स्तोत्र

११५ आमचा नाही, हे यहोवा, आमचा नाही,*

तर तुझ्या नावाचा गौरव कर.+

 २ “त्यांचा देव कुठे आहे,”

असं इतर राष्ट्रांनी का म्हणावं?+

 ३ आमचा देव स्वर्गात आहे;

त्याला आवडतं ते तो करतो.

 ४ त्यांच्या मूर्ती तर सोन्याचांदीच्या आहेत;

त्या माणसांच्या हातांनी घडवलेल्या आहेत.+

 ५ त्यांना तोंड आहे, पण बोलता येत नाही;+

डोळे आहेत, पण पाहता येत नाही.

 ६ त्यांना कान आहेत, पण ऐकू येत नाही;

नाक आहे, पण वास घेता येत नाही.

 ७ त्यांना हात आहेत, पण स्पर्श करता येत नाही;

पाय आहेत, पण चालता येत नाही;+

त्यांच्या गळ्यातून आवाज फुटत नाही.+

 ८ त्यांना घडवणारे त्यांच्यासारखेच होतील,+

त्यांच्यावर भरवसा ठेवणाऱ्‍यांचीही, त्यांच्यासारखीच स्थिती होईल.+

१२ यहोवा आपली आठवण ठेवतो;

तो आपल्याला आशीर्वाद देईल.

तो इस्राएलच्या घराण्याला;+

अहरोनच्या घराण्याला आशीर्वाद देईल.

१३ यहोवाची भीती बाळगणाऱ्‍या लोकांना;

लहानमोठ्यांना तो आशीर्वाद देईल.

१४ यहोवा तुमची संख्या वाढवेल;

तो तुमची आणि तुमच्या मुलांची* संख्या वाढवेल.+

१५ आकाश आणि पृथ्वी निर्माण करणारा+

यहोवा देव तुम्हाला आशीर्वाद देवो!+

१६ स्वर्ग तर यहोवाचा आहे,+

पण त्याने पृथ्वी मानवांना दिली आहे.+

१७ मेलेले लोक याहची स्तुती करू शकत नाहीत;+

खाली कबरेत जाणारे कोणीही त्याची स्तुती करू शकत नाहीत.+

१८ पण आम्ही याहची स्तुती करू;

आतापासून सर्वकाळापर्यंत, आम्ही त्याचं गुणगान करू.