නෙහෙමියා
5 යුදෙව් පුරුෂයෝ සහ ඔවුන්ගේ භාර්යාවෝ තම සහෝදර ජනතාව අතරේ සිටි සමහරදෙනෙකුට විරුද්ධව+ බරපතළ පැමිණිල්ලක්+ කළෝය. 2 “අපේ පණකෙන්ද රැකගන්න+ ධාන්‍ය අවශ්‍යයි. ඒත් දැන් ධාන්‍ය ටිකක් ගන්න අපේ දූපුතුන්ව ඇපයට දෙන්න සිදු වෙලා” කියා සමහරෙක් පැමිණිලි කළෝය. 3 තවත් සමහරෙකු කියා සිටියේ මෙයයි. “ආහාර හිඟය නිසා ධාන්‍ය ටිකක් ගන්න අපේ කෙත්වතු හා නිවෙස් ඇපයට දෙන්න අපට සිදු වෙලා.”+ 4 තවත් පිරිසක් මෙසේද කියා සිටියෝය. “අපේ කෙත් හා මිදිවතු+ සඳහා රජු අය කරන බද්ද+ ගෙවන්න තරම් මුදලක් අපට නැහැ. ඒ සඳහා මුදල් ණයට ගන්න අපට සිදු වෙලා. 5 අපි හැමෝම සහෝදරයෝ. අප අතර වෙනසක් නැහැ.+ අපේ පුතුනුත් අපේ සහෝදරයන්ගේ පුතුන් වගේමයි. නමුත් අපේ දූපුතුන්ව දාසකමට දෙන්න සිදු වෙලා.+ මේ වන විටත් අපේ දූවරුන්ගෙන් කිහිපදෙනෙක් ඔවුන්ගේ දාසීන් වෙලා. අපේ කෙත් හා මිදිවතු වෙනත් අයට අයිති වී තිබෙන නිසා කිසිවක් කරකියාගත නොහැකි තත්වයකයි අපි ඉන්නේ.”
6 ඔවුන්ගේ පැමිණිලිවලට සවන් දුන් මා තුළ මහත් කෝපයක් ඇති විය. 7 සිදු වී ඇති දේවල් ගැන මා හොඳින් සොයා බැලූ විට ඊට වග කිව යුත්තේ වංශවත් අය හා නිලධාරීන් බව මම වටහාගත්තෙමි. එවිට මම ඔවුන්ට බැණවදිමින් මෙසේ පැවසුවෙමි.+ “මොනවාද ඔබ මේ කරන්නේ? ඔබ ඔබේම සහෝදරයන්ගෙන් මේ විදිහට අසාධාරණව පොලී+ අය කරන්නේ ඇයි?”
එහෙයින් මේ ප්‍රශ්නයට විසඳුමක් ලබා දීම සඳහා මම සියලුදෙනාව රැස් කර,+ 8 ඔවුන්ට මෙසේ පැවසුවෙමි. “වෙනත් ජාතීන්ට වහලුන් ලෙස විකුණූ අපේ යුදෙව් සහෝදරයන්ව අපි නැවත මිල දී ගත්තා.+ අපේ හැකියාව අනුව අපි ඒ දේ කළා. ඒත් දැන් බලන්න ඔබ කරන දේ! ඔබ ඔබේම සහෝදරයන්ව එකිනෙකාට විකුණනවා.+ දැන් ඔබටත් මුදල් දී ඔවුන්ව නිදහස් කරන්න කියාද ඔබ අපට කියන්නේ?” කිසිවෙක් වචනයකින්වත් මට පිළිතුරු දුන්නේ නැත.+ 9 මම තවදුරටත් මෙසේ පැවසුවෙමි. “ඔබ කරන්නේ යහපත් දෙයක් නම් නෙවෙයි.+ සතුරු ජාතීන්+ අපව නින්දාවට+ පත් නොකරන ලෙස දැන් අපේ දෙවිට+ ගරුබිය+ දක්වන්න. 10 මාත් මගේ සහෝදරයනුත් මට සේවය කරන අයත් මුදල් සහ ධාන්‍ය ණයට දීලයි ඉන්නේ. ඒ නිසා අපි දැන් තීරණයක් ගනිමු. පොලියට ණය දෙන එක අපි වහාම නතර කරමු.+ 11 මා ඔබෙන් ඉල්ලා සිටින්නේ අදම ඔවුන්ගෙන් ගත් කෙත්වතු,+ මිදිවතු, ඔලීවවතු සහ නිවෙස් ඔවුන්ට ආපසු භාර දෙන ලෙසයි. ඔබ ඔවුන්ට ණයට දුන් මුදල්, ධාන්‍ය, අලුත් වයින් සහ තෙල් යනාදිය සඳහා ඔබ සියයට එකක පොලියක් අය කරගත්තා. දැන් ඒ මුදල් නැවත ඔවුන්ට ලබා දෙන්න.”
