Faarfannaa

34 Yeroo hundumaa Yihowaa nan jajadha;

Galanni isaa yoom iyyuu afaan koo irra jira.

 2 Ani Yihowaadhaan of nan jaja;+

Garraamonni kana dhagaʼanii ni gammadu.

 3 Anaa wajjin Yihowaa jajadhaa;+

Maqaa isaa waliin ol haa qabnu.

 5 Warri gara isaa ilaalan ni ifan;

Fuulli isaaniis qaaneffamuu hin dandeenye.

 8 Yihowaan gaarii taʼuu isaa dhandhamaa ilaalaa;+

Namni isatti kooluu galu gammadaa dha.

 9 Isin qulqulloonni isaa hundi Yihowaa sodaadhaa,

Warri isa sodaatan homtuu isaanitti hin hirʼatu.+

10 Leenconni saafelaa ciccimoo taʼan illee ni beelaʼu,

Warri Yihowaa barbaaddatan garuu wanti gaariin tokko illee isaanitti hin hirʼatu.+

11 Yaa ilmaan koo, kottaa na dhagaʼaa;

Yihowaa sodaachuu isin nan barsiisa.+

12 Ati jireenyatti gammaduu,

Guyyoota gaggaarii hedduus arguu yoo barbaadde,+

13 Arraba kee wanta hamaa taʼe irraa,+

Afaan kees gowwoomsaa dubbachuu irraa eegi.+

14 Wanta hamaa irraa deebiʼi, wanta gaariis raawwadhu;+

Nagaa barbaadi, isa duukaas buʼi.+

15 Ijji Yihowaa qajeelota irra jira,+

Gurri isaas iyya isaan gargaarsa argachuuf dhiheessan ni dhagaʼa.+

16 Taʼus, yaadannoo isaanii hundumaa lafa irraa haquuf,

Yihowaan warra wanta hamaa hojjetan irraa ni garagala.+

17 Isaan ni iyyatan, Yihowaanis ni dhagaʼe;+

Dhiphina isaanii hundumaa jalaas isaan oolche.+

18 Yihowaan warra garaan isaanii cabetti* dhihoo dha;+

Warra hafuurri isaanii caccabes* ni oolcha.+

19 Rakkinni nama qajeelaa hedduu dha,+

Yihowaan garuu hunduma isaa jalaa isa ni oolcha.+

20 Inni lafeewwan isaa hundumaa ni eega;

Isaan keessaa tokko illee hin cabne.+

21 Nama hamaa balaan ni ajjeesa;

Warri nama qajeelaa jibban yakkamtoota taʼu.

22 Yihowaan lubbuu tajaajiltoota isaa ni fura;

Warra isatti kooluu galan keessaa tokko illee yakkamaa hin taʼu.+