යෙසායා

37 ඒක අහපු ගමන්ම හෙසකියා රජ එයාගේ ඇඳුම් ඉරාගෙන, ගෝණි රෙදි දාගෙන යෙහෝවා දෙවියන්ගේ ගෘහයට ගියා.+ 2 ඊටපස්සේ එයා රජමාලිගාවේ වැඩකටයුතු භාරව හිටපු එලියාකීම්වයි, ලේකම් වුණ ෂෙබ්නාවයි, පූජකයන්ගේ ප්‍රධානීන්වයි ආමොෂ්ගේ පුතා වුණ අනාගතවක්තෘ යෙසායා ළඟට යැව්වා. එයාලා ගෝණි රෙදි දාගෙන යෙසායා ගාවට ගියා.+ 3 එයාලා යෙසායාට මෙහෙම කිව්වා. “හෙසකියා රජ මෙහෙම කියනවා. ‘අද හරිම දුක්බර දවසක්. අපි ගොඩක් ලැජ්ජාවට පත් වුණා.* අපිට හොඳටම නින්දා කළා. අපි හරියට දරුවා ඉපදෙන්න ළං වෙලා හිටියත් එයාව බිහි කරන්න ශක්තිය නැති කාන්තාවක් වගේ.+ 4 කුසලාන දරන්නාගේ ප්‍රධානියාව* එයාගේ ස්වාමියා වන ඇසිරියාවේ රජ එව්වේ ජීවමාන දෙවියන්ට අපහාස කරන්නයි.+ සමහරවිට එයා කියපු දේවල් ඔයාගේ දෙවි වන යෙහෝවා සැලකිල්ලට ගනියි. එයා කියපු දේවල්වලට යෙහෝවා දඬුවම් කරයි. අනේ දැන් ඉතුරු වෙලා ඉන්න මේ සෙනඟ වෙනුවෙන්+ යාච්ඤා කරන්න.’”+

5 හෙසකියා රජගේ නිලධාරීන් ගිහින් යෙසායාට ඒ පණිවිඩේ කිව්වාම+ 6 යෙසායා එයාලට මෙහෙම කිව්වා. “ගිහින් ඔයාලාගේ ස්වාමියාට මේ දේ කියන්න. ‘යෙහෝවා මෙහෙම කියනවා. “ඇසිරියාවේ රජගේ සේවකයන්+ මට අපහාස කරලා කියපු දේවල් අහලා බය වෙන්න එපා.+ 7 මම එයාගේ හිතට අදහසක් දානවා. එයාට අහන්න ලැබෙන ආරංචියක් නිසා එයා ආපහු එයාගේ දේශයට යනවා.+ එයාගෙම දේශයේදී එයාට කඩුවෙන් මැරුම් කන්න මම සලස්වනවා.”’”+

8 ඇසිරියාවේ රජ ලාකිෂ්වලින් අයින් වෙලා ගියා කියලා රබ්ෂාකේ කියන තනතුර දරන කෙනාට ආරංචි වුණාම එයා රජව හම්බ වෙන්න ගියා. එයා යද්දී රජ ලිබ්නාවලට විරුද්ධව සටන් කරකරයි හිටියේ.+ 9 රජට ආරංචි වුණා එයාට විරුද්ධව සටන් කරන්න ඉතියෝපියාවේ රජ වුණ තිර්හාකා එනවා කියලා. ඒක දැනගත්තාම එයා ආයෙත් සැරයක් හෙසකියා ළඟට පණිවිඩකරුවන් යවලා+ මෙහෙම දැන්නුවා. 10 “යූදාවල රජ වන හෙසකියාට මෙහෙම කියන්න. ‘“ඇසිරියාවේ රජට යෙරුසලම අල්ලගන්න ලැබෙන්නේ නැහැ”+ කියලා ඔබ විශ්වාස කරන ඔබේ දෙවියන් ඔබට කියයි. ඒත් ඒකට රැවටෙන්න එපා. 11 ඇසිරියාවේ රජවරු අනිත් හැම දේශයක්ම විනාශ කරපු විදිහ ගැන ඔබ දන්නවානේ?+ එහෙනම් ඔබ විතරක් බේරෙයි කියලා හිතනවාද? 12 මගේ මුතුන්මිත්තන් විනාශ කරලා දාපු දේශවල ජීවත් වුණ මිනිස්සු නමස්කාර කරපු එක දෙවියෙක්ටවත් පුළුවන් වුණාද එයාලව බේරගන්න?+ ගෝසාන්වල, හාරාන්වල,+ රෙෂෙප්වල හිටපු අය දැන් කෝ? ටෙල්අසර්වල හිටිය ඒදන්වල මිනිස්සු දැන් කොහෙද? 13 හමාත්වලයි, අර්පාද්වලයි රජවරු දැන් කෝ? සෙෆාවායිම්,+ හේනා, ඉව්වා නගරවල රජවරු දැන් කොහෙද?’”

