​ടെ ആരാധ​ന​യ്‌ക്കു നൽകിയ മുൻഗണന എങ്ങനെ പ്രകട​മാ​ക്കി?

¹² പീഡി​ത​രെ​ങ്കി​ലും വിശ്വ​സ്‌ത​രായ യഹൂദർക്ക്‌, വ്യാജമത ആചാര​ങ്ങ​ളെന്ന ചുമടു​ക​ളിൽനി​ന്നു വിടുതൽ നൽകു​ന്ന​തി​നുള്ള തന്റെ നിയോ​ഗം പൂർത്തി​യാ​ക്കി​ക്കൊ​ണ്ടും യേശു തന്റെ ശിഷ്യൻമാർക്കു പിൻപ​റ​റു​ന്ന​തി​നു മാതൃക വയ്‌ക്കു​ക​യു​ണ്ടാ​യി. (ലൂക്കൊസ്‌ 4:18) ശിഷ്യരെ ഉളവാ​ക്കു​ന്ന​തി​നും അവർക്കു സ്‌നാ​പനം നൽകു​ന്ന​തി​നു​മുള്ള യേശു​വി​ന്റെ കൽപ്പന അനുസ​രിച്ച്‌ ആദിമ ക്രിസ്‌ത്യാ​നി​കൾ തങ്ങളുടെ ഉയിർപ്പി​ക്ക​പ്പെട്ട കർത്താ​വി​നെ​ക്കു​റി​ച്ചുള്ള യഹോ​വ​യു​ടെ ഹിത​മെ​ന്തെന്നു സധൈ​ര്യം പ്രഖ്യാ​പി​ച്ചു. ആരാധ​ന​യിൽ അവർ തനിക്കു നൽകിയ മുൻഗ​ണ​ന​യിൽ യഹോവ സന്തുഷ്ട​നാ​യി​രു​ന്നു. തൻമൂലം, ദൈവ​ത്തി​ന്റെ ദൂതൻ അത്ഭുത​ക​ര​മാ​യി അപ്പോ​സ്‌ത​ല​നായ പത്രോ​സി​നെ​യും യോഹ​ന്നാ​നെ​യും തടവിൽനി​ന്നു മോചി​പ്പി​ച്ചിട്ട്‌, “നിങ്ങൾ ദൈവാ​ല​യ​ത്തിൽ ചെന്നു ഈ ജീവന്റെ വചനം എല്ലാം ജനത്തോ​ടു പ്രസ്‌താ​വി​പ്പിൻ” എന്ന്‌ അവർക്കു നിർദേശം നൽകി. നവോ​ത്തേ​ജനം ലഭിച്ച അവർ അനുസ​രി​ച്ചു. ദിന​മ്പ്രതി യെരു​ശ​ലേ​മി​ലെ ആലയത്തി​ലും വീടു​തോ​റും അവർ “വിടാതെ ഉപദേ​ശി​ക്കു​ക​യും യേശു​വി​നെ ക്രിസ്‌തു എന്നു സുവി​ശേ​ഷി​ക്കു​ക​യും ചെയ്‌തു​കൊ​ണ്ടി​രു​ന്നു.”—പ്രവൃ​ത്തി​കൾ 1:8; 4:29, 30; 5:20, 42; മത്തായി 28:19, 20.

13, 14. ആദിമ ക്രിസ്‌ത്യാ​നി​ക​ളു​ടെ നാളുകൾ മുതൽ ദൈവ​ദാ​സൻമാ​രോട്‌ എന്തു ചെയ്യാ​നാ​ണു സാത്താൻ ശ്രമി​ച്ചി​ട്ടു​ള്ളത്‌? (ബി) ദൈവ​ത്തി​ന്റെ വിശ്വസ്‌ത ദാസർ എന്തു ചെയ്യു​ന്ന​തിൽ തുടർന്നി​രി​ക്കു​ന്നു?

