Yesaya

 2 Kuki mukomeza gutanga amafaranga mugura ibintu bitari ibyokurya

Kandi se kuki mutanga amafaranga muba mwabonye bibaruhije mugura ibintu bidahaza?

Muntege amatwi mwitonze murebe ngo murarya ibyiza+

Kandi mukishimira* cyane ibyiza kurusha ibindi.*+

Nimwumve maze muzakomeze kubaho

Kandi nzagirana namwe isezerano rihoraho,+

Rihuje n’urukundo rudahemuka nakunze Dawidi, isezerano ryo kwizerwa.+

 4 Dore namugize umuhamya+ w’ibihugu,

Mugira umuyobozi+ n’umutegetsi+ w’ibihugu.

 5 Dore uzahamagara abantu utazi

Kandi abantu bo mu gihugu utigeze kumenya baziruka bagusanga,

Kubera Yehova Imana yawe,+ Uwera wa Isirayeli,

Kuko azagushyira hejuru.+

 6 Mushake Yehova kumubona bigishoboka,+

Mumuhamagare akiri hafi.+

 7 Umuntu mubi nareke ibyo akora+

N’ugira nabi ahindure ibitekerezo bye.

Agarukire Yehova kuko azamugirira imbabazi,+

Agarukire Imana yacu kuko izamubabarira rwose.+

 8 Yehova aravuga ati: “Kuko ibyo mutekereza atari byo ntekereza+

Kandi ibyo mukora bitandukanye n’ibyo nkora.

 9 Nk’uko ijuru risumba isi,

Ni ko n’ibikorwa byanjye bisumba ibyanyu

Kandi ibyo ntekereza bisumba ibyo mutekereza.+

10 Nk’uko imvura n’urubura bimanuka bivuye mu ijuru

Ntibisubireyo bitaratosa ubutaka, ngo bimeze imyaka kandi yere,

Umuhinzi akabona imbuto n’urya akabona ibyokurya,

11 Ni ko ijambo ryanjye riva mu kanwa kanjye rizamera.+

Ntirizangarukaho nta cyo rirakora,+

Ahubwo rizakora ibyo nishimira+

Kandi rikore ibyo naritumye.

12 Muzasohoka mwishimye+

Kandi muzagarurwa mu mahoro.+

Imisozi n’udusozi bizanezererwa imbere yanyu, bisakuze byishimye+

Kandi ibiti byo mu murima byose bizakoma amashyi.+

13 Ahari ibihuru by’amahwa hazamera igiti cy’umuberoshi,+

Naho ahari igisura hamere igiti cy’umuhadasi.

Bizatuma izina rya Yehova rimenyekana,+

Bibe ikimenyetso kitazigera kivaho.”