ലോകം അവർക്കു യോഗ്യ​മാ​യി​രു​ന്നില്ല

“അവർ കല്ലെറി​യ​പ്പെട്ടു, അവർ വിചാരണ ചെയ്യ​പ്പെട്ടു, . . . ലോകം അവർക്കു യോഗ്യ​മാ​യി​രു​ന്നില്ല.”—എബ്രായർ 11:37, 38.

1, 2. പുരാ​ത​ന​കാ​ല​ങ്ങ​ളി​ലെ യഹോ​വ​യു​ടെ സാക്ഷികൾ ഏതു സാഹച​ര്യ​ങ്ങ​ളിൽ നിർമ്മ​ല​ത​പാ​ലി​ച്ചു, അവരുടെ പ്രവൃ​ത്തി​കൾ ഇന്നത്തെ ദൈവ​ദാ​സൻമാ​രെ എങ്ങനെ ബാധി​ക്കു​ന്നു?

പുരാ​ത​ന​കാ​ല​ങ്ങ​ളി​ലെ യഹോ​വ​യു​ടെ സാക്ഷികൾ, നീതി​കെട്ട മനുഷ്യ​സ​മു​ദാ​യം അവരു​ടെ​മേൽ വരുത്തി​ക്കൂ​ട്ടിയ അനേകം പരി​ശോ​ധ​നകൾ ഗണ്യമാ​ക്കാ​തെ ദൈവ​ത്തോ​ടുള്ള തങ്ങളുടെ നിർമ്മലത പാലിച്ചു. ഉദാഹ​ര​ണ​ത്തിന്‌, ദൈവ​ദാ​സൻമാർ കല്ലെറി​യ​പ്പെ​ടു​ക​യും വാളാൽ കൊല്ല​പ്പെ​ടു​ക​യും ചെയ്‌തു. അവർ ദുഷ്‌പെ​രു​മാ​റ​റ​വും ഉപദ്ര​വ​വും സഹിച്ചു. എങ്കിലും അവർ വിശ്വാ​സ​ത്തിൽ പതറി​യില്ല. അപ്പോൾ, തീർച്ച​യാ​യും, അപ്പോ​സ്‌ത​ല​നായ പൗലോസ്‌ പറഞ്ഞതു പോലെ “ലോകം അവർക്കു യോഗ്യ​മാ​യി​രു​ന്നില്ല.”—എബ്രായർ 11:37, 38.

² ദൈവ​ഭ​ക്തി​യു​ണ്ടാ​യി​രുന്ന പ്രളയ പൂർവ്വി​ക​രു​ടെ​യും ഗോ​ത്ര​പി​താ​ക്ക​ളു​ടെ​യും മോ​ശെ​യു​ടെ​യും വിശ്വാ​സ​പ്ര​ചോ​ദ​ക​മായ പ്രവൃ​ത്തി​കൾ ദൈവത്തെ വിശ്വാ​സ​ത്തോ​ടെ സേവി​ക്കാൻ ആധുനി​ക​കാ​ലത്തെ യഹോ​വ​യു​ടെ സാക്ഷി​കളെ പ്രേരി​പ്പി​ക്കു​ന്നു. എന്നാൽ എബ്രായർ 11-ഉം 12-ഉം അദ്ധ്യാ​യ​ങ്ങ​ളിൽ പറഞ്ഞി​രി​ക്കുന്ന മററു​ള്ള​വരെ സംബന്ധി​ച്ചെന്ത്‌? അവരുടെ വിശ്വാ​സ​ത്തി​ന്റെ മുഖവ​ശങ്ങൾ പരിചി​ന്തി​ക്കു​ന്ന​തിൽനിന്ന്‌ നമുക്ക്‌ എങ്ങനെ പ്രയോ​ജനം നേടാൻ കഴിയും?

ന്യായാ​ധി​പൻമാ​രു​ടെ​യും രാജാ​ക്കൻമാ​രു​ടെ​യും പ്രവാ​ച​കൻമാ​രു​ടെ​യും വിശ്വാ​സം

3. യെരീ​ഹോ​യും രാഹാ​ബും ഉൾപ്പെ​ടുന്ന സംഭവങ്ങൾ വിശ്വാ​സം പ്രവൃ​ത്തി​ക​ളാൽ തെളി​യി​ക്ക​പ്പെ​ട​ണ​മെന്ന്‌ പ്രകട​മാ​ക്കു​ന്ന​തെ​ങ്ങനെ?

³ വിശ്വാ​സം കേവലം ബോദ്ധ്യ​മല്ല; അത്‌ പ്രവൃ​ത്തി​ക​ളാൽ അഥവാ നടപടി​ക​ളാൽ തെളി​യി​ക്ക​പ്പെ​ടണം. (എബ്രായർ 11:30, 31 വായി​ക്കുക.) മോ​ശെ​യു​ടെ മരണ​ശേഷം വിശ്വാ​സം കനാനിൽ യിസ്രാ​യേ​ല്യർക്ക്‌ ഒന്നിനു​പി​റകേ ഒന്നായി വിജയം കൈവ​രു​ത്തി. എന്നാൽ ഇത്‌ അവരുടെ ഭാഗത്ത്‌ ശ്രമം ആവശ്യ​മാ​ക്കി. ഉദാഹ​ര​ണ​ത്തിന്‌, യോശു​വ​യു​ടെ​യും മററു​ള്ള​വ​രു​ടെ​യും വിശ്വാ​സ​ത്താൽ, “യെരീ​ഹോ​യു​ടെ മതിലു​കൾ ഏഴു ദിവസം പ്രദക്തി​ണം വയ്‌ക്ക​പ്പെ​ട്ട​ശേഷം നിലം​പ​തി​ച്ചു.” എന്നാൽ “വിശ്വാ​സ​ത്താൽ രാഹാബ്‌ എന്ന വേശ്യ, അനുസ​ര​ണ​ക്കേ​ടോ​ടെ പ്രവർത്തി​ച്ച​വ​രോ​ടു​കൂ​ടെ [വിശ്വാ​സ​മി​ല്ലാഞ്ഞ യെരീ​ഹോ​യി​ലെ നിവാ​സി​കൾ] നശിച്ചില്ല.” എന്തു​കൊണ്ട്‌? “എന്തു​കൊ​ണ്ടെ​ന്നാൽ അവൾ [യിസ്രാ​യേല്യ ചാരൻമാ​രെ] സമാധാ​ന​പ​ര​മാ​യി സ്വീക​രി​ക്കു​ക​യും” കനാന്യ​രിൽനിന്ന്‌ അവരെ ഒളിപ്പി​ച്ചു​കൊണ്ട്‌ അവളുടെ വിശ്വാ​സത്തെ തെളി​യി​ക്കു​ക​യും ചെയ്‌തു. “യഹോവ” യിസ്രാ​യേ​ല്യ​രു​ടെ മുമ്പാകെ “ചെങ്കട​ലി​ലെ വെള്ളങ്ങളെ വററി​ക്കു​ക​യും” അവർക്ക്‌ അമോ​ര്യ​രാ​ജാ​ക്കൻമാ​രായ സീഹോ​ന്റെ​യും ഓഗി​ന്റെ​യും മേൽ വിജയം നേടി​ക്കൊ​ടു​ക്കു​ക​യും ചെയ്‌തു​വെന്ന വാർത്ത​ക​ളിൽ രാഹാ​ബി​ന്റെ വിശ്വാ​സ​ത്തിന്‌ ഒരു ഉറച്ച അടിസ്ഥാ​ന​മു​ണ്ടാ​യി​രു​ന്നു. രാഹാബ്‌ ഉചിത​മായ ധാർമ്മിക മാററങ്ങൾ വരുത്തു​ക​യും, അവളുടെ സജീവ വിശ്വാ​സം നിമിത്തം യരീഹോ നിലം​പ​തി​ച്ച​പ്പോൾ അവളുടെ കുടും​ബ​ത്തോ​ടു​കൂ​ടെ സംരക്ഷി​ക്ക​പ്പെ​ട്ട​തി​നാ​ലും യേശു​ക്രി​സ്‌തു​വി​ന്റെ ഒരു പൂർവ്വിക മാതാ​വാ​യി​ത്തീർന്ന​തി​നാ​ലും അനു​ഗ്ര​ഹി​ക്ക​പ്പെ​ടു​ക​യും ചെയ്‌തു.—യോശുവ 2:1-11; 6:20-23; മത്തായി 1:1, 5; യാക്കോബ്‌ 2:24-26.

