ഹാനി​ക​ര​മായ കുശു​കു​ശു​പ്പി​നെ​തി​രെ സൂ​ക്ഷി​ക്കുക!

“വാക്കു​ക​ളു​ടെ പെരു​പ്പ​ത്തിൽ ലംഘന​മി​ല്ലാ​തി​രി​ക്കു​ന്നില്ല, എന്നാൽ തന്റെ അധരങ്ങളെ നിയ​ന്ത്രി​ക്കു​ന്നവൻ വിവേ​ക​പൂർവം പ്രവർത്തി​ക്കു​ക​യാണ്‌.”—സദൃശ​വാ​ക്യ​ങ്ങൾ 10:19.

1. ദ്രോ​ഹ​പൂർവ​ക​മായ കുശു​കു​ശുപ്പ്‌ അഥവാ ഏഷണി ഹാനി​ക​ര​മാ​യി​രി​ക്കു​ന്ന​തെ​ങ്ങനെ?

മാരക​മായ വിഷത്തെ ആരോ​ഗ്യ​പ്ര​ദ​മായ പാനീ​യ​മാ​ക്കി മാററാൻ യാതൊ​ന്നി​നും കഴിക​യില്ല. ദ്രോ​ഹ​ക​ര​മായ കുശു​കു​ശുപ്പ്‌ അഥവാ ഏഷണി ഉചിത​മാ​യി വിഷ​ത്തോട്‌ ഉപമി​ക്ക​പ്പെ​ട്ടി​ട്ടുണ്ട്‌. അതിന്‌ നേരുള്ള ഒരു മമനു​ഷ്യ​ന്റെ സൽപേര്‌ കവർന്നു​ക​ള​യാ​നും കഴിയും. റോമൻക​വി​യായ ജൂവനെൽ ഏഷണിയെ “സകല വിഷങ്ങ​ളി​ലും​വെച്ച്‌ ഹാനി​ക​ര​മായ അത്‌” എന്നു വിളി​ക്കു​ക​യു​ണ്ടാ​യി. ഇംഗ്ലീഷ്‌ നാടക​കൃ​ത്താ​യി​രുന്ന വില്യം ഷെയ്‌ക്‌സ്‌പി​യർ തന്റെ കഥാപാ​ത്ര​ങ്ങ​ളി​ലൊ​രാ​ളെ​ക്കൊണ്ട്‌ ഇങ്ങനെ പറയിച്ചു: “എന്നിൽനിന്ന്‌ എന്റെ സൽപേര്‌ ചൂണ്ടു​ന്നവൻ അവനെ ധനിക​നാ​ക്കാ​ത്ത​തും എന്നെ തീർച്ച​യാ​യും ദരി​ദ്ര​നാ​ക്കു​ന്ന​തു​മാ​യ​തി​നെ​യാണ്‌ കവർന്നെ​ടു​ക്കു​ന്നത്‌.”

2. ഏതു ചോദ്യ​ങ്ങൾ പരിചി​ന്ത​ന​മർഹി​ക്കു​ന്നു?

² എന്താണ്‌ കുശു​കു​ശുപ്പ്‌? അത്‌ ഏഷണി​യിൽനിന്ന്‌ എങ്ങനെ വ്യത്യ​സ്‌ത​മാ​യി​രി​ക്കാം? ഹാനി​ക​ര​മായ കുശു​കു​ശു​പ്പി​നെ​തി​രെ സൂക്ഷി​ക്കു​ന്ന​തെ​ന്തിന്‌? ഇത്‌ എങ്ങനെ ചെയ്യാൻ കഴിയും?

അവ വ്യത്യ​സ്‌ത​മാ​യി​രി​ക്കു​ന്നത്‌ എങ്ങനെ

3. കുശു​കു​ശു​പ്പും ഏഷണി​യും തമ്മിലുള്ള വ്യത്യാ​സ​മെന്ത്‌?

³ കുശു​കു​ശുപ്പ്‌ “മററു​ള്ള​വ​രെ​യും അവരുടെ കാര്യ​ങ്ങ​ളെ​യും​കു​റി​ച്ചുള്ള, എല്ലായ്‌പ്പോ​ഴും സത്യമ​ല്ലാത്ത വ്യർത്ഥ​സം​സാ​ര​മാണ്‌.” അത്‌ “നിസ്സാ​ര​വും പരിചി​ത​വു​മായ സംസാ​ര​മോ എഴുത്തോ ആണ്‌.” നമ്മളെ​ല്ലാം ആളുക​ളിൽ തത്‌പ​ര​രാ​യ​തു​കൊണ്ട്‌, നമ്മൾ ചില​പ്പോൾ മററു​ള്ള​വ​രെ​ക്കു​റിച്ച്‌ പരിപു​ഷ്‌ടി​പ്പെ​ടു​ത്തുന്ന നല്ല കാര്യങ്ങൾ പറയുന്നു. ഏഷണി വ്യത്യ​സ്‌ത​മാണ്‌. അത്‌ “മറെറാ​രാ​ളു​ടെ സൽപേ​രി​നെ​യും കീർത്തി​യെ​യും തകരാ​റി​ലാ​ക്കാൻ ഉദ്ദേശി​ച്ചുള്ള തെററായ റിപ്പോർട്ടാണ്‌.” അങ്ങനെ​യുള്ള സംസാരം പൊതു​വേ ദ്രോ​ഹ​ക​ര​വും ക്രിസ്‌തീ​യ​വി​രു​ദ്ധ​വു​മാണ്‌.

4. ഒരു എഴുത്തു​കാ​രൻ പറയു​ന്ന​ത​നു​സ​രിച്ച്‌, ഏഷണി എങ്ങനെ തുടങ്ങി​യേ​ക്കാം, അത്‌ എന്തിൽനിന്ന്‌ ഉത്ഭവി​ക്കു​ന്നു?

⁴ നിർദ്ദോ​ഷ​മായ കുശു​കു​ശുപ്പ്‌ ദ്രോ​ഹ​ക​ര​മായ ഏഷണി​യാ​യി മാറി​യേ​ക്കാം. എഴുത്തു​കാ​ര​നായ ആർതർ മീ ഇങ്ങനെ പറഞ്ഞു: “ഒട്ടുമി​ക്ക​പ്പോ​ഴും ഒരു മനുഷ്യന്‌ ഹാനി​ക​ര​മാ​യ​തും അയാൾക്ക്‌ നാശം വരുത്തി​യേ​ക്കാ​വു​ന്ന​തു​മായ ഏഷണി കുശു​കു​ശു​പ്പി​ലാണ്‌ തുടങ്ങു​ന്നത്‌, ആ കുശു​കു​ശു​പ്പു വരുന്നത്‌ ഒരുപക്ഷേ, അലസത​യെ​ക്കാൾ മോശ​മായ യാതൊ​ന്നിൽനി​ന്നു​മല്ല. അത്‌ ലോക​ത്തി​ലെ ഏററവും വലിയ തിൻമ​ക​ളി​ലൊ​ന്നാണ്‌, എന്നാൽ പൊതു​വെ അത്‌ അജ്ഞതയിൽനിന്ന്‌ ഉളവാ​കു​ന്നു. നാം അതു കാണു​ന്നത്‌ മുഖ്യ​മാ​യി വളരെ കുറച്ചു ചെയ്യാ​നു​ള്ള​വ​രു​ടെ ഇടയി​ലാണ്‌, പ്രത്യേക ജീവി​ത​ല​ക്ഷ്യ​മി​ല്ലാ​ത്ത​വ​രു​ടെ ഇടയിൽ.”

5. ഒന്നു തിമൊ​ഥെ​യോസ്‌ 5:11-15-ലെ പൗലോ​സി​ന്റെ ബുദ്ധി​യു​പ​ദേ​ശ​ത്തി​ന്റെ സാര​മെ​ന്താണ്‌?

