പുനരുത്ഥാനം

പുനരു​ത്ഥാ​നം എന്നത്‌ ഭൗതി​ക​മ​ല്ലാത്ത ഒരു ദേഹിയെ വീണ്ടും ഭൗതി​ക​മായ ഒരു ശരീര​ത്തോട്‌ കൂട്ടി​ച്ചേർക്കു​ന്ന​താ​ണോ?

തീർച്ച​യാ​യും ഇത്‌ സാദ്ധ്യ​മാ​കു​ന്ന​തിന്‌ മനുഷ്യർക്ക്‌ ഭൗതിക ശരീര​ത്തിൽ നിന്ന്‌ പിരി​ഞ്ഞി​രി​ക്കാ​വു​ന്ന​തും ഭൗതി​ക​മ​ല്ലാ​ത്ത​തു​മായ ഒരു ദേഹി ഉണ്ടായി​രി​ക്കേ​ണ്ട​തുണ്ട്‌. ബൈബിൾ അങ്ങനെ​യൊ​രു സംഗതി പഠിപ്പി​ക്കു​ന്നില്ല. ആ ആശയം ഗ്രീക്ക്‌ തത്വശാ​സ്‌ത്ര​ത്തിൽ നിന്ന്‌ കടമെ​ടു​ത്തി​ട്ടു​ള​ള​താണ്‌. ദേഹിയെ സംബന്ധി​ച്ചു​ളള ബൈബി​ളി​ന്റെ പഠിപ്പി​ക്കൽ 375-378 പേജു​ക​ളിൽ കൊടു​ത്തി​രി​ക്കു​ന്നു. ഭൗതി​ക​മ​ല്ലാ​ത്ത​തും അമർത്ത്യ​വു​മായ ഒരു ദേഹി​യി​ലു​ളള ക്രൈ​സ്‌ത​വ​ലോ​ക​ത്തി​ലെ വിശ്വാ​സ​ത്തി​ന്റെ ഉത്‌ഭവം സംബന്ധിച്ച തെളി​വു​കൾക്ക്‌ 379, 380 പേജുകൾ കാണുക.

യേശു ജഡശരീ​ര​ത്തോ​ടു​കൂ​ടെ​യാ​ണോ ഉയർപ്പി​ക്ക​പ്പെ​ട്ടത്‌, അവന്‌ ഇപ്പോൾ സ്വർഗ്ഗ​ത്തിൽ അത്തരം ഒരു ശരീര​മു​ണ്ടോ?

1 പത്രോ. 3:18: “ക്രിസ്‌തു​വും നിങ്ങളെ ദൈവ​ത്തി​ങ്ക​ലേക്ക്‌ നയി​ക്കേ​ണ്ട​തിന്‌ നീതി​കെ​ട്ട​വർക്കു​വേണ്ടി പാപം സംബന്ധിച്ച്‌ എക്കാല​ത്തേ​ക്കും ഒരിക്കൽ മരിച്ചു, അവൻ ജഡത്തിൽ കൊല്ല​പ്പെ​ടു​ക​യും ആത്മാവിൽ [“ആത്മാവി​നാൽ,” KJ; “ആത്മാവിൽ,” RS, NE, Dy, JB] ജീവി​പ്പി​ക്ക​പ്പെ​ടു​ക​യും ചെയ്‌തു.” (മരിച്ച​വ​രിൽ നിന്നുളള പുനരു​ത്ഥാ​ന​ത്തിൽ ഒരു ആത്മശരീ​ര​ത്തോ​ടു​കൂ​ടെ​യാണ്‌ യേശു വരുത്ത​പ്പെ​ട്ടത്‌. ഗ്രീക്കു പാഠത്തിൽ “ജഡം” “ആത്മാവ്‌” എന്നീ പദങ്ങൾ വിപരീത താരത​മ്യ​ത്തി​ലാണ്‌ ഉപയോ​ഗി​ച്ചി​രി​ക്കു​ന്നത്‌, രണ്ടും ചതുർത്ഥീ വിഭക്തി​യി​ലാണ്‌. അതു​കൊണ്ട്‌ ഒരു ഭാഷാ​ന്ത​ര​ക്കാ​രൻ “ആത്മാവി​നാൽ” എന്നു വിവർത്തനം ചെയ്യു​ക​യാ​ണെ​ങ്കിൽ പരസ്‌പര യോജി​പ്പി​ലാ​യി​രി​ക്കു​ന്ന​തിന്‌ അയാൾ “ജഡത്താൽ” എന്നും​കൂ​ടെ വിവർത്തനം ചെയ്യണം. അതല്ല “ജഡത്തിൽ” എന്ന്‌ വിവർത്തനം ചെയ്യു​ന്നു​വെ​ങ്കിൽ “ആത്മാവിൽ” എന്നും വിവർത്തനം ചെയ്യണം.)

പ്രവൃ. 10:40, 41: “ദൈവം അവനെ [യേശു​ക്രി​സ്‌തു​വി​നെ] മൂന്നാം ദിവസം ഉയർത്തെ​ഴു​ന്നേൽപ്പി​ച്ചു, എല്ലാവർക്കു​മല്ല, സാക്ഷി​ക​ളാ​കു​വാൻ ദൈവ​ത്താൽ മുന്നമേ നിയമി​ക്ക​പ്പെ​ട്ട​വർക്ക്‌, പ്രത്യ​ക്ഷ​നാ​വാൻ ഇടയാക്കി.” (എന്തു​കൊ​ണ്ടാണ്‌ മററു​ള​ള​വ​രും അവനെ കാണാ​ഞ്ഞത്‌? എന്തു​കൊ​ണ്ടെ​ന്നാൽ അവൻ ഒരു ആത്മസൃ​ഷ്ടി​യാ​യി​രു​ന്നു. മുമ്പ്‌ ദൂതൻമാർ ചെയ്‌തി​ട്ടു​ള​ള​തു​പോ​ലെ തന്നെത്തന്നെ ദൃശ്യ​നാ​ക്കാൻവേണ്ടി അവൻ ജഡശരീ​ര​മെ​ടു​ത്തത്‌ തിര​ഞ്ഞെ​ടു​ക്ക​പ്പെട്ട ചിലരു​ടെ സാന്നി​ദ്ധ്യ​ത്തിൽ മാത്ര​മാ​യി​രു​ന്നു.)

1 കൊരി. 15:45: “ഇപ്രകാ​രം തന്നെ എഴുത​പ്പെ​ട്ടി​രി​ക്കു​ന്നു: ‘ഒന്നാം മനുഷ്യ​നായ ആദാം ജീവനു​ളള ദേഹി​യാ​യി​ത്തീർന്നു.’ ഒടുവി​ലത്തെ ആദാം [സൃഷ്‌ടി​ക്ക​പ്പെ​ട്ട​പ്പോ​ഴത്തെ ആദാമി​നെ​പ്പോ​ലെ പൂർണ്ണ​നാ​യി​രുന്ന യേശു​ക്രി​സ്‌തു] ജീവി​പ്പി​ക്കുന്ന ഒരു ആത്മാവാ​യി​ത്തീർന്നു.”