4. അപകട​ത്തിൻമു​മ്പിൽ വിശ്വാ​സം പ്രകട​മാ​ക്കു​ന്നതു സംബന്ധിച്ച്‌ ഗിദ​യോ​ന്റെ​യും ബാരാ​ക്കി​ന്റെ​യും അനുഭ​വങ്ങൾ എന്ത്‌ ദൃഢ​പ്പെ​ടു​ത്തു​ന്നു?

⁴ അപകട​ത്തിൻ മുമ്പിൽ യഹോ​വ​യി​ലുള്ള പൂർണ്ണ​മായ ആശ്രയ​ത്താൽ വിശ്വാ​സം പ്രകട​മാ​ക്ക​പ്പെ​ടു​ന്നു. (എബ്രായർ 11:32 വായി​ക്കുക.) അപകട​ക​ര​മായ സാഹച​ര്യ​ങ്ങ​ളിൽ ദൈവ​ത്തി​ലുള്ള വിശ്വാ​സ​ത്തി​ന്റെ​യും ആശ്രയ​ത്തി​ന്റെ​യും സമൃദ്ധ​മായ തെളി​വു​നൽകിയ വീര്യ​പ്ര​വൃ​ത്തി​കൾ ചെയ്‌ത “ഗിദ​യോൻ, ബാരാക്ക്‌, ശിം​ശോൻ, യിപ്‌താഹ്‌, ദാവീദ്‌ എന്നിവ​രെ​യും ശമു​വേ​ലി​നെ​യും മററു പ്രവാ​ച​കൻമാ​രെ​യും” കുറിച്ചു തുടർന്നു പറഞ്ഞാൽ സമയം പോകു​മെന്ന്‌ പൗലോസ്‌ സമ്മതിച്ചു. അങ്ങനെ, വിശ്വാ​സ​ത്താ​ലും വെറും 300 പേരുടെ ഒരു സംഘത്തി​ന്റെ സഹായ​ത്തോ​ടെ​യും മർദ്ദക മിദ്യാ​ന്യ​രു​ടെ സൈനിക ബലത്തെ തകർക്കാൻ ന്യായാ​ധി​പ​നായ ഗിദെ​യോൻ ദൈവ​ത്താൽ ശക്തീക​രി​ക്ക​പ്പെട്ടു. (ന്യായാ​ധി​പൻമാർ 7:1-25) ദെബോ​രാ പ്രവാ​ച​കി​യാൽ പ്രോ​ത്സാ​ഹി​ത​നാ​യി ന്യായാ​ധി​പ​നായ ബാരാ​ക്കും മോശ​മാ​യി സജ്ജരാ​യി​രുന്ന 10,000 പേരട​ങ്ങിയ ഒരു കാലാൾപ​ട​യും യാബീൻ രാജാ​വി​ന്റെ വലിപ്പ​മേ​റിയ സൈന്യ​ത്തിൻമേൽ വിജയം നേടി. അവർക്ക്‌ സിസെ​രാ​യു​ടെ സൈന്യാ​ധി​പ​ത്യ​ത്തിൽ 900 സായു​ധ​യു​ദ്ധ​ര​ഥ​ങ്ങ​ളാ​ണു​ണ്ടാ​യി​രു​ന്നത്‌.—ന്യായാ​ധി​പൻമാർ 4:1-5:31.

5. യഹോ​വ​യി​ലെ പൂർണ്ണ​മായ ആശ്രയ​ത്തി​ന്റെ തെളിവു നൽകിയ വിശ്വാ​സം ഏതുവി​ധ​ങ്ങ​ളിൽ ശിം​ശോ​നും യിപ്‌താ​ഹും പ്രകട​മാ​ക്കി?

⁵ യിസ്രാ​യേ​ലി​ലെ ന്യായാ​ധി​പൻമാ​രു​ടെ നാളു​ക​ളിൽ വിശ്വാ​സ​ത്തി​ന്റെ മറെറാ​രു ദൃഷ്ടാന്തം ശിം​ശോ​നാ​യി​രു​ന്നു—ഫെലി​സ്‌ത്യ​രു​ടെ ശക്തനായ ശത്രു. ഒടുവിൽ അവൻ അവരുടെ അന്ധനായ ബന്ദിയാ​യി​ത്തീർന്നു​വെ​ന്നതു സത്യം​തന്നെ. എന്നാൽ അവർ തങ്ങളുടെ വ്യാജ ദൈവ​മായ ദാഗോന്‌ ഒരു വലിയ ബലി അർപ്പി​ച്ചു​കൊ​ണ്ടി​രുന്ന ക്ഷേത്ര​ത്തി​ന്റെ തൂണുകൾ മറിച്ചി​ട്ട​പ്പോൾ ശിം​ശോൻ അവരിൽ അനേകർക്കു മരണം കൈവ​രു​ത്തി. ഉവ്വ്‌, ശിം​ശോൻ ആ ഫെലി​സ്‌ത്യ​രോ​ടു​കൂ​ടെ മരണമ​ടഞ്ഞു, എന്നാൽ നിരാ​ശി​ത​നാ​യി ആത്മഹത്യ ചെയ്‌ത ആളായി​ട്ടല്ല. വിശ്വാ​സ​ത്തിൽ അവൻ ദൈവ​ത്തി​ന്റെ​യും അവന്റെ ജനത്തി​ന്റെ​യും ആ ശത്രു​ക്ക​ളോ​ടു പ്രതി​കാ​രം ചെയ്യാൻ ആവശ്യ​മായ ശക്തിക്കു​വേണ്ടി യഹോ​വ​യോ​ടു പ്രാർത്ഥി​ക്കു​ക​യും അവനിൽ ആശ്രയി​ക്കു​ക​യും ചെയ്‌തു. (ന്യായാ​ധി​പൻമാർ 16:18-30) അമ്മോ​ന്യ​രു​ടെ​മേൽ യഹോവ വിജയം നൽകിയ യിപ്‌താ​ഹും യഹോ​വ​യി​ലുള്ള തന്റെ സമ്പൂർണ്ണ​മായ ആശ്രയ​ത്തിന്‌ തെളിവു നൽകിയ വിശ്വാ​സം പ്രകട​മാ​ക്കി. അങ്ങനെ​യുള്ള വിശ്വാ​സ​ത്താൽ മാത്രമേ ഒരു സ്ഥിര കന്യക​യാ​യി തന്റെ പുത്രി​യെ യഹോ​വ​യു​ടെ സേവന​ത്തി​നർപ്പി​ച്ചു​കൊണ്ട്‌ ദൈവ​ത്തോ​ടുള്ള തന്റെ നേർച്ച നിവർത്തി​ക്കാൻ അവനു കഴിയു​മാ​യി​രു​ന്നു​ള്ളു.—ന്യായാ​ധി​പൻമാർ 11:29-40.

6. ദാവീദ്‌ തന്റെ വിശ്വാ​സം പ്രകട​മാ​ക്കി​യ​തെ​ങ്ങനെ?

⁶ ദാവീ​ദും വിശ്വാ​സ​ത്തിൽ പ്രശസ്‌ത​നാ​യി​രു​ന്നു. അവൻ ഫെലി​സ്‌ത്യ​മ​ല്ല​നാ​യി​രുന്ന ഗോല്യാ​ത്തി​നോട്‌ പോരാ​ടി​യ​പ്പോൾ അവൻ ഒരു ചെറു​പ്പ​ക്കാ​രൻ മാത്ര​മാ​യി​രു​ന്നു. ‘നീ വാളും കുന്തവും വേലു​മാ​യി എന്റെ നേരേ വരുന്നു, എന്നാൽ ഞാൻ സൈന്യ​ങ്ങ​ളു​ടെ യഹോ​വ​യു​ടെ നാമവു​മാ​യി നിന്റെ നേരേ വരുന്നു’വെന്നു ദാവീദു പറഞ്ഞു. അതെ, ദാവീദ്‌ ദൈവ​ത്തി​ലാ​ശ്ര​യി​ച്ചു, അതികാ​യ​നായ ഗോല്യാ​ത്തി​നെ കൊല്ലു​ക​യും ദൈവ​ജ​ന​ത്തി​ന്റെ താൽപ്പ​ര്യ​ങ്ങൾക്കാ​യി പോരാ​ടുന്ന ഒരു ധീര രാജ-യോദ്ധാ​വാ​യി​ത്തീ​രു​ക​യും ചെയ്‌തു. ദാവീ​ദി​ന്റെ വിശ്വാ​സം നിമിത്തം അവൻ യഹോ​വ​യു​ടെ ഹൃദയ​ത്തിന്‌ സമ്മതമുള്ള ഒരു മനുഷ്യ​നാ​യി​ത്തീർന്നു. (1 ശമുവേൽ 17:4, 45-51; പ്രവൃ​ത്തി​കൾ 13:22) ശമു​വേ​ലും മററു പ്രവാ​ച​കൻമാ​രും ജീവി​ത​ത്തി​ലു​ട​നീ​ളം യഹോ​വ​യിൽ വലിയ വിശ്വാ​സ​വും ആശ്രയ​വും പ്രകട​മാ​ക്കി. (1 ശമുവേൽ 1:19-28; 7:15-17) ചെറു​പ്പ​ക്കാ​രും പ്രായ​മു​ള്ള​വ​രു​മായ യഹോ​വ​യു​ടെ ഇക്കാലത്തെ ദാസൻമാർക്ക്‌ എത്ര നല്ല ദൃഷ്ടാ​ന്തങ്ങൾ!

