යෙසායා
48 යාකොබ්ගේ පුත්‍රයෙනි, ඊශ්‍රායෙල්වරුන් කියා තමන්ව හඳුන්වා දෙන සෙනඟෙනි,+ මට සවන් දෙන්න. යූදාගෙන් පැවතෙන*+ ඔබ ඊශ්‍රායෙල්හි දෙවි වන යෙහෝවාගේ නමින් දිවුරා+ ඔබේ මුවින් ඔහුව පසසන්නහුය.+ නමුත් ඔබ එසේ කරන්නේ අවංක සිතකින් නොවෙයි. ඔබ සැබවින්ම අධර්මිෂ්ඨය.+ 2 ඔබ ශුද්ධ නුවරේ+ වැසියන්යයි කියාගනිමින් ස්වර්ගයේ සේනාවල අධිපති ලෙස හඳුන්වන+ ඊශ්‍රායෙල්හි දෙවි වන යෙහෝවාගෙන් උපකාර පතන්නහුය.+
3 “මම මුලින් සිදු කළ දේවල් ගැන ඔබට කලින්ම දැනුම් දුන්නෙමි. ඒවා මා දැනුම් දුන්නේ ඈත අතීතයේදීය. මාගේම මුවින් නියම කළ ඒ සියල්ල මම ජනයාට ඇසෙන්න සැලැස්වූවෙමි.+ පසුව නොසිතූ මොහොතක මම ඒ දේ ඉටු කළෙමි.+ 4 ඔබ දැඩි සිත් ඇති මුරණ්ඩු සෙනඟක් බව මම හොඳින් දනිමි.+ ඔබේ බෙල්ල යකඩ මෙන්ද+ ඔබේ හිස තඹ මෙන්ද දැඩිය.+ 5 මම සිදු වීමට නියමිත දේවල් කලින්ම ඔබට දැනුම් දුනිමි.+ ‘මේ හැම දෙයක්ම නියම කළේ මගේ දෙවියන්. ඒ සියල්ල ඉටු කළේ මගේ දේවතා රූපවල බලයෙනුයි’+ කියා ඔබ නොකියන පිණිස මම එසේ කළෙමි. 6 ඔබ මේ ඇසූ+ දුටු සියල්ල+ ගැන අන්‍යයන්ට නොපවසන්නේ මන්ද?+ මම මීට කලින් හෙළි නොකළ අලුත් දේවල් ගැන දැන් ඔබට පවසමි.+ 7 ඒවා ඈත අතීතයේදී මා නියම කළ දේවල් නොවෙයි. ‘මම මේ දේවල් කලින් දැනගෙන හිටියා’ කියා ඔබ නොකියන පිණිස අද වන තුරු මම ඔබට ඒ දේවල් ගැන නොකීවෙමි.+
8 “නමුත් ඔබට කොපමණ කීවත් ඔබ ඇසුවේ නැත.+ ඔබ මේ කිසිවක් තේරුම්ගත්තේ නැත. ඔබේ කන් ඔබ වසාගෙන සිටින්නහුය. අතීතයේ සිටම ඔබ ක්‍රියා කළේ එලෙසයි. ඔබ අද වන තුරුම ද්‍රෝහිව කටයුතු කර තිබේ.+ ඔබ ‘මව්කුසේ පටන්ම කැරලිගසන්නෙක්’ යයි කියනු ලබන්නේ ඒ නිසාය.+ 9 නමුත් මාගේ නාමය අගෞරවයට පත් නොවන පිණිස මම මාගේ උදහස පාලනය කරගන්නෙමි.+ මාගේ නාමයට ප්‍රශංසාව ලැබෙන පිණිස මම මාවම පාලනය කරගන්නෙමි. මා එසේ නොකරන්නේ නම් ඔබ සම්පූර්ණයෙන්ම විනාශ වී යනු ඇත.+ 10 මම ඔබව පවිත්‍ර කළෙමි. නමුත් රිදී පවිත්‍ර කරන ආකාරයට නොවෙයි.+ ඔබ දුක් පීඩා නමැති ගිනි උදුනේ සිටියදී මම ඔබව තෝරාගතිමි.+ 11 මාගේ නාමය වෙනුවෙන් මම පියවර ගන්නෙමි.+ මාගේ නාමයට කැළැලක් ඇති වීමට ඉඩ දෙන්නේ කොහොමද?+ මට හිමි ගෞරවය මා වෙන කිසිවෙකුට දෙන්නේ නැත.+