ഏതുതരം ശരീര​ത്തിൽ യേശു ഉയർപ്പി​ക്ക​പ്പെട്ടു എന്നതു സംബന്ധിച്ച്‌ ലൂക്കോസ്‌ 24:36-39 എന്തർത്ഥ​മാ​ക്കു​ന്നു?

ലൂക്കോ. 24:36-39: “അവർ [ശിഷ്യൻമാർ] ഈ കാര്യ​ങ്ങ​ളെ​ക്കു​റിച്ച്‌ സംസാ​രി​ച്ചു കൊണ്ടി​രി​ക്കേ, അവൻ തന്നെ അവരുടെ മദ്ധ്യേ നിന്ന്‌, ‘നിങ്ങൾക്ക്‌ സമാധാ​നം ഉണ്ടാകട്ടെ’ എന്ന്‌ അവരോട്‌ പറഞ്ഞു. അവർ ഭയപ്പെട്ട്‌ ഞെട്ടി​യി​രു​ന്ന​തി​നാൽ തങ്ങൾ ഒരു ആത്മാവി​നെ കാണുന്നു എന്ന്‌ അവർ സങ്കൽപി​ക്കു​ക​യാ​യി​രു​ന്നു. അതു​കൊണ്ട്‌ അവൻ അവരോട്‌ പറഞ്ഞു: ‘നിങ്ങൾ കലങ്ങി​യി​രി​ക്കു​ന്നത്‌ എന്തു​കൊണ്ട്‌, നിങ്ങളു​ടെ ഹൃദയ​ങ്ങ​ളിൽ സംശയം പൊന്തി​വ​രു​ന്ന​തും എന്തു​കൊണ്ട്‌? എന്റെ കൈക​ളും കാലു​ക​ളും നോക്കി ഞാനാ​കു​ന്നു എന്ന്‌ അറിയുക; എന്നെ തൊട്ടു നോക്കുക, ഒരു ആത്മാവിന്‌ എനിക്കു​ണ്ടെന്ന്‌ നിങ്ങൾക്ക്‌ കാണാൻ കഴിയു​ന്ന​തു​പോ​ലെ മാംസ​വും അസ്ഥിയും ഇല്ലല്ലോ.’”

മനുഷ്യർക്ക്‌ ആത്മാക്കളെ കാണാൻ കഴിയു​ക​യില്ല. അതു​കൊണ്ട്‌ തങ്ങൾ ഒരു മായാ​രൂ​പ​മോ ദർശന​മോ കാണു​ക​യാ​ണെന്ന്‌ ശിഷ്യൻമാർ വിചാ​രി​ച്ചി​രി​ക്കണം. (മർക്കോസ്‌ 6:49, 50 താരത​മ്യം ചെയ്യുക.) താൻ മായാ​രൂ​പമല്ല എന്ന്‌ യേശു അവർക്ക്‌ ഉറപ്പു നൽകി. അവർക്ക്‌ തന്റെ ജഡശരീ​രം കാണാ​നും അവനെ തൊടാ​നും അസ്ഥികൾ സ്‌പർശി​ച്ച​റി​യാ​നും കഴിയു​മാ​യി​രു​ന്നു; അവരുടെ സാന്നി​ദ്ധ്യ​ത്തിൽ അവൻ ഭക്ഷണം കഴിക്കു​ക​യും ചെയ്‌തു. അതു​പോ​ലെ മുൻകാ​ല​ങ്ങ​ളിൽ മനുഷ്യ​രാൽ കാണ​പ്പെ​ടേ​ണ്ട​തിന്‌ ദൂതൻമാർ ശരീരം സ്വീക​രി​ച്ചി​ട്ടു​ണ്ടാ​യി​രു​ന്നു; അവർ ഭക്ഷണം കഴിച്ചി​രു​ന്നു. ചിലർ വിവാഹം കഴിക്കു​ക​യും മക്കളെ ജനിപ്പി​ക്കു​ക​യും ചെയ്‌തി​രു​ന്നു. (ഉൽപ്പ. 6:4; 19:1-3) പുനരു​ത്ഥാന ശേഷം യേശു എല്ലായ്‌പ്പോ​ഴും ഒരേ ജഡശരീ​ര​ത്തിൽ പ്രത്യ​ക്ഷ​പ്പെ​ട്ടില്ല, (ഒരുപക്ഷേ താൻ ഒരു ആത്മാവാ​ണെ​ന്നു​ളള ആശയം അവരുടെ മനസ്സു​ക​ളിൽ ഉറപ്പി​ക്കാൻ). അതു​കൊണ്ട്‌ അവനോട്‌ അടുത്തു സഹവസി​ച്ച​വർക്കു​പോ​ലും അവനെ പെട്ടെന്ന്‌ തിരി​ച്ച​റി​യാൻ കഴിഞ്ഞില്ല. (യോഹ. 20:14, 15; 21:4-7) എന്നിരു​ന്നാ​ലും, ജഡശരീ​ര​ങ്ങ​ളോ​ടെ ആവർത്തിച്ച്‌ അവരുടെ മുമ്പാകെ പ്രത്യ​ക്ഷ​പ്പെ​ട്ട​തി​നാ​ലും അവർക്ക്‌ പരിച​യ​മു​ളള യേശു​വി​ന്റെ​തായ രീതി​യിൽ സംസാ​രി​ക്കു​ക​യും പ്രവർത്തി​ക്കു​ക​യും ചെയ്‌ത​തി​നാ​ലും താൻ സത്യമാ​യും മരിച്ച​വ​രിൽ നിന്ന്‌ ഉയർപ്പി​ക്ക​പ്പെട്ടു എന്ന വസ്‌തു​ത​യി​ലു​ളള വിശ്വാ​സം അവൻ ശക്തി​പ്പെ​ടു​ത്തി.

യേശു​വിന്‌ ഇപ്പോൾ സ്വർഗ്ഗ​ത്തി​ലു​ളള ശരീര​ത്തോ​ടെ​യാണ്‌ ശിഷ്യൻമാർ അവനെ കണ്ടിരു​ന്ന​തെ​ങ്കിൽ പൗലോസ്‌ പിൽക്കാ​ലത്ത്‌ മഹത്വീ​ക​രി​ക്ക​പ്പെട്ട ക്രിസ്‌തു​വി​നെ “[ദൈവ]സത്തയുടെ കൃത്യ​മായ പ്രതി​നി​ധാ​നം” എന്ന്‌ പരാമർശി​ക്കു​ക​യി​ല്ലാ​യി​രു​ന്നു, എന്തു​കൊ​ണ്ടെ​ന്നാൽ ദൈവം ഒരു ആത്മാവാ​കു​ന്നു, ഒരിക്ക​ലും ജഡത്തി​ലാ​യി​രു​ന്നി​ട്ടു​മില്ല.—എബ്രാ. 1:3; 1 തിമൊ​ഥെ​യോസ്‌ 6:16 താരത​മ്യം ചെയ്യുക.

