හිතෝපදේශ

6 මාගේ පුත්‍රය, ඔබේ සහෝදරයා වෙනුවෙන් ඇපකරුවෙකු වීමට පොරොන්දු වී+ නාඳුනන කෙනෙකුට අතට අත දෙමින් ගිවිසුමක් ඇති කරගෙන තිබෙනවා නම්+ 2 ඔබ දුන් වචනය නිසා ඔබ ලොකු කරදරයකට වැටෙන්න ඉඩ තිබේ.+ ඔබ දුන් පොරොන්දුව ඉටු කිරීමට නොහැකිව, 3 ඔබේ සහෝදරයාගේ අතට හසු වී සිටිනවා නම් ඔහුගෙන් මිදීමට ඔබ පියවර ගත යුතුයි.+ ඔබ යටහත්පහත් ලෙස ඔහු ළඟට ගොස් ඔබේ පොරොන්දුවෙන් නිදහස් කරන මෙන් ඔහුගෙන් ඉල්ලා සිටිය යුතුයි.+ 4 ඔබ ඔහුගේ අතින් නිදහස් වන තුරු නිදා නොගන්න. ඔබේ දෙනෙත්වලින් නින්ද පහ කරන්න.+ 5 දඩයක්කරුවෙකු අතින් ගැලවී යන මුවෙකු* මෙන්ද කුරුලු දඩයක්කරුගේ අතින් බේරී යන කුරුල්ලෙකු මෙන්ද ඔබත් ඔහුගෙන් ගැලවී යන්න.+

6 අලසය,+ කුහුඹුවා+ ළඟට ගොස් ඌ වැඩ කරන ආකාරය දෙස බලා ප්‍රඥාවන්ත වන්න. 7 ඌට අණ දෙන්නෙක්වත් වැඩ බලන්නෙක්වත් පාලකයෙක්වත් නැත. 8 එහෙත් ගිම්හාන කාලයේදී ඌ කෑම එකතු කරගනියි.+ අස්වැන්න නෙළන කාලයේදී ආහාර රැස් කරගනියි. 9 අලසය, තව කොපමණ වේලාවක් ඔබ නිදාගෙන සිටිනවාද?+ ඔබ නින්දෙන් අවදි වන්නේ කොයි වේලාවේද?+ 10 එසේනම් තව ටිකක් නිදාගන්න. තව ටිකක් හාන්සි වී සිටින්න. අත් දෙක බැඳගෙන හොඳට නිදාගන්න.+ 11 එවිට දුප්පත්කම මංකොල්ල කන්නෙකු මෙන්ද+ අගහිඟකම් අවි ගත් මිනිසෙකු මෙන්ද+ හදිස්සියෙන් ඔබ පිටට පැමිණෙනු ඇත.

12 කිසි කමකට නැති,+ දුෂ්ට මිනිසෙක් රැවටිලිකාර කතා කියමින් ඇවිදින්නේය.+ 13 ඔහු තම ඇස්වලින් ඉඟි කරයි.+ අත් පාවලින් සංඥා කරයි.+ 14 ඔහුගේ සිත දූෂිත අදහස්වලින් පිරී තිබේ.+ සැමවිටම දුෂ්ට දේ කරන්න කුමන්ත්‍රණය+ කරන ඔහු නිතරම බලන්නේ එකිනෙකා අතරේ භේද පතුරවන්නයි.+ 15 එහෙයින් හදිස්සියෙන්ම ඔහු පිටට විපතක් පැමිණ+ එක මොහොතකින් ඔහු විනාශ වී යයි. ඔහුට කිසිසේත් එයින් ගැලවී යෑමට නොහැක.+

16 යෙහෝවා දෙවි ද්වේෂ කරන දේවල් හයක් තිබේ.+ එසේය, ඔහු පිළිකුල් කරන දේවල් හතක් ඇත.+ 17 උඩඟු ඇස්,+ බොරු කියන දිව,+ අහිංසකයන්ගේ ලේ වගුරුවන අත්,+ 18 දුෂ්ට ලෙස කුමන්ත්‍රණය කරන සිත+ සහ වැරදි කිරීමට ඉක්මන් වන පාද ඔහුට පිළිකුලකි.+ 19 බොරු සාක්ෂි දෙන්නාවූ තැනැත්තාට+ මෙන්ම සහෝදරයන් අතර භේද පතුරුවන+ තැනැත්තාටද ඔහු ද්වේෂ කරන්නේය.