⁵ വ്യർത്ഥ​സം​സാ​രം ഏഷണി​യി​ലേക്കു നയി​ച്ചേ​ക്കാ​മെ​ന്നു​ള്ള​തു​കൊണ്ട്‌ അപ്പോ​സ്‌ത​ല​നായ പൗലോസ്‌ ചില കുശു​കു​ശു​പ്പു​കാർക്കെ​തി​രെ തുറന്നു സംസാ​രി​ച്ചു. സഭയിൽനി​ന്നുള്ള സഹായ​ത്തിന്‌ യോഗ്യ​രായ വിധവ​ക​ളെ​ക്കു​റിച്ച്‌ പറഞ്ഞ​ശേഷം അവൻ ഇങ്ങനെ എഴുതി: “ഇളയ വിധവ​മാ​രെ ഒഴിവാ​ക്കുക, എന്തു​കൊ​ണ്ടെ​ന്നാൽ അവരുടെ ലൈം​ഗി​ക​പ്ര​ചോ​ദ​നങ്ങൾ അവർക്കും ക്രിസ്‌തു​വി​നു​മി​ട​യിൽ വന്നിരി​ക്കു​മ്പോൾ, . . . അതേസ​മയം അവർ വീടു​തോ​റും നടന്ന്‌ മിന​ക്കെ​ടാ​നും പഠിക്കു​ന്നു; അതെ, മിന​ക്കെ​ടു​ന്നു​വെന്നു മാത്രമല്ല, കുശു​കു​ശു​പ്പു​കാ​രും മററു​ള്ള​വ​രു​ടെ കാര്യ​ങ്ങ​ളിൽ തലയി​ടു​ന്ന​വ​രും പറയരു​താത്ത കാര്യങ്ങൾ പറയു​ന്ന​വ​രും​തന്നെ. അതു​കൊണ്ട്‌ ശകാരി​ക്കാൻ എതിരാ​ളിക്ക്‌ പ്രേരണ കൊടു​ക്കാ​തി​രി​ക്കു​ന്ന​തിന്‌ ഇളയ വിധവ​മാർ വിവാഹം ചെയ്യാൻ, മക്കളെ പ്രസവി​ക്കാൻ, ഒരു കുടും​ബത്തെ ഭരിക്കാൻ, ഞാൻ ആഗ്രഹി​ക്കു​ന്നു. യഥാർത്ഥ​ത്തിൽ ഇപ്പോൾത്തന്നെ ചിലർ സാത്താനെ പിന്തു​ട​രാൻ തിരി​ക്ക​പ്പെ​ട്ട​ല്ലോ.”—1 തിമൊ​ഥെ​യോസ്‌ 5:11-15.

6. ഏഷണി​യി​ലേക്കു നയി​ച്ചേ​ക്കാ​വുന്ന തരം കുശു​കു​ശു​പ്പി​ന്റെ വ്യക്തി​പ​ര​മായ ദൗർബ​ല്യ​ത്തെ തരണം​ചെ​യ്യാൻ എന്തു ചെയ്യണം?

⁶ പൗലോസ്‌ ദിവ്യ​നി​ശ്വ​സ്‌ത​ത​യിൽ എഴുതി​യ​തു​കൊണ്ട്‌, അവൻ ആ സ്‌ത്രീ​ക​ളെ​ക്കു​റിച്ച്‌ അന്യാ​യ​മായ പ്രസ്‌താ​വ​നകൾ ചെയ്യു​ക​യാ​യി​രു​ന്നില്ല. അവൻ പറഞ്ഞത്‌ വളരെ ഗൗരവ​മായ ചിന്തക്ക്‌ വക നൽകുന്നു. ദൈവി​ക​ഭ​ക്തി​യുള്ള യാതൊ​രു സ്‌ത്രീ​യും ‘തിരിഞ്ഞ്‌ സാത്താനെ പിന്തു​ട​രാൻ’ ആഗ്രഹി​ക്കു​ന്നില്ല. എന്നിരു​ന്നാ​ലും, തന്നെ ഏഷണി പറയു​ന്ന​തിൽ കുററ​ക്കാ​രി​യാ​ക്കുന്ന തരം സംസാ​ര​ത്തി​ന്റെ ദൗർബ​ല്യം തനിക്കു​ണ്ടെന്ന്‌ ഒരു ക്രിസ്‌തീ​യ​സ്‌ത്രീ കണ്ടെത്തു​ന്നു​വെ​ങ്കി​ലോ? അപ്പോൾ അവൾ വിനീ​ത​മാ​യി പൗലോ​സി​ന്റെ ബുദ്ധി​യു​പ​ദേശം അനുസ​രി​ക്കണം: “സ്‌ത്രീ​കൾ ഏഷണി​പ​റ​യു​ന്ന​വ​രാ​യി​രി​ക്കാ​തെ, ഗൗരവ​മു​ള്ള​വ​രാ​യി​രി​ക്കണം.” അവൻ ഇങ്ങനെ​യും പറഞ്ഞു: “വൃദ്ധസ്‌ത്രീ​കൾ പെരു​മാ​റ​റ​ത്തിൽ ആദരണീ​യ​രാ​യി ഏഷണി​ക്കാ​ര​ല്ലാ​ത്ത​വ​രാ​യി​രി​ക്കട്ടെ.” (1 തിമൊ​ഥെ​യോസ്‌ 3:11; തീത്തോസ്‌ 2:3) സഹോ​ദ​രൻമാ​രും ഗൗരവ​പൂർവം ആ ജ്ഞാനപൂർവ​ക​മായ ബുദ്ധി​യു​പ​ദേശം ബാധക​മാ​ക്കണം.

7. തിരു​വെ​ഴു​ത്തു​പ​ര​മാ​യി, നമ്മളെ​ല്ലാം നാം പറയു​ന്ന​തി​നെ നിയ​ന്ത്രി​ക്ക​ണ​മെന്ന്‌ നിങ്ങൾ പറയു​ന്ന​തെ​ന്തു​കൊണ്ട്‌?

⁷ തീർച്ച​യാ​യും, ചില​പ്പോൾ, നമ്മളെ​ല്ലാം മററു​ള്ള​വ​രെ​ക്കു​റി​ച്ചു സംസാ​രി​ക്കു​ന്നു, ശുശ്രൂ​ഷ​യി​ലെ അവരുടെ അനുഭ​വ​ങ്ങ​ളെ​ക്കു​റി​ച്ചും മററും. എന്നിരു​ന്നാ​ലും, നമുക്ക്‌ ഒരിക്ക​ലും ‘ഇരുന്ന്‌ നമ്മുടെ സഹോ​ദ​ര​നെ​തി​രെ സംസാരി’ക്കാതി​രി​ക്കാം. (സങ്കീർത്തനം 50:19, 20) തീർച്ച​യാ​യും, “വാക്കു​ക​ളു​ടെ പെരു​പ്പ​ത്തിൽ ലംഘന​മി​ല്ലാ​തി​രി​ക്കു​ന്നില്ല, എന്നാൽ തന്റെ അധരങ്ങളെ നിയ​ന്ത്രി​ക്കു​ന്നവൻ വിവേ​ക​പൂർവം പ്രവർത്തി​ക്കു​ന്നു”വെന്നു​ള്ള​തു​കൊണ്ട്‌ വളരെ​യ​ധി​കം സംസാ​രി​ക്കാ​തി​രി​ക്കു​ന്നത്‌ ജ്ഞാനമാണ്‌. (സദൃശ​വാ​ക്യ​ങ്ങൾ 10:19) അതു​കൊണ്ട്‌ നമ്മൾ കുശു​കു​ശു​പ്പി​നെ​തി​രെ സൂക്ഷി​ക്കണം, അത്‌ ഹാനി​ക​ര​മാ​ണെന്ന്‌ തോന്നു​ന്നി​ല്ലെ​ങ്കി​ലും. നമുക്ക്‌ എല്ലായ്‌പ്പോ​ഴും ആളുക​ളെ​ക്കു​റി​ച്ചു സംസാ​രി​ക്കേണ്ട ആവശ്യ​മില്ല, കാരണം നാം നീതി​നി​ഷ്‌ഠ​വും നിർമ്മ​ല​വും പ്രിയ​ങ്ക​ര​വും സൽഗു​ണ​പൂർണ്ണ​വും സ്‌തു​ത്യർഹ​വു​മായ കാര്യങ്ങൾ പരിചി​ന്തി​ക്കു​ന്നു​വെ​ങ്കിൽ പല നല്ല വിഷയങ്ങൾ തെര​ഞ്ഞെ​ടു​ക്കാ​നുണ്ട്‌.—ഫിലി​പ്പി​യർ 4:8.

കുശു​കു​ശുപ്പ്‌ ഏഷണി​യാ​കുന്ന വിധം

8. സഹക്രി​സ്‌ത്യാ​നി​കളെ സംബന്ധിച്ച്‌ സംസാ​രി​ക്കു​ന്നത്‌ എല്ലായ്‌പ്പോ​ഴും തെററ​ല്ലാ​ത്ത​തെ​ന്തു​കൊണ്ട്‌?

