ද්විතීය කතාව
33 සැබෑ දෙවියන්ගේ සේවකයා වුණ මෝසෙස් ඊශ්‍රායෙල් සෙනඟට ලැබෙන ආශීර්වාද ගැන එයාගේ මරණයට කලින් කිව්වා. ඒ ආශීර්වාද ගැන තමයි පහළින් තියෙන්නේ.+ 2 මෝසෙස් මෙහෙම කිව්වා.
“යෙහෝවා සීනයි කන්දෙන් බැහැලා ආවා.+
සේයිර් කඳුකරයෙන් ආපු ඔහුගේ ආලෝකය එයාලා අතරේ පැතිරිලා ගියා.
ඔහුගේ තේජස පාරාන් කඳුකරය පැත්තෙන් බැබළුණා.+
ඔහුත් එක්ක ශුද්ධ දේවදූතයන්* දසදහස් ගාණක් හිටියා.+
ඔහුගේ දකුණු පැත්තේ රණශූරයන් හිටියා.+
7 මෝසෙස් යූදාට ලැබෙන ආශීර්වාදය ගැන කිව්වේ මෙහෙමයි.+
“යෙහෝවා දෙවියනි, යූදාගේ හඬට සවන් දෙන්න!+
එයාගේ සෙනඟ අතරට එයාව ආපහු ගේන්න.
එයාට අයිති දේ රැකගන්න එයා එයාගේ ශක්තිය පාවිච්චි කරයි.
එයාගේ සතුරන්ට විරුද්ධව සටන් කරන්න එයාට උදව් කරන්න.”+
8 මෝසෙස් ලෙවී ගැන කිව්වේ මෙහෙමයි.+
“දෙවියනි, ඔයාගේ තුම්මීම් සහ ඌරීම්+ භාර දීලා තියෙන්නේ ඔයාට විශ්වාසවන්තව ඉන්න කෙනාටයි.+
මස්සාහ්වලදී ඔයා එයාව සෝදිසි කරලා බැලුවා.+
ඔයා මෙරිබා දිය පහර ළඟදී එයාට විරුද්ධව නැඟී හිටියා.+
9 එයා එයාගේ අම්මාටයි, තාත්තාටයි මෙහෙම කිව්වා. ‘මම ඔයාලට විශේෂ සැලකිල්ලක් පෙන්නන්නේ නැහැ.’
එයාගේ සහෝදරයන්ටත් එයා විශේෂ තැනක් දුන්නේ නැහැ.+
එයාගෙම පුතාලව වුණත් එයා ගණන් ගත්තේ නැහැ.
මොකද එයා ඔයාගේ වදන්වලට කීකරු වුණා.
ඔයාගේ ගිවිසුමට විශ්වාසවන්තව හිටියා.+
ඔයාට මිහිරි සුවඳක් ගේන සුවඳ දුම් ඔප්පු කරන්නත්+
ඔයාගේ පූජාසනය මත දවන පූජා ඔප්පු කරන්නත් එයාට භාර දෙන්න.+
11 යෙහෝවා දෙවියනි, ශක්තිය දීලා එයාට ආශීර්වාද කරන්න.
එයා කරන හැම දෙයක් ගැනම සතුටු වෙන්න.
එයාට විරුද්ධව නැඟිටින අයගේ කකුල්* කඩලා දාන්න.
එයාට වෛර කරන අයට ආපහු නැඟිටින්න බැරි වෙන විදිහට පහර දෙන්න.”
12 මෝසෙස් බෙන්ජමින් ගැන කිව්වේ මෙහෙමයි.+
“යෙහෝවාට ගොඩක් හිතවත් කෙනාට පුළුවන් එයා* ළඟ ඉඳලා එයාගේ රැකවරණය ලබන්න.
එයා දවස පුරාම ඒ කෙනාට සෙවණක් වෙයි.
ඒ කෙනා එයාගේ උරහිස් අතරේ ජීවත් වෙයි.”
13 මෝසෙස් යෝසෙප් ගැන කිව්වේ මෙහෙමයි.+
“එයාගේ දේශයට යෙහෝවාගේ ආශීර්වාද ලැබේවා!+
අහස්කුසේ වස්තුත් පිනි බිඳුත්
දිය උල්පතුත් අඩුවක් නැතුව ලැබේවා!+
14 හිරු එළියෙන් සරුවට වැඩෙන අස්වැන්නකුත්
මාසයක් මාසයක් පාසා හොඳ පලදාවකුත් ලැබේවා!+
15 අතීතයේ ඉඳන් තියෙන කඳුවලිනුයි,+
හැමදාටම තියෙන හෙල්වලිනුයි හැම සම්පතක්ම ලැබේවා!