പുനരു​ത്ഥാ​ന​ശേ​ഷ​മു​ളള യേശു​വി​ന്റെ പ്രത്യ​ക്ഷ​ത​ക​ളെ​ക്കു​റി​ച്ചു​ളള വിവര​ണങ്ങൾ വായി​ക്കു​മ്പോൾ 334-ാം പേജിൽ ഉദ്ധരി​ച്ചി​രി​ക്കുന്ന 1 പത്രോസ്‌ 3:18, 1 കൊരി​ന്ത്യർ 15:45 എന്നീ വേദഭാ​ഗങ്ങൾ മനസ്സിൽ പിടി​ക്കു​ക​യാ​ണെ​ങ്കിൽ അവ ശരിയാ​യി മനസ്സി​ലാ​ക്കാൻ നാം സഹായി​ക്ക​പ്പെ​ടും.

“യേശു​ക്രി​സ്‌തു” എന്നതിൻ കീഴിൽ 217, 218 പേജു​കൾകൂ​ടെ കാണുക.

ക്രിസ്‌തു​വി​നോ​ടു​കൂ​ടെ സ്വർഗ്ഗീയ ജീവനിൽ പങ്കുപ​റ​റാൻ ആരാണ്‌ ഉയർപ്പി​ക്ക​പ്പെ​ടുക, അവർ അവിടെ എന്തു​ചെ​യ്യും?

ലൂക്കോ. 12:32: “ചെറിയ ആട്ടിൻകൂ​ട്ടമെ, ഭയപ്പെ​ടേണ്ട, എന്തു​കൊ​ണ്ടെ​ന്നാൽ നിങ്ങൾക്ക്‌ രാജ്യം തരുന്ന​തി​നെ നിങ്ങളു​ടെ പിതാവ്‌ അംഗീ​ക​രി​ച്ചി​രി​ക്കു​ന്നു.” (വിശ്വാ​സം പ്രകട​മാ​ക്കി​യി​ട്ടു​ളള എല്ലാവ​രും ഇതിൽ ഉൾപ്പെ​ടു​ന്നില്ല; ഈ സംഖ്യ പരിമി​ത​മാണ്‌. അവർ സ്വർഗ്ഗ​ത്തി​ലാ​യി​രി​ക്കു​ന്നത്‌ ഒരു പ്രത്യേക ഉദ്ദേശ്യ​ത്തി​ലാണ്‌.)

വെളി. 20:4, 6: “ഞാൻ സിംഹാ​സ​ന​ങ്ങളെ കണ്ടു, അവയിൽ ഉപവി​ഷ്‌ട​രാ​യ​വ​രു​മു​ണ്ടാ​യി​രു​ന്നു, അവർക്ക്‌ ന്യായ​വി​ധി​ക്കു​ളള അധികാ​രം നൽക​പ്പെട്ടു. . . . ഒന്നാമത്തെ പുനരു​ത്ഥാ​ന​ത്തിൽ പങ്കുളള ഏവനും സന്തുഷ്‌ട​നും വിശു​ദ്ധ​നു​മാ​കു​ന്നു; ഇവരു​ടെ​മേൽ രണ്ടാം മരണത്തിന്‌ അധികാ​ര​മില്ല, എന്നാൽ അവർ ദൈവ​ത്തി​ന്റെ​യും ക്രിസ്‌തു​വി​ന്റെ​യും പുരോ​ഹി​തൻമാ​രാ​യി​രി​ക്കും, അവർ അവനോ​ടു​കൂ​ടെ ഒരായി​രം വർഷം രാജാ​ക്കൻമാ​രാ​യി ഭരിക്കു​ക​യും ചെയ്യും.”

“സ്വർഗ്ഗം” എന്ന ശീർഷ​ക​ത്തിൻ കീഴിൽ 162-168 പേജുകൾ കൂടെ കാണുക.

സ്വർഗ്ഗീയ ജീവനി​ലേക്ക്‌ ഉയർത്ത​പ്പെ​ടു​ന്ന​വർക്ക്‌ അവിടെ ഒടുവിൽ മഹത്വീ​ക​രി​ക്ക​പ്പെട്ട ഭൗതിക ശരീര​മു​ണ്ടാ​യി​രി​ക്കു​മോ?

ഫിലി. 3:20, 21: “കർത്താ​വായ യേശു​ക്രി​സ്‌തു . . . തന്റെ ശക്തിയു​ടെ പ്രവർത്ത​ന​ത്തി​നൊ​ത്ത​വണ്ണം നമ്മുടെ താഴ്‌ച​യു​ളള ശരീരത്തെ തന്റെ മഹത്വ​മു​ളള ശരീര​ത്തോട്‌ അനുരൂ​പ​മാ​യി രൂപാ​ന്ത​ര​പ്പെ​ടു​ത്തും.” (സ്വർഗ്ഗ​ത്തിൽ പിന്നീട്‌ മഹത്വീ​ക​രി​ക്ക​പ്പെ​ടു​ന്നത്‌ അവരുടെ ജഡശരീ​ര​മാ​യി​രി​ക്കു​മെ​ന്നാ​ണോ ഇതിന്റെ അർത്ഥം? അതോ, ഒരു എളിയ ജഡശരീ​ര​മു​ണ്ടാ​യി​രി​ക്കു​ന്ന​തി​നു പകരം സ്വർഗ്ഗീയ ജീവനി​ലേക്ക്‌ ഉയർപ്പി​ക്ക​പ്പെട്ടു കഴിയു​മ്പോൾ അവർ മഹത്വീ​ക​രി​ക്ക​പ്പെട്ട ആത്മശരീ​രം ധരിപ്പി​ക്ക​പ്പെ​ടു​മെ​ന്നാ​ണോ? താഴെ​ക്കൊ​ടു​ത്തി​രി​ക്കുന്ന തിരു​വെ​ഴുത്ത്‌ അതിന്‌ ഉത്തരം തരട്ടെ.)