¹³ അവരുടെ പ്രസം​ഗ​വേ​ല​യ്‌ക്ക്‌ എതിർപ്പു വർധി​ച്ച​പ്പോൾ സമയോ​ചി​ത​മായ ഉപദേശം എഴുതു​ന്ന​തി​നു ദൈവം തന്റെ വിശ്വസ്‌ത ദാസൻമാർക്കു മാർഗ​നിർദേശം നൽകി. “അവൻ [യഹോവ] നിങ്ങൾക്കാ​യി കരുതു​ന്ന​താ​ക​യാൽ നിങ്ങളു​ടെ സകല ചിന്താ​കു​ല​വും അവന്റെ​മേൽ ഇട്ടു​കൊൾവിൻ” എന്ന്‌ പൊ.യു. (പൊതു​യു​ഗം) 60 കഴിഞ്ഞു താമസി​യാ​തെ പത്രോസ്‌ എഴുതി. “നിർമ്മ​ദ​രാ​യി​രി​പ്പിൻ; ഉണർന്നി​രി​പ്പിൻ; നിങ്ങളു​ടെ പ്രതി​യോ​ഗി​യായ പിശാചു അലറുന്ന സിംഹം എന്നപോ​ലെ ആരെ വിഴു​ങ്ങേണ്ടു എന്നു തിരിഞ്ഞു ചുററി​ന​ട​ക്കു​ന്നു. ലോക​ത്തിൽ നിങ്ങൾക്കുള്ള സഹോ​ദ​ര​വർഗ്ഗ​ത്തി​ന്നു ആവക കഷ്ടപ്പാ​ടു​കൾ തന്നേ പൂർത്തി​യാ​യി വരുന്നു എന്നറിഞ്ഞു വിശ്വാ​സ​ത്തിൽ സ്ഥിരമു​ള്ള​വ​രാ​യി അവനോ​ടു എതിർത്തു നില്‌പിൻ.” ആദിമ ക്രിസ്‌ത്യാ​നി​കൾ നിസ്സം​ശ​യ​മാ​യും ആ വാക്കു​ക​ളിൽ വിശ്വാ​സ​മർപ്പി​ച്ചു. അൽപ്പകാ​ല​ത്തേക്കു കഷ്ടം സഹിച്ച​ശേഷം ദൈവം തങ്ങളുടെ പരിശീ​ലനം അവസാ​നി​പ്പി​ക്കു​മെന്ന്‌ അവർ അറിഞ്ഞി​രു​ന്നു. (1 പത്രൊസ്‌ 5:7-10) യഹൂദ വ്യവസ്ഥി​തി​യു​ടെ ആ അന്തിമ നാളു​ക​ളിൽ സത്യ​ക്രി​സ്‌ത്യാ​നി​കൾ യഹോ​വ​യു​ടെ സ്‌നേ​ഹ​പു​ര​സ്സ​ര​മായ ആരാധന ഉയർത്തി​പ്പി​ടി​ച്ചു.—കൊ​ലൊ​സ്സ്യർ 1:23.

