එසකියෙල්
17 යෙහෝවා දෙවි මට තවදුරටත් මෙසේ පැවසුවේය. 2 “මනුෂ්‍ය පුත්‍රය, ඊශ්‍රායෙල් ජනතාවට තේරවිල්ලක්ද+ උපමාවක්ද කියන්න.+ 3 ඔබ මෙසේ පැවසිය යුතුයි. ‘විශ්වයේ පාලකයාණන් වන යෙහෝවා දෙවි පවසන්නේ මෙයයි. “මහා රාජාලියෙක් සිටියේය.+ ඌට නොයෙක් වර්ණවලින් යුත් දිගු පිහාටු සහිත විශාල පියාපත් දෙකක් තිබුණේය.+ ඌ ලෙබනොන් දේශයට ඇවිත්+ එහි තිබූ දේවදාර ගසක+ මුදුන කඩාගත්තේය.+ 4 ඌ එහි මුදුනේම තිබුණු රිකිලි කඩා කානාන් දේශයට ගෙනැවිත්+ වෙළෙඳුන්ගේ නුවරක සිටෙව්වේය. 5 ඉන් අනතුරුව ඌ දේශයෙන් බීජ ස්වල්පයක් ගෙන+ සරු කෙතක පැළ කළේය. ඌ ඒවා බොහෝ දිය පහරවල් අසල විලෝ ගසක් මෙන් සිටෙව්වේය.+ 6 එම බීජ දලු ලා කෙමෙන් කෙමෙන් වැඩුණේය. ඒ අතරින් සරුසාරව වැඩෙන මිදිවැලක්ද හටගත්තේය. එහෙත් එය එතරම් උසට වැඩුණේ නැත.+ එහි අතු විහිදී ගියේද නැත. එය ක්‍රමානුකූලව මුල් ඇද ශක්තිමත් විය. කල් යත්ම එය අතු හා රිකිලි විහිදුවන මිදිවැලක් බවට පත් වූයේය.+
7 “‘“එවිට දිගු පිහාටු සහිත විශාල පියාපත් ඇති+ තවත් මහා රාජාලියෙක් පැමිණියේය.+ ඒ මොහොතේම, මිදිවැල එය සිටුවා තිබූ පාත්තියෙන් බැහැර වී+ කෑදරකමින් ඌ දෙසට මුල් හා අතු විහිදුවේය.+ එසේ කළේ උගෙන් වතුර ලබාගන්නා පිණිසය. 8 එහෙත් අතු පතර විහිදී පල දරන විශාල මිදිවැලක් මෙන් වැඩෙන පිණිස ඒ වන විටත් එය බොහෝ දිය පහරවල් අසල පිහිටි සරුබිමක පැළ කර තිබිණ.”’+
9 “ඔවුන්ට මෙසේද කියන්න. ‘විශ්වයේ පාලකයාණන් වන යෙහෝවා දෙවි පවසන්නේ මෙයයි. “ඒ මිදිවැල සරුවට වැඩෙයිද?+ එය මුලිනුපුටා දමනු නොලබන්නේද?+ එහි පල කුණු වී යෑමට සලස්වන්නේ නැද්ද? අලුත කැපූ එහි දලු සියල්ල වියළී යන්නේ නැද්ද?+ එය මුලිනුපුටා දැමීමට මහත් බලයක්වත් විශාල සමූහයක්වත් අවශ්‍ය වන්නේ නැත. 10 එය වෙනත් තැනකට ගොස් පැළ වුණත් එය සරුවට වැඩෙයිද? නැඟෙනහිර දෙසින් හමන සුළඟට එය සම්පූර්ණයෙන්ම වියළී යන්නේ නැද්ද?+ එය වැඩෙන පාත්තියේම වියළී යනවා ඇත.”’”+
11 යෙහෝවා දෙවි මට තවදුරටත් පැවසුවේ මෙසේය. 12 “කැරලිකාර සෙනඟට මෙසේ පවසන්න.+ ‘මේ දේවලින් අදහස් වන දේ ඔබට වැටහෙන්නෙම නැද්ද?’ පසුව මෙසේද කියන්න. ‘බැබිලෝනියේ රජ යෙරුසලමට ගොස් එහි රජුවද+ එහි අධිපතීන්වද බැබිලෝනියට ගෙනාවේය.+ 13 ඉන්පසුව ඔහු යෙරුසලමේ රජ පෙළපතට අයත් කෙනෙකු සමඟ+ ගිවිසුමක් ඇති කරගෙන එය කඩ නොකරන බවට පොරොන්දුවක්ද ඔහුගෙන් ගත්තේය.+ ඔහු ඒ දේශයේ ප්‍රධානීන්වද රැගෙන ගියේය.+ 14 එසේ කළේ එම රාජ්‍යය පහත් තත්වයකට පත් කර+ නැවත බලවත් නොවන පිණිසත් ගිවිසුම නොමැතිව රාජ්‍යය නොපවතින පිණිසත්ය.+ 15 එහෙත් ඒ තැනැත්තා බැබිලෝනියේ රජුට විරුද්ධව කැරලිගැසුවේය.+ ඊජිප්තුවට දූත පිරිසක් යවා උපකාර පැතූ ඔහු, ඔවුන්ගෙන් අශ්වයන්ද+ විශාල සෙනඟක්ද ඉල්ලීය. නමුත් ඔහුගේ සැලසුම් සාර්ථක වෙයිද? මේ දේවල් කරන ඔහුට ගැලවිය හැකිද? ගිවිසුම කඩ කරන ඔහුට ඇත්තටම ගැලවිය හැකිද?’+