14 හෙසකියා පණිවිඩකරුවන් ගෙනාපු ලිපි අරගෙන ඒවා කියෙව්වා. ඊටපස්සේ එයා යෙහෝවා දෙවියන්ගේ ගෘහයට ගිහින් ඒ ලිපි යෙහෝවා ඉස්සරහා දිගඇරලා තිබ්බා.+ 15 හෙසකියා යෙහෝවාට මෙහෙම යාච්ඤා කළා.+ 16 “අනේ යෙහෝවා, ස්වර්ගයේ සේනාවල අධිපතියාණෙනි,+ ඊශ්‍රායෙල්වරුන්ගේ දෙවියනි, පොළොවේ තියෙන හැම රාජ්‍යයකටම ඉන්න එකම සැබෑ දෙවියන් ඔබයි. කෙරුබ්වරුන්ට ඉහළින්* තියෙන සිංහාසනයේ ඉඳගෙන ඉන්න දෙවියනි, අහසත් පොළොවත් හැදුවේ ඔබයි. 17 අනේ යෙහෝවා, ඇහුම්කන් දෙන්න.+ අනේ යෙහෝවා, ඔබේ ඇස් ඇරලා බලන්න.+ ජීවමාන දෙවි වන ඔබට අපහාස කරන්න සෙනකෙරිබ් ලියලා තියෙන මේ හැම වචනයකටම ඇහුම්කන් දෙන්න.+ 18 යෙහෝවා දෙවියනි, ඇසිරියාවේ රජවරු හැම දේශයක්මයි,+ එයාලාගෙම දේශයයි විනාශ කළා තමයි. 19 ඇසිරියානුවන් ඒ ජාතීන් නමස්කාර කරපු දෙවිවරුන්ව ගින්නට වීසි කළා.+ මොකද එයාලා දෙවිවරු නෙමෙයි. ඒවා මිනිස්සු ලීවලින්, ගල්වලින් හදාගත්ත රූප විතරයි.+ ඒකයි ඒ දෙවිවරුන්ව විනාශ කරන්න එයාලට පුළුවන් වුණේ. 20 යෙහෝවා අපේ දෙවියනි, ඇසිරියාවේ රජගේ අතින් අපිව බේරගන්න. අනේ යෙහෝවා, එතකොට පොළොවේ ඉන්න හැම රාජ්‍යයක්ම දැනගනියි ඔබ තමයි ඉන්න එකම දෙවියන් කියලා.”+

21 ඊටපස්සේ ආමොෂ්ගේ පුතා වුණ යෙසායා හෙසකියාට මේ පණිවිඩේ යැව්වා. “ඊශ්‍රායෙල්වරුන්ගේ දෙවි වන යෙහෝවා මෙහෙම කියනවා. ‘ඇසිරියාවේ රජ වන සෙනකෙරිබ් ගැන ඔයා යාච්ඤා කරපු නිසා+ 22 එයාට විරුද්ධව යෙහෝවා වන මම මේ දේ කියනවා.