1 കൊരി. 15:40, 42-44, 47-50: “സ്വർഗ്ഗീയ ശരീര​ങ്ങ​ളും ഭൗമിക ശരീര​ങ്ങ​ളു​മുണ്ട്‌; എന്നാൽ സ്വർഗ്ഗീയ ശരീര​ങ്ങ​ളു​ടെ മഹത്വം ഒരു തരത്തി​ലു​ള​ള​തും ഭൗമിക ശരീര​ങ്ങ​ളു​ടെ മഹത്വം ഒരു വ്യത്യസ്‌ത തരത്തി​ലു​ള​ള​തു​മാ​കു​ന്നു. മരിച്ച​വ​രു​ടെ പുനരു​ത്ഥാ​ന​വും അങ്ങനെ​തന്നെ. . . . അത്‌ ഭൗതിക ശരീര​മാ​യി വിതക്ക​പ്പെ​ടു​ന്നു, അത്‌ ആത്മീയ ശരീര​മാ​യി ഉയർപ്പി​ക്ക​പ്പെ​ടു​ന്നു. . . . ഒന്നാമത്തെ മനുഷ്യൻ [ആദാം] ഭൂമി​യിൽ നിന്നു​ള​ള​വ​നാ​യി പൊടി​കൊണ്ട്‌ നിർമ്മി​ക്ക​പ്പെ​ട്ടവൻ; രണ്ടാം മനുഷ്യൻ [യേശു​ക്രി​സ്‌തു] സ്വർഗ്ഗ​ത്തിൽ നിന്നു​ള​ളവൻ. പൊടി​യിൽ നിന്നു നിർമ്മി​ക്ക​പ്പെ​ട്ട​വ​നെ​പ്പോ​ലെ പൊടി​യിൽ നിന്നു നിർമ്മി​ക്ക​പ്പെ​ട്ട​വ​രും സ്വർഗ്ഗീ​യ​നെ​പ്പോ​ലെ സ്വർഗ്ഗീ​യൻമാ​രും ആകുന്നു. നാം പൊടി​യിൽ നിന്നു നിർമ്മി​ക്ക​പ്പെ​ട്ട​വന്റെ പ്രതി​ച്ഛായ വഹിച്ച​തു​പോ​ലെ സ്വർഗ്ഗീ​യന്റെ പ്രതി​ച്ഛാ​യ​യും വഹിക്കും. എന്നിരു​ന്നാ​ലും സഹോ​ദ​രൻമാ​രെ, ഇതു ഞാൻ പറയുന്നു, മാംസ​ര​ക്ത​ങ്ങൾക്ക്‌ ദൈവ​ത്തി​ന്റെ രാജ്യം അവകാ​ശ​മാ​ക്കാൻ കഴിയു​ക​യില്ല.” (രണ്ടു തരം ശരീരങ്ങൾ കൂട്ടി​ക്ക​ലർത്തു​ന്ന​തി​നോ ജഡശരീ​രം സ്വർഗ്ഗ​ത്തി​ലേക്ക്‌ കൊണ്ടു​പോ​കു​ന്ന​തി​നോ ഇവിടെ അനുവ​ദി​ക്ക​പ്പെ​ട്ടി​ട്ടില്ല.)

മനുഷ്യ​വർഗ്ഗ​ത്തിന്‌ പൊതു​വിൽ പുനരു​ത്ഥാ​നം എന്തർത്ഥ​മാ​ക്കു​മെന്ന്‌ യേശു എങ്ങനെ​യാണ്‌ പ്രകട​മാ​ക്കി​യത്‌?

യോഹ. 11:11, 14-44: “[യേശു തന്റെ ശിഷ്യൻമാ​രോട്‌ പറഞ്ഞു:] ‘നമ്മുടെ സുഹൃ​ത്തായ ലാസർ വിശ്ര​മി​ക്കു​ക​യാണ്‌, എന്നാൽ അവനെ ഉറക്കത്തിൽ നിന്ന്‌ ഉണർത്താൻ ഞാൻ അങ്ങോട്ട്‌ പോവു​ക​യാണ്‌.’ . . . യേശു അവരോട്‌ തുറന്നു പറഞ്ഞു: ‘ലാസർ മരിച്ചു​പോ​യി.’ . . . യേശു എത്തിയ​പ്പോൾ അവൻ [ലാസർ] സ്‌മാരക കല്ലറയിൽ ആയിട്ട്‌ നാലു ദിവസ​മാ​യി എന്ന്‌ അവൻ മനസ്സി​ലാ​ക്കി. . . . യേശു അവളോട്‌ [ലാസറി​ന്റെ സഹോ​ദ​രി​യായ മാർത്ത​യോട്‌] പറഞ്ഞു: ‘ഞാൻ പുനരു​ത്ഥാ​ന​വും ജീവനു​മാ​കു​ന്നു.’ . . . അവൻ ഉറച്ച ശബ്ദത്തിൽ വിളിച്ചു പറഞ്ഞു: ‘ലാസറേ, പുറത്തു വരിക!’ നാലു ദിവസ​മാ​യി മരിച്ച​വ​നാ​യി​രുന്ന മനുഷ്യൻ കാലും കൈയും ശീലക​ളാൽ ചുററ​പ്പെട്ടു പുറത്തു​വന്നു, അവന്റെ മുഖം തുണി​കൊ​ണ്ടു ചുററി​ക്കെ​ട്ടി​യി​രു​ന്നു. യേശു അവരോട്‌ പറഞ്ഞു: ‘അവന്റെ കെട്ടഴി​ക്കുക, അവൻ പോകട്ടെ.’” (യേശു അപ്രകാ​രം മറെറാ​രു ജീവി​ത​ത്തി​ലെ സന്തോ​ഷ​ക​ര​മായ അവസ്ഥയിൽ നിന്നാണ്‌ ലാസറി​നെ തിരികെ വിളി​ച്ച​തെ​ങ്കിൽ അതു ദയാപൂർവ്വ​ക​മായ ഒരു പ്രവൃത്തി ആയിരി​ക്കു​മാ​യി​രു​ന്നില്ല. എന്നാൽ യേശു ജീവനി​ല്ലാത്ത അവസ്ഥയിൽ നിന്ന്‌ ലാസറി​നെ ഉയർപ്പി​ച്ചത്‌ അവനോ​ടും അവന്റെ സഹോ​ദ​രി​മാ​രോ​ടും കാണിച്ച ദയയാ​യി​രു​ന്നു. ലാസർ വീണ്ടും ജീവനു​ളള ഒരു മനുഷ്യ​നാ​യി​ത്തീർന്നു.)

