යෙසායා
29 “දාවිත් කඳවුරු බැඳගත්+ ස්ථානය වන අරියෙල්+ නුවර* පිටට මහත් විපතක් පැමිණෙනු ඇත! අරියෙල් නුවරේ ජනයෙනි, වසරක් වසරක් පාසා ඔබේ සියලු උත්සව+ පවත්වන්න. 2 එහෙත් මම අනිවාර්යයෙන්ම අරියෙල් නුවර පිටට දුක් පීඩා ගෙනෙන්නෙමි.+ එදින විලාප හඬ+ නුවර සිසාරා යයි. මම අරියෙල් නුවර ගිනිමය පූජාසනයක් බවට පත් කරන්නෙමි.+ 3 මම ඔබේ නුවර වටේටම කඳවුරු බැඳගෙන එය වටා උල් කණු සහිත වැටක්ද බඳින්නෙමි. ඔබට පහර දෙන පිණිස නුවර වටේට බැම්මක් ගොඩනඟන්නෙමි.+ 4 ඔබ මොන තරම් පහත් තත්වයකට වැටෙනවාද කිවහොත් ඔබ කතා කරන විට පිට වන්නේ හීන් ශබ්දයක් පමණි.+ දූවිලි ගොඩෙන් නැඟෙන ඔබේ කෙඳිරිලි හඬ මතුරන්නෙකුගේ හීන් හඬ මෙන් ඇසෙන්නේය.+ 5 එහෙත් ඔබේ සතුරෝ ක්ෂණිකවම+ පහ වී යන්නෝය. ඔබට පහර දෙන ඒ කෲර+ හමුදාව දූවිල්ල මෙන්ද+ දහයියා මෙන්ද ගසාගෙන යන්නෝය.+ 6 මන්ද ස්වර්ගයේ සේනාවල අධිපති වූ යෙහෝවා දෙවි වන මම ඔබව ගලවාගැනීමට පියවර ගන්නෙමි. මම ගිගුරුම් හඬ, භූමිකම්පා හා දෙදරන ශබ්දයක් මැද පැමිණ සුළිසුළඟෙන්ද කුණාටුවෙන්ද ඇවිළෙන ගින්නෙන්ද ඔබව ගලවාගන්නෙමි.”+
7 අරියෙල් නුවරට විරුද්ධව සටන් කරන ජන සමූහයන්ට රාත්‍රියේ සිහිනයක් දකින්නාක් මෙන් සිදු වනු ඇත.+ ඇය වටා බැම්මක් ගොඩනඟා ගෙන ඇයට හිරිහැර කරන සියලුදෙනාටම සිදු වන්නේ ඒ දේමය.+ 8 කුසගින්නේ සිටින කෙනෙකු සිහිනෙන් තම කුස පුරවාගත්තද අවදි වන විට ඔහුට දැනෙන්නේ නිවාලිය නොහැකි කුසගින්නකි.+ වතුර පිපාසයෙන් සිටින කෙනෙකු සිහිනෙන් තම පිපාසය සන්සිඳුවා ගත්තද ඔහු විඩාවට පත් වී මහත් පිපාසයකින් අවදි වන්නේය. සියොන් කන්දට විරුද්ධව පැමිණෙන ජන සමූහයන්ට සිදු වන්නෙත් එලෙසමයි.+
9 ජනයෙනි, පුදුමයෙන් බලා සිටින්න.+ ඔබේ දෑස් වසාගෙන අන්ධයන් මෙන් සිටින්න.+ ඔබ මත් වී+ වැනිවැනී සිටින්නහුය. එහෙත් ඔබ මත්ව සිටින්නේ වයින් නිසා හෝ මත්පැන් නිසා හෝ නොවෙයි.+
10 යෙහෝවා දෙවි ඔබව තද නින්දකට+ වැටෙන්න සලස්වා ඇත. ඔබේ ඇස් මෙන් සිටි අනාගතවක්තෘවරුන්ව+ ඔහු අන්ධ කළේය. ඔබේ හිස මෙන්+ සිටි දිවැසිවරුන්ගේ+ මුහුණ වසා දැමුවේය. 11 ඒ නිසා මේ මුළු දර්ශනයම ඔබට මුද්‍රා කළ ලියවිල්ලක්+ මෙන් වන්නේය. ඔබ අකුරු දන්නා කෙනෙකුට එම ලියවිල්ල දී, “මෙහි ලියා ඇති දේ අපිට ඇහෙන්න කියවන්න” යයි කියන්නහුය. එහෙත් ඔහු, “මේ ලියවිල්ල මුද්‍රා කර තිබෙනවා. ඒ නිසා මට එය කියවන්න බැහැ”+ යයි කියන්නේය. 12 ඔබ අකුරු නොදන්න කෙනෙකුට එය දුන් විට, “මට කියවන්න දන්නේ නැහැ” කියා ඔහු කියයි.