20 මාගේ පුත්‍රය, ඔබේ පියාගේ ආඥාව පවත්වන්න.+ ඔබේ මවගේ උපදෙස්වලට පිටු නොපාන්න.+ 21 ඒවා ඔබේ ගෙල වටා බැඳගන්න.+ නිතරම ඔබේ සිත තුළම තබාගන්න.+ 22 එවිට ඔබ ඇවිදින කල ඒවා ඔබට මඟ පෙන්වනු ඇත.+ ඔබ විවේක සුවයෙන් සිටින කල ඒවා ඔබව ආරක්ෂා කරනු ඇත.+ ඔබ අවදි වන කල ඔබට ඒවා සිහි වනු ඇත. 23 මන්ද ආඥාව ඔබට පහනකි.+ නීතිය ඔබට ආලෝකයකි.+ නිවැරදි මඟ ගෙන යන්නාවූ අවවාදය ඔබට ජීවනය අත් කර දෙයි.+ 24 එමගින් නරක ස්ත්‍රියගෙන්ද+ දුරාචාරයේ යෙදෙන* ස්ත්‍රියගේ චාටු බස්වලින්ද ඔබ ආරක්ෂා වනු ඇත.+ 25 ඇගේ රූපශ්‍රීයට ඔබේ සිත ඇදී යන්න ඉඩ නොදෙන්න.+ ඇගේ වශී කරවනසුලු බැල්මට හසු නොවන්න.+ 26 මන්ද ගණිකාවක ඇසුරු කරන තැනැත්තාට අවසානයේදී ඉතුරු වන්නේ රොටි කැබැල්ලක් පමණි.+ එහෙත් ද්‍රෝහි ලෙස කටයුතු කරන බිරිඳක උත්සාහ කරන්නේ වටිනා ජීවිතයක් බිලිගන්නයි.+ 27 මිනිසෙකු ගින්දර තම ළයට ගත්තොත් ඔහුගේ ඇඳුම් නොපිළිස්සේද?+ 28 මිනිසෙකු ගිනි අඟුරු මත ඇවිද්දොත් ඔහුගේ දෙපා නොදැවෙයිද? 29 අන් කෙනෙකුගේ බිරිඳ සමඟ අනාචාරයේ යෙදෙන තැනැත්තාට සිදු වන්නේද එලෙසමය.+ ඇය සමඟ සම්බන්ධකම් පවත්වන ඕනෑම කෙනෙක් අනිවාර්යයෙන්ම දඬුවම් විඳින්නේය.+ 30 සොරෙකු තම කුසගින්න නිවාගැනීමට සොරකම් කළාට ඔහුව හෙළාදකින්නේ නැත. 31 ඒ කෙසේනමුත් ඔහුව හසු වුණොත් ඒ සඳහා හත් ගුණයකින් වන්දි ගෙවීමට ඔහුට සිදු වෙයි. ඔහුගේ නිවසේ වටිනා යමක් ඇත්නම් ඒ සියල්ල වුවද ඔහුට දීමට සිදු වෙයි.+ 32 වෙනත් පුරුෂයෙකුගේ බිරිඳ සමඟ අනාචාරයේ යෙදෙන තැනැත්තා අඥානයෙකි.*+ ඒ තැනැත්තා තමාගේම ජීවිතය නාස්ති කරගනියි.+ 33 ඔහු බොහෝ දුක් පීඩා විඳ නින්දාවට පත් වෙයි.+ ඔහුට විඳින්න සිදු වන්නේ කිසිදා මැකී නොයන+ නින්දාවකි. 34 මන්ද පුරුෂයෙකුගේ සිතෙහි වෛරයක්* හටගත්තොත්+ ඔහු මහත් කෝපයකින් කටයුතු කරයි. ඔහු පළිගන්නා දවසේදී කිසි අනුකම්පාවක් නොපෙන්වයි.+ 35 ඔහුට වන්දියක් ගෙව්වත් ඔහුට ඉතා වටිනා තෑගිබෝග දුන්නත් ඔහුගේ කෝපය නිවා දැමිය නොහැක.