16 පොළොව පුරාම තියෙන හැම වස්තුවකින්ම එයාට ආශීර්වාද ලැබේවා!+
කටු පඳුර මැදින් දර්ශනය වුණ තැනැත්තාගේ ආශීර්වාදය එයාට ලැබේවා!+
ඒ ආශීර්වාද යෝසෙප්ගේ හිස මතට,
ඔව්, සහෝදරයන් අතරින් විශේෂයෙන් තෝරගත්ත කෙනාගේ හිස මුදුනට පැමිණේවා!+
17 එයාගේ ශ්‍රේෂ්ඨත්වය කුලුඳුල් ගවයෙක්ගේ වගේ.
එයාගේ අං හීලෑ නැති ගවයෙක්ගේ අං වගේ.
ඒ අංවලින් එයා ජාතීන්ව තල්ලු කරලා දායි.
ඒ හැමෝවම පොළොවේ ඈත කෙළවරටම තල්ලු කරලා දායි.
එෆ්‍රායිම්ට ඒ වගේ අං දසදහස් ගාණක් තියෙනවා+
මනස්සේට ඒ වගේ අං දහස් ගාණක් තියෙනවා.”
18 මෝසෙස් සෙබ්‍යූලන් ගැන කිව්වේ මෙහෙමයි.+
“සෙබ්‍යූලන්, වෙළඳ කටයුතුවලට යද්දී සතුටු වෙන්න.
ඉසකාර්, ඔයාගේ කූඩාරම්වල ඉඳන් සතුටු වෙන්න.+
19 කන්දට යන්න එන්න කියලා එයාලා ජනයාට අඬගහයි.
එහෙදී එයාලා ධර්මිෂ්ඨකමින් පූජා ඔප්පු කරයි.
සත් සමුදුරේ හැම සම්පතක්මත්
වැලි කතරේ සැඟවුණු නිධානත් එයාලා ඇදලා ගනියි.”
20 මෝසෙස් ගාද් ගැන කිව්වේ මෙහෙමයි.+
“ගාද්ගේ දේශ සීමා පුළුල් කරන කෙනාට ආශීර්වාද ලැබේවා!+
එයා සිංහයෙක් වගේ බලාගෙන ඉන්නවා.
ගොදුරේ ගාතයයි, හිසයි ඉරලා දාන්න එයා ලෑස්ති පිට ඉන්නවා.
සෙනඟ අතරේ ඉන්න ප්‍රධානීන් එකට රැස් වෙයි.
එයා යෙහෝවා වෙනුවෙන් යුක්තිය ඉටු කරයි.
ඔහුගේ තීන්දු ඉටු කරන්න එයා ඊශ්‍රායෙල් සෙනඟට උදව් කරයි.”
22 මෝසෙස් දාන් ගැන කිව්වේ මෙහෙමයි.+
“දාන් සිංහ පැටියෙක්.+
එයා බාෂාන්වල ඉඳන් පහර දෙයි.”+
23 මෝසෙස් නෆ්තලී ගැන කිව්වේ මෙහෙමයි.+
“යෙහෝවාගෙන් ලැබෙන කරුණාව ගැනත්
ඔහුගෙන් නොඅඩුව ලැබෙන ආශීර්වාද ගැනත් නෆ්තලී සතුටු වෙයි.
ගිහින් දේශයේ බස්නාහිරයි, දකුණයි අයිති කරගන්න.”
24 මෝසෙස් ආෂෙර් ගැන කිව්වේ මෙහෙමයි.+
“දෙවියන්ගේ ආශීර්වාදයෙන් ආෂෙර්ට ගොඩක් පුතුන් ඉන්නවා.
එයාගේ සහෝදරයන්ගේ ආශීර්වාදයත් එයාට ලැබේවා!
එයාගේ පාද තෙල්වලින් නාවන්න ලැබේවා!
28 ඊශ්‍රායෙල් සුරක්ෂිතව වාසය කරයි.
ධාන්‍යවලිනුයි, අලුත් වයින්වලිනුයි පිරුණ,+
අහස්තලයෙන් වැටෙන පිනි බිඳුවලින් තෙත් වුණ දේශයේ ඇති,+
යාකොබ්ගේ දිය උල්පතට කිසිම හානියක් වෙන්නේ නැහැ.