7. (എ) ആർ “വിശ്വാ​സ​ത്തി​ലൂ​ടെ പോരാ​ട്ട​ത്തിൽ രാജ്യ​ങ്ങളെ തോൽപ്പി​ച്ചു?” (ബി) ആർ വിശ്വാ​സ​ത്താൽ “നീതി നടത്തി”?

⁷ വിശ്വാ​സ​ത്താൽ നമുക്ക്‌ നിർമ്മ​ല​ത​യു​ടെ ഓരോ പരി​ശോ​ധ​ന​യെ​യും വിജയ​ക​ര​മാ​യി നേരി​ടാ​നും ദിവ്യേ​ഷ്ട​ത്തിന്‌ ചേർച്ച​യായ എന്തും നിർവ്വ​ഹി​ക്കാ​നും കഴിയും. (എബ്രായർ 11:33, 34 വായി​ക്കുക.) വിശ്വാ​സ​ത്തി​ന്റെ കൂടു​ത​ലായ പ്രവൃ​ത്തി​കൾ എടുത്തു പറഞ്ഞ​പ്പോൾ, പ്രത്യ​ക്ഷ​ത്തിൽ പൗലോ​സി​ന്റെ മനസ്സിൽ എബ്രായ ന്യായാ​ധി​പൻമാ​രും രാജാ​ക്കൻമാ​രും പ്രവാ​ച​കൻമാ​രു​മു​ണ്ടാ​യി​രു​ന്നു, എന്തെന്നാൽ അവൻ അങ്ങനെ​യു​ള്ള​വ​രു​ടെ പേരുകൾ പറഞ്ഞു​ക​ഴി​ഞ്ഞ​തേ​യു​ണ്ടാ​യി​രു​ന്നു​ള്ളു. ഗിദെ​യോ​നെ​യും യിപ്‌താ​ഹി​നെ​യും പോ​ലെ​യുള്ള ന്യായാ​ധി​പൻമാർ “വിശ്വാ​സ​ത്തി​ലൂ​ടെ പോരാ​ട്ട​ത്തിൽ രാജ്യ​ങ്ങളെ തോൽപ്പി​ച്ചു.” ഫെലി​സ്‌ത്യ​രെ​യും മോവാ​ബ്യ​രെ​യും അരാമ്യ​രെ​യും ഏദോ​മ്യ​രെ​യും മററു​ള്ള​വ​രെ​യും കീഴട​ക്കിയ ദാവീ​ദു​രാ​ജാ​വും അങ്ങനെ ചെയ്‌തു. (2 ശമുവേൽ 8:1-14) നീതി​മാൻമാ​രായ ന്യായാ​ധി​പൻമാർ വിശ്വാ​സ​ത്താൽ “നീതി നടത്തു​ക​യും” ചെയ്‌തു. ശമു​വേ​ലി​ന്റെ​യും മററു പ്രവാ​ച​കൻമാ​രു​ടെ​യും നീതി​നി​ഷ്‌ഠ​മായ ബുദ്ധി​യു​പ​ദേശം ദുഷ്‌പ്ര​വൃ​ത്തി ഒഴിവാ​ക്കാൻ അല്ലെങ്കിൽ ഉപേക്ഷി​ക്കാൻ ചില​രെ​യെ​ങ്കി​ലും പ്രേരി​പ്പി​ച്ചു.—1 ശമുവേൽ 12:20-25; യെശയ്യാവ്‌ 1:10-20.

8. ദാവീ​ദിന്‌ ഏതു വാഗ്‌ദത്തം ലഭിച്ചു, അത്‌ എന്തി​ലേക്കു നയിച്ചു?

⁸ ദാവീദ്‌ വിശ്വാ​സ​ത്താൽ “വാഗ്‌ദ​ത്തങ്ങൾ ലഭിച്ച” ഒരുവ​നാ​യി​രു​ന്നു. “നിന്റെ സിംഹാ​സ​നം​തന്നെ അനിശ്ചി​ത​കാ​ല​ത്തോ​ളം ഉറപ്പായി സ്ഥാപി​ത​മായ ഒന്നായി​ത്തീ​രും” എന്ന്‌ യഹോവ അവനോ​ടു വാഗ്‌ദത്തം ചെയ്‌തു. (2 ശമുവേൽ 7:11-16) 1914-ൽ മശി​ഹൈ​ക​രാ​ജ്യം സ്ഥാപി​ച്ചു​കൊണ്ട്‌ ദൈവം ആ വാഗ്‌ദത്തം നിറ​വേ​ററി.—യെശയ്യാവ്‌ 9:6, 7; ദാനി​യേൽ 7:13, 14.

9. ഏതു സാഹച​ര്യ​ങ്ങ​ളിൽ ‘വിശ്വാ​സ​ത്താൽ സിംഹ​ങ്ങ​ളു​ടെ വായ്‌കൾ അടയ്‌ക്ക​പ്പെട്ടു?’

⁹ ഒരു രാജകീയ വിളം​ബരം ഗണ്യമാ​ക്കാ​തെ തന്റെ അനുദിന പതിവ്‌ അനുസ​രിച്ച്‌ ദാനി​യേൽപ്ര​വാ​ചകൻ ദൈവ​ത്തോ​ടു തുടർന്നു പ്രാർത്ഥി​ച്ച​പ്പോൾ അവൻ നിർമ്മ​ല​ത​യു​ടെ ഒരു പരി​ശോ​ധ​നയെ വിജയ​ക​ര​മാ​യി നേരിട്ടു. ദാനി​യേൽ എറിയ​പ്പെട്ട സിംഹ​ക്കു​ഴി​യിൽ യഹോവ അവനെ ജീവ​നോ​ടെ കാത്തു​സൂ​ക്ഷി​ച്ച​തു​കൊണ്ട്‌, അവൻ അങ്ങനെ ഒരു നിർമ്മ​ല​താ​പാ​ല​കന്റെ വിശ്വാ​സ​ത്തോ​ടെ “സിംഹ​ങ്ങ​ളു​ടെ വായ്‌കൾ അടച്ചു.“—ദാനി​യേൽ 6:4-23.

10. ആർ വിശ്വാ​സ​ത്താൽ “തീയുടെ ബലത്തെ തടഞ്ഞു”? സമാന​മായ വിശ്വാ​സം എന്തു ചെയ്യാൻ നമ്മെ പ്രാപ്‌ത​രാ​ക്കും?

¹⁰ ദാനി​യേ​ലി​ന്റെ നിർമ്മ​ല​താ​പാ​ല​ക​രാ​യി​രുന്ന ശദ്രക്ക്‌, മേശക്ക്‌, അബേദ്‌നെ​ഗോ, എന്നീ എബ്രായ സഹകാ​രി​കൾ “തീയുടെ ശക്തിയെ തടഞ്ഞു.” അത്യധി​കം ചൂടാ​ക്കിയ ഒരു ചൂളയി​ലെ മരണത്താൽ ഭീഷണി​പ്പെ​ടു​ത്ത​പ്പെ​ട്ട​പ്പോൾ, തങ്ങളുടെ ദൈവം തങ്ങളെ രക്ഷിച്ചാ​ലും ഇല്ലെങ്കി​ലും തങ്ങൾ ബാബി​ലോ​ന്യ​രാ​ജാ​വി​ന്റെ ദൈവ​ങ്ങളെ സേവി​ക്കു​ക​യോ അവൻ നിർത്തിയ പ്രതി​മയെ ആരാധി​ക്കു​ക​യോ ചെയ്യു​ക​യി​ല്ലെന്ന്‌ അവർ നെബു​ഖ​ദ്‌നേസ്സർ രാജാ​വി​നോ​ടു പറഞ്ഞു. യഹോവ ആ ചൂളയി​ലെ തീ കെടു​ത്തി​യില്ല, എന്നാൽ അത്‌ ആ മൂന്നു എബ്രാ​യർക്ക്‌ ഹാനി​വ​രു​ത്തു​ന്നി​ല്ലെന്ന്‌ അവൻ ഉറപ്പു​വ​രു​ത്തി. (ദാനി​യേൽ 3:1-30) സമാന​മായ വിശ്വാ​സം ശത്രു കൈക​ളാൽ സാദ്ധ്യ​മായ മരണഘ​ട്ട​ത്തോ​ളം ദൈവ​ത്തോ​ടു നിർമ്മലത പാലി​ക്കാൻ നമ്മെ പ്രാപ്‌ത​രാ​ക്കു​ന്നു.—വെളി​പ്പാട്‌ 2:10.