മർക്കോ. 5:35-42: “സിന​ഗോ​ഗി​ലെ അദ്ധ്യക്ഷന്റെ വീട്ടിൽ നിന്ന്‌ ചിലർ വന്ന്‌ പറഞ്ഞു: ‘നിന്റെ മകൾ മരിച്ചു പോയി​രി​ക്കു​ന്നു! ഗുരു​വി​നെ ഇനി എന്തിന്‌ ശല്യ​പ്പെ​ടു​ത്തണം?’ എന്നാൽ ആ വാക്കുകൾ കേട്ടിട്ട്‌ യേശു സിന​ഗോ​ഗി​ന്റെ അദ്ധ്യക്ഷ​നോട്‌ പറഞ്ഞു: ‘ഭയപ്പെ​ടേണ്ട, വിശ്വാ​സ​മു​ണ്ടാ​യി​രി​ക്കുക മാത്രം ചെയ്യുക.’ . . . അവൻ കുട്ടി​യു​ടെ അപ്പനെ​യും അമ്മയെ​യും തന്നോ​ടു​കൂ​ടെ​യു​ള​ള​വ​രെ​യും കൂട്ടി​ക്കൊണ്ട്‌ കുട്ടി കിടക്കു​ന്നി​ടത്തു ചെന്നു. അവൻ ആ കൊച്ചു കുട്ടി​യു​ടെ കൈക്ക്‌ പിടിച്ച്‌ അവളോട്‌: ‘തലീത്താ കൂമി’ എന്ന്‌ പറഞ്ഞു. ഭാഷാ​ന്തരം ചെയ്യു​മ്പോൾ അതിന്റെ അർത്ഥം: ‘ബാലേ, എഴു​ന്നേൽക്കുക എന്ന്‌ ഞാൻ നിന്നോട്‌ പറയുന്നു!’ എന്നാണ്‌. ഉടനെ ആ ബാലിക എഴു​ന്നേ​ററ്‌ നടന്നു തുടങ്ങി, അവൾക്ക്‌ പന്ത്രണ്ടു വയസ്സു​ണ്ടാ​യി​രു​ന്നു. അതിങ്കൽ അവർക്കെ​ല്ലാം അതിരററ സന്തോ​ഷ​മു​ണ്ടാ​യി.” (ക്രിസ്‌തു​വി​ന്റെ ആയിര​വർഷ​വാ​ഴ്‌ച​ക്കാ​ലത്ത്‌ ഭൂമി​യിൽ പൊതു പുനരു​ത്ഥാ​നം നടക്കു​മ്പോൾ വീണ്ടും ഒന്നിച്ചു ചേരുന്ന ദശലക്ഷ​ക്ക​ണ​ക്കി​നു മാതാ​പി​താ​ക്ക​ളും അവരുടെ മക്കളും തീർച്ച​യാ​യും സന്തോ​ഷി​ക്കും.)

ഭൂമിയിലെ ജീവനി​ലേക്ക്‌ ഉയർപ്പി​ക്ക​പ്പെ​ടു​ന്ന​വർക്ക്‌ എന്ത്‌ ഭാവി​പ്ര​ത്യാ​ശ​യാ​ണു​ള​ളത്‌?

ലൂക്കോ. 23:43: “സത്യമാ​യും ഇന്നു ഞാൻ നിന്നോട്‌ പറയുന്നു. നീ എന്നോ​ടു​കൂ​ടെ പറുദീ​സ​യി​ലു​ണ്ടാ​യി​രി​ക്കും.” (ക്രിസ്‌തു രാജാ​വാ​യി​ട്ടു​ളള ഭരണത്തിൻ കീഴിൽ മുഴു ഭൂമി​യും ഒരു പറുദീ​സ​യാ​യി മാററ​പ്പെ​ടും.)

വെളി. 20:12, 13: “ചെറി​യ​വ​രും വലിയ​വ​രു​മായ മരിച്ചവർ സിംഹാ​സ​ന​ത്തി​നു മുമ്പിൽ നിൽക്കു​ന്നത്‌ ഞാൻ കണ്ടു, ചുരു​ളു​കൾ തുറക്ക​പ്പെട്ടു. എന്നാൽ മറെറാ​രു ചുരു​ളും തുറക്ക​പ്പെട്ടു; അത്‌ ജീവന്റെ ചുരു​ളാണ്‌. ചുരു​ളു​ക​ളിൽ എഴുത​പ്പെ​ട്ടി​രു​ന്ന​തി​ന്റെ അടിസ്ഥാ​ന​ത്തിൽ മരിച്ച​വർക്ക്‌ അവരുടെ പ്രവൃ​ത്തി​കൾക്കൊത്ത ന്യായ​വി​ധി​യു​ണ്ടാ​യി. . . . അവർ അവരുടെ പ്രവൃ​ത്തി​കൾക്ക​നു​സ​രിച്ച്‌ വ്യക്തി​പ​ര​മാ​യി ന്യായം വിധി​ക്ക​പ്പെട്ടു.” (ചുരു​ളു​കൾ തുറക്ക​പ്പെ​ടു​ന്നു എന്നുള​ളത്‌ പ്രത്യ​ക്ഷ​ത്തിൽ, യെശയ്യാവ്‌ 26:9-ന്‌ ചേർച്ച​യാ​യി, ദിവ്യേ​ഷ്ടം സംബന്ധി​ച്ചു​ളള ഒരു വിദ്യാ​ഭ്യാ​സ പരിപാ​ടി​യു​ടെ കാലഘ​ട്ട​ത്തി​ലേക്ക്‌ വിരൽ ചൂണ്ടുന്നു. “ജീവന്റെ ചുരുൾ” തുറക്ക​പ്പെ​ടു​ന്നു എന്ന വസ്‌തുത ആ വിദ്യാ​ഭ്യാ​സ പരിപാ​ടിക്ക്‌ ശ്രദ്ധ കൊടു​ക്കു​ന്ന​വർക്ക്‌ ആ ചുരു​ളിൽ തങ്ങളുടെ പേരുകൾ എഴുത​പ്പെ​ടാ​നു​ളള അവസരം ലഭിക്കു​ന്നു എന്ന്‌ സൂചി​പ്പി​ക്കു​ന്നു. മാനുഷ പൂർണ്ണ​ത​യിൽ നിത്യ​കാ​ലം ജീവി​ക്കു​ന്ന​തി​നു​ളള പ്രതീക്ഷ അവരുടെ മുമ്പി​ലു​ണ്ടാ​യി​രി​ക്കും.)

“രാജ്യം” എന്നതിൻകീ​ഴിൽ 227-232 പേജു​കൾകൂ​ടെ കാണുക.

വെറുതെ വിധി ഉച്ചരി​ക്ക​പ്പെ​ടാ​നും പിന്നീട്‌ രണ്ടാം മരണത്തി​ലേക്ക്‌ തളള​പ്പെ​ടാ​നും​വേണ്ടി ചിലർ ഉയർപ്പി​ക്ക​പ്പെ​ടു​മോ?

