Mapisarema

43 Nditongei,+ haiwa Mwari,

Nditongerei mhosva+ iri pakati pangu norudzi rusina kuvimbika.

Ndipukunyutsei pamunhu anonyengera neasina kururama.+

 2 Nokuti muri Mwari wenhare yangu.+

Mandirasireiko?

Ndinofambireiko ndakasuruvara nokuda kwokudzvinyirirwa kwandinoitwa nomuvengi?+

 3 Tumai chiedza chenyu nechokwadi chenyu.+

Izvi ngazvinditungamirire.+

Ngazvindiendese kugomo renyu dzvene nokutebhenekeri yenyu huru.+

 4 Ndichaenda kuatari yaMwari,+

Kuna Mwari, iye kufara kwangu kwokupembera.+

Ndichakurumbidzai norudimbwa, haiwa Mwari, imi Mwari wangu.+

 5 Nei wapererwa netariro, haiwa mweya wangu,+

Nei usina kugadzikana mukati mangu?

Mirira Mwari,+

Nokuti ndichamurumbidza soruponeso rwangu rukuru uye saMwari wangu.+