⁸ നാം പറയു​ന്നതു ശരിയും അതിൽനിന്ന്‌ ദൂഷ്യ​ഫ​ലങ്ങൾ ഉളവാ​കാ​ത്ത​തു​മാ​ണെ​ങ്കിൽ സഹവി​ശ്വാ​സി​ക​ളു​ടെ വയൽശു​ശ്രൂ​ഷ​യെ​ക്കു​റി​ച്ചും മററ്‌ ദൈവി​ക​പ്ര​വർത്ത​ന​ങ്ങ​ളെ​ക്കു​റി​ച്ചും സംസാ​രി​ക്കു​ന്ന​തിൽ കുഴപ്പ​മില്ല. യഥാർത്ഥ​ത്തിൽ, ഇത്തരം ക്രിയാ​ത്മ​ക​പ്ര​സ്‌താ​വ​നകൾ മററു​ള്ള​വരെ പ്രോൽസാ​ഹി​പ്പി​ച്ചേ​ക്കാം. (പ്രവൃ​ത്തി​കൾ 15:30-33 താരത​മ്യ​പ്പെ​ടു​ത്തുക.) ചില ക്രിസ്‌ത്യാ​നി​കൾ വിശ്വസ്‌ത മൂപ്പനാ​യി​രുന്ന ഗായോ​സി​നെ​ക്കു​റിച്ച്‌ സംസാ​രി​ച്ചു, അപ്പോ​സ്‌ത​ല​നായ യോഹ​ന്നാൻ അയാൾക്ക്‌ ഇങ്ങനെ എഴുതി: “പ്രിയനേ, നീ സഹോ​ദ​രൻമാർക്കു​വേ​ണ്ടി​യും കൂടാതെ അപരി​ചി​തർക്കു​വേ​ണ്ടി​യും ചെയ്യുന്ന എന്തിലും ഒരു വിശ്വ​സ്‌ത​വേ​ല​യാണ്‌ നീ ചെയ്യു​ന്നത്‌, അവർ സഭയുടെ മുമ്പാകെ നിന്റെ സ്‌നേ​ഹ​ത്തിന്‌ സാക്ഷ്യം വഹിച്ചി​രി​ക്കു​ന്നു.” (3 യോഹ​ന്നാൻ 5, 6) അതു​കൊണ്ട്‌ സഹക്രി​സ്‌ത്യാ​നി​ക​ളെ​ക്കു​റി​ച്ചു സംസാ​രി​ക്കു​ന്നത്‌ എല്ലായ്‌പ്പോ​ഴും തെററല്ല.

9. (എ) നിസ്സാ​ര​സം​സാ​രം നിഷ്‌ക്ക​ള​ങ്കരെ സംബന്ധിച്ച ഏഷണി​യി​ലേക്കു മാറി​യേ​ക്കാ​വു​ന്ന​തെ​ങ്ങനെ? (ബി) നമുക്ക്‌ ഏതു ചോദ്യ​ങ്ങൾ നമ്മോ​ടു​തന്നെ ഉചിത​മാ​യി ചോദി​ക്കാ​വു​ന്ന​താണ്‌?

⁹ എന്നിരു​ന്നാ​ലും, നാം നേരു​ള്ള​വ​രു​ടെ സ്വകാ​ര്യ​ങ്ങ​ളി​ലേക്ക്‌ ചുഴി​ഞ്ഞു​നോ​ക്കു​ക​യും അവരുടെ ആന്തരങ്ങളെ ചോദ്യം​ചെ​യ്യു​ക​യും അല്ലെങ്കിൽ അവരുടെ നടത്ത​യെ​ക്കു​റിച്ച്‌ സംശയ​ങ്ങ​ളു​ദി​പ്പി​ക്കു​ക​യും ചെയ്യു​ന്നു​വെ​ങ്കിൽ നിസ്സാ​ര​സം​സാ​ര​ത്തിന്‌ അവരെ സംബന്ധി​ച്ചുള്ള ഏഷണി​യാ​യി മാറാൻ കഴിയും. നാം എന്റെ സംസാരം മറെറാ​രാ​ളു​ടെ കീർത്തിക്ക്‌ ഹാനി​വ​രു​ത്തു​മോ, ഞാൻ പറയു​ന്നത്‌ സത്യമാ​ണോ എന്നിങ്ങ​നെ​യുള്ള ചോദ്യ​ങ്ങൾ നമ്മോ​ടു​തന്നെ ചോദി​ക്കുന്ന ശീലം നമുക്കു വളർത്താ​വു​ന്ന​താണ്‌. (വെളി​പ്പാട്‌ 21:8) ഞാൻ അയാളു​ടെ സാന്നി​ദ്ധ്യ​ത്തിൽ ഇതേ കാര്യങ്ങൾ പറയു​മോ? അത്‌ സഭയിൽ അനൈ​ക്യം വിതക്കു​മോ? എന്റെ പ്രസ്‌താ​വ​നകൾ അയാളു​ടെ സേവന​പ​ദവി നഷ്‌ട​പ്പെ​ടാ​നി​ട​യാ​ക്കു​മോ? എന്റെ ഹൃദയ​ത്തിൽ അസൂയ ഉണ്ടായി​രു​ന്നേ​ക്കു​മോ? (ഗലാത്യർ 5:25, 26; തീത്തോസ്‌ 3:3) എന്റെ പ്രസ്‌താ​വ​ന​ക​ളു​ടെ ഫലം നല്ലതാ​യി​രി​ക്കു​മോ അതോ തിൻമ​യാ​യി​രി​ക്കു​മോ? (മത്തായി 7:17-20) ഞാൻ അപ്പോ​സ്‌ത​ലൻമാ​രെ​ക്കു​റിച്ച്‌ സമാന​കാ​ര്യ​ങ്ങൾ പറയു​മാ​യി​രു​ന്നോ? (2 കൊരി​ന്ത്യർ 10:10-12; 3 യോഹ​ന്നാൻ 9, 10) അങ്ങനെ​യുള്ള സംസാരം യഹോ​വ​യോട്‌ ആദരവു​ള്ള​വർക്ക്‌ യോജി​ച്ച​താ​ണോ?

10, 11. സങ്കീർത്തനം 15:1, 3 അനുസ​രിച്ച്‌ നാം ദൈവ​ത്തി​ന്റെ അതിഥി​ക​ളാ​യി​രി​ക്കാൻ ആഗ്രഹി​ക്കു​ന്നു​വെ​ങ്കിൽ നാം എന്തു ചെയ്യു​ക​യില്ല?

¹⁰ ദൈവത്തെ ആദരി​ക്കു​ന്ന​വരെ പരാമർശി​ച്ചു​കൊണ്ട്‌ സങ്കീർത്തനം 15:1 പറയുന്നു: “യഹോവേ, നിന്റെ കൂടാ​ര​ത്തിൽ ആർ ഒരു അതിഥി​യാ​യി​രി​ക്കും? നിന്റെ വിശുദ്ധ പർവത​ത്തിൽ ആർ വസിക്കും?” അങ്ങനെ​യുള്ള ഒരാ​ളെ​ക്കു​റിച്ച്‌ സങ്കീർത്ത​ന​ക്കാ​ര​നായ ദാവീദ്‌ ഉത്തരം​പ​റ​യു​ന്നു: “അവൻ തന്റെ നാവു​കൊണ്ട്‌ ഏഷണി പറഞ്ഞി​ട്ടില്ല. അവൻ തന്റെ കൂട്ടു​കാ​രന്‌ യാതൊ​രു ദോഷ​വും ചെയ്‌തി​ട്ടില്ല, അവൻ തന്റെ ഉററ പരിച​യ​ക്കാ​ര​നെ​തി​രെ ദൂഷണം സ്വീക​രി​ച്ചി​ട്ടില്ല.” (സങ്കീർത്തനം 15:3) ഇവിടെ “ഏഷണി പറയുക” എന്ന പദം “പാദം വെക്കുക,” അങ്ങനെ “അങ്ങുമി​ങ്ങും പോകുക” എന്ന അർത്ഥമുള്ള ഒരു എബ്രാ​യ​പ​ദ​ത്തിൽനി​ന്നു വരുന്ന​താണ്‌. “നിന്റെ ജനത്തിന്റെ ഇടയിൽ ഏഷണി പരത്തി​ക്കൊണ്ട്‌ അങ്ങുമി​ങ്ങും പോക​രുത്‌” എന്ന്‌ ഇസ്രാ​യേ​ല്യ​രോ​ടു കൽപ്പി​ക്ക​പ്പെ​ട്ടി​രു​ന്നു. (ലേവ്യ​പു​സ്‌തകം 19:16, ന്യൂ ഇൻറർനാ​ഷനൽ വേർഷൻ.) ‘ഏഷണി പരത്തി​ക്കൊണ്ട്‌ അങ്ങുമി​ങ്ങും പോകു​ന്നവൻ’ ദൈവ​ത്തി​ന്റെ അതിഥി​യും സുഹൃ​ത്തു​മല്ല.