യോഹ​ന്നാൻ 5:28, 29-ന്റെ അർത്ഥ​മെ​ന്താണ്‌? അതി​പ്ര​കാ​രം പറയുന്നു: “സ്‌മാരക കല്ലറക​ളി​ലു​ള​ള​വ​രെ​ല്ലാം അവന്റെ സ്വരം കേൾക്കു​ക​യും നല്ല കാര്യങ്ങൾ ചെയ്‌തവർ ജീവന്റെ പുനരു​ത്ഥാ​ന​ത്തി​നാ​യി​ട്ടും ചീത്തക്കാ​ര്യ​ങ്ങൾ ചെയ്‌തു​കൊ​ണ്ടി​രു​ന്നവർ ന്യായ​വി​ധി​യു​ടെ പുനരു​ത്ഥാ​ന​ത്തി​നാ​യി​ട്ടും പുറത്തു​വ​രി​ക​യും ചെയ്യും.” യേശു ഇവിടെ പറഞ്ഞത്‌ അവൻ പിന്നീട്‌ യോഹ​ന്നാന്‌ നൽകിയ വെളി​പ്പാ​ടി​ന്റെ വെളി​ച്ച​ത്തിൽ മനസ്സി​ലാ​ക്ക​പ്പെ​ടണം. (വെളി​പ്പാട്‌ 20:12, 13, 337-ാം പേജിൽ ഉദ്ധരി​ച്ചി​രി​ക്കു​ന്നത്‌ കാണുക.) മുമ്പ്‌ നല്ല കാര്യങ്ങൾ ചെയ്‌ത​വ​രും മുമ്പ്‌ ചീത്തക്കാ​ര്യ​ങ്ങൾ ചെയ്‌തു​കൊ​ണ്ടി​രു​ന്ന​വ​രും “അവരുടെ പ്രവൃ​ത്തി​കൾക്ക​നു​സ​രിച്ച്‌ വ്യക്തി​പ​ര​മാ​യി ന്യായം വിധിക്ക”പ്പെടും. എന്ത്‌ പ്രവൃ​ത്തി​കൾ? ആളുകൾ അവരുടെ കഴിഞ്ഞ​കാല ജീവി​ത​ത്തി​ലെ പ്രവൃ​ത്തി​കൾക്ക​നു​സ​രിച്ച്‌ ന്യായം വിധി​ക്ക​പ്പെ​ടും എന്ന വീക്ഷണം നാം കൈ​ക്കൊ​ള​ളു​ക​യാ​ണെ​ങ്കിൽ അത്‌ റോമർ 6:7-നോട്‌ ചേർച്ച​യി​ലാ​യി​രി​ക്കു​ക​യില്ല. “മരിച്ചവൻ അവന്റെ പാപത്തിൽ നിന്ന്‌ മോചി​ക്ക​പ്പെ​ട്ടി​രി​ക്കു​ന്നു.” നശിപ്പി​ക്ക​പ്പെ​ടാൻ വേണ്ടി മാത്രം ആളുകളെ പുനരു​ത്ഥാ​ന​ത്തിൽ കൊണ്ടു​വ​രു​ന്ന​തും ന്യായ​യു​ക്ത​മാ​യി​രി​ക്കു​ക​യില്ല. അതു​കൊണ്ട്‌ യോഹ​ന്നാൻ 5:28, 29-എ യിൽ യേശു മുന്നോട്ട്‌ പുനരു​ത്ഥാ​ന​സ​മ​യ​ത്തേക്ക്‌ വിരൽ ചൂണ്ടു​ക​യാ​യി​രു​ന്നു; 29-ാം വാക്യ​ത്തി​ന്റെ ശേഷം ഭാഗത്ത്‌ മാനുഷ പൂർണ്ണ​ത​യി​ലേക്ക്‌ ഉയർത്ത​പ്പെട്ട ശേഷം ന്യായം വിധി​ക്ക​പ്പെ​ടു​മ്പോൾ ഉണ്ടാകാ​വുന്ന ഫലം അവൻ വെളി​പ്പെ​ടു​ത്തു​ക​യാ​യി​രു​ന്നു.

ഭൂമിയിൽ പുനരു​ത്ഥാ​ന​ത്തി​ലേക്ക്‌ വരുത്ത​പ്പെ​ടു​ന്ന​വരെ സംബന്ധിച്ച്‌ വെളി​പ്പാട്‌ 20:4-6 എന്തു സൂചി​പ്പി​ക്കു​ന്നു?

വെളി. 20:4-6: “ഞാൻ സിംഹാ​സ​നങ്ങൾ കണ്ടു, അവയിൽ ഉപവി​ഷ്‌ഠ​രാ​യവർ ഉണ്ടായി​രു​ന്നു, ന്യായ​വി​ധി​ക്കു​ളള അധികാ​രം അവർക്ക്‌ നൽക​പ്പെട്ടു, അതെ, യേശു​വിന്‌ സാക്ഷ്യം വഹിച്ച​തി​നാ​ലും ദൈവ​ത്തെ​പ്പ​ററി സംസാ​രി​ച്ച​തി​നാ​ലും കോടാ​ലി​കൊണ്ട്‌ വധിക്ക​പ്പെ​ട്ട​വ​രു​ടെ ദേഹി​കളെ ഞാൻ കണ്ടു . . . അവർ ജീവനി​ലേക്ക്‌ വരിക​യും ക്രിസ്‌തു​വി​നോ​ടു​കൂ​ടെ ആയിര​മാണ്ട്‌ ഭരിക്കു​ക​യും ചെയ്‌തു. (മരിച്ച​വ​രിൽ ശേഷി​ച്ചവർ ആയിര​മാണ്ട്‌ കഴിയു​വോ​ളം ജീവനി​ലേക്ക്‌ വന്നില്ല.) ഇതാണ്‌ ഒന്നാമത്തെ പുനരു​ത്ഥാ​നം. ഒന്നാമത്തെ പുനരു​ത്ഥാ​ന​ത്തിൽ പങ്കുളള ഏവനും സന്തുഷ്ട​നും വിശു​ദ്ധ​നു​മ​ത്രേ; ഇവരു​ടെ​മേൽ രണ്ടാം മരണത്തിന്‌ അധികാ​ര​മില്ല, മറിച്ച്‌ അവർ ദൈവ​ത്തി​ന്റെ​യും ക്രിസ്‌തു​വി​ന്റെ​യും പുരോ​ഹി​തൻമാ​രാ​യി അവനോ​ടു​കൂ​ടെ രാജാ​ക്കൻമാ​രാ​യി ആയിര​മാണ്ട്‌ ഭരിക്കും.”