11. (എ) വിശ്വാ​സ​ത്താൽ ആർ “വാളിന്റെ വായ്‌ത്ത​ല​യിൽ നിന്ന്‌ രക്ഷപ്പെട്ടു”? (ബി) വിശ്വാ​സ​ത്താൽ ആർ “ശക്തീക​രി​ക്ക​പ്പെട്ടു?” (സി) ആർ “യുദ്ധത്തിൽ ശൂരരാക്ക”പ്പെടു​ക​യും “വിദേ​ശീ​യ​രു​ടെ സൈന്യ​ങ്ങളെ തുരത്തു​ക​യും” ചെയ്‌തു?

¹¹ ദാവീദ്‌ ശൗൽ രാജാ​വി​ന്റെ ആൾക്കാ​രു​ടെ “വാളിന്റെ വായ്‌ത്ത​ല​യിൽനിന്ന്‌ രക്ഷപ്പെട്ടു.” (1 ശമുവേൽ 19:9-17) പ്രവാ​ച​കൻമാ​രായ ഏലീയാ​വും ഏലീശ​യും വാളാ​ലുള്ള മരണത്തിൽനിന്ന്‌ രക്ഷപ്പെട്ടു. (1 രാജാ​ക്കൻമാർ 19:1-3; 2 രാജാ​ക്കൻമാർ 6:11-23) എന്നാൽ ആർ ‘വിശ്വാ​സ​ത്താൽ ഒരു ദുർബ്ബ​ലാ​വ​സ്ഥ​യിൽ നിന്ന്‌ ശക്തരാ​ക്ക​പ്പെട്ടു’ ശരി, ഗിദ​യോൻ യിസ്രാ​യേ​ല്യ​രെ മിദ്യാ​ന്യ​രിൽനിന്ന്‌ രക്ഷിക്കാൻ കഴിയാ​ത്ത​വി​ധം അത്ര ദുർബ്ബ​ല​രാണ്‌ താനും തന്റെ പടയാ​ളി​ക​ളും എന്നു വിചാ​രി​ച്ചു. എന്നാൽ അവൻ ദൈവ​ത്താൽ ശക്തീക​രി​ക്ക​പ്പെട്ടു, അവൻ അവനു വിജയം നൽകി—അതും വെറും 300 പടയാ​ളി​ക​ളെ​ക്കൊണ്ട്‌! (ന്യായാ​ധി​പൻമാർ 6:14-16; 7:2-7, 22) ശിം​ശോ​ന്റെ മുടി കത്രി​ക്ക​പ്പെ​ട്ട​പ്പോ​ഴത്തെ “ഒരു ദുർബ്ബ​ലാ​വ​സ്ഥ​യിൽനിന്ന്‌” അവൻ യഹോ​വ​യാൽ “ശക്തീക​രിക്ക”പ്പെടു​ക​യും അനേകം ഫെലി​സ്‌ത്യർക്കു മരണം കൈവ​രു​ത്തു​ക​യും ചെയ്‌തു. (ന്യായാ​ധി​പൻമാർ 16:19-21, 28-30; ന്യായാ​ധി​പൻമാർ 15:13-19 താരത​മ്യ​പ്പെ​ടു​ത്തുക.) സൈനി​ക​മാ​യും ശാരീ​രി​ക​മാ​യി​പോ​ലു​മുള്ള ഒരു ദുർബ്ബ​ലാ​വ​സ്ഥ​യിൽനിന്ന്‌ “ശക്തീക​രി​ക്ക​പ്പെട്ട” ഒരുവ​നെ​ന്ന​നി​ല​യിൽ ഹിസ്‌ക്കീ​യാ​രാ​ജാ​വി​നെ​ക്കു​റി​ച്ചും പൗലോസ്‌ ചിന്തി​ച്ചി​രി​ക്കാം. (യെശയ്യാവ്‌ 37:1-38:22) “യുദ്ധത്തിൽ ശൂരരാ​യി​ത്തീർന്ന” ദൈവ​ദാ​സൻമാ​രിൽ ന്യായാ​ധി​പ​നായ യിപ്‌താ​ഹും ദാവീ​ദു​രാ​ജാ​വും ഉണ്ടായി​രു​ന്നു. (ന്യായാ​ധി​പൻമാർ 11:32, 33; 2 ശമുവേൽ 22:1, 2, 30-38) “വിദേ​ശീ​യ​രു​ടെ സൈന്യ​ങ്ങളെ തുരത്തി”യവരിൽ ന്യായാ​ധി​പ​നായ ബാരാക്ക്‌ ഉൾപ്പെ​ട്ടി​രു​ന്നു. (ന്യായാ​ധി​പൻമാർ 4:14-16) വിശ്വാ​സ​ത്താൽ നമ്മുടെ നിർമ്മ​ല​ത​യു​ടെ ഓരോ പരി​ശോ​ധ​ന​യേ​യും വിജയ​പ്ര​ദ​മാ​യി നേരി​ടാ​നും യഹോ​വ​യു​ടെ ഇഷ്ടത്തി​ന​നു​യോ​ജ്യ​മായ എന്തും നിർവ്വ​ഹി​ക്കാ​നും നമുക്കു കഴിയു​മെന്ന്‌ ഈ വീര്യ​പ്ര​വൃ​ത്തി​കൾ നമ്മെ ബോദ്ധ്യ​പ്പെ​ടു​ത്തേ​ണ്ട​താണ്‌.

മാതൃ​കാ​യോ​ഗ്യ​മായ വിശ്വാ​സ​മുള്ള മററ​ള്ള​വർ

12. (എ)ഏതു “സ്‌ത്രീ​കൾക്ക്‌ പുനരു​ത്ഥാ​ന​ത്താൽ തങ്ങളുടെ മരിച്ച​വരെ കിട്ടി?” (ബി) വിശ്വാ​സ​മുള്ള ചില മനുഷ്യ​രു​ടെ പുനരു​ത്ഥാ​നം ഏതുവി​ധ​ത്തിൽ “മെച്ചപ്പെട്ട”തായി​രി​ക്കും?

¹² വിശ്വാ​സ​ത്തിൽ പുനരു​ത്ഥാ​ന​ത്തി​ലുള്ള വിശ്വാ​സ​വും ഉൾപ്പെ​ടു​ന്നു, അത്‌ ദൈവ​ത്തോ​ടു നിർമ്മ​ല​ത​പാ​ലി​ക്കാൻ നമ്മെ സഹായി​ക്കുന്ന ഒരു പ്രത്യാ​ശ​യാണ്‌. (എബ്രായർ 11:35 വായി​ക്കുക.) വിശ്വാ​സം നിമിത്തം, “സ്‌ത്രീ​കൾക്ക്‌ തങ്ങളുടെ മരിച്ച​വരെ പുനരു​ത്ഥാ​ന​ത്താൽ കിട്ടി.” വിശ്വാ​സ​ത്താ​ലും ദൈവ​ശ​ക്തി​യാ​ലും ഏലീയാവ്‌ സാരെ​ഫാ​ത്തി​ലെ ഒരു വിധവ​യു​ടെ പുത്രനെ ഉയർപ്പി​ച്ചു. ഏലീശ ഒരു ശൂനേം​കാ​രത്തി സ്‌ത്രീ​യു​ടെ ബാലനെ ജീവനി​ലേക്ക്‌ ഉയർപ്പി​ച്ചു. (1 രാജാ​ക്കൻമാർ 17:17-24; 2 രാജാ​ക്കൻമാർ 4:17-37) “എന്നാൽ മററു മനുഷ്യർ ഒരു മെച്ചപ്പെട്ട പുനരു​ത്ഥാ​നം പ്രാപി​ക്കേ​ണ്ട​തിന്‌ എന്തെങ്കി​ലും മോച​ന​ദ്ര​വ്യ​ത്താൽ വിമോ​ചനം സ്വീക​രി​ക്കു​ക​യി​ല്ലാ​ത്ത​തു​കൊണ്ട്‌ അവർ ദണ്ഡിപ്പി​ക്ക​പ്പെട്ടു [അക്ഷരീ​യ​മാ​യി, “വടിയാൽ അടിക്ക​പ്പെട്ടു.”].” പ്രത്യ​ക്ഷ​ത്തിൽ തിരു​വെ​ഴു​ത്തിൽ തിരി​ച്ച​റി​യി​ച്ചി​ട്ടി​ല്ലാത്ത യഹോ​വ​യു​ടെ ഈ സാക്ഷികൾ, തങ്ങളുടെ വിശ്വാ​സ​ത്തിൽ, വിട്ടു വീഴ്‌ച ആവശ്യ​പ്പെട്ട വിടുതൽ സ്വീക​രി​ക്കാൻ വിസമ്മ​തി​ച്ച​തു​കൊണ്ട്‌ അടി​കൊ​ണ്ടു മരണമ​ടഞ്ഞു. അവരുടെ പുനരു​ത്ഥാ​നം “മെച്ചപ്പെട്ട”തായി​രി​ക്കും, എന്തു​കൊ​ണ്ടെ​ന്നാൽ അത്‌ വീണ്ടും അനിവാ​ര്യ​മാ​യി മരി​ക്കേ​ണ്ട​തി​ല്ലാത്ത പുനരു​ത്ഥാ​ന​മാ​യി​രി​ക്കും. (ഏലീയാ​വും ഏലീശാ​യും ഉയർപ്പി​ച്ച​വ​രെ​പ്പോ​ലെ). അത്‌ “നിത്യ​പി​താ​വായ” യേശു​ക്രി​സ്‌തു​വി​ന്റെ രാജ്യ​ഭ​ര​ണ​ത്തിൻ കീഴി​ലാ​യി​രി​ക്കും സംഭവി​ക്കുക. അവന്റെ മോച​ന​ദ്ര​വ്യം ഭൂമി​യി​ലെ അനന്ത ജീവന്റെ അവസരം പ്രദാനം ചെയ്യുന്നു.—യെശയ്യാവ്‌ 9:6; യോഹ​ന്നാൻ 5:28, 29.