¹¹ ദൈവ​ത്തി​ന്റെ സുഹൃ​ത്തു​ക്കൾ തങ്ങളുടെ കൂട്ടു​കാർക്ക്‌ യാതൊ​രു ദോഷ​വും ചെയ്യു​ന്നില്ല. നേരുള്ള പരിച​യ​ക്കാർക്കെ​തി​രാ​യുള്ള ദൂഷണ​പ​ര​മായ കഥകളെ സത്യമാ​യി സ്വീക​രി​ക്കു​ന്നു​മില്ല. സഹവി​ശ്വാ​സി​ക​ളെ​ക്കു​റിച്ച്‌ കള്ളക്കഥകൾ പരത്തു​ക​യും അവർ ഇപ്പോൾത്തന്നെ സഹിക്കുന്ന ഭക്തി​കെ​ട്ട​വ​രു​ടെ കുത്സി​ത​മായ നിന്ദക​ളോ​ടു കൂട്ടു​ക​യും ചെയ്യു​ന്ന​തി​നു പകരം നാം അവരെ​ക്കു​റിച്ച്‌ നല്ലത്‌ സംസാ​രി​ക്കണം. നമ്മുടെ വിശ്വസ്‌തസഹോദരീസഹോദരൻമാരെക്കുറിച്ച്‌ നിന്ദാ​പ​ര​മായ കാര്യങ്ങൾ പറഞ്ഞു​കൊണ്ട്‌ അവരുടെ ഭാരങ്ങൾ വർദ്ധി​പ്പി​ക്കാൻ നാം ഒരിക്ക​ലും ആഗ്രഹി​ക്കു​ക​യില്ല.

പ്രയാ​സങ്ങൾ പൊന്തി​വ​രു​മ്പോൾ

12. നമ്മളു​മാ​യി വിയോ​ജി​പ്പുള്ള ഒരാ​ളെ​ക്കു​റിച്ച്‌ കുശു​കു​ശു​ക്കാൻ നാം പ്രലോ​ഭി​പ്പി​ക്ക​പ്പെ​ടു​ന്നു​വെ​ങ്കിൽ പ്രവൃ​ത്തി​കൾ 15:36-41 നമ്മെ സഹായി​ച്ചേ​ക്കാ​വു​ന്ന​തെ​ങ്ങനെ?

¹² അപൂർണ്ണ​രാ​ക​യാൽ നമ്മോടു ഗുരു​ത​ര​മാ​യി വിയോ​ജി​പ്പു​ണ്ടായ ഒരാൾക്കെ​തി​രെ സംസാ​രി​ക്കാൻ നാം പരീക്ഷി​ക്ക​പ്പെ​ട്ടേ​ക്കാം. എന്നാൽ അപ്പോ​സ്‌ത​ല​നായ പൗലോസ്‌ തന്റെ രണ്ടാമത്തെ മിഷന​റി​പ​ര്യ​ട​ന​ത്തിന്‌ പുറ​പ്പെ​ടാ​നി​രു​ന്ന​പ്പോൾ സംഭവി​ച്ച​തി​നെ​ക്കു​റിച്ച്‌ പരിചി​ന്തി​ക്കുക. മർക്കോസ്‌ അവരോ​ടു​കൂ​ടെ പോര​ണ​മെന്ന്‌ ബർന്നബാസ്‌ തീരു​മാ​നി​ച്ചി​രു​ന്നെ​ങ്കി​ലും പൗലോസ്‌ സമ്മതി​ച്ചില്ല, “[മർക്കോസ്‌] പംഫി​ല്യ​യിൽനിന്ന്‌ അവരെ വിട്ടു​പോ​യ​താ​യും അവരോ​ടു​കൂ​ടെ വേലക്ക്‌ പോയി​ല്ലെ​ന്നും കാണു​ക​യാൽത്തന്നെ.” അതിങ്കൽ, “ഒരു ഉഗ്രമായ കോപാ​വേശം ഉണ്ടായി, അവർ വേർപി​രി​ഞ്ഞു. ബർന്നബാസ്‌ മർക്കോ​സി​നെ കൂട്ടി കു​പ്രോ​സി​ലേക്കു പോയി, അതേ സമയം പൗലോസ്‌ ശീലാ​സി​നെ കൂട്ടി സിറി​യ​യി​ലൂ​ടെ​യും കിലി​ക്യ​യി​ലൂ​ടെ​യും പോയി. (പ്രവൃ​ത്തി​കൾ 15:36-41) പിന്നീട്‌, പൗലോ​സി​നും ബർന്നബാ​സി​നും മർക്കോ​സി​നും ഇടയിലെ ഭിന്നത ശമിച്ചു​വെന്ന്‌ സ്‌പഷ്ട​മാണ്‌, എന്തു​കൊ​ണ്ടെ​ന്നാൽ മർക്കോസ്‌ അപ്പോ​സ്‌ത​ല​നോ​ടു​കൂ​ടെ റോമിൽ ഉണ്ടായി​രു​ന്നു, അവനെ​ക്കു​റി​ച്ചു പൗലോസ്‌ പ്രശം​സി​ച്ചു​പ​റ​യു​ക​യും ചെയ്‌തു. (കൊ​ലോ​സ്യർ 4:10) ഒരു വിയോ​ജിപ്പ്‌ ഉണ്ടായി​രു​ന്നെ​ങ്കി​ലും ആ ക്രിസ്‌ത്യാ​നി​കൾ സഹവി​ശ്വാ​സി​ക​ളു​ടെ ഇടയിൽ അന്യോ​ന്യം കുശു​കു​ശു​ത്തു​കൊ​ണ്ടു നടന്നു​വെ​ന്ന​തിന്‌ തെളി​വില്ല.

13. പത്രോസ്‌ ഉൾപ്പെ​ട്ടി​രുന്ന ഏതു സാഹച​ര്യ​ങ്ങ​ളിൽ, ഒരു സഹക്രി​സ്‌ത്യാ​നി​യെ​ക്കു​റിച്ച്‌ കുശു​കു​ശു​ക്കാൻ സാധ്യ​ത​യു​ണ്ടാ​യി​രുന്ന പ്രലോ​ഭ​നത്തെ പൗലോസ്‌ ചെറു​ത്തു​നി​ന്നു?

¹³ പൗലോസ്‌ കേഫാ​വി​നെ (പത്രോസ്‌) ശാസി​ച്ച​പ്പോ​ഴും ഹാനി​ക​ര​മായ കുശു​കു​ശു​പ്പി​നെ ആശ്രയി​ക്കാ​നുള്ള ഒരു സാദ്ധ്യ​തയെ അവൻ ചെറു​ത്തു​നി​ന്നു. യെരു​ശ​ലേ​മിൽനിന്ന്‌ ചില യഹൂദ്യ​ക്രി​സ്‌ത്യാ​നി​കൾ വന്നിരു​ന്ന​തു​കൊണ്ട്‌ പത്രോസ്‌ വിജാ​തീ​യ​വി​ശ്വാ​സി​ക​ളു​ടെ കൂടെ ഭക്ഷണം കഴിക്കു​ന്ന​തി​നും അവരോ​ടു​കൂ​ടെ സഹവസി​ക്കു​ന്ന​തി​നും ലജ്ജിച്ചി​രു​ന്നു. പത്രോ​സി​നെ​ക്കു​റിച്ച്‌ രഹസ്യ​മാ​യി സംസാ​രി​ക്കു​ന്ന​തി​നു പകരം, പൗലോസ്‌ “അവനെ മുഖാ​മു​ഖം ചെറു​ത്തു​നിൽക്കു​ക​യും” “അവരു​ടെ​യെ​ല്ലാം മുമ്പാകെ” തുറന്നു​സം​സാ​രി​ക്കു​ക​യും ചെയ്‌തു. (ഗലാത്യർ 2:11-14) പത്രോ​സും തന്റെ ശാസക​നെ​ക്കു​റിച്ച്‌ കുശു​കു​ശു​ത്തില്ല. യഥാർത്ഥ​ത്തിൽ, അവൻ പിന്നീട്‌ അവനെ “നമ്മുടെ പ്രിയ​സ​ഹോ​ദ​ര​നായ പൗലോസ്‌” എന്ന്‌ പരാമർശി​ച്ചു. (2 പത്രോസ്‌ 3:15) അതു​കൊണ്ട്‌ ഒരു സഹവി​ശ്വാ​സി​യെ തിരു​ത്തേണ്ട ആവശ്യ​മു​ണ്ടെ​ങ്കി​ലും, അയാ​ളെ​ക്കു​റിച്ച്‌ കുശു​കു​ശു​ക്കാൻ ഇത്‌ ഒഴിക​ഴി​വു നൽകു​ന്നില്ല. അങ്ങനെ​യുള്ള സംസാ​ര​ത്തി​നെ​തി​രെ സൂക്ഷി​ക്കാ​നും ഹാനി​ക​ര​മായ കുശു​കു​ശു​പ്പു പരത്താ​നുള്ള പ്രലോ​ഭ​നത്തെ ചെറു​ക്കാ​നും വളരെ നല്ല കാരണ​ങ്ങ​ളുണ്ട്‌.

