1 කොරින්ති
11 මා ක්‍රිස්තුස්ව අනුකරණය කරන ආකාරයටම ඔබත් මාව අනුකරණය කරන්න.+
2 සියලු කාරණාවලදී ඔබ මාව සිහි කර මා ඔබට කියා දුන් සෑම දෙයකටම තදින් ඇලී සිටින නිසා+ ඔබට ප්‍රශංසා කරන්න කැමැත්තෙමි. 3 නමුත් සෑම පුරුෂයෙකුගේම හිස ක්‍රිස්තුස් බවත්+ ස්ත්‍රියකගේ හිස පුරුෂයා බවත්+ ක්‍රිස්තුස්ගේ හිස දෙවි බවත්+ ඔබ දැනගන්නවාට මම කැමැත්තෙමි. 4 යම් පුරුෂයෙක් තම හිස වසාගෙන යාච්ඤා කළොත් එසේ නැතහොත් අනාවැකි පැවසුවොත් ඔහු තම හිසට අගෞරව කරයි.+ 5 නමුත් තම හිස නොවසා යාච්ඤා කරන හෝ අනාවැකි කියන සෑම ස්ත්‍රියක්ම+ ඇගේ හිසට අගෞරව කරයි.+ ඇත්තෙන්ම ඇය හිස මුඩු කරගත් ස්ත්‍රියක් හා සමාන බව පැවසිය හැක.+ 6 මන්ද ස්ත්‍රියක් තම හිස වසාගන්නේ නැත්නම් ඇගේ හිසකෙස් කොටට කැපිය යුතුයි. නමුත් හිසකෙස් කොටට කැපීම හෝ හිස මුඩු කිරීම ස්ත්‍රියකට ලැජ්ජාවක් නම්+ ඇය තම හිස වසාගත යුතුයි.+
7 නමුත් පුරුෂයෙකුට තම හිස වසාගැනීම අවශ්‍ය වන්නේ නැත. මන්ද ඔහුව සාදා ඇත්තේ දෙවිගේ ගතිලක්ෂණ+ හා තේජස+ පිළිබිඹු කිරීමටය. අනික් අතට ස්ත්‍රියව සෑදුවේ පුරුෂයාට ගෞරවයක් ගෙන දීමටය.+ 8 මන්ද මුල්ම මිනිසාව සෑදුවේ ස්ත්‍රියකගේ ශරීරය යොදාගෙන නොවේ. නමුත් මුල්ම ස්ත්‍රියව සෑදුවේ පුරුෂයාගේ ශරීරය යොදාගෙනය.+ 9 ඊට අමතරව දෙවි පුරුෂයාව සෑදුවේ ස්ත්‍රිය වෙනුවෙන් නොවේ. නමුත් ඔහු ස්ත්‍රියව සෑදුවේ පුරුෂයා වෙනුවෙන්ය.+ 10 එහෙයින් ස්ත්‍රියක් තම ස්වාමිපුරුෂයාගේ මූලිකත්වයට යටත් වන බව පෙන්නුම් කිරීමට තම හිස වසාගත යුතුයි.+ දේවදූතයන් නිසාත් ඇය එසේ කළ යුතුයි.+
11 එලෙසම ස්වාමීන්ගේ අනුගාමිකයන් අතර පුරුෂයා නැතුව ස්ත්‍රියටවත් ස්ත්‍රිය නැතුව පුරුෂයාටවත් පැවැත්මක් නැත.+ 12 මන්ද මුල්ම ස්ත්‍රියව සෑදුවේ පුරුෂයාගෙන් වුවත්+ පසුව පුරුෂයන් බිහි වන්නේ ස්ත්‍රිය මාර්ගයෙන්ය.+ නමුත් සියල්ල සෑදුවේ දෙවිය.+ 13 ස්ත්‍රියක් තම හිස වසා නොගෙන දෙවිට යාච්ඤා කිරීම සුදුසුද කියා ඔබම තීරණය කරන්න. 14 සාමාන්‍යයෙන් පුරුෂයෙකුට දිග කෙස් වැටියක් ඇත්නම් එය ඔහුට අගෞරවයක් බවත්, 15 ස්ත්‍රියකට දිග කෙස් කලඹක් ඇත්නම් එය ඇයට ගෞරවයක් බවත්+ ඔබ දන්නේ නැද්ද? ඇයට එවැනි කෙස් කලඹක් දී ඇත්තේ හිස්වැස්මක් වෙනුවටය.+ 16 නමුත් යම් පුරුෂයෙක් එම සම්මතයට පටහැනි දෙයක්+ අනුගමනය කරන්න උත්සාහ කරනවා නම්+ එය අනුමත කරන්න අපටවත් දෙවිගේ කිසි සභාවකටවත් නුපුළුවන.
