Psalmi

 3 Mos kini besim te princat,*

as te ndonjë bir njeriu që nuk sjell dot shpëtim.+

 4 Kur fryma* i del, njeriu kthehet prapë në dhé;+

po atë ditë merr fund çdo mendim i tij.+

Lum ai që i mban shpresat te Jehovai, Perëndia i tij,+

 6 te Bërësi i qiellit, i tokës, i detit

dhe i gjithçkaje që është në ta,+

tek Ai që është gjithnjë besnik,+

 7 tek Ai që u siguron drejtësi të shtypurve,

tek Ai që u jep bukë të uriturve;+

po, Jehovai i çliron ata që janë nën vargonj.+

 8 Jehovai u kthen dritën e syve të verbërve;+

Jehovai i ngre ata që janë kërrusur nga hallet;+

Jehovai i do të drejtët.

 9 Jehovai i mbron të ardhurit;

ai u bëhet krah jetimëve* dhe vejushave,+

por të ligjve ua prish planet.*+

10 Jehovai do të jetë Mbret përjetë,+

po, Perëndia yt, o Sion, brez pas brezi!