¹⁴ അപ്പോ​സ്‌ത​ല​നായ പൗലോസ്‌ മുൻകൂ​ട്ടി​പ്പ​റ​ഞ്ഞ​തു​പോ​ലെ വിശ്വാ​സ​ത്യാ​ഗം, സത്യാ​രാ​ധ​ന​യിൽനി​ന്നുള്ള ഒരു വ്യതി​ച​ലനം, സംഭവി​ക്കു​ക​യു​ണ്ടാ​യി. (പ്രവൃ​ത്തി​കൾ 20:29, 30; 2 തെസ്സ​ലൊ​നീ​ക്യർ 2:3) ഒന്നാം നൂററാ​ണ്ടി​ന്റെ അവസാന ദശകങ്ങ​ളി​ലെ സാക്ഷ്യങ്ങൾ ഇതിനു​വേണ്ട തെളി​വു​ക​ളു​ടെ കൂമ്പാ​ര​മാ​യി നില​കൊ​ള്ളു​ന്നു. (1 യോഹ​ന്നാൻ 2:18, 19) യഥാർഥ ക്രിസ്‌ത്യാ​നി​ക​ളു​ടെ ഇടയിൽ സാത്താൻ വിജയ​പ്ര​ദ​മായ രീതി​യിൽ കൃത്രിമ ക്രിസ്‌ത്യാ​നി​കളെ വിതച്ചു. കോത​മ്പു​തു​ല്യ​മായ ക്രിസ്‌ത്യാ​നി​ക​ളിൽനിന്ന്‌ ഈ “കള” തിരി​ച്ച​റി​യുക പ്രയാ​സ​ക​ര​മാ​ക്കി​ത്തീർത്തു. എന്നുവ​രി​കി​ലും, കഴിഞ്ഞ നൂററാ​ണ്ടു​ക​ളി​ലൊ​ക്കെ ചില വ്യക്തികൾ തങ്ങളുടെ ജീവൻ പണയ​പ്പെ​ടു​ത്തി​ക്കൊ​ണ്ടു​പോ​ലും ദൈവാ​രാ​ധന ഒന്നാമതു വയ്‌ക്കു​ക​യു​ണ്ടാ​യി. എന്നാൽ “ജനതക​ളു​ടെ നിയമിത കാലങ്ങൾ” കഴിയു​ന്ന​തി​നു​മുമ്പ്‌ സത്യാ​രാ​ധന ഉയർത്തി​പ്പി​ടി​ക്കാൻ ദൈവം തന്റെ ദാസൻമാ​രെ വീണ്ടും കൂട്ടി​ച്ചേർക്കു​ക​യു​ണ്ടാ​യില്ല.—മത്തായി 13:24-30, 36-43; ലൂക്കോസ്‌ 21:24, NW.

യഹോ​വ​യു​ടെ ആരാധന ഇന്ന്‌ ഉയർത്ത​പ്പെ​ട്ടി​രി​ക്കു​ന്നു

15. എങ്ങനെ​യാണ്‌ 1919 മുതൽ യെശയ്യാ​വു 2:2-4-ലെയും മീഖാ 4:1-4-ലെയും പ്രവച​നങ്ങൾ നിവൃ​ത്തി​യേ​റി​യത്‌?

¹⁵ സത്യ​ദൈ​വ​ത്തി​ന്റെ ആരാധന ഉയർത്തി​പ്പി​ടിച്ച ധൈര്യ​പൂർവ​ക​മായ ലോക​വ്യാ​പക സാക്ഷീ​കരണ പ്രസ്ഥാനം ഏറെറ​ടു​ക്കു​ന്ന​തിന്‌ 1919 മുതൽ യഹോവ തന്റെ അഭിഷിക്ത ശേഷി​പ്പി​നെ ശക്തരാക്കി. 1935-ൽ പ്രതീ​കാ​ത്മക “വേറെ ആടുക”ളുടെ വന്നു​ചേ​ര​ലോ​ടെ “യഹോ​വ​യു​ടെ പർവ്വതത്തി”ലേക്ക്‌ ആത്മീയ​മാ​യി ആരോ​ഹണം ചെയ്യുന്ന ആളുക​ളു​ടെ പ്രവാഹം വർധി​ച്ചു​കൊ​ണ്ടേ​യി​രി​ക്കു​ന്നു. 1993-ലെ സേവന വർഷത്തിൽ 47,09,889 യഹോ​വ​യു​ടെ സാക്ഷികൾ അവന്റെ ഉന്നതമായ ആരാധ​ന​യോ​ടു കൂടി​ച്ചേ​രു​ന്ന​തി​നു മററു​ള്ള​വരെ ക്ഷണിച്ചു​കൊണ്ട്‌ അവനെ സ്‌തു​തി​ക്കു​ക​യു​ണ്ടാ​യി. അത്‌ ആത്മീയ​മാ​യി അധഃപ​തിച്ച നിലയി​ലുള്ള വ്യാജ​മ​ത​ലോ​ക​സാ​മ്രാ​ജ്യ​ത്തി​ന്റെ വിശേ​ഷി​ച്ചും, ക്രൈ​സ്‌ത​വ​ലോ​ക​ത്തി​ലെ, വിഭാ​ഗീയ “കുന്നു​കളി”ൽനിന്ന്‌ എത്രയോ വിഭിന്നം!—യോഹ​ന്നാൻ 10:16; യെശയ്യാ​വു 2:2-4; മീഖാ 4:1-4.