16 “‘“ඔහු තමා දුන් පොරොන්දුව සුළු කොට තකමින් ගිවිසුම කඩ කළ බැවින්+ තමාව රජු ලෙස පත් කළ තැනැත්තාගේ දේශයෙහිම මිය යනු ඇත.+ ඔහු බැබිලෝනියෙහි මිය යන්නේය. ජීවමාන දෙවි වන මා+ පවසන මේ දේ අනිවාර්යයෙන්ම සිදු වන්නේය.” එසේ පවසන්නේ විශ්වයේ පාලකයාණන් වන යෙහෝවා දෙවිය. 17 පාරාවෝ ප්‍රබල හමුදාවක් හා විශාල සමූහයක් රැගෙන ඔහුගේ සහයට පැමිණියත් යුද්ධයේදී ඔවුහු සාර්ථක වන්නේ නැත.+ බොහෝදෙනෙකුව විනාශ කරන පිණිස කඳවුරු බැඳගෙන පවුරු ගොඩනැඟුවත් එයින් පලක් වන්නේ නැත.+ 18 ඔහු තමා දුන් පොරොන්දුව සුළු කොට තකමින් ගිවිසුම කඩ කළේය.+ අතට අත දී+ ඒ ගිවිසුම ස්ථිර කළත් ඔහු ඒ ගිවිසුමට විරුද්ධව කටයුතු කළේය. ඔහු කිසිසේත් ගැලවෙන්නේ නැත.’”+
19 “‘එබැවින් විශ්වයේ පාලකයාණන් වන යෙහෝවා දෙවි පවසන්නේ මෙයයි. “ඔහු මාගේ නාමයෙන් වූ පොරොන්දුව සුළු කළ නිසාත් මාගේ නාමයෙන් ඇති කළ ගිවිසුම කඩ කළ නිසාත්+ මම ඔහුට දඬුවම් කරන්නෙමි. ජීවමාන දෙවි වන මා පවසන මේ දේ අනිවාර්යයෙන්ම සිදු වන්නේය. 20 එහෙයින් ඔහුව හසු කරගැනීමට මම දැලක් හෙළන්නෙමි. ඔහුද ඒ දැලට අනිවාර්යයෙන්ම හසු වන්නේය.+ ඔහුව බැබිලෝනියට ගෙනැවිත් ඔහු මට විරුද්ධව කළ සෑම ද්‍රෝහිකමක් සඳහාම ඔහුට විරුද්ධව මාගේ විනිශ්චය ප්‍රකාශ කරන්නෙමි.+ 21 ඔහුගේ සේනාවෙන් පලා යන අය කඩු පහරින් මිය යනු ඇත. ඉතුරු වන අය සතරදිග සුළඟට විසිරී යන්නෝය.+ යෙහෝවා දෙවි වන මා මේ සියල්ල පැවසූ බව පිළිගන්න ඔබට සිදු වනු ඇත.”’+
22 “‘විශ්වයේ පාලකයාණන් වන යෙහෝවා දෙවි පවසන්නේ මෙයයි. “මම දේවදාර ගසේ මුදුන් කොටස ගෙන+ එහි රිකිලි අතරින් ළපටි එකක් කඩා+ උස් කන්දක් මත සිටුවන්නෙමි.+ 23 එය ඊශ්‍රායෙල්හි පිහිටි උස් කන්දක සිටුවන්නෙමි.+ එයද අතු පතර විහිදී ගිය බොහෝ පල දරන+ දැවැන්ත දේවදාර ගසක් බවට පත් වන්නේය.+ ඒ ගසේ සියලු ආකාර කුරුල්ලන් වාසය කරනු ඇත. උන් එහි අතුවල සෙවණෙහි ලගිනු ඇත.+ 24 යෙහෝවා දෙවි වන මා,+ උසට වැඩෙන ගස බිම හෙළන බවත්+ කුඩා ගස දැවැන්ත ගසක් බවට පත් කරන බවත්+ සරුවට වැඩෙන ගස වියළවන බවත්+ වියළී ගිය ගස සරුවට වැඩෙන්න සලස්වන බවත් භූමියේ වැඩෙන සියලු ගස් තේරුම්ගනු ඇත. මේ දේ පැවසුවෙත් සිදු කළෙත් යෙහෝවා දෙවි වන මමය.”’”+