NW-ലും Mo-ലും ബ്രായ്‌ക്ക​ററ്‌ ഉപയോ​ഗി​ച്ചി​രി​ക്കു​ന്നത്‌ ബ്രായ്‌ക്ക​റ​റി​നു​ള​ളി​ലെ പ്രസ്‌താ​വ​നക്ക്‌ പിന്നാലെ വരുന്നത്‌ അതിന്‌ മുമ്പേ​യു​ള​ള​തു​മാ​യി ബന്ധിപ്പി​ക്കു​ന്ന​തിന്‌ വായന​ക്കാ​രനെ സഹായി​ക്കു​ന്ന​തി​നാണ്‌. വ്യക്തമാ​യി പറയ​പ്പെ​ട്ടി​രി​ക്കു​ന്ന​പ്ര​കാ​രം “മരിച്ച​വ​രിൽ ശേഷി​ച്ച​വർക്കല്ല” ഒന്നാം പുനരു​ത്ഥാ​ന​ത്തിൽ പങ്കുള​ളത്‌. ആ പുനരു​ത്ഥാ​നം ക്രിസ്‌തു​വി​നോ​ടു​കൂ​ടെ ആയിരം വർഷം ഭരിക്കു​ന്ന​വർക്കു​ള​ള​താണ്‌. ക്രിസ്‌തു​വി​നോ​ടു​കൂ​ടെ സ്വർഗ്ഗ​ത്തിൽ ഭരിക്കു​ന്ന​വ​ര​ല്ലാ​തെ മനുഷ്യ​വർഗ്ഗ​ത്തി​ലാ​രും ആയിര​വർഷ​ക്കാ​ലത്ത്‌ ജീവ​നോ​ടി​രി​ക്കു​ക​യില്ല എന്നാണോ അതിന്റെ അർത്ഥം? അല്ല; എന്തു​കൊ​ണ്ടെ​ന്നാൽ, അങ്ങനെ​യാ​യി​രു​ന്നാൽ അവർ ആർക്കും​വേണ്ടി പുരോ​ഹി​തൻമാ​രാ​യി സേവി​ക്കേണ്ടി വരിക​യില്ല. മാത്ര​വു​മല്ല അവരുടെ ഭരണ​പ്ര​ദേശം ആൾപാർപ്പി​ല്ലാത്ത ഒരു ഗോള​മാ​യി​രി​ക്കും.

അപ്പോൾ പിന്നെ, “മരിച്ച​വ​രിൽ ശേഷി​ച്ചവർ” ആരാണ്‌? അത്‌ ആദാമിക പാപത്തി​ന്റെ ഫലമായി മരിച്ച​വ​രും മഹോ​പ​ദ്ര​വത്തെ അതിജീ​വി​ച്ച​വ​രാ​യാ​ലും ആയിര​വർഷ​വാ​ഴ്‌ച​ക്കാ​ലത്ത്‌ ജനിച്ച​വ​രാ​യാ​ലും ആ പാപത്തി​ന്റെ മരണക​ര​മായ ഫലങ്ങളിൽ നിന്നു മോചനം ലഭിക്കേണ്ട ആവശ്യ​മു​ള​ള​വ​രു​മായ മനുഷ്യ​വർഗ്ഗ​ത്തി​ലെ സകലരു​മാണ്‌.—എഫേസ്യർ 2:1 താരത​മ്യം ചെയ്യുക.

ആയിര​മാണ്ട്‌ കഴിയു​വോ​ളം അവർ “ജീവനി​ലേക്ക്‌ വരുന്നി​ല്ലാ​ത്തത്‌” ഏതർത്ഥ​ത്തി​ലാണ്‌? ഇത്‌ അവരുടെ പുനരു​ത്ഥാ​ന​ത്തെയല്ല അർത്ഥമാ​ക്കു​ന്നത്‌. ഈ ‘ജീവനി​ലേ​ക്കു​ളള വരവി’ൽ വെറുതെ മനുഷ്യ​രാ​യി ആസ്‌തി​ക്യ​ത്തി​ലാ​യി​രി​ക്കു​ന്ന​തി​നേ​ക്കാൾ വളരെ​യ​ധി​കം ഉൾപ്പെ​ട്ടി​രി​ക്കു​ന്നു. അതിന്റെ അർത്ഥം ആദാമിക പാപത്തി​ന്റെ എല്ലാ ഫലങ്ങളിൽ നിന്നും സ്വത​ന്ത്ര​രാ​യി മാനുഷ പൂർണ്ണ​ത​യിൽ എത്തി​ച്ചേ​രുക എന്നാണ്‌. സ്വർഗ്ഗ​ത്തി​ലാ​യി​രി​ക്കു​ന്നവർ “ജീവനി​ലേക്ക്‌ വന്നു” എന്ന്‌ മുമ്പത്തെ വാക്യ​ത്തിൽ പറഞ്ഞതിന്‌ തൊട്ടു​പി​ന്നാ​ലെ​യാണ്‌ അഞ്ചാം വാക്യ​ത്തി​ലെ ഈ പരാമർശ​ന​മെന്ന്‌ കുറി​ക്കൊ​ള​ളുക. അവരുടെ കാര്യ​ത്തിൽ അത്‌ പാപത്തി​ന്റെ എല്ലാ ഫലങ്ങളിൽ നിന്നും സ്വത​ന്ത്ര​മായ ജീവനെ അർത്ഥമാ​ക്കു​ന്നു; അവർക്ക്‌ അമർത്ത്യ​ത​യു​ടെ പ്രത്യേക അനു​ഗ്രഹം പോലും ലഭിക്കു​ന്നു. (1 കൊരി. 15:54) അതു​കൊണ്ട്‌ “മരിച്ച​വ​രിൽ ശേഷി​ച്ച​വർക്ക്‌” അത്‌ മാനുഷ പൂർണ്ണ​ത​യി​ലു​ളള തികഞ്ഞ ജീവനെ അർത്ഥമാ​ക്കണം.

ഭൂമിയിലേക്കുളള പുനരു​ത്ഥാ​ന​ത്തിൽ ആരെല്ലാം ഉൾപ്പെ​ടും?

യോഹ. 5:28, 29: “ഇതിങ്കൽ ആശ്ചര്യ​പ്പെ​ട​രുത്‌, എന്തു​കൊ​ണ്ടെ​ന്നാൽ സ്‌മാരക കല്ലറക​ളി​ലു​ളള എല്ലാവ​രും അവന്റെ സ്വരം [യേശു​വി​ന്റെ സ്വരം] കേട്ട്‌ പുറത്തു​വ​രാ​നു​ളള നാഴിക വരുന്നു.” (സ്‌മാരക കല്ലറകൾ എന്ന്‌ തർജ്ജമ ചെയ്‌തി​രി​ക്കുന്ന ഗ്രീക്ക്‌ വാക്ക്‌ ററാ​ഫോസ്‌ [ശവക്കുഴി, ഒരു വ്യക്തിയെ അടക്കം ചെയ്‌ത സ്ഥാനം] എന്നതിന്റെ ബഹുവചന രൂപമോ അല്ലെങ്കിൽ ഹേഡീസ്‌ [അടക്കം ചെയ്യപ്പെട്ട അവസ്ഥ, മരിച്ചു​പോയ മനുഷ്യ​വർഗ്ഗ​ത്തി​ന്റെ പൊതു ശവക്കുഴി] എന്നതോ അല്ല, മറിച്ച്‌ അത്‌ മ്‌നേ​മി​യോൺ [അനുസ്‌മ​രണം, സ്‌മാ​ര​ക​കല്ലറ] എന്നതിന്റെ ബഹുവചന ചതുർത്ഥീ വിഭക്തി രൂപമാണ്‌. മരിച്ചു​പോയ ആളിന്റെ ഓർമ്മ നിലനിർത്തു​ന്ന​തിന്‌ അത്‌ ഊന്നൽ നൽകുന്നു. ക്ഷമിക്ക​പ്പെ​ടാത്ത പാപം നിമിത്തം ഗിഹെ​ന്നാ​യിൽ ഓർമ്മ മായിച്ചു കളയ​പ്പെ​ട്ട​വരല്ല, മറിച്ച്‌ ദൈവ​ത്തി​ന്റെ ഓർമ്മ​യി​ലു​ള​ള​വ​രാണ്‌ എന്നേക്കും ജീവി​ക്കാ​നു​ളള അവസര​ത്തോ​ടു​കൂ​ടെ പുനരു​ത്ഥാ​ന​ത്തി​ലേക്ക്‌ വരുത്ത​പ്പെ​ടു​ന്നത്‌.—മത്താ. 10:28; മർക്കോ. 3:29; എബ്രാ. 10:26; മലാ. 3:16.)