സൂക്തി​ക്കു​ന്ന​തെ​ന്തിന്‌?

14. ഹാനി​ക​ര​മായ കുശു​കു​ശുപ്പ്‌ ശ്രദ്ധി​ക്കു​ക​യൊ പരത്തു​ക​യോ ചെയ്യാ​തി​രി​ക്കേ​ണ്ട​തി​ന്റെ മുഖ്യ​കാ​ര​ണ​മെ​ന്താണ്‌?

¹⁴ ഹാനി​ക​ര​മായ കുശു​കു​ശുപ്പ്‌ ശ്രദ്ധി​ക്കാ​തി​രി​ക്കു​ന്ന​തി​നും അല്ലെങ്കിൽ അതിൽ പങ്കെടു​ക്കാ​തി​രി​ക്കു​ന്ന​തി​നു​മുള്ള ഒരു മുഖ്യ​കാ​രണം നാം ഏഷണിയെ കുററം​വി​ധി​ക്കുന്ന യഹോ​വയെ പ്രസാ​ദി​പ്പി​ക്കാ​നാ​ഗ്ര​ഹി​ക്കു​ന്നു​വെ​ന്ന​താണ്‌. നാം കണ്ടുക​ഴി​ഞ്ഞ​തു​പോ​ലെ, “ഏഷണി​പ​റ​യാൻവേണ്ടി നീ നിന്റെ ജനത്തിന്റെ ഇടയിൽ ചുററി നടക്കരുത്‌. നീ നിന്റെ കൂട്ടു​കാ​രന്റെ രക്തത്തി​നെ​തി​രെ എഴു​ന്നേൽക്ക​രുത്‌. ഞാൻ യഹോ​വ​യാ​കു​ന്നു”വെന്ന്‌ ഇസ്രാ​യേ​ല്യ​രോ​ടു കല്‌പി​ക്ക​പ്പെ​ട്ട​പ്പോൾ അങ്ങനെ​യുള്ള സംസാ​രത്തെ ദൈവം വീക്ഷി​ക്കു​ന്ന​തെ​ങ്ങ​നെ​യെന്ന്‌ വ്യക്തമാ​ക്ക​പ്പെട്ടു. (ലേവ്യ​പു​സ്‌തകം 19:16) നാം ദിവ്യ​പ്രീ​തി ആസ്വദി​ക്ക​ണ​മെ​ങ്കിൽ, അപ്പോൾ, നാം നമ്മുടെ സംഭാ​ഷ​ണ​ങ്ങ​ളിൽ നാം പരാമർശി​ച്ചേ​ക്കാ​വുന്ന ആരെക്കു​റി​ച്ചും ഏഷണി പറയരുത്‌.

15. പ്രമുഖ ഏഷണി​ക്കാ​രൻ ആരാണ്‌, ഹാനി​ക​ര​മായ കുശു​കു​ശു​പ്പിൽ ഏർപ്പെ​ടു​ന്ന​തിന്‌ ദൈവ​വു​മാ​യുള്ള നമ്മുടെ ബന്ധത്തിൻമേൽ എന്ത്‌ ഫലമു​ണ്ടാ​യി​രി​ക്കാൻ കഴിയും?

¹⁵ ഹാനി​ക​ര​മായ കുശു​കു​ശു​പ്പിൽ ഏർപ്പെ​ടാ​തി​രി​ക്കു​ന്ന​തി​നുള്ള മറെറാ​രു കാരണം അങ്ങനെ​യുള്ള പ്രവർത്തനം യഹോ​വ​യെ​ക്കു​റിച്ച്‌ മുൻപ​ന്തി​യിൽ നിന്ന്‌ ഏഷണി​പ​റ​യുന്ന സാത്താനെ അനുക​രി​ക്കു​ന്ന​തി​ലേക്ക്‌ നയി​ച്ചേ​ക്കാ​മെ​ന്ന​താണ്‌. ദൈവ​ത്തി​ന്റെ ഈ മുഖ്യ​ശ​ത്രു​വിന്‌ ഉചിത​മാ​യി “പിശാച്‌” (ഗ്രീക്ക്‌, ഡയബോ​ളോസ്‌) എന്ന പേർ കൊടു​ക്ക​പ്പെട്ടു, അതിന്റെ അർത്ഥം “ദൂഷകൻ” എന്നാണ്‌. ഹവ്വാ ദൈവ​ത്തി​നെ​തി​രായ ദൂഷണത്തെ ശ്രദ്ധി​ക്കു​ക​യും അതനു​സ​രി​ച്ചു പ്രവർത്തി​ക്കു​ക​യും ചെയ്‌ത​പ്പോൾ ആദ്യത്തെ മനുഷ്യ​ജോ​ടി അവരുടെ അത്യുത്തമ സുഹൃ​ത്തിൽനിന്ന്‌ വേർപെ​ടു​ത്ത​പ്പെട്ടു. (ഉല്‌പത്തി 3:1-24) നമുക്ക്‌ ഒരിക്ക​ലും സാത്താന്റെ ലക്ഷ്യങ്ങൾക്ക്‌ കീഴ്‌പ്പെ​ടു​ക​യും ദിവ്യ അപ്രീതി അർഹി​ക്കു​ന്ന​തും തന്നിമി​ത്തം നമ്മുടെ ഉത്തമസു​ഹൃ​ത്തായ യഹോ​വ​യാം ദൈവ​ത്തിൽനിന്ന്‌ നമ്മെ വേർപെ​ടു​ത്താൻ കഴിയു​ന്ന​തു​മായ ഹാനി​ക​ര​മായ സംസാ​ര​ത്തിൽ ഉൾപ്പെ​ടു​ക​യും ചെയ്യാ​തി​രി​ക്കാം.

16. ഒരു ഏഷണി​ക്കാ​രൻ ‘അന്യോ​ന്യം പരിച​യ​മു​ള്ള​വരെ തമ്മിൽ വേർപെ​ടു​ത്തു​ന്ന​തെ​ങ്ങനെ’?

¹⁶ നാം ദ്രോ​ഹ​ബു​ദ്ധി​ക​ളായ കുശു​കു​ശു​പ്പു​കാ​രെ ശ്രദ്ധി​ക്ക​രുത്‌, കാരണം അവർ സുഹൃ​ത്തു​ക്കളെ വേർപെ​ടു​ത്തു​ന്നു. മിക്ക​പ്പോ​ഴും ദൂഷകർ അതിശ​യോ​ക്തി പറയു​ക​യും തെററി​ദ്ധ​രി​പ്പി​ക്കു​ക​യും നുണപ​റ​യു​ക​യും മുഖസ്‌തു​തി​പ​ര​മായ വാക്കുകൾ കൂനകൂ​ട്ടു​ക​യും ചെയ്യുന്നു. ഒരു വ്യക്തി​യോട്‌ അഭിമു​ഖ​മാ​യി സംസാ​രി​ക്കു​ന്ന​തി​നു​പ​കരം, അവർ രഹസ്യ​മാ​യി അയാ​ളെ​ക്കു​റിച്ച്‌ മന്ത്രി​ക്കു​ന്നു. അടിസ്ഥാ​ന​ര​ഹി​ത​മായ സംശയങ്ങൾ മിക്ക​പ്പോ​ഴും ഉണർത്ത​പ്പെ​ടു​ന്നു. അങ്ങനെ, “ഒരു ഏഷണി​ക്കാ​രൻ അന്യോ​ന്യം പരിച​യ​മു​ള്ള​വരെ തമ്മിൽ വേർപെ​ടു​ത്തു​ന്നു.”—സദൃശ​വാ​ക്യ​ങ്ങൾ 16:28.