16. യെശയ്യാ​വു 2:10-22-ൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്ന​തി​ന്റെ വീക്ഷണ​ത്തിൽ യഹോ​വ​യു​ടെ എല്ലാ ദാസരും എന്തു ചെയ്യേ​ണ്ട​താ​വ​ശ്യ​മാണ്‌?

¹⁶ വ്യാജ​മ​ത​ത്തോ​ടു പററി​നിൽക്കു​ന്നവർ തങ്ങളുടെ പള്ളിക​ളെ​യും അരമന​ക​ളെ​യും എന്തിന്‌, വൈദി​ക​രെ​പ്പോ​ലും “ഉന്നത”മായി കരുതി അവർക്ക്‌ ഉത്‌കൃഷ്ട സ്ഥാന​പ്പേ​രു​ക​ളും ബഹുമ​തി​ക​ളും നൽകുന്നു. എന്നാൽ യെശയ്യാ​വു മുൻകൂ​ട്ടി​പ്പ​റ​ഞ്ഞ​തെ​ന്താ​ണെന്നു ശ്രദ്ധി​ക്കുക: “മനുഷ്യ​രു​ടെ നിഗളിച്ച കണ്ണു താഴും; പുരു​ഷൻമാ​രു​ടെ ഉന്നതഭാ​വം കുനി​യും യഹോവ മാത്രം അന്നാളിൽ ഉന്നതനാ​യി​രി​ക്കും.” ഇത്‌ എന്നായി​രി​ക്കും? ‘മിത്ഥ്യാ​മൂർത്തി​കൾ അശേഷം ഇല്ലാ​തെ​യാ​കുന്ന’ ആസന്നമായ മഹോ​പ​ദ്ര​വ​ത്തിൽ. ഭയദ്യോ​ത​ക​മായ ആ സമയം ആസന്നമാ​യി​രു​ന്ന​തി​ന്റെ വീക്ഷണ​ത്തിൽ എല്ലാ ദൈവ​ദാ​സൻമാ​രും തങ്ങളുടെ ജീവി​ത​ത്തിൽ യഹോ​വ​യു​ടെ ആരാധ​ന​യ്‌ക്കുള്ള സ്ഥാനം എന്താ​ണെന്നു സഗൗരവം പരി​ശോ​ധി​ക്കേ​ണ്ട​തുണ്ട്‌.—യെശയ്യാ​വു 2:10-22.

17. യഹോ​വ​യു​ടെ ആരാധ​ന​യ്‌ക്കു യഹോ​വ​യു​ടെ ദാസൻമാർ നൽകുന്ന മുൻഗണന എങ്ങനെ​യാ​ണു പ്രദർശി​പ്പി​ക്കു​ന്നത്‌?