“සියොන් කන්‍යා දියණිය ඔබව හෙළා දකියි. ඇය ඔබට සමච්චල් කරයි.

ඔබ දිහා බලලා යෙරුසලම් දියණිය හිනා වෙයි.

23 ඔබ නින්දා කළේ කාටද?+ අපහාසයට ලක් කළේ කාවද?

එහෙම කළේ ඊශ්‍රායෙල්වරුන්ගේ ශුද්ධ තැනැත්තාට විරුද්ධවයි!+

එහේ තියෙන දැවැන්ත දේවදාර ගස්, හොඳම ජුනිපර් ගස් මම කපලා දානවා.

මම එහේ ඉහළින්ම තියෙන කඳුවලටත් ඝන වනාන්තරවලටත් ඇතුල් වෙනවා.

26 මේ ගැන ඔබට ආරංචි වුණේ නැද්ද? මම මේක තීරණය කළේ ගොඩක් කාලෙකට කලින්.

ඈත අතීතයේ ඉඳන්ම මම ඒක සැලසුම් කළා.+

දැන් මම ඒක කරනවා.+

ඔබ පවුරුවලින් වට වුණ නගර පාළුවට ගිය නටබුන් ගොඩක් කරනවා.+

30 “‘මම කියපු දේ අනිවාර්යයෙන්ම ඉටු වෙනවා කියලා දැනගන්න මේක තමයි ඔයාට* දෙන ලකුණ. මේ අවුරුද්දේ ඔයාලා ඉබේම වැවෙන* ධාන්‍ය කනවා. දෙවෙනි අවුරුද්දේදීත් එහෙම වැවෙන ධාන්‍යවලින් ඔයාලා කනවා. ඒත් තුන්වෙනි අවුරුද්දේදී ඔයාලා බීජ වපුරලා අස්වැන්න නෙළාගන්නවා. මිදිවතු වවලා ඒවාවල පලදාව කනවා.+ 31 බේරිලා ඉතුරු වෙන යූදාවල මිනිස්සු+ හරියට ගැඹුරට මුල් බැහැලා තියෙන නිසා හොඳට පල දරන ගස් වගේ වෙනවා. 32 මොකද ඉතුරු වෙන සෙනඟක් යෙරුසලමෙන් පිටත් වෙලා යනවා. බේරෙන පිරිසක් සියොන් කන්දෙන් පිටත් වෙලා යනවා.+ ස්වර්ගයේ සේනාවල අධිපති වන යෙහෝවා මහත් ආශාවකින් ඒ දේ කරනවා.+

33 “‘ඉතින් යෙහෝවා වන මම ඇසිරියාවේ රජ ගැන+ මෙහෙම කියනවා.

36 යෙහෝවා දෙවියන්ගේ දූතයා ඇවිත් ඇසිරියානු කඳවුරේ හිටපු සෙබළු එක්ලක්ෂ අසූපන්දාහක් මරලා දැම්මා. මිනිස්සු උදේ පාන්දර නැඟිටලා බලද්දී හැම තැනම මළ කඳන් දකින්න තිබුණා.+ 37 ඉතින් ඇසිරියාවේ රජ වුණ සෙනකෙරිබ් එතනින් පිටත් වෙලා ආපහු නිනිවයට+ ගිහින් එහෙට වෙලා හිටියා.+ 38 දවසක් එයා එයාගේ දෙවි වුණ නිස්රොක්ගේ දේවාලයේ වැඳ වැටිලා නමස්කාර කරකර ඉද්දී අද්‍රම්මෙලෙක් සහ ෂරෙෂෙර් කියන එයාගෙම පුතාලා දෙන්නා එයාට කඩුවෙන් පහර දීලා එයාව මරලා දැම්මා.+ ඊටපස්සේ එයාලා අරරත්+ දේශයට පැනලා ගියා. සෙනකෙරිබ්ට පස්සේ එයාගේ පුතා වුණ ඒසර්හද්දොන්+ රජකමට පත් වුණා.