17. നാം നിസ്സാര കുശു​കു​ശു​പ്പിൽ ആഴമായി ഉൾപ്പെ​ടു​ന്ന​തി​നെ​തി​രെ സൂക്ഷി​ക്കേ​ണ്ട​തെ​ന്തു​കൊണ്ട്‌?

¹⁷ നാം നിസ്സാ​ര​മായ കുശു​കു​ശു​പ്പിൽ ആഴമായി ഉൾപ്പെ​ടു​ന്ന​തി​നെ​തി​രാ​യി പോലും സൂക്ഷി​ക്കണം. എന്തു​കൊണ്ട്‌? എന്തു​കൊ​ണ്ടെ​ന്നാൽ ആരെയും ദ്രോ​ഹി​ക്കാ​നു​ദ്ദേ​ശി​ച്ചി​ട്ടി​ല്ലാത്ത ഒരു പ്രസ്‌താ​വന ആവർത്തി​ക്ക​പ്പെ​ടു​മ്പോൾ ഹാനി​ക​ര​മാ​യി​ത്തീർന്നേ​ക്കാം. അത്‌ ദൈവ​ഭ​ക്ത​നായ ഒരു വ്യക്തി​യു​ടെ സൽപേര്‌ കവർന്നു​കൊണ്ട്‌ അയാളു​ടെ കീർത്തി​യെ തകരാ​റി​ലാ​ക്കു​ന്ന​തു​വരെ പോഷി​പ്പി​ക്ക​പ്പെ​ടു​ക​യും വളച്ചൊ​ടി​ക്ക​പ്പെ​ടു​ക​യും ചെയ്‌തേ​ക്കാം. അതു സംഭവി​ക്കു​ക​യാ​ണെ​ങ്കിൽ, കഥക്ക്‌ ആരംഭ​മി​ടു​ക​യോ അത്‌ പരത്തു​ക​പോ​ലു​മോ ചെയ്‌തത്‌ നിങ്ങളാ​ണെ​ങ്കിൽ നിങ്ങൾക്ക്‌ എന്ത്‌ തോന്നും? നിങ്ങൾ ദ്രോ​ഹം​ചെ​യ്യാ​നി​ട​യുള്ള ഒരാളാ​ണെന്ന്‌ ആളുകൾ വീക്ഷി​ച്ചേ​ക്കാം, തന്നിമി​ത്തം അവർ മേലാൽ നിങ്ങളു​ടെ സഹവാസം തേടാ​തി​രു​ന്നേ​ക്കാം.—സദൃശ​വാ​ക്യ​ങ്ങൾ 20:19 താരത​മ്യ​പ്പെ​ടു​ത്തുക.

18. കുശു​കു​ശുപ്പ്‌ ഒരു വ്യക്തിയെ ഒരു നുണയ​നാ​ക്കി​യേ​ക്കാ​വു​ന്ന​തെ​ങ്ങനെ?

¹⁸ സൂക്ഷി​ക്കേ​ണ്ട​തി​ന്റെ മറെറാ​രു കാരണം ഹാനി​ക​ര​മായ കുശു​കു​ശുപ്പ്‌ നിങ്ങളെ ഒരു നുണയൻ ആക്കി​യേ​ക്കാ​മെ​ന്ന​താണ്‌. “ഒരു ഏഷണി​ക്കാ​രന്റെ വാക്കുകൾ അത്യാ​ഗ്ര​ഹ​ത്തോ​ടെ വിഴു​ങ്ങേണ്ട വസ്‌തു​ക്കൾ പോ​ലെ​യാണ്‌, അവ ഉദരത്തി​ന്റെ അന്തർഭാ​ഗ​ങ്ങ​ളി​ലേക്ക്‌ ഇറങ്ങു​ക​തന്നെ ചെയ്യുന്നു.” (സദൃശ​വാ​ക്യ​ങ്ങൾ 26:22) നിങ്ങൾ ഭോഷ്‌ക്കു​കൾ വിഴു​ങ്ങു​ക​യും അവയെ ആവർത്തി​ക്കു​ക​യും ചെയ്യു​ന്നു​വെ​ങ്കി​ലോ? ശരി, നുണകൾ ശരിയാ​ണെന്ന്‌ നിങ്ങൾ വിചാ​രി​ക്കു​ന്നു​വെ​ങ്കിൽപോ​ലും, നിങ്ങൾ അതു പരത്തു​മ്പോൾ നിങ്ങൾ നുണപ​റ​യു​ക​യാണ്‌. അസത്യം വെളി​പ്പെ​ടു​ത്ത​പ്പെ​ടു​മ്പോൾ നിങ്ങൾ ഒരു നുണയ​നാ​ണെന്ന്‌ പരിഗ​ണി​ക്ക​പ്പെ​ട്ടേ​ക്കാം. അതു സംഭവി​ക്കാൻ നിങ്ങളാ​ഗ്ര​ഹി​ക്കു​ന്നു​വോ? ദൈവം മതപര​മായ ഭോഷ്‌ക്കു​കൾക്ക്‌ വ്യാ​ജോ​പ​ദേ​ഷ്ടാ​ക്കളെ ഉത്തരവാ​ദി​ക​ളാ​ക്കു​ന്നി​ല്ലേ? ഉവ്വ്‌, അവൻ നുണപ​റ​യുന്ന ഏഷണി​ക്കാ​രെ​യും ഉത്തരവാ​ദി​ക​ളാ​ക്കു​ന്നു. യേശു ഇങ്ങനെ മുന്നറി​യി​പ്പു​നൽകി: “മനുഷ്യർ പറയുന്ന ഏതു വ്യർത്ഥ​വാ​ക്കി​നും അവർ ന്യായ​വി​ധി​ദി​വ​സ​ത്തിൽ കണക്കു​ബോ​ധി​പ്പി​ക്കും; എന്തെന്നാൽ നിങ്ങൾ സ്വന്തവാ​ക്കു​ക​ളാൽ കുററ​വി​മു​ക്ത​രാ​ക്ക​പ്പെ​ടു​ക​യും സ്വന്തവാ​ക്കു​ക​ളാൽ കുററം വിധി​ക്ക​പ്പെ​ടു​ക​യും ചെയ്യും.” (മത്തായി 12:36, 37, ബയിങ്‌ടൺ) “നമ്മി​ലോ​രോ​രു​ത്ത​രും തനിക്കു​വേണ്ടി ദൈവ​ത്തോ​ടു കണക്കു​ബോ​ധി​പ്പിക്ക”ണമെന്നു​ള്ള​തു​കൊണ്ട്‌ അവൻ നുണയ​നായ ഒരു ഏഷണി​ക്കാ​ര​നാ​യി നിങ്ങളെ കുററം​വി​ധി​ക്കാൻ നിങ്ങളാ​ഗ്ര​ഹി​ക്കു​ന്നു​വോ?—റോമർ 14:12.

19. ഹാനി​ക​ര​മായ കുശു​കു​ശുപ്പ്‌ കൊല​പാ​ത​ക​പ​ര​മാ​യി​രി​ക്കാൻ കഴിയു​മെന്ന്‌ പറയാ​വു​ന്ന​തെ​ന്തു​കൊണ്ട്‌?