¹⁷ ലോക​വ്യാ​പ​ക​മായ സഹോ​ദ​ര​വർഗ​മെന്ന നിലയിൽ യഹോ​വ​യു​ടെ സാക്ഷികൾ പ്രസം​ഗ​വേ​ല​യി​ലുള്ള അവരുടെ തീക്ഷ്‌ണത നിമിത്തം സുപ്ര​സി​ദ്ധ​രാണ്‌. അവരുടെ ആരാധന ആഴ്‌ച​യിൽ ഒരു മണിക്കൂർ നേര​ത്തേ​ക്കോ​മ​റേറാ മാററി​വ​ച്ചി​രി​ക്കുന്ന വെറും നാമമാ​ത്ര​മായ ഒന്നല്ല. അല്ല, അത്‌ അവരുടെ മുഴു ജീവി​ത​രീ​തി​യാണ്‌. (സങ്കീർത്തനം 145:2) വാസ്‌ത​വ​ത്തിൽ, കഴിഞ്ഞ​വർഷം 6,20,000 സാക്ഷികൾ ക്രിസ്‌തീയ ശുശ്രൂ​ഷ​യിൽ മുഴു​സ​മയം പങ്കുപ​റ​റു​ന്ന​തി​നു​വേണ്ടി തങ്ങളുടെ കാര്യാ​ദി​ക​ളെ​ല്ലാം ക്രമീ​ക​രി​ക്കു​ക​യു​ണ്ടാ​യി. ശേഷി​ച്ചവർ യഹോ​വ​യു​ടെ ആരാധന തീർച്ച​യാ​യും അവഗണി​ക്കു​ന്നില്ല. അവരുടെ കുടുംബ ഉത്തരവാ​ദി​ത്വ​ങ്ങൾ ലൗകിക ജോലി ചെയ്യാൻ അവരെ നിർബ​ന്ധി​ക്കു​ന്നു​വെ​ങ്കി​ലും അവരുടെ ദൈനം​ദിന സംഭാ​ഷ​ണ​ങ്ങ​ളി​ലും പരസ്യ പ്രസം​ഗ​വേ​ല​യി​ലും യഹോ​വ​യു​ടെ ആരാധന പ്രമു​ഖ​സ്ഥാ​നം വഹിക്കു​ന്നു.

18, 19. സാക്ഷി​ക​ളു​ടെ ജീവി​ത​ക​ഥകൾ വായി​ച്ച​തി​ലൂ​ടെ നിങ്ങൾക്കു ലഭിച്ചി​രി​ക്കാ​നി​ട​യുള്ള പ്രോ​ത്സാ​ഹ​ന​ത്തി​ന്റെ ദൃഷ്ടാ​ന്തങ്ങൾ എടുത്തു​പ​റ​യുക.

¹⁸ വീക്ഷാ​ഗോ​പു​ര​ത്തിൽ പ്രസി​ദ്ധീ​ക​രി​ക്ക​പ്പെ​ടുന്ന സാക്ഷി​ക​ളു​ടെ ജീവി​ത​ക​ഥകൾ വ്യത്യസ്‌ത സഹോ​ദ​രീ​സ​ഹോ​ദ​രൻമാർ തങ്ങളുടെ ജീവി​ത​ത്തിൽ യഹോ​വ​യു​ടെ ആരാധന പ്രഥമ സ്ഥാനത്തു വെച്ചി​രി​ക്കുന്ന വിധം സംബന്ധിച്ച്‌ ഉൾക്കാഴ്‌ച പ്രദാനം ചെയ്യുന്നു. ആറു വയസ്സിൽ യഹോ​വ​ക്കു​വേണ്ടി തന്റെ ജീവിതം സമർപ്പിച്ച ഒരു യുവ സഹോ​ദരി മിഷനറി സേവനം തന്റെ ലക്ഷ്യമാ​ക്കി. യുവ സഹോ​ദ​രീ​സ​ഹോ​ദ​രൻമാ​രേ, യഹോ​വ​യു​ടെ ആരാധന നിങ്ങളു​ടെ ജീവി​ത​ത്തിൽ മുൻപ​ന്തി​യിൽ വയ്‌ക്കാൻ സഹായി​ക്കുന്ന എന്തു ലാക്കു നിങ്ങൾക്കു തിര​ഞ്ഞെ​ടു​ക്കാ​നാ​വും?—വീക്ഷാ​ഗോ​പു​ര​ത്തി​ന്റെ 1992, ജൂൺ 1-ലെ 26-30 പേജു​ക​ളി​ലുള്ള “ആറു വയസ്സിൽ വെച്ച ഒരു ലക്ഷ്യത്തെ പിന്തു​ടരൽ” എന്ന ലേഖനം കാണുക.