17 ඉහත සඳහන් උපදෙස් අදාළ කරගැනීම ගැන මම ඔබට ප්‍රශංසා කරන්නේ නැත. මන්ද ඔබ එකට රැස් වන විට යහපතට වඩා අයහපත සිදු වන නිසාය.+ 18 ඔබ සභාවක් ලෙස රැස් වන විට ඔබ අතරේ භේද ඇති බව මට ආරංචි වී ඇත.+ එය විශ්වාස කිරීමට මට යම් හේතු තිබේ. 19 සමහරවිට ඔබ අතරේ නිකායන්ද තිබෙනවා විය හැක.+ නමුත් ඔබ අතරෙහි දෙවිගේ අනුමැතිය ඇති අය කවුද කියා හෙළි වනු ඇත.+
20 ස්වාමීන්ගේ සන්ධ්‍යා භෝජනය සඳහා ඔබ එකට රැස් වන විට ඊට ඔබින අයුරින් ඔබ සහභාගි වී නැත.+ 21 මන්ද එය පැවැත්වීමට පෙර සමහරෙක් තම රාත්‍රී ආහාරය ගෙනැවිත් කන්නෝය. ඒ නිසා ස්වාමීන්ගේ සන්ධ්‍යා භෝජනය පවත්වන විට එක් පිරිසක් බඩගිනිව සිටින අතර තවත් පිරිසක් වෙරි වී සිටියි. 22 ඇත්තෙන්ම කෑමට හා බීමට ඔබටම කියා ගෙවල් නැද්ද?+ දෙවිගේ සභාවට නින්දාවක් ගෙන දෙමින් කෑමට කිසිවක් නැති අයව+ ඔබ අපහසුතාවට පත් කරන්නේ මන්ද? මා ඔබට කුමක් කියන්නද? ඔබට ප්‍රශංසා කරන්නද? නමුත් ඒ කාරණය සම්බන්ධයෙන් මට ඔබට ප්‍රශංසා කළ නොහැකිය.
23 මන්ද මට ස්වාමීන් ලබා දුන් මඟ පෙන්වීම් මම ඔබට ලබා දුන්නෙමි. එනම් ස්වාමීන් වන යේසුස් අත්අඩංගුවට ගැනීමට පෙර රාත්‍රියේදී+ රොටියක් ගෙන, 24 යාච්ඤාවක් ඉදිරිපත් කර එය කඩා,+ “මෙයින් නියෝජනය වන්නේ ඔබ වෙනුවෙන් මා පූජා කරන මාගේ ශරීරයයි.+ මාව සිහි කිරීමට+ මේ දේ නොකඩවා කරන්න” කියා කීවේය. 25 එසේම ඔහු භෝජනය* ගත් පසු කුසලානයකුත් ගෙන,+ “මේ කුසලානයේ තිබෙන දෙයින් නියෝජනය වන්නේ මගේ රුධිරයයි. ‘අලුත් ගිවිසුම’+ වලංගු වන්නේ මගේ රුධිරය මාර්ගයෙනුයි.+ ඔබ මාව සිහි කිරීම සඳහා මේ දේ නොකඩවා කරන්න.+ මේ දේ කරන සෑම අවස්ථාවකදීම ඔබට මාව සිහි වෙයි” කියා කීවේය. 26 ස්වාමීන් එන තාක් කල්+ ඒ රොටිය කන, ඒ කුසලානයෙන් බොන සෑම වතාවකදීම+ ඔබ ඔහුගේ මරණය ගැන ප්‍රකාශ කරනු ඇත.+
27 එහෙයින් නුසුදුසු ලෙස රොටිය කන හෝ ස්වාමීන්ගේ කුසලානයෙන් බොන සෑම කෙනෙක්ම ස්වාමීන්ගේ ශරීරයට හා රුධිරයට+ විරුද්ධව වරදකරුවෙක් වනු ඇත.+ 28 මුලින්ම කෙනෙක් තමාව සෝදිසි කරගෙන තමා සුදුස්සෙක්ද කියා සහතික කරගත යුතුයි.+ ඉන්පසු ඔහුට රොටියෙන් කන්නත් කුසලානයෙන් බොන්නත් පුළුවන. 29 මන්ද කෙනෙක් ස්වාමීන්ගේ ශරීරයෙන් අදහස් වන දේ වටහා නොගෙන ඒ අවස්ථාවට සහභාගි වී කෑමෙන් හා බීමෙන් තමාටම විරුද්ධව විනිශ්චයක් ලබාගනියි.+ 30 ඔබ අතරේ සිටින බොහෝදෙනෙකුගේ විශ්වාසය දුර්වල වී තිබෙන්නෙත් ඔවුන් ලෙඩින් සිටින්නෙත් ඒ නිසාය. එමෙන්ම බොහෝදෙනෙකු මිය ගියා හා සමාන තත්වයක* සිටින බවද කිව හැක.+ 31 අපගේ තත්වය කුමක්ද කියා අප වටහාගත්තොත් අපව විනිශ්චය කරනු නොලැබේ.+ 32 නමුත් යෙහෝවා දෙවි අපව විනිශ්චය කර+ අපට හික්මවීම් ලබා දෙන්නේ+ මේ ලෝකයට+ ලැබෙන විනිශ්චයෙන් අපව ගලවාගැනීම සඳහාය.+ 33 එහෙයින් මාගේ සහෝදරයෙනි, ඔබ එම භෝජනය සඳහා රැස් වෙද්දී+ කෑම ගැනීමට ඉක්මන් නොවන්න. 34 යමෙකුට බඩගිනි නම් ඔහුට නිවසේදී යමක් කෑමට ගත හැකිය.+ එවිට ඔබ එසේ එකට රැස් වන අවස්ථාවේදී ඔබට විනිශ්චයක් ලැබෙන්නේ නැත.+ මම ඔබ ළඟට පැමිණි පසු අනික් කාරණා නිරවුල් කරන්නෙමි.