12 “යාකොබ්ගේ පුත්‍රයෙනි, මා විසින් තෝරාගත් ඊශ්‍රායෙල් ජනයෙනි, සවන් දෙන්න. මම කිසිදා වෙනස් නොවෙමි.+ පළමුවැනියා මමය.+ අන්තිමයාද මමය.+ 13 පොළොවේ අත්තිවාරම තැබුවේ මමය.+ අහස දිගහැරියේ මාගේ දකුණතින්ය.+ ඒ සියල්ල මාගේ හඬට කීකරු වෙයි.+
14 “ඔබ සියලුදෙනා එක් තැනකට රැස් වී මා කියන දේට සවන් දෙන්න.+ යෙහෝවා දෙවි වන මා ප්‍රේම කරන තැනැත්තා පැමිණෙනු ඇත.+ ඔහු බැබිලෝනියට විරුද්ධව මා නියම කළ සෑම දෙයක්ම ඉටු කරයි.+ ඔහු කල්දිවරුන්ට විරුද්ධව පියවර ගන්නේය.+ ඒ දේවල් ගැන ප්‍රකාශ කරන්න කිසිවෙකුට හැකි වුණාද? 15 මේ සියල්ල ප්‍රකාශ කළේ මමයි. ඔහුව කැඳෙව්වෙත් මමයි.+ මම ඔහුට මඟ පෙන්වා ඔහු කරන සෑම දෙයක්ම සාර්ථක වීමට සලස්වමි.+
16 “ජනයෙනි, මා ළඟට පැමිණෙන්න. මම මුල පටන්ම මේ සියල්ල ඔබට ප්‍රකාශ කළෙමි. මා මේ දේවල් පැවසුවේ රහසින් නොව ප්‍රසිද්ධියේමයි.+ ඒ සියල්ල ඉටු වන ආකාරයද මම බලා සිටින්නෙමි.”
විශ් වයේ පාලකයාණන් වන යෙහෝවා දෙවි තම බලයෙන් මාව ශක්තිමත් කර එව්වේය.+ 17 ඔබේ මිදුම්කරු+ වූ ඊශ්‍රායෙල්හි ශුද්ධ තැනැත්තා+ වන යෙහෝවා දෙවි මෙසේ පවසන්නේය. “මා ඔබේ දෙවි වන යෙහෝවාය. ඔබේම ප්‍රයෝජනය සඳහා ඔබට උගන්වන්නෙත්+ ඔබ යා යුතු හරි මඟ ඔබට කියා දෙන්නෙත් මමය.+ 18 අනේ, ඔබ මාගේ ආඥාවලට ඇහුම්කන් දුන්නා නම්+ ඔබේ සමාදානය ගංගාවක් මෙන්ද+ ඔබේ ධර්මිෂ්ඨකම මුහුදේ රැළි මෙන්ද වන්නේය.+ 19 එමෙන්ම, වැලි මෙන් විශාල දරු පරම්පරාවක් ඔබෙන් පැවතෙන්නේය.+ මම ඊශ්‍රායෙල් යන නාමය මාගේ මතකයෙන් පහ නොකරන්නෙමි. එම නාමය මැකී යන්නත් මම ඉඩ නොදෙන්නෙමි.”+
20 ජනයෙනි, බැබිලෝනියේ තවත් රැඳී නොසිටින්න!+ කල්දිවරුන්ගේ දේශයෙන් පලා දුවන්න!+ ප්‍රීති ඝෝෂා නඟමින් පොළොවේ සතර දිශාවටම+ මේ දේ දන්වන්න.+ “යෙහෝවා දෙවි තම සේවකයා වන යාකොබ්ව ගලවාගත්තේය.+ 21 දෙවි ඔවුන්ව කාන්තාර මැදින් රැගෙන යන විට+ ඔවුන්ට පිපාසයක් දැනුණේ නැත.+ දෙවි පර්වත දෙබෑ කර වතුර ගලා එන්න සලස්වා ඔවුන්ට බොන්න දුන්නේය.”+
22 එහෙත්, “දුෂ්ටයන්ට නම් සමාදානයක් නැත”+ යයි යෙහෝවා දෙවි කියන්නේය.