¹⁹ യഹോ​വ​യു​ടെ ആരാധന ഉചിത​മായ സ്ഥാനത്തു വയ്‌ക്കു​ന്ന​തി​ന്റെ മറെറാ​രു ദൃഷ്ടാ​ന്ത​മാ​ണു വിധവ​യായ, പ്രായം​ചെന്ന വേറൊ​രു സഹോ​ദരി. സത്യം പഠിക്കു​ന്ന​തിന്‌ അവർ സഹായി​ച്ച​വ​രിൽനി​ന്നു സഹിഷ്‌ണു​ത​യ്‌ക്കുള്ള വലിയ പ്രോ​ത്സാ​ഹനം അവർ കണ്ടെത്തി. അവർ സഹോ​ദ​രി​യു​ടെ “കുടുംബ”മായി​രു​ന്നു. (മർക്കൊസ്‌ 3:31-35) സമാന​മായ സാഹച​ര്യ​ത്തി​ലാ​ണു നിങ്ങ​ളെ​ങ്കിൽ സഭയിലെ ചെറു​പ്പ​ക്കാ​രു​ടെ പിന്തു​ണ​യും സഹായ​വും നിങ്ങൾ സ്വീക​രി​ക്കു​മോ? (വീക്ഷാ​ഗോ​പു​ര​ത്തി​ന്റെ 1992, ഒക്‌ടോ​ബർ 1-ലെ 21-3 പേജു​ക​ളിൽ പ്രസി​ദ്ധീ​ക​രി​ച്ചി​രി​ക്കുന്ന “ഞാൻ കൊയ്‌ത്തു​കാ​ലത്ത്‌ ചെവി​കൊ​ടു​ത്തു” എന്ന ലേഖന​ത്തിൽ വിനി​ഫ്രെഡ്‌ റെമി സഹോ​ദരി തന്റെ അഭി​പ്രാ​യം രേഖ​പ്പെ​ടു​ത്തി​യി​രി​ക്കു​ന്ന​തെ​ങ്ങനെ​യെന്നു കാണുക.) മുഴു​സമയ സേവകരേ, യഹോ​വ​യു​ടെ ആരാധന നിങ്ങളു​ടെ ജീവി​ത​ത്തിൽ മുൻപ​ന്തി​യിൽ വരുന്നു​വെന്ന്‌ നിങ്ങളു​ടെ നിയമിത സ്ഥലത്തു താഴ്‌മ​യോ​ടെ സേവന​മ​നു​ഷ്‌ഠി​ച്ചു​കൊണ്ട്‌, ദിവ്യാ​ധി​പത്യ നിർദേ​ശ​ങ്ങൾക്കു മനസ്സോ​ടെ കീഴ്‌പെ​ട്ടു​കൊണ്ട്‌ പ്രകടി​പ്പി​ക്കു​വിൻ. (ദ വാച്ച്‌ട​വ​റി​ന്റെ 1991 ഡിസംബർ 1-ലെ 24-7 പേജു​ക​ളി​ലുള്ള “യഹോ​വ​യു​ടെ സ്ഥാപന​ത്തോട്‌ അടുത്തു പററി​നിൽക്കു​ന്നു” എന്ന ലേഖന​ത്തിൽ വിവരി​ച്ചി​രി​ക്കുന്ന റോയ്‌ റ്യാൻ സഹോ​ദ​രന്റെ ദൃഷ്ടാന്തം ദയവായി ശ്രദ്ധി​ക്കുക.) നാം യഹോ​വ​യു​ടെ സേവന​ത്തി​നു പ്രഥമ​സ്ഥാ​നം നൽകു​മ്പോൾ അവൻ നമ്മെ കാത്തു​കൊ​ള്ളു​മെന്ന ഉറപ്പു നമുക്കു​ണ്ടെന്ന്‌ ഓർക്കുക. ജീവി​ത​ത്തി​ലെ അടിസ്ഥാന ആവശ്യങ്ങൾ എവി​ടെ​നി​ന്നു ലഭിക്കു​മെ​ന്ന​തി​നെ​ക്കു​റി​ച്ചു നാം വ്യാകു​ല​പ്പെ​ടേ​ണ്ട​തില്ല. ഓലവ്‌, സോണിയ സ്‌പ്രിങ്‌ സഹോ​ദ​രി​മാ​രു​ടെ അനുഭ​വങ്ങൾ ഇതു ചിത്രീ​ക​രി​ക്കു​ന്നു.—വീക്ഷാ​ഗോ​പു​രം 1994, ഫെബ്രു​വരി 1-ലെ 20-5 പേജു​ക​ളി​ലുള്ള “ഞങ്ങൾ ഒന്നാമതു രാജ്യം അന്വേ​ഷി​ച്ചു” എന്ന ലേഖനം കാണുക.