¹⁹ ഹാനി​ക​ര​മായ കുശു​കു​ശുപ്പ്‌ പരത്തരു​താ​ത്ത​തി​ന്റെ മറെറാ​രു കാരണം അത്‌ കൊല​പാ​ത​ക​പ​ര​മാ​കാ​മെ​ന്ന​താണ്‌. അതെ, അതിന്‌ മാരക​മാ​യി​രി​ക്കാൻ കഴിയും, ഒരു നിർദ്ദോ​ഷി​യു​ടെ സൽപ്പേ​രി​നെ നശിപ്പി​ച്ചു​കൊ​ണ്ടു​തന്നെ. ചില നാവുകൾ ‘മൂർച്ച​യുള്ള വാളുകൾ’ ആകുന്നു. കയ്‌പേ​റിയ വാക്കുകൾ പതിയി​രുന്ന്‌ നിർദ്ദോ​ഷി​യു​ടെ നേരെ പായി​ക്കുന്ന അമ്പുകൾപോ​ലെ​യാ​കു​ന്നു. ദാവീദ്‌ ഇങ്ങനെ പ്രാർത്ഥി​ച്ചു: “നീ [യഹോവ] ദുഷ്‌പ്ര​വൃ​ത്തി​ക്കാ​രു​ടെ രഹസ്യ​സം​ഭാ​ഷ​ണ​ത്തിൽനിന്ന്‌ എന്നെ മറയ്‌ക്കേ​ണമേ, ദ്രോഹം പ്രവർത്തി​ക്കു​ന്ന​വ​രു​ടെ ആരവത്തിൽനി​ന്നു​തന്നെ, അവർ ഒരു വാൾപോ​ലെ​തന്നെ അവരുടെ നാവ്‌ കൂർപ്പി​ച്ചി​രി​ക്കു​ന്നു, അവർ നിർദ്ദോ​ഷി​യായ ഒരാളെ ഒളിസ്ഥ​ല​ങ്ങ​ളിൽനിന്ന്‌ എയ്യാൻ തങ്ങളുടെ അമ്പ്‌, കഠിന​സം​സാ​രം, ഉന്നംപി​ടി​ച്ചി​രി​ക്കു​ന്നു.” (സങ്കീർത്തനം 64:2-4) സങ്കീർത്ത​ന​ക്കാ​ര​നെ​പ്പോ​ലെ, ആശ്വാ​സ​ത്തി​നാ​യി ദൈവ​ത്തോട്‌ പ്രാർത്ഥി​ക്കാൻ നിർബ​ദ്ധ​നാ​കുന്ന ഘട്ടംവരെ ഒരു സമസൃ​ഷ്ടി​യെ​ക്കു​റിച്ച്‌ അങ്ങനെ​യുള്ള ദുഷ്ടകാ​ര്യ​ങ്ങൾ പറയു​ന്ന​തിന്‌ ഉത്തരവാ​ദി​യാ​കാൻ നിങ്ങൾ ആഗ്രഹി​ക്കു​ന്നു​വോ? നിങ്ങൾ കൊല​പാ​ത​ക​മാ​യി​രി​ക്കു​ന്ന​തിന്‌ കുററ​ക്കാ​ര​നാ​കാൻ ആഗ്രഹി​ക്കു​ന്നു​വോ?

20. (എ) ദൈവ​ത്തി​ന്റെ സഭയെ സംബന്ധി​ച്ചി​ട​ത്തോ​ളം അനുതാ​പ​മി​ല്ലാത്ത ഒരു ഏഷണി​ക്കാ​രന്‌ എന്ത്‌ സംഭവി​ക്കാ​വു​ന്ന​താണ്‌? (ബി) കുശു​കു​ശു​പ്പി​നോ​ടും ഏഷണി​യോ​ടു​മുള്ള ബന്ധത്തിൽ മൂപ്പൻമാർ എന്ത്‌ ജാഗ്രത പാലി​ക്കണം?

²⁰ ഏഷണിക്ക്‌ ദൈവ​സ്ഥാ​പ​ന​ത്തിൽനി​ന്നുള്ള ബഹിഷ്‌ക്ക​ര​ണ​ത്തി​ലേക്കു നയിക്കാൻ കഴിയും; ഒരു ഏഷണി​ക്കാ​രൻ കൂട്ടാ​യ്‌മ​യിൽനിന്ന്‌ പുറത്താ​ക്ക​പ്പെ​ട്ടേ​ക്കാം, ഒരുപക്ഷേ അനുതാ​പ​മി​ല്ലാത്ത ഒരു നുണയ​നാ​യി​ട്ടു​തന്നെ. എന്നുവ​രി​കി​ലും, നിസ്സാ​ര​കു​ശു​കു​ശു​പ്പു സംബന്ധി​ച്ചു കുററ​ക്കാ​രാ​യി​രി​ക്കു​ന്ന​വർക്കെ​തി​രെ അങ്ങനെ​യുള്ള നടപടി എടുക്കാ​വു​ന്നതല്ല. മൂപ്പൻമാർ കേവല കുശു​കു​ശു​പ്പും ദ്രോ​ഹ​ക​ര​മായ ഏഷണി​യും തമ്മിൽ വ്യക്തമായ വ്യത്യാ​സം കല്‌പ്പി​ച്ചു​കൊണ്ട്‌ പ്രാർത്ഥ​നാ​പൂർവം കാര്യ​ങ്ങളെ തൂക്കി​നോ​ക്കേ​ണ്ട​താണ്‌. പുറത്താ​ക്ക​പ്പെ​ടു​ന്ന​തിന്‌ ദുഷ്‌പ്ര​വൃ​ത്തി​ക്കാ​രൻ ദ്രോ​ഹ​ബു​ദ്ധി​യും അനുതാ​പ​മി​ല്ലാ​ത്ത​വ​നു​മായ ഏഷണി​ക്കാ​ര​നാ​യി​രി​ക്കണം. മൂപ്പൻമാർ മനുഷ്യ​താ​ത്‌പ​ര്യ​ത്താൽ പ്രേരി​ത​മായ, വ്യാജ​മോ ദ്രോ​ഹ​പ​ര​മോ അല്ലാത്ത, നിസ്സാ​ര​കു​ശു​കു​ശു​പ്പിന്‌ ആരെ​യെ​ങ്കി​ലും പുറത്താ​ക്കാൻ അധികാ​ര​പ്പെ​ടു​ത്ത​പ്പെ​ടു​ന്നില്ല. ഉചിത​മായ പരിധി​ക്ക​പ്പു​റം കാര്യ​ങ്ങളെ പെരു​പ്പി​ക്ക​രുത്‌, നിസ്സം​ശ​യ​മാ​യി ഏഷണി ഉൾപ്പെ​ട്ടി​രി​ക്കു​ന്നു​വെന്ന്‌ തെളി​യി​ക്കാൻ കഴമ്പുള്ള സാക്ഷ്യം നൽകുന്ന സാക്ഷികൾ ഉണ്ടായി​രി​ക്കണം. (1 തിമൊ​ഥെ​യോസ്‌ 5:19) അനുതാ​പ​മി​ല്ലാത്ത ഏഷണി​ക്കാ​രെ പുറത്താ​ക്കു​ന്നത്‌ മുഖ്യ​മാ​യി ദ്രോ​ഹ​ക​ര​മായ കുശു​കു​ശു​പ്പി​നു വിരാ​മ​മി​ടു​ന്ന​തി​നു​വേ​ണ്ടി​യാണ്‌, അങ്ങനെ സഭ പാപത്താൽ പുളി​പ്പി​ക്ക​പ്പെ​ടു​ന്ന​തിൽനിന്ന്‌ ഒഴിവാ​ക്ക​പ്പെ​ടും. (1 കൊരി​ന്ത്യർ 5:6-8, 13) എന്നാൽ മൂപ്പൻമാർ വളരെ തിടു​ക്കം​കാ​ട്ടി തിരു​വെ​ഴു​ത്തു​പ​ര​മ​ല്ലാത്ത കാരണ​ങ്ങ​ളാൽ ആരെ​യെ​ങ്കി​ലും പുറത്താ​ക്ക​രുത്‌. പ്രാർത്ഥ​ന​യാ​ലും ബുദ്ധി​യു​പ​ദേ​ശ​ത്താ​ലും അനുത​പി​ക്കാ​നോ ക്ഷമായാ​ച​നം​ചെ​യ്യാ​നോ മററു പ്രകാ​ര​ത്തിൽ പരിഹാ​രം വരുത്താ​നോ മാത്രമല്ല നാവിനെ മെരു​ക്കു​ന്ന​തിൽ തുടർച്ച​യാ​യി പുരോ​ഗ​മി​ക്കാ​നും അയാളെ സഹായി​ക്കാൻ മിക്ക​പ്പോ​ഴും അവർ പ്രാപ്‌ത​രാ​വും.

അത്‌ ഏഷണി​യാ​ണോ?

21. ഒരു ദുഷ്‌പ്ര​വൃ​ത്തി​ക്കാ​ര​നെ​ക്കു​റിച്ച്‌ കുശു​കു​ശു​ക്കു​ന്ന​തി​നു പകരം നിങ്ങൾ എന്തു ചെയ്യണം?

