උත්පත්ති
16 ආබ්‍රම්ගේ භාර්යාව වූ සාරයි ඒ වන විටත් දරුවෙකු බිහි කර තිබුණේ නැත.+ සාරයිට හාගර් නම් ඊජිප්තු ජාතික සේවිකාවක් සිටියාය.+ 2 සාරයි ආබ්‍රම්ට මෙසේ කීවාය. “අනේ, මම කියන දේට පොඩ්ඩක් සවන් දෙන්න. දරුවන් ලැබීමේ ආශීර්වාදය යෙහෝවා දෙවි මට දීලා නැහැ.+ ඒ නිසා මා වෙනුවෙන් මේ දේ කරන්න. ඔබ මගේ සේවිකාව සමඟ සයනය කර ඇගෙන්වත් මට දරුවෙක් ලබා දෙන්න.”+ ආබ්‍රම් සාරයිගේ ඉල්ලීමට සවන් දුන්නේය.+ 3 ඉන්පසු ආබ්‍රම්ගේ භාර්යාව වූ සාරයි තම ඊජිප්තු ජාතික සේවිකාව වූ හාගර්ව තම ස්වාමිපුරුෂයාට භාර්යාවක් ලෙස දුන්නාය.+ ඒ වන විට ආබ්‍රම් කානාන් දේශයේ අවුරුදු දහයක් ජීවත් වී තිබිණ. 4 ආබ්‍රම් හාගර් සමඟ සයනය කළ පසු ඇය ගැබ්ගත්තාය. නමුත් හාගර් තමන් ගැබ්ගෙන සිටින බව දැනගත් විට ඇගේ ස්වාමිදුවව පහත් කොට සලකන්න පටන්ගත්තාය.+
5 එවිට සාරයි ආබ්‍රම්ට මෙසේ කීවාය. “මගේ සේවිකාව වන හාගර්ව ඔබට දුන්නේ මමයි. නමුත් ඇය ගැබ්ගත්ත නිසා දැන් මට අගෞරව කරනවා. මට සිදු වී තිබෙන මේ අසාධාරණයට ඔබ වග කිව යුතුයි. කවුද හරි කවුද වැරදි කියා යෙහෝවා දෙවිම විනිශ්චය කළාවේ!”+ 6 එවිට ආබ්‍රම් සාරයිට මෙසේ කීවේය.+ “ඔබේ සේවිකාව ඔබට භාරයි. ඔබට හොඳයි කියා සිතෙන දෙයක් ඇයට කරන්න.”+ එවිට සාරයි ඇයව ලැජ්ජාවට පත් කළාය. ඒ නිසා හාගර් ඇය වෙතින් පලා ගියාය.+
7 පසුව යෙහෝවා දෙවිගේ දූතයාට+ කාන්තාරයේ ෂුර්+ වෙතට යන මඟෙහි තිබෙන දිය උල්පත අසල හාගර්ව සම්බ විය. 8 ඔහුද, “සාරයිගේ සේවිකාව වන හාගර්, ඔබ ආවේ කොහේ සිටද? ඔබ යන්නේ කොතැනටද” කියා ඇගෙන් ඇසුවේය. එවිට ඇය, “මම මගේ ස්වාමිදුව වන සාරයිගෙන් පලා යනවා” යයි කීවාය. 9 එවිට යෙහෝවා දෙවිගේ දූතයා, “ඔබේ ස්වාමිදුව වෙතට හැරී යන්න. නිහතමානී වී ඇය කියන ලෙස කටයුතු කරන්න”+ යයි කීවේය. 10 යෙහෝවා දෙවිගේ දූතයා ඇයට මෙසේද කීවේය. “ගණන් කිරීමට නොහැකි වන ලෙස ඔබෙන් පැවතෙන+ අයව බොහෝ සෙයින් වැඩි කරන්නෙමි.”+ 11 යෙහෝවා දෙවිගේ දූතයා ඇයට මෙසේද කීවේය. “ඔබ දැන් ගැබිනියක්. ඔබට පුත්‍රයෙකු බිහි වෙයි. ඉෂ්මායෙල්*+ යන නම ඔහුට තබන්න. මන්ද දුකේදී ඔබ කළ කන්නලව්වලට යෙහෝවා දෙවි සවන් දුන්නේය.+ 12 ඉෂ්මායෙල් හීලෑ නැති අශ්වයෙක් මෙන් වන්නේය. ඔහු සියල්ලන්ටම විරුද්ධව නැඟී සිටින්නේය. සියලුදෙනාද ඔහුට විරුද්ධව කටයුතු කරන්නෝය.+ ඔහු කූඩාරම් ගසාගන්නේ තම සහෝදරයන් අසලය.”+
13 එවිට ඇය, “මා දෙස බලා සිටින තැනැත්තාව මම ඇස් දෙකෙන්ම දැක්කා” යයි සිතමින් තමා සමඟ කතා කළ යෙහෝවා දෙවිට මෙසේ කීවාය. “ඔබ සියල්ල දකින දෙවි කෙනෙක්.”*+ 14 ඇය සිටි ස්ථානය අසල තිබූ ළිඳට බෙයර්-ලහයි-රොයි*+ කියා නම් තැබුවේ ඒ නිසාය. ඒ ළිඳ පිහිටා තිබෙන්නේ කාදෙෂ් සහ බෙරෙද් අතරය. 15 පසුව ආබ්‍රම්ට දාව හාගර් දරුවෙකු බිහි කළ අතර එම දරුවාට ආබ්‍රම් ඉෂ්මායෙල්+ යන නම තැබුවේය. 16 ඉෂ්මායෙල් ඉපදුණු විට ආබ්‍රම්ගේ වයස අවුරුදු අසූහයක් විය.