20. ഉചിത​മായ ഏതു ചോദ്യ​ങ്ങൾ നാം നമ്മോ​ടു​തന്നെ ചോദി​ക്കേ​ണ്ട​തുണ്ട്‌?

²⁰ അപ്പോൾ, വ്യക്തി​പ​ര​മാ​യി ചൂഴ്‌ന്നി​റ​ങ്ങുന്ന ചില ചോദ്യ​ങ്ങൾ സ്വയം ചോദി​ക്കാൻ നാം ബാധ്യ​സ്ഥ​രല്ലേ? യഹോ​വ​യു​ടെ ആരാധ​ന​യ്‌ക്ക്‌ എന്റെ ജീവി​ത​ത്തിൽ എന്തു സ്ഥാനമാ​ണു​ള്ളത്‌? കഴിവി​ന്റെ പരമാ​വധി ദൈവ​ഹി​തം ചെയ്യു​ന്ന​തി​നു​വേണ്ടി എന്റെ സമർപ്പ​ണ​ത്തി​നു യോജി​ച്ച​വി​ധ​ത്തി​ലാ​ണോ ഞാൻ ജീവി​ക്കു​ന്നത്‌? ജീവി​ത​ത്തി​ന്റെ ഏതെല്ലാം വശങ്ങളിൽ എനിക്കു പുരോ​ഗ​മി​ക്കാൻ കഴിയും? ജീവി​ത​ത്തിൽ നാം പ്രഥമ​സ്ഥാ​നം നൽകി​യി​രി​ക്കു​ന്നതു നമ്മുടെ സ്‌നേ​ഹ​നി​ധി​യായ പിതാ​വാം പരമാ​ധീശ കർത്താ​വായ യഹോ​വ​യു​ടെ ആരാധ​ന​യ്‌ക്കു വേണ്ടി​യാണ്‌. അതിനാ​യി നമ്മുടെ വസ്‌തു​വ​കകൾ നാം എങ്ങനെ ഉപയോ​ഗി​ക്കു​ന്നു​വെന്നു പര്യാ​ലോ​ചി​ക്കു​ന്ന​തി​നു പിൻവ​രുന്ന ലേഖന​ത്തി​ന്റെ ശ്രദ്ധ​യോ​ടെ​യുള്ള പരിചി​ന്തനം നമുക്ക്‌ അവസരം പ്രദാനം ചെയ്യും.—സഭാ​പ്ര​സം​ഗി 12:13; 2 കൊരി​ന്ത്യർ 13:5.

പുനരവലോകനത്തിൽ

◻ ആരാധ​ന​യോ​ടുള്ള ബന്ധത്തിൽ യഹോവ എന്താണു പ്രതീ​ക്ഷി​ക്കു​ന്നത്‌?

◻ തിരു​നി​വാ​സം എന്തിന്റെ ഓർമി​പ്പി​ക്ക​ലാ​യി സേവിച്ചു?

◻ പൊ.യു. ഒന്നാം നൂററാ​ണ്ടിൽ സത്യാ​രാ​ധ​ന​യി​ലെ തീക്ഷ്‌ണ​ത​യു​ടെ കാര്യ​ത്തിൽ മുന്തിയ ദൃഷ്ടാ​ന്ത​മാ​യി​രു​ന്നത്‌ ആരായി​രു​ന്നു, എങ്ങനെ?

◻ 1919 മുതൽ യഹോ​വ​യു​ടെ ആരാധന എങ്ങനെ​യാണ്‌ ഉന്നതമാ​ക്ക​പ്പെ​ട്ടി​രി​ക്കു​ന്നത്‌?