යෙසායා
26 ඒ දවසේදී+ යූදා දේශයේ+ මෙම ගීය ගයනු ලබන්නේය.+ “අපේ නුවර දැන් ශක්තිමත්ය.+ දෙවි පවුරක් සහ බලකොටුවක් මෙන් අපට ආරක්ෂාව සපයයි.+ 2 ජනයෙනි, නුවරේ දොරටුව විවෘත කර+ විශ්වාසවන්තව කටයුතු කරන ධර්මිෂ්ඨ සෙනඟට ඇතුල් වෙන්න ඉඩ දෙන්න.+ 3 දෙවියනි, කිසිදා සැක නොකර මුළු හදින්ම ඔබව විශ්වාස කරන තැනැත්තාට ඔබ සමාදානය දෙන්නෙහිය.+ ඔබ කෙරෙහි විශ්වාසය තබන නිසා ඔහු හැමදාමත් සමාදානයෙන් සිටියේය.+ 4 ජනයෙනි, හැමදාම යෙහෝවා දෙවිව විශ්වාස කරන්න.+ මන්ද යාහ් යෙහෝවා දෙවි සදාකාලයටම පර්වතයකි.+
5 “දෙවි උස් තැන්වල වෙසෙන ජනයාව පහත් කළේය.+ ඔහු ඔවුන්ගේ නුවර+ බිමටම සමතලා කළේය.+ 6 පීඩාවට පත් වූ අසරණ අය විසින් ඔවුන්ගේ නුවර පාගා දමනු ලබන්නේය.”+
7 ධර්මිෂ්ඨ අය ප්‍රතිපත්තිගරුක ජීවිතයක් ගත කරන්නෝය.+ දෙවියනි, ඔබ සාධාරණය. ඒ නිසා ඔබ ධර්මිෂ්ඨයාගේ මාර්ගය සකසා දෙන්නෙහිය.+ 8 යෙහෝවා දෙවියනි, යුක්තියේ මාවත්වල ගමන් කරන්න ඔබ අපට උගන්වයි කියා අපි බලාපොරොත්තු වන්නෙමු.+ අපේ එකම ආශාව+ වන්නේ ඔබවත් ඔබගේ නාමයත් සිහි කිරීමයි.+ 9 මම රාත්‍රියේදී නොනිදා මුළු හදින්ම ඔබ ගැන කල්පනා කරමි.+ මම දැවෙන ආශාවකින් ඔබේ මඟ පෙන්වීම් පතමි.+ මන්ද පොළොවේ වැසියන්ව විනිශ්චය කිරීමට ඔබ පැමිණෙන විට+ ඔවුහු ධර්මිෂ්ඨකම+ කුමක්ද කියා තේරුම්ගන්නෝය.+ 10 නමුත් දුෂ්ටයාට කොතරම් කරුණාව දැක්වුවත් ඔහු කිසිදා ධර්මිෂ්ඨකම ඉගෙනගන්නේ නැත.+ ප්‍රතිපත්තිගරුක අය වෙසෙන දේශයේදී පවා ඔහු අයුතු ලෙස කටයුතු කරන නිසා+ යෙහෝවා දෙවිගේ ශ්‍රේෂ්ඨත්වය දකින්න ඔහුට නොහැකිය.+
11 යෙහෝවා දෙවියනි, ඔබ අත ඔසවා ඔබේ සතුරන්ට පහර දුන්නෙහිය.+ නමුත් ඔවුහු එය තේරුම්ගත්තේ නැත.+ ඔබ මහත් උදහසින් ඔබේ සෙනඟ වෙනුවෙන් නැඟී සිටින විට ඔවුහු ලැජ්ජාවට පත් වෙති.+ ඔබේ දැවෙන උදහස+ නිසා ඔවුන් සියලුදෙනා විනාශ වී යන්නෝය. 12 යෙහෝවා දෙවියනි, ඔබ යුක්තිය ඉටු කර අපට සමාදානය දුන්නෙහිය.+ අපේ සෑම ක්‍රියාවක්ම සාර්ථක වන්නේ ඔබ නිසාය.+ 13 යෙහෝවා, අපේ දෙවියනි, අප වෙනත් ස්වාමිවරුන් යටතේ සේවය කර තිබුණත්+ අප ප්‍රශංසා කරන්නේ ඔබේ නාමයට පමණයි.+ 14 එම ස්වාමිවරුන් දැන් නැත.+ දැන් මිනී වළෙහි+ සිටින ඔවුන්ට යළි නැඟිටීමට නොහැක.+ මන්ද ඔබ ඔවුන්ට විරුද්ධව තීන්දුව ප්‍රකාශ කරමින් සදහටම මතකයෙන් ගිලිහී යන ලෙසින් ඔවුන්ව විනාශ කළෙහිය.+
15 යෙහෝවා දෙවියනි, ඔබ ඔබේ ජනයාව මහත් ජාතියක් බවට පත් කර+ ඔවුන්ගේ දේශ සීමා පුළුල් කළෙහිය.+ එසේ කිරීමෙන් ඔබ මහත් ගෞරවයට පත් වුණෙහිය.+ 16 යෙහෝවා දෙවියනි, ඔවුන්ගේ විපතේදී ඔවුන් උපකාරය පැතුවේ ඔබගෙන්ය.+ ඔබෙන් හික්මවීම්+ ලැබූ විට තම සිතේ තිබෙන දේ ඔබට පැවසුවත් ඔවුන් යාච්ඤා කරන ශබ්දයවත් නොඇසුණේය. 17 යෙහෝවා දෙවියනි, ඔබ අපව ප්‍රසව වේදනාවෙන් කෑගසන ගැබිනි ස්ත්‍රියක මෙන් වීමට සැලැස්වූවෙහිය.+ 18 අපි ගැබ්ගෙන ප්‍රසව වේදනා වින්දත්+ බිහි නොකළෙමු.* අපේ දේශයට ගැලවීම අත් කර දෙන්න අපට නොහැකි විය.+ දේශයේ කිසිවෙකුට දරුවන් බිහි කිරීමට හැකි වූයේ නැත.+
19 “ජනයෙනි, මරණ නින්දෙහි සැතපී සිටින ඔබේ සෙනඟ යළි නැඟිටින්නෝය.+ මාගේ දේශයේ මිය ගිය අය නැවත ජීවත් වනු ඇත.+ දූවිල්ලෙහි සැතපී සිටින ජනයෙනි, අවදි වී ප්‍රීති ඝෝෂා නඟන්න!+ මන්ද ගස් වැල් මත පිනි බිඳු වැටෙන්නාක් මෙන්+ ඔබත් පින්නෙන් නැහැවී යන්නහුය.+ දරුවන් බිහි කරන්නාක් මෙන් පොළොව එහි මිය ගිය අයව පිටතට දමනු ඇත.+
20 “මගේ සෙනඟෙනි, ඔබේ නිවස ඇතුළේ තිබෙන ආරක්ෂිත කාමරවලට ගොස් දොර වසාගන්න.+ උදහස පහ වන තුරු මොහොතකට සැඟවී සිටින්න.+ 21 මන්ද දේශයේ වැසියන් ඔහුට විරුද්ධව කළ වැරදිවලට නිසි දඬුවම් දීමට යෙහෝවා දෙවි වන මම මාගේ වාසස්ථානයේ සිට පැමිණෙමි.+ එවිට පොළොව නිරපරාදේ ලේ වැගිරෙවූ අයව තවත් සඟවා තබන්නේ නැත.+ මරා දැමූ අයගේ ලේ ගැන තවත් නිහඬව නොසිටිනු ඇත.”+