13 යෙහෝවා දෙවි මෙසේ පවසන්නේය. “මේ ජනයා මා වෙතට ළං වන්නේ තමන්ගේ තොල්වලින් පමණි.+ ඔවුන් තමන්ගේ මුඛයෙන් මට ප්‍රශංසා කළත් ඔවුන්ගේ සිත් මා වෙතින් බොහෝ ඈත් වී තිබේ.+ මිනිසුන් විසින් සාදාගත් ආඥා ඉගෙනගත් පමණින් මට ගරුබිය දක්වනවායයි ඔවුහු සිතති.+ 14 ඒ නිසා, මම නැවත වරක් මේ ජනයාට පුදුම දනවන දෙයක් කරන්නෙමි.+ ඔවුන්ගේ ප්‍රඥාවන්තයන්ගේ ප්‍රඥාව නැති කර දමන්නෙමි. ඔවුන්ගේ නැණවතුන්ගේ නුවණ පහ කර දමන්නෙමි.”+
15 තමන් සැලසුම් කරන දේ යෙහෝවා දෙවිගෙන් සඟවාගන්න මහත් වෑයමක් දරන අයට සිදු වන්නේ දුක පමණි.+ ඔවුහු කාටවත් නොපෙනෙන අඳුරු තැන්වල+ වැරදි කරමින්, “අපි කරන දේවල් දකින්නේ කවුද”+ යයි අසන්නෝය. 16 ඔබේ සිත් මොන තරම් දූෂ්‍ය වී ඇද්ද! මැටි පිඩ කුඹල්කරු හා සමානයි කියා පැවසිය හැකිද?+ මැටි භාජනය එය සෑදූ තැනැත්තාට, “මාව සෑදුවේ ඔබ නෙමෙයි”+ කියා හෝ, “ඔබ කිසි දෙයක් දන්නේ නැහැ”+ කියා හෝ කිව හැකිද?
17 තව කෙටි කලකින් ලෙබනොන් දේශය පලතුරු උයනක් බවට පත් වෙයි.+ පලතුරු උයන සශ්‍රීකව වැඩෙන කැලෑවක් මෙන් පෙනෙයි.+ 18 ඒ දවසේදී බිහිරි අයට ලියවිල්ලේ සඳහන් වචන ඇසෙනු ඇත.+ ඝනාන්ධකාරයේ සිටින අන්ධයන්ට පවා පෙනීම ලැබෙනු ඇත.+ 19 නිහතමානී+ අය යෙහෝවා දෙවි නිසා බොහෝ සෙයින් ප්‍රීති වන්නෝය. අගහිඟකම් ඇති අය පවා ඊශ්‍රායෙල්හි ශුද්ධ තැනැත්තාණන් නිසා සන්තෝෂයෙන් සිටින්නෝය.+ 20 මන්ද කෲර ලෙස අධිපතිකම් කරන්නාද+ පුරසාරම් දොඩන්නාද එකට විනාශ වී යන්නෝය.+ අනුන්ට හානියක් කිරීමට සොයන අයද+ පහව යන්නෝය. 21 මොවුහු නිර්දෝෂ අයගේ වචන පෙරළමින් ඔවුන්ව වරදකට හසු කරගනිති.+ නුවර දොරටුව අසල අවවාද දෙන තැනැත්තාට+ පවා ඔවුහු උගුලක් අටවන්නෝය. ඔවුන් බොරු චෝදනා ඉදිරිපත් කරන නිසා ධර්මිෂ්ඨයාට යුක්තිය ඉටු නොවෙයි.+
22 ආබ්‍රහම්ව+ ගලවාගත් යෙහෝවා දෙවි දැන් යාකොබ්ගේ ගෘහය ගැන මෙසේ පවසන්නේය. “යාකොබ් තවදුරටත් ලැජ්ජාවට පත් වන්නේවත් ඔහුගේ මුහුණ තවත් මලානිකව තිබෙන්නේවත් නැත.+ 23 මන්ද මාගේ නිර්මාණයක් වූ යාකොබ්ගේ දරුවන් ඔහු සමඟ සිටින විට+ ඔවුහු සියල්ලෝ එක්ව මගේ නාමය ගෞරවයට පත් කරති.+ යාකොබ්ගේ ශුද්ධ තැනැත්තාද+ ඊශ්‍රායෙල්හි දෙවිද වන මාව ඔවුහු ශුද්ධ දෙවි කෙනෙකු ලෙස සලකමින් මට ගරුබිය දක්වති.+ 24 වැරදි ආකල්ප තිබෙන අය නිවැරදි අවබෝධයක් ලබාගනු ඇත. මැසිවිලි නඟන්නෝද දැනමුතුකම් ලබාගන්නෝය.”+