Psalmi

91 Ai që banon në vendin e fshehtë të Më të Lartit,+

do të gjejë strehë nën hijen e krahëve të të Plotfuqishmit.+

 2 Do t’i them Jehovait: «Ti je streha dhe kalaja ime,+

Perëndia im, tek i cili kam besim.»+

 3 Vërtet, ai do të të çlirojë nga laku i gjahtarit të zogjve,

do të të shpëtojë nga murtaja vdekjeprurëse.

 4 Me pendët e tij do të të mbulojë,*

e ti do të gjesh strehë nën krahët e tij.+

 5 Asnjë tmerr i natës nuk do të të frikësojë,+

as shigjeta që endet lart e poshtë ditën,+

 6 as murtaja që të përgjon në terr,

as shkatërrimi që bën kërdinë në mes të ditës.

 7 Një mijë do të bien në krahun tënd

e dhjetë mijë në të djathtën tënde,

por ty vetë nuk do të të ndodhë asgjë.+

 8 Ke për ta parë me sytë e tu

kur të ndëshkohen* të ligjtë,

 9 sepse ke thënë: «Jehovai është streha ime»,

dhe e ke bërë Më të Lartin strehën* tënde të sigurt.+

10 Asnjë e keqe nuk do të të bjerë,+

asnjë plagë nuk do t’i afrohet tendës sate,

11 sepse ai do t’u japë urdhër engjëjve të vet+ për ty,

që të të ruajnë në çdo udhë tënden.+

12 Ata do të të mbajnë në duar,+

që këmba jote të mos përplaset në asnjë gur.+

13 Luanin e ri dhe kobrën do t’i shkelësh;

luanin me krifë dhe gjarprin e madh do t’i shtypësh.+

14 Perëndia tha: «Meqë më ka për zemër,* do ta shpëtoj;+

do ta mbroj ngaqë njeh* emrin tim.+

Kur të jetë në hall, unë do t’i rri pranë,+

do ta shpëtoj e do t’i jap lavdi.

16 Do t’i dhuroj jetë të gjatë+

e do t’i tregoj dorën time shpëtimtare.»+