Mapisarema

46 Mwari ndiye nzvimbo yedu yokupotera nesimba redu,+

Rubatsiro runowanika zviri nyore pakutambudzika.+

 2 Ndokusaka tisingazotyi, kunyange kana nyika ikachinja+

Uye kunyange makomo akazununguka achipinda mumwoyo wegungwa guru;+

 3 Kunyange mvura yaro ikava isina kugadzikana, ichipupuma,+

Kunyange makomo akazununguka parinovinduka.+ Sera.

 4 Pane rwizi rune hova dzinoita kuti guta raMwari rifare,+

Iyo tebhenekeri huru tsvenetsvene yoWokumusorosoro.+

 5 Mwari ari pakati peguta racho;+ iro harizozununguswi.+

Mwari acharibatsira pakutanga kwemangwanani.+

 6 Marudzi akaita mheremhere,+ umambo hwakazununguka;

Iye akataura nenzwi rake, nyika ikanyunguduka.+

 7 Jehovha wemauto anesu;+

Mwari waJakobho ndiye nzvimbo yedu yakakwirira yakachengeteka.+ Sera.

 8 Uyai, onai mabasa aJehovha,+

Maitiro aakaita zviitiko zvinokatyamadza panyika.+

 9 Anogumisa hondo kusvikira kumugumo wenyika.+

Anotyora uta uye anogura-gura pfumo;+

Anopisa ngoro nomoto.+

10 “Bvumai, muzive kuti ndini Mwari.+

Ndichakwidziridzwa pakati pemarudzi,+

Ndichakwidziridzwa munyika.”+

11 Jehovha wemauto anesu;+

Mwari waJakobho ndiye nzvimbo yedu yakakwirira yakachengeteka.+ Sera.