പ്രവൃ. 24:15: “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും ഒരു പുനരു​ത്ഥാ​ന​മു​ണ്ടെന്ന്‌ . . . ഞാൻ ദൈവ​ത്തിൽ പ്രത്യാശ വച്ചിരി​ക്കു​ന്നു.” (ദൈവ​ത്തി​ന്റെ നീതി​യു​ളള വഴിക​ളോട്‌ ചേർച്ച​യിൽ ജീവി​ച്ചി​രു​ന്ന​വ​രും അജ്ഞത നിമിത്തം നീതി​കേട്‌ പ്രവർത്തി​ച്ച​വ​രും പുനരു​ത്ഥാ​ന​ത്തി​ലേക്ക്‌ വരുത്ത​പ്പെ​ടും. മരിച്ചു​പോയ ചില പ്രത്യേക വ്യക്തികൾ പുനരു​ത്ഥാ​ന​ത്തിൽ വരുമോ എന്നതു സംബന്ധിച്ച നമ്മുടെ എല്ലാ ചോദ്യ​ങ്ങൾക്കും ബൈബിൾ ഉത്തരം തരുന്നില്ല. എന്നാൽ എല്ലാ വസ്‌തു​ത​ക​ളും അറിയാ​വുന്ന ദൈവം തന്റെ നീതി​യു​ളള നിലവാ​ര​ങ്ങളെ അവഗണി​ച്ചു കളയാ​തെ​തന്നെ കരുണ​യോ​ടും നീതി​യോ​ടും​കൂ​ടെ നിഷ്‌പ​ക്ഷ​മാ​യി പ്രവർത്തി​ക്കു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും. ഉൽപത്തി 18:25 താരത​മ്യം ചെയ്യുക.)

വെളി. 20:13, 14: “സമുദ്രം അതിലു​ളള മരിച്ച​വരെ ഏൽപി​ച്ചു​കൊ​ടു​ത്തു, മരണവും ഹേഡീ​സും അവയി​ലു​ളള മരിച്ച​വരെ ഏൽപി​ച്ചു​കൊ​ടു​ത്തു, അവർ അവരുടെ പ്രവൃ​ത്തി​കൾക്ക​നു​സ​രിച്ച്‌ വ്യക്തി​പ​ര​മാ​യി ന്യായം വിധി​ക്ക​പ്പെട്ടു. മരണവും ഹേഡീ​സും തീത്തടാ​ക​ത്തി​ലേക്ക്‌ വലി​ച്ചെ​റി​യ​പ്പെട്ടു. ഇതിന്റെ അർത്ഥം രണ്ടാം മരണ​മെ​ന്നാ​കു​ന്നു, തീത്തടാ​കം തന്നെ.” (അതു​കൊണ്ട്‌ ആദാമിക പാപം നിമിത്തം മരിച്ചവർ, അവർ സമു​ദ്ര​ത്തി​ലൊ മനുഷ്യ​വർഗ്ഗ​ത്തി​ന്റെ പൊതു​ഭൗ​മിക ശവക്കു​ഴി​യായ ഹേഡീ​സി​ലൊ ആണ്‌ അടക്ക​പ്പെ​ട്ട​തെ​ങ്കി​ലും, ഉയർപ്പി​ക്ക​പ്പെ​ടും.)

“രക്ഷ” എന്നുളള മുഖ്യ​ശീർഷ​ക​വും കൂടെ കാണുക.

മരിച്ചു പോയ​വ​രിൽ ശതകോ​ടി​ക്ക​ണ​ക്കിന്‌ ആളുകൾ ഉയർപ്പി​ക്ക​പ്പെ​ട്ടാൽ അവരെ​ല്ലാ​വ​രും എവി​ടെ​യാണ്‌ ജീവി​ക്കുക?

ഭൂമി​യിൽ ഇന്നോളം ജീവി​ച്ചി​ട്ടു​ള​ളവർ കണക്കു​ക​ള​നു​സ​രിച്ച്‌ അങ്ങേയ​ററം പോയാൽ 2,000,00,00,000 പേരാണ്‌. നാം കണ്ടു കഴിഞ്ഞ​തു​പോ​ലെ അവരിൽ എല്ലാവ​രും ഉയർപ്പി​ക്ക​പ്പ​ടു​ക​യില്ല. എന്നാൽ അവരെ​ല്ലാ​വ​രും ഉയർപ്പി​ക്ക​പ്പെ​ടു​മെന്ന്‌ നാം അനുമാ​നി​ച്ചാൽ തന്നെ വേണ്ടത്ര സ്ഥലമു​ണ്ടാ​യി​രി​ക്കും. ഭൂമി​യി​ലെ കരപ്ര​ദേശം ഇന്ന്‌ ഏതാണ്ട്‌ 5,70,00,000 ചതുരശ്ര മൈലാണ്‌ (14,76,00,000 ചതുരശ്ര കിലോ​മീ​ററർ). അതിൽ പകുതി മററാ​വ​ശ്യ​ങ്ങൾക്കു​വേണ്ടി നീക്കി​വ​യ്‌ക്കു​ക​യാ​ണെ​ങ്കിൽകൂ​ടെ ഓരോ വ്യക്തി​ക്കും ഏകദേശം 1 ഏക്കർ (0.37 ഹെക്ടർ) സ്ഥലമു​ണ്ടാ​യി​രി​ക്കും, അത്‌ ആവശ്യ​ത്തി​ലേറെ ഭക്ഷണം പ്രദാനം ചെയ്യും. ഇന്നത്തെ ഭക്ഷ്യക്ഷാ​മ​ത്തി​ന്റെ മൂലകാ​രണം വേണ്ടത്ര ഭക്ഷണം ഉൽപാ​ദി​പ്പി​ക്കാ​നു​ളള ഭൂമി​യു​ടെ അപ്രാ​പ്‌തി​യല്ല മറിച്ച്‌ രാഷ്‌ട്രീയ വൈര​വും വ്യാപാ​ര​ലോ​ക​ത്തി​ന്റെ അത്യാ​ഗ്ര​ഹ​വു​മാണ്‌.

“ഭൂമി” എന്ന ശീർഷ​ക​ത്തിൻ കീഴിൽ പേ. 116 കാണുക.