13. (എ) ആർ“പരിഹാ​സ​ങ്ങ​ളും ചമ്മട്ടി​പ്ര​ഹ​ര​ങ്ങ​ളും” അനുഭ​വി​ച്ചു? (ബി) ആർ “ബന്ധനങ്ങ​ളും തടവു​ക​ളും” അനുഭ​വി​ച്ചു?

¹³ നമുക്കു വിശ്വാ​സ​മു​ണ്ടെ​ങ്കിൽ നാം പീഡനം സഹിക്കാൻ പ്രാപ്‌ത​രാ​കും. (എബ്രായർ 11:36-38 വായി​ക്കുക.) നാം പീഡി​പ്പി​ക്ക​പ്പെ​ടു​മ്പോൾ, പുനരു​ത്ഥാ​ന​പ്ര​ത്യാ​ശ​യെ​ക്കു​റിച്ച്‌ ഓർക്കു​ന്ന​തും “പരിഹാ​സ​ങ്ങ​ളാ​ലും ചമ്മട്ടി​പ്ര​ഹ​ര​ങ്ങ​ളാ​ലും, തീർച്ച​യാ​യും അതിലു​പരി ബന്ധനങ്ങ​ളാ​ലും തടവു​ക​ളാ​ലും തങ്ങളുടെ പീഡാ​നു​ഭവം” [അഥവാ വിശ്വാ​സ​ത്തി​ന്റെ പരി​ശോ​ധന] ഏററു​വാ​ങ്ങിയ മററു​ള്ള​വരെ ദൈവം പുലർത്തി​യ​തു​പോ​ലെ നമ്മെയും പുലർത്താൻ കഴിയു​മെന്ന്‌ തിരി​ച്ച​റി​യു​ന്ന​തും സഹായ​ക​മാണ്‌. യിസ്രാ​യേലർ “തുടർച്ച​യാ​യി . . . യഹോ​വ​യു​ടെ ക്രോധം തന്റെ ജനത്തി​നെ​തി​രെ വരുന്ന​തു​വരെ, അവന്റെ പ്രവാ​ച​കൻമാ​രെ പരിഹ​സി​ച്ചു​കൊ​ണ്ടി​രു​ന്നു.” (2 ദിനവൃ​ത്താ​ന്തം 36:15, 16) വിശ്വാ​സ​ത്താൽ മീഖാ​യാ​വും ഏലീശാ​യും മററു ദൈവ​ദാ​സൻമാ​രും “പരിഹാ​സങ്ങൾ” സഹിച്ചു. (1 രാജാ​ക്കൻമാർ 22:24; 2 രാജാ​ക്കൻമാർ 2:23, 24; സങ്കീർത്തനം 42:3) യിസ്രാ​യേൽരാ​ജാ​ക്കൻമാ​രു​ടെ​യും പ്രവാ​ച​കൻമാ​രു​ടെ​യും നാളു​ക​ളിൽ “ചമ്മട്ടി​പ്ര​ഹ​രങ്ങൾ” അറിയ​പ്പെ​ട്ടി​രു​ന്നു. എതിരാ​ളി​കൾ യിരെ​മ്യാ​വി​നെ “അടിച്ചു,” നിന്ദി​ക്ക​ലാ​യി വെറുതെ തട്ടുക​യാ​യി​രു​ന്നില്ല. “ബന്ധനങ്ങ​ളും തടവു​ക​ളും” അവന്റെ അനുഭ​വ​ങ്ങ​ളെ​യും അതു​പോ​ലെ​തന്നെ മീഖാ​യാവ്‌, ഹനാനി എന്നീ പ്രവാ​ച​കൻമാ​രു​ടെ അനുഭ​വ​ങ്ങ​ളെ​യും നമ്മെ അനുസ്‌മ​രി​പ്പി​ച്ചേ​ക്കാം. (യിരെ​മ്യാവ്‌ 20:1, 2; 37:15; 1 രാജാ​ക്കൻമാർ 12:11; 22:26, 27; 2 ദിനവൃ​ത്താ​ന്തം 16:7, 10) സമാന​മായ വിശ്വാ​സ​മു​ള്ള​തി​നാൽ യഹോ​വ​യു​ടെ ആധുനി​ക​നാ​ളി​ലെ സാക്ഷി​കൾക്ക്‌ “നീതി​ക്കു​വേണ്ടി” സമാന​മായ കഷ്ടപ്പാ​ടു​കൾ സഹിക്കാൻ കഴിഞ്ഞി​ട്ടുണ്ട്‌.—1 പത്രോസ്‌ 3:14.

14. (എ) “കല്ലെറി​യ​പ്പെട്ട”വരിൽ ആർ ഉൾപ്പെ​ട്ടി​രു​ന്നു? (ബി) ആർ “അറുത്തു മുറി​ക്ക​പ്പെ​ട്ടി​രി​ക്കാം?”

¹⁴ “അവർ കല്ലെറി​യ​പ്പെട്ടു”വെന്ന്‌ പൗലോസ്‌ പറഞ്ഞു. അങ്ങനെ​യുള്ള വിശ്വാ​സ​മു​ണ്ടാ​യി​രുന്ന ഒരു മനുഷ്യൻ യെഹോ​യാ​ദാ പുരോ​ഹി​തന്റെ പുത്ര​നായ സെഖര്യാവ്‌ ആയിരു​ന്നു. ദൈവാ​ത്മാ​വി​നാൽ ആവരണം ചെയ്യ​പ്പെട്ട്‌ അവൻ യഹൂദ​യു​ടെ വിശ്വാ​സ​ത്യാ​ഗി​കൾക്കെ​തി​രെ തുറന്നു സംസാ​രി​ച്ചു. ഫലമോ? യെഹോ​വാശ്‌ രാജാ​വി​ന്റെ കല്‌പ​ന​പ്ര​കാ​രം യഹോ​വ​യു​ടെ ആലയത്തി​ന്റെ പ്രാകാ​ര​ത്തിൽവച്ച്‌ ഗൂഢാ​ലോ​ച​ന​ക്കാർ അവനെ കല്ലെറി​ഞ്ഞു​കൊ​ന്നു. (2 ദിനവൃ​ത്താ​ന്തം 24:20-22; മത്തായി 23:33-35) പൗലോസ്‌ കൂട്ടി​ച്ചേർത്തു: “അവർ വിചാരണ ചെയ്യ​പ്പെട്ടു, അവർ അറുത്തു മുറി​ക്ക​പ്പെട്ടു.” “വിചാ​ര​ണ​ചെ​യ്യ​പ്പെട്ട” ഒരാളാ​യി അവൻ മീഖാ​യാ​വു പ്രവാ​ച​ക​നെ​ക്കു​റി​ച്ചു ചിന്തി​ച്ചി​രി​ക്കാം. മനശ്ശെ രാജാ​വി​ന്റെ വാഴ്‌ച​ക്കാ​ലത്ത്‌ യെശയ്യാവ്‌ രണ്ടായി അറുത്തു മുറി​ക്ക​പ്പെ​ട്ടു​വെന്ന്‌ അനിശ്ചി​ത​മാ​യി യഹൂദ പാരമ്പ​ര്യം പറയുന്നു.—1 രാജാ​ക്കൻമാർ 22:24-28.