²¹ ഒരു ജ്ഞാനപൂർണ്ണ​മായ പഴമൊ​ഴി ഇങ്ങനെ പറയുന്നു: “ഏഷണി പറഞ്ഞു​ന​ട​ക്കു​ന്നവൻ രഹസ്യ​സം​സാ​രം വെളി​പ്പെ​ടു​ത്തു​ന്നു, എന്നാൽ ആത്‌മാ​വിൽ വിശ്വ​സ്‌ത​നാ​യവൻ ഒരു സംഗതി മറെച്ചു​വെ​ക്കു​ന്നു.” (സദൃശ​വാ​ക്യ​ങ്ങൾ 11:13) ആരെങ്കി​ലും രഹസ്യ​മാ​യി ഗുരു​ത​ര​മായ പാപത്തിൽ ഏർപ്പെ​ടു​ക​യാ​ണെന്ന്‌ നിങ്ങൾക്ക​റി​യാ​മെ​ങ്കിൽ അതി​നെ​ക്കു​റിച്ച്‌ എന്തെങ്കി​ലും പറയു​ന്നത്‌ ഏഷണി​യാ​യി​രി​ക്കു​മെന്ന്‌ ഇതിനർത്ഥ​മു​ണ്ടോ? ഇല്ല. തീർച്ച​യാ​യും, നിങ്ങൾ ആ കാര്യം സംബന്ധിച്ച്‌ കുശു​കു​ശു​ക്ക​രുത്‌. മൂപ്പൻമാ​രു​ടെ സഹായം തേടാൻ പ്രോൽസാ​ഹി​പ്പി​ച്ചു​കൊണ്ട്‌ നിങ്ങൾ ദുഷ്‌പ്ര​വൃ​ത്തി​ക്കാ​ര​നോട്‌ സംസാ​രി​ക്കണം. (യാക്കോബ്‌ 5:13-18) അയാൾ ന്യായ​മായ ഒരു കാലഘ​ട്ട​ത്തി​നു​ള്ളിൽ അതു ചെയ്യു​ന്നി​ല്ലെ​ങ്കിൽ, സഭയുടെ ശുദ്ധി​യി​ലുള്ള താത്‌പ​ര്യം മൂപ്പൻമാ​രെ വിവരം അറിയി​ക്കാൻ നിങ്ങളെ പ്രേരി​പ്പി​ക്കണം.—ലേവ്യ​പു​സ്‌തകം 5:1.

22. ഒന്നു കൊരി​ന്ത്യർ 1:11 കുശു​കു​ശു​പ്പിന്‌ അധികാ​ര​പ്പെ​ടു​ത്തു​ന്നി​ല്ലെന്ന്‌ നമുക്ക്‌ പറയാൻ കഴിയു​ന്ന​തെ​ന്തു​കൊണ്ട്‌?

²² അങ്ങനെ​യുള്ള വിവരം കൊടു​ക്കൽ ദുഷ്‌പ്ര​വൃ​ത്തി​ക്കാ​രന്റെ ശിക്ഷണ​ത്തിൽ കലാശി​ച്ചേ​ക്കാം, അത്‌ സന്തോ​ഷ​ക​ര​മെന്നു തോന്നു​ക​യില്ല. എന്നാലും, ശിക്ഷണ​ത്താൽ പരിശീ​ലി​പ്പി​ക്ക​പ്പെട്ട ഒരു വ്യക്തി നീതി​ഫലം കൊയ്യു​ന്നു. (എബ്രായർ 12:11) ദുഷ്‌പ്ര​വൃ​ത്തി​കൾ, അങ്ങനെ​യുള്ള കാര്യങ്ങൾ കൈകാ​ര്യം​ചെ​യ്യാൻ നിയമി​ത​രാ​യ​വ​രോട്‌ വെളി​പ്പെ​ടു​ത്തേ​ണ്ട​താണ്‌, വിടുവാ പറഞ്ഞു​ന​ട​ക്കുന്ന കുശു​കു​ശു​പ്പു​ക​രോ​ടല്ല. കൊരി​ന്തി​ലെ ക്രിസ്‌ത്യാ​നി​ക​ളോട്‌ പൗലോസ്‌ ഇങ്ങനെ പറഞ്ഞു: “എന്റെ സഹോ​ദ​രൻമാ​രെ, നിങ്ങളു​ടെ ഇടയിൽ ഭിന്നതകൾ ഉണ്ടെന്ന്‌ നിങ്ങ​ളെ​ക്കു​റിച്ച്‌ ക്ലോവ​യു​ടെ വീട്ടു​കാ​രാൽ എന്നോട്‌ വെളി​പ്പെ​ടു​ത്ത​പ്പെ​ട്ടി​രി​ക്കു​ന്നു.” (1 കൊരി​ന്ത്യർ 1:11) ആ വീട്ടു​കാർ സഹവി​ശ്വാ​സി​ക​ളെ​ക്കു​റിച്ച്‌ കുശു​കു​ശു​ക്കു​ക​യാ​യി​രു​ന്നോ? അല്ലായി​രു​ന്നു, എന്നാൽ അവരുടെ പാദങ്ങളെ ജീവന്റെ പാതയി​ലേക്കു തിരി​ച്ചു​കൊ​ണ്ടു​വ​രാൻ സഹായ​മാ​വ​ശ്യ​മു​ള്ള​വരെ തുണക്കു​ന്ന​തിന്‌ നടപടി​കൾ സ്വീക​രി​ക്കാൻക​ഴി​യുന്ന ഉത്തരവാ​ദി​ത്ത​മുള്ള ഒരു മൂപ്പ​നോ​ടാണ്‌ വിവര​മ​റി​യി​ക്ക​പ്പെ​ട്ടത്‌.

23. ഏതു ചോദ്യം പരിചി​ന്ത​ന​ത്തി​ന​വ​ശേ​ഷി​ക്കു​ന്നു?

²³ ഹാനി​ക​ര​മായ കുശു​കു​ശു​പ്പി​ലെ ഉൾപ്പെ​ട​ലി​നെ​തി​രെ സൂക്ഷി​ക്കാൻ നാം ഒരു വ്യക്തിയെ സഹായി​ക്കു​ന്നു​വെ​ങ്കിൽ, നാം അയാളു​ടെ നൻമക്കു​വേണ്ടി എന്തെങ്കി​ലും ചെയ്യു​ക​യാണ്‌. ഒരു ജ്ഞാനപ​ഴ​മൊ​ഴി ഇങ്ങനെ പറയുന്നു: “തന്റെ വായെ സൂക്ഷി​ക്കു​ന്നവർ തന്റെ ദേഹിയെ സൂക്ഷി​ക്കു​ന്നു. തന്റെ അധരങ്ങളെ മലർക്കെ തുറക്കു​ന്നവൻ—അവന്‌ നാശമു​ണ്ടാ​കും.” (സദൃശ​വാ​ക്യ​ങ്ങൾ 13:3) അപ്പോൾ, ഹാനി​ക​ര​മായ കുശു​കു​ശു​പ്പി​നും ദുഷ്ടമായ ഏഷണി​ക്കു​മെ​തി​രെ സൂക്ഷി​ക്കാൻ നല്ല കാരണ​ങ്ങ​ളു​ണ്ടെന്ന്‌ വ്യക്തമാണ്‌. എന്നിരു​ന്നാ​ലും, ഹാനി​ക​ര​മായ കുശു​കു​ശു​പ്പി​നെ എങ്ങനെ തകർക്കാൻ കഴിയും? അടുത്ത ലക്കത്തിലെ ലേഖനം പറയും. (w89 10⁄15)

നങ്ങളു​ടെ ഉത്തരങ്ങൾ എന്താണ്‌?

◻ നിസ്സാ​ര​മായ കുശു​കു​ശു​പ്പും ഏഷണി​യും തമ്മിലുള്ള വ്യത്യാ​സ​മെ​ന്താണ്‌?

◻ കുശു​കു​ശുപ്പ്‌ എങ്ങനെ ഏഷണി​യാ​യി​ത്തീർന്നേ​ക്കാം?

◻ ഹാനി​ക​ര​മായ കുശു​കു​ശു​പ്പി​നെ​തി​രെ സൂക്ഷി​ക്കേ​ണ്ട​തി​ന്റെ ചില കാരണ​ങ്ങ​ളേവ?

◻ നാം മറെറാ​രാ​ളു​ടെ ഗുരു​ത​ര​മായ ദുഷ്‌പ്ര​വൃ​ത്തി​യെ​ക്കു​റിച്ച്‌ വിവരം അറിയി​ക്കു​മ്പോൾ ഏഷണി ഉൾപ്പെ​ട്ടി​രി​ക്കാ​ത്ത​തെ​ന്തു​കൊണ്ട്‌?

[27-ാം പേജിലെ ചിത്രം]

ഒരാളെക്കുറിച്ച്‌ കുശു​കു​ശു​ത്തു​കൊണ്ട്‌ അയാളു​ടെ പിന്നിൽ അമ്പെയ്യു​ന്ന​തു​സം​ബ​ന്ധിച്ച്‌ നിങ്ങൾ ഒരിക്ക​ലും കുററ​ക്കാ​ര​ന​ല്ലെന്ന്‌ ഉറപ്പു​വ​രു​ത്തു​ക