12 ඔවුහු මෙසේ පිළිතුරු දුන්හ. “ඔබ කියන විදිහටම කරන්න අපි කැමතියි.+ අපි කැමතියි ඔවුන්ට අයිති දේවල් ආපසු දෙන්න.+ අපි ඔවුන්ගෙන් කිසි දෙයක් ඉල්ලන්නේ නැහැ.”+ එහෙයින් මම පූජකයන්ව කැඳවා මේ දේ කරන බවට වරදකරුවන්ගෙන් පොරොන්දුවක් ගත්තෙමි.+ 13 මීට අමතරව, මම මාගේ වස්ත්‍රය* ගසා දමා ඔවුන්ට මෙසේ පැවසුවෙමි. “මාගේ මේ වස්ත්‍රය ගසා දැමුවා වගේම සැබෑ දෙවිත් මේ පොරොන්දුවට කීකරු නොවන අයව තමන්ගේ නිවසෙන් හා ඉඩමෙන් පන්නා දමයි. එවැනි කෙනෙකුට සිදු වන්නේ හිස් අතින් යන්නයි.” ඊට රැස්ව සිටි සියලුදෙනා, “එසේම වේවා”*+ කියා පවසා යෙහෝවා දෙවිට ප්‍රශංසා කරන්න පටන්ගත්හ.+ සියලුදෙනාම තමන් වූ පොරොන්දුවට එකඟව කටයුතු කළෝය.+
14 මා තවත් දෙයක්ද සඳහන් කළ යුතුයි. අර්තක්ෂස්තා රජ+ මාව යූදා දේශයේ ආණ්ඩුකාරයා+ ලෙස පත් කළ දවසේ සිට එනම්, එතුමාගේ පාලනයේ විසිවන+ අවුරුද්දේ සිට තිස්දෙවන+ අවුරුද්ද දක්වා අවුරුදු දොළහක කාලයක් පුරා ආණ්ඩුකාරයාට ලැබිය යුතු ආහාර දීමනාව මමවත් මාගේ සහෝදරයන්වත් ලබා නොගත්තෙමු.+ 15 මට කලින් ආණ්ඩුකාරයන් ලෙස සිටි අය ජනතාව මත ඉමහත් බරක් පැටවූහ. ඔවුහු ආහාර සහ වයින් මිල දී ගැනීමට ජනතාවගෙන් දිනපතා රිදී ෂෙකෙල්* හතළිහක් අය කළෝය. ඔවුන් යටතේ සිටි සේවක පිරිසත් ජනතාවට බොහෝ පීඩා ඇති කළෝය.+ නමුත් දෙවිට ගරුබිය දක්වන නිසා+ මම එලෙස කටයුතු නොකළෙමි.+
16 මම පවුර ගොඩනැඟීමේ කාර්යයටත් හවුල් වුණෙමි.+ මා යටතේ සිටි මුළු සේවක පිරිසත් ඒ කාර්යයට හවුල් වූ අතර අපි වෙන කෙනෙකුට අයිති එක කෙතක්වත් අයිති කර නොගත්තෙමු.+ 17 යුදෙව්වරුන්ට හා නිලධාරීන් එකසිය පනස්දෙනෙකුටද අවට ජාතීන්ගෙන් අපගේ සහයට පැමිණි අයටද ආහාර ලබා දුන්නේ මමය.+ 18 ඔවුන් සඳහා මගේ වියදමින් මම දිනපතා ගවයෙකු, හොඳ බැටළුවන් හයදෙනෙකු හා අවශ්‍ය තරම් කුරුල්ලන්ද සූදානම් කළෙමි. දවස් දහයකට වරක් ඔවුන්ට විවිධාකාර වයින්+ වර්ගද සපයා දුන්නෙමි. එහෙත් ජනතාවට බොහෝ වියදම් දැරිය නොහැකි නිසා මම ආණ්ඩුකාරයාට ලබා දිය යුතු ආහාර දීමනාවවත් ඔවුන්ගෙන් ඉල්ලා නොසිටියෙමි. 19 “මාගේ දෙවියනි, මම මේ ජනතාව වෙනුවෙන් කර ඇති මේ සෑම දෙයක්ම+ අමතක නොකර මට කරුණාව පෙන්වා+ මාව සිහි කරන මෙන් ඉල්ලා සිටිමි.”+