15. ആർ “ദുഷ്‌പെ​രു​മാ​ററ”മനുഭ​വി​ക്കു​ക​യും “മരുഭൂ​മി​ക​ളിൽ അലഞ്ഞു​ന​ട​ക്കു​ക​യും” ചെയ്‌തു?

¹⁵ മററു​ചി​ലർ “വാളാ​ലുള്ള സംഹാ​ര​ത്താൽ മരിച്ചു.” ദൃഷ്ടാ​ന്ത​മാ​യി, ദുഷ്ടനായ ആഹാബ്‌ രാജാ​വി​ന്റെ നാളു​ക​ളിൽ ദൈവ​ത്തി​ന്റെ പ്രവാ​ച​കൻമാർ—ഏലീയാ​വി​ന്റെ സഹപ്ര​വാ​ച​കൻമാർ—“വാളാൽ കൊല്ല​പ്പെട്ടു.” (1 രാജാ​ക്കൻമാർ 19:9, 10) ഏലീയാ​വും ഏലീശാ​യും, “ഞെരു​ക്ക​ത്തി​ലും ഉപദ്ര​വ​ത്തി​ലും ദുഷ്‌പെ​രു​മാ​റ​റ​ത്തി​നു വിധേ​യ​മാ​യു​മി​രി​ക്കെ, ചെമ്മരി​യാ​ട്ടിൻതോ​ലും കോലാ​ട്ടിൻതോ​ലും ധരിച്ചു നടന്ന” വിശ്വാ​സ​മു​ള്ള​വ​രിൽ പെട്ടവ​രാ​യി​രു​ന്നു. (1 രാജാ​ക്കൻമാർ 19:5-8, 19;2 രാജാ​ക്കൻമാർ 1:8; 2:13; യിരെ​മ്യാവ്‌ 38:6 താരത​മ്യ​പ്പെ​ടു​ത്തുക.) പീഡന​ത്തി​ന്റെ ഇരകളാ​യി “മരുഭൂ​മി​ക​ളി​ലും പർവ്വത​ങ്ങ​ളി​ലും ഗുഹക​ളി​ലും ഭൂമി​യി​ലെ കുഴി​ക​ളി​ലും അലഞ്ഞു നടന്ന”വരിൽ ഏലീയാ​വും ഏലീശാ​യും മാത്രമല്ല, ഓബദ്യാവ്‌ 50 പേരെ വീതം ഒരു ഗുഹയിൽ ഒളിപ്പിച്ച 100 പ്രവാ​ച​കൻമാ​രും ഉൾപ്പെ​ടു​ന്നു. വിഗ്ര​ഹാ​രാ​ധ​ക​യാ​യി​രുന്ന ഈസബേൽ രാജ്ഞി ”യഹോ​വ​യു​ടെ പ്രവാ​ച​കൻമാ​രെ വെട്ടി​ക്ക​ള​യാൻ” തുടങ്ങി​യ​പ്പോൾ ഓബദ്യാവ്‌ അവർക്ക്‌ അപ്പവും വെള്ളവും കൊടു​ത്തി​രു​ന്നു. (1 രാജാ​ക്കൻമാർ 18:4, 13; 2 രാജാ​ക്കൻമാർ 2:13; 6:13, 30, 31) എങ്ങനെ​യുള്ള നിർമ്മ​ല​താ​പാ​ലകർ! “ലോകം [നീതി​കെട്ട മനുഷ്യ​സ​മു​ദാ​യം] അവർക്കു യോഗ്യ​മാ​യി​രു​ന്നില്ല” എന്ന്‌ പൗലോസ്‌ പറഞ്ഞത്‌ ആശ്ചര്യമല്ല!

16. (എ) ക്രിസ്‌തു​വി​നു മുമ്പത്തെ യഹോ​വ​യു​ടെ സാക്ഷികൾ “വാഗ്‌ദത്ത നിവൃത്തി” പ്രാപി​ക്കാ​ഞ്ഞ​തെ​ന്തു​കൊണ്ട്‌? (ബി) ക്രിസ്‌തു​വി​നു മുമ്പത്തെ കാലങ്ങ​ളി​ലെ യഹോ​വ​യു​ടെ സാക്ഷികൾ “പൂർണ്ണ​രാ​ക്ക​പ്പെ​ടു​ന്നത്‌ എന്തി​നോ​ടു ബന്ധപ്പെ​ട്ടാ​യി​രി​ക്കണം?

¹⁶ വിശ്വാ​സം ദൈവ​ത്തി​ന്റെ തക്കസമ​യത്ത്‌, തന്നെ സ്‌നേ​ഹി​ക്കുന്ന സകലർക്കും “വാഗ്‌ദത്ത നിവൃത്തി ലഭിക്കും” എന്ന ബോദ്ധ്യം നമുക്കു നൽകുന്നു. (എബ്രായർ 11:39, 40 വായി​ക്കുക.) ക്രിസ്‌തീ​യ​കാ​ല​ത്തി​നു മുമ്പത്തെ നിർമ്മ​ല​താ​പാ​ല​കർക്ക്‌ “അവരുടെ വിശ്വാ​സ​ത്തി​ലൂ​ടെ അവർക്ക്‌ സാക്ഷ്യം വഹിക്ക​പ്പെട്ടു,“ ഇപ്പോൾ ഒരു തിരു​വെ​ഴു​ത്തു​രേ​ഖ​തന്നെ. എന്നാൽ രാജ്യ​ഭ​ര​ണ​ത്തിൻ കീഴിലെ നിത്യ​ജീ​വന്റെ പ്രതീ​ക്ഷ​യോ​ടെ ഒരു ഭൗമിക പുനരു​ത്ഥാ​ന​ത്താൽ അവർ ഇതുവ​രെ​യും “വാഗ്‌ദത്ത നിവൃത്തി” പ്രാപി​ച്ചി​ട്ടില്ല. എന്തു​കൊണ്ട്‌? യേശു​വി​ന്റെ അഭിഷി​ക്താ​നു​ഗാ​മി​കളെ”ക്കൂടാതെ അവർ പൂർണ്ണ​രാ​ക്ക​പ്പെ​ടാ​തി​രി​ക്കേ​ണ്ട​തി​നു”തന്നെ. ആ അഭിഷി​ക്താ​നു​ഗാ​മി​കൾക്കു “ദൈവം മെച്ചപ്പെട്ട ഒന്നു മുൻകണ്ടു”—ക്രിസ്‌തു​യേ​ശു​വി​നോ​ടു​കൂ​ടെ​യുള്ള അമർത്ത്യ​സ്വർഗ്ഗീയ ജീവനും സഹഭര​ണാ​ധി​പ​ത്യ​ത്തി​ന്റെ പദവി​ക​ളും. 1914-ലെ രാജ്യ​സ്ഥാ​പ​ന​ത്തി​നു​ശേഷം തുടങ്ങുന്ന അവരുടെ പുനരു​ത്ഥാ​ന​ത്താൽ, അഭിഷിക്ത ക്രിസ്‌ത്യാ​നി​കൾ സ്വർഗ്ഗ​ങ്ങ​ളിൽ “പൂർണ്ണ​രാ​ക്ക​പ്പെ​ടു​ന്നു.” അത്‌ ക്രിസ്‌തീയ കാലത്തി​നു മുമ്പത്തെ യഹോ​വ​യു​ടെ സാക്ഷികൾ ഭൂമി​യിൽ പുനരു​ത്ഥാ​നം പ്രാപി​ക്കു​ന്ന​തി​നു മുൻപാണ്‌. (1 കൊരി​ന്ത്യർ 15:50-57; വെളി​പ്പാട്‌ 12:1-5) മുൻകാ​ലത്തെ ആ സാക്ഷികൾ “പൂർണ്ണ​രാ​ക്ക​പ്പെടു”ന്നത്‌ അവരുടെ ഭൗമിക പുനരു​ത്ഥാ​ന​ത്തോ​ടും, ഒടുവിൽ അവർ “ദ്രവത്വ​ത്തി​ന്റെ അടിമ​ത്ത​ത്തിൽനിന്ന്‌ സ്വത​ന്ത്ര​രാ​ക്ക​പ്പെടു”ന്നതി​നോ​ടും, മഹാപു​രോ​ഹി​ത​നായ യേശു​ക്രി​സ്‌തു​വി​ന്റെ​യും അവന്റെ 144000 സ്വർഗ്ഗീയ ഉപപു​രോ​ഹി​തൻമാ​രു​ടെ​യും സഹസ്രാ​ബ്ദ​വാ​ഴ്‌ച​ക്കാ​ലത്തെ അവരുടെ സേവന​ങ്ങ​ളി​ലൂ​ടെ അവർ മാനുഷ പൂർണ്ണ​ത​പ്രാ​പി​ക്കു​ന്ന​തി​നോ​ടും ബന്ധപ്പെ​ട്ടാണ്‌.—റോമർ 8:20, 21; എബ്രായർ 7:26; വെളി​പ്പാട്‌ 14:1; 20:4-6.

നമ്മുടെ വിശ്വാ​സത്തെ പൂർണ്ണ​മാ​ക്കു​ന്ന​വനെ ദൃഷ്ടി​പ​ഥ​ത്തിൽ നിർത്തുക

17, 18. (എ)നിത്യ​ജീ​വ​നു​വേ​ണ്ടി​യുള്ള നമ്മുടെ ഓട്ടത്തിൽ വിജയി​ക്കു​ന്ന​തിന്‌, നാം എന്തു ചെയ്യണം? (ബി) യേശു​ക്രി​സ്‌തു “നമ്മുടെ വിശ്വാ​സത്തെ പൂർണ്ണ​മാ​ക്കു​ന്നവൻ” ആയിരി​ക്കു​ന്ന​തെ​ങ്ങനെ?

¹⁷ ക്രിസ്‌തു​വി​നു മുമ്പത്തെ യഹോ​വ​യു​ടെ സാക്ഷി​ക​ളു​ടെ പ്രവൃ​ത്തി​കൾ ചർച്ച​ചെ​യ്‌ത​ശേഷം പൗലോസ്‌ വിശ്വാ​സ​ത്തി​ന്റെ മുഖ്യ ദൃഷ്ടാ​ന്ത​ത്തി​ലേക്കു വിരൽ ചൂണ്ടി. (എബ്രായർ 12:1-3 വായി​ക്കുക) ‘നമുക്കു ചുററും സാക്ഷ്യ​വാ​ഹ​ക​രു​ടെ ഇത്ര വലിയ ഒരു മേഘം’ ഉള്ളത്‌ പ്രോ​ത്സാ​ഹ​ന​ത്തി​ന്റെ എന്തോരു ഉറവാണ്‌! ഇത്‌ നമ്മുടെ ആത്മീയ പുരോ​ഗ​തി​യെ തടസ്സ​പ്പെ​ടു​ത്തുന്ന ഏതു ഭാരവും നീക്കം ചെയ്യാൻ നമ്മെ പ്രേരി​പ്പി​ക്കു​ന്നു. അത്‌ വിശ്വാ​സ​നഷ്ടം അഥവാ രാഹി​ത്യം ആകുന്ന പാപം ഒഴിവാ​ക്കു​ന്ന​തി​നും നിത്യ​ജീ​വ​നു​വേ​ണ്ടി​യുള്ള ക്രിസ്‌തീയ ഓട്ടം സഹിഷ്‌ണു​ത​യോ​ടെ ഓടു​ന്ന​തി​നും നമ്മെ സഹായി​ക്കു​ന്നു. എന്നിരു​ന്നാ​ലും, നമ്മുടെ ലാക്കി​ലെ​ത്തു​ന്ന​തിന്‌ നാം കൂടു​ത​ലാ​യി ചിലതു ചെയ്യേ​ണ്ട​താണ്‌. എന്നാൽ അത്‌ എന്താണ്‌?

¹⁸ ദൈവ​ത്തി​ന്റെ പുതിയ വ്യവസ്ഥി​തി​യി​ലെ നിത്യ​ജീ​വ​നു​വേ​ണ്ടി​യുള്ള ഓട്ടത്തിൽ നാം വിജയി​ക്ക​ണ​മെ​ങ്കിൽ നാം “മുഖ്യ​കാ​ര്യ​സ്ഥ​നും [അഥവാ മുഖ്യ നേതാവ്‌] നമ്മുടെ വിശ്വാ​സത്തെ പൂർണ്ണ​മാ​ക്കു​ന്ന​വ​നു​മായ യേശു​വി​നെ ഏകാ​ഗ്ര​മാ​യി നോക്കേണ്ട” ആവശ്യ​മുണ്ട്‌. യേശു​ക്രി​സ്‌തു​വി​ന്റെ ഭൗമിക ശുശ്രൂ​ഷക്കു മുമ്പു ജീവി​ച്ചി​രുന്ന അബ്രാ​ഹാ​മി​ന്റെ​യും മററു നിർമ്മ​ല​താ​പാ​ല​ക​രു​ടെ​യും വിശ്വാ​സം അപൂർണ്ണ​മാ​യി​രു​ന്നു. കാരണം അന്നു നിവൃ​ത്തി​യേ​റാ​തി​രുന്ന മശിഹാ​യെ​ക്കു​റി​ച്ചുള്ള പ്രവച​നങ്ങൾ അവർക്കു മനസ്സി​ലാ​യി​രു​ന്നില്ല. (1 പത്രോസ്‌ 1:10-12 താരത​മ്യ​പ്പെ​ടു​ത്തുക.) എന്നാൽ യേശു​വി​ന്റെ ജനനത്താ​ലും ശുശ്രൂ​ഷ​യാ​ലും മരണത്താ​ലും പുനരു​ത്ഥാ​ന​ത്താ​ലും അനേകം മശി​ഹൈക പ്രവച​നങ്ങൾ നിവർത്തി​ച്ചു. അങ്ങനെ പൂർണ്ണ​മാ​ക്ക​പ്പെട്ട ഒരർത്ഥ​ത്തിൽ വിശ്വാ​സം യേശു​ക്രി​സ്‌തു​വി​ലൂ​ടെ “വന്നെത്തി.” (ഗലാത്യർ 3:24, 25) മാത്ര​വു​മല്ല, യേശു തന്റെ സ്വർഗ്ഗീയ സ്ഥാനത്തു​നിന്ന്‌ തന്റെ അനുഗാ​മി​ക​ളു​ടെ വിശ്വാ​സത്തെ പൂർണ്ണ​മാ​ക്കു​ന്ന​വ​നാ​യി തുടർന്നു, പൊ. യു. 33-ലെ പെന്തെ​ക്കോ​സ്‌തിൽ അവരു​ടെ​മേൽ പരിശു​ദ്ധാ​ത്മാ​വി​നെ പകർന്ന​പ്പോ​ഴും അവരുടെ വിശ്വാ​സത്തെ ക്രമാ​നു​ഗ​ത​മാ​യി വളർത്തിയ വെളി​പ്പാ​ടു​കൾ കൊടു​ത്ത​പ്പോ​ഴും​തന്നെ. (പ്രവൃ​ത്തി​കൾ 2:32, 33; റോമർ 10:17; വെളി​പ്പാട്‌ 1:1, 2; 22:16) ഈ “വിശ്വ​സ്‌ത​സാ​ക്ഷി”ക്കും യഹോ​വ​യു​ടെ സാക്ഷി​ക​ളു​ടെ ഈ “മുഖ്യ​നേ​താ​വി​നും”വേണ്ടി നാം എത്ര നന്ദിയു​ള്ള​വ​രാണ്‌!—വെളി​പ്പാട്‌ 1:5; മത്തായി 23:10.

19. യേശു​വി​നെ ‘സൂക്ഷ്‌മ​മാ​യി പരിചി​ന്തി​ക്കേണ്ട’തെന്തു​കൊണ്ട്‌?

¹⁹ വിശ്വാ​സ​മി​ല്ലാ​ത്ത​വ​രു​ടെ നിന്ദകൾ സഹിക്കു​ന്നത്‌ എളുപ്പ​മ​ല്ലാ​ത്ത​തു​കൊണ്ട്‌ പൗലോസ്‌ ഇങ്ങനെ പ്രോ​ത്സാ​ഹി​പ്പി​ച്ചു: “നിങ്ങൾ നിങ്ങളു​ടെ ദേഹി​ക​ളിൽ ക്ഷീണിച്ചു മടുത്തു​പോ​കാ​തി​രി​ക്കേ​ണ്ട​തിന്‌, തങ്ങളുടെ സ്വന്തം താൽപ്പ​ര്യ​ങ്ങൾക്കെ​തി​രായ പാപി​ക​ളാ​ലുള്ള അത്തരം വിരു​ദ്ധ​സം​സാ​രം സഹിച്ചി​രി​ക്കു​ന്ന​വനെ [യേശു​വി​നെ] സൂക്ഷ്‌മ​മാ​യി പരിചി​ന്തി​ക്കുക. “തീർച്ച​യാ​യും, നാം “വിശ്വ​സ്‌ത​സാ​ക്ഷി”യായ യേശു​ക്രി​സ്‌തു​വിൻമേൽ നമ്മുടെ ദൃഷ്ടികൾ പതിപ്പി​ക്കു​ന്നു​വെ​ങ്കിൽ നാം ഒരിക്ക​ലും ദിവ്യേ​ഷ്ടം ചെയ്യു​ന്ന​തിൽ ക്ഷീണി​ച്ചു​പോ​കു​ക​യില്ല.—യോഹ​ന്നാൻ 4:34.

20. എബ്രായർ 11:1-12:3 വരെ പരിചി​ന്തി​ച്ച​തി​നാൽ നിങ്ങൾ വിശ്വാ​സ​ത്തെ​ക്കു​റി​ച്ചു പഠിച്ച ചിലകാ​ര്യ​ങ്ങ​ളേവ?

²⁰ ‘സാക്ഷി​ക​ളു​ടെ വലിയ മേഘ’ത്തിൽനിന്ന്‌ നാം വിശ്വാ​സ​ത്തി​ന്റെ മുഖവ​ശ​ങ്ങ​ളെ​ക്കു​റിച്ച്‌ വളരെ​യ​ധി​കം പഠിക്കു​ന്നു. ഉദാഹ​ര​ണ​ത്തിന്‌, ഹാബേ​ലി​ന്റേ​തു​പോ​ലെ​യുള്ള വിശ്വാ​സം യേശു​വി​ന്റെ ബലി​യോ​ടുള്ള നമ്മുടെ വിലമ​തി​പ്പു വർദ്ധി​പ്പി​ക്കു​ന്നു. യഥാർത്ഥ വിശ്വാ​സം നമ്മെ ധൈര്യ​മുള്ള സാക്ഷി​ക​ളാ​ക്കി​ത്തീർക്കു​ന്നു, ഹാനോക്ക്‌ ധൈര്യ​പൂർവ്വം യഹോ​വ​യു​ടെ സന്ദേശം സംസാ​രി​ച്ച​തു​പോ​ലെ​തന്നെ. നോഹ​യു​ടെ കാര്യ​ത്തി​ലെ​ന്ന​പോ​ലെ, നമ്മുടെ വിശ്വാ​സം ദൈവ​ത്തി​ന്റെ നിർദ്ദേ​ശങ്ങൾ അടുത്തു പിൻതു​ട​രു​ന്ന​തി​നും നീതി​പ്ര​സം​ഗി​ക​ളാ​യി സേവി​ക്കു​ന്ന​തി​നും നമ്മെ പ്രേരി​പ്പി​ക്കു​ന്നു. അബ്രാ​ഹാ​മി​ന്റെ വിശ്വാ​സം ദൈവത്തെ അനുസ​രി​ക്കേ​ണ്ട​തി​ന്റെ​യും അവന്റെ വാഗ്‌ദ​ത്ത​ങ്ങ​ളിൽ വിശ്വ​സി​ക്കേ​ണ്ട​തി​ന്റെ​യും ആവശ്യകത നമ്മെ ബോദ്ധ്യ​പ്പെ​ടു​ത്തു​ന്നു, അവയിൽ ചിലത്‌ ഇതുവരെ നിവർത്തി​ച്ചി​ട്ടി​ല്ലെ​ങ്കി​ലും. മോ​ശെ​യു​ടെ ദൃഷ്ടാന്തം ഈ ലോക​ത്താൽ കളങ്കം പററാതെ സൂക്ഷി​ക്കു​ന്ന​തി​നും യഹോ​വ​യു​ടെ ജനത്തോട്‌ വിശ്വ​സ്‌ത​ത​യോ​ടെ അടുത്തു നിൽക്കു​ന്ന​തി​നും വിശ്വാ​സം നമ്മെ പ്രാപ്‌ത​രാ​ക്കു​ന്നു​വെന്നു പ്രകട​മാ​ക്കു​ന്നു. യിസ്രാ​യേ​ലി​ലെ ന്യായാ​ധി​പൻമാ​രു​ടെ​യും രാജാ​ക്കൻമാ​രു​ടെ​യും പ്രവാ​ച​കൻമാ​രു​ടെ​യും വീര്യ​പ്ര​വൃ​ത്തി​കൾ, ദൈവ​ത്തി​ലുള്ള വിശ്വാ​സ​ത്തിന്‌ പീഡന​ത്തി​ലും പരി​ശോ​ധ​ക​ളി​ലും നമ്മെ പുലർത്താൻ കഴിയു​മെന്ന്‌ തെളി​യി​ക്കു​ന്നു. യേശു​ക്രി​സ്‌തു​വി​ന്റെ അതി​ശ്രേഷ്‌ഠ ദൃഷ്ടാന്തം നമ്മുടെ വിശ്വാ​സത്തെ ദൃഢവും കുലു​ങ്ങാ​ത്ത​തു​മാ​ക്കി​ത്തീർക്കു​ന്നു​വെ​ന്ന​തിൽ നാം എത്ര നന്ദിയു​ള്ള​വ​രാണ്‌! തന്നിമി​ത്തം, യേശു​വി​നെ നമ്മുടെ നേതാ​വാ​യി പിൻപ​റ​റി​യും നമ്മുടെ ദൈവ​ത്തി​ന്റെ ബലത്തി​ലും, നമുക്ക്‌ യഹോ​വ​യു​ടെ സാക്ഷി​ക​ളെ​ന്ന​നി​ല​യിൽ നിലനിൽക്കുന്ന വിശ്വാ​സം പ്രകട​മാ​ക്കു​ന്ന​തിൽ തുടരാം. (w87 1/15)

നിങ്ങളുടെ ഉത്തരങ്ങൾ എന്താകു​ന്നു?

◻ ക്രിസ്‌തു​വി​നു മുമ്പത്തെ യഹോ​വ​യു​ടെ സാക്ഷി​ക​ളു​ടെ ഏതു പ്രവൃ​ത്തി​കൾ, അപകട​ത്തിൻമ​ദ്ധ്യേ ദൈവ​ത്തി​ലുള്ള പൂർണ്ണ​മായ ആശ്രയ​ത്താൽ വിശ്വാ​സം പ്രകട​മാ​ക്ക​പ്പെ​ടു​ന്നു​വെന്ന്‌ തെളി​യി​ക്കു​ന്നു?

◻ വിശ്വാ​സ​ത്താൽ നമുക്ക്‌ നമ്മുടെ നിർമ്മ​ല​ത​യു​ടെ ഓരോ പരി​ശോ​ധ​ന​യെ​യും വിജയ​ക​ര​മാ​യി നേരി​ടാൻ കഴിയു​മെന്ന്‌ പറയു​ന്ന​തെ​ന്തു​കൊണ്ട്‌?

◻ വിശ്വാ​സ​ത്താൽ നമുക്ക്‌ പീഡനം സഹിക്കാൻ കഴിയു​മെന്ന്‌ എന്തു തെളി​വുണ്ട്‌?

◻ യേശു “നമ്മുടെ വിശ്വാ​സത്തെ പൂർണ്ണ​മാ​ക്കു​ന്നവൻ” എന്നു വിളി​ക്ക​പ്പെ​ടു​ന്ന​തെ​ന്തു​കൊണ്ട്‌?

◻ വിശ്വാ​സ​ത്തി​ന്റെ അനേകം മുഖവ​ശ​ങ്ങ​ളിൽ ചിലത്‌ ഏവ?

[12, 13 പേജു​ക​ളി​ലെ ചിത്രം]

യഹോവയിൽ പൂർണ്ണ​മാ​യി ആശ്രയി​ച്ചു​കൊണ്ട്‌ ദാവീദ്‌ വിശ്വാ​സം പ്രകട​മാ​ക്കി. ഇന്നത്തെ യഹോ​വ​യു​ടെ ജനത്തിന്‌ നല്ല ഒരു ദൃഷ്ടാന്തം!

[14-ാം പേജിലെ ചിത്രം]

“സ്‌ത്രീ​കൾക്ക്‌ തങ്ങളുടെ മരിച്ച​വരെ പുനരു​ത്ഥാ​ന​ത്താൽ കിട്ടി.” പുനരു​ത്ഥാ​ന​ത്തി​ലുള്ള വിശ്വാ​സം യഹോ​വ​യോ​ടു നിർമ്മലത പാലി​ക്കാൻ നമ്മെ സഹായി​ക്കു​ന്നു