16 Empa ba ne ba fetola manģosa a Molimo oa ’nete litšeho+ ba sa khaotse ’me ba nyelisa mantsoe+ a hae le ho soma+ baprofeta ba hae, ho fihlela khalefo+ ea Jehova e tlela batho ba hae, ho fihlela ho se na pholiso.+

29 Le hoja u ne u paka+ khahlanong le bona ho ba khutlisetsa molaong oa hao,+ ba ile ba iketelletsa pele+ ’me ba se ke ba mamela litaelo tsa hao; ba siteloa+ liqeto tsa hao tsa boahloli,+ tseo, haeba motho a ka li phetha, a tlang ho boela a phele ka tsona.+ Ba ’na ba etsa manganga,+ ba satalatsa melala ea bona,+ ’me ba se ke ba mamela.+

8 Empa ha baa ka ba mamela kapa ba sekeha tsebe,+ empa ba ’na ba tsamaea e mong le e mong ka manganga a lipelo tsa bona tse mpe;+ kahoo ka tlisa holim ’a bona mantsoe ’ohle a selekane sena ao ke ba laetseng hore ba a phethe, empa ha baa ka ba a phetha.’”

3 “Ho tloha selemong sa leshome le metso e meraro sa Josiase+ mora oa Amone, morena oa Juda, ho fihlela letsatsing lena, lentsoe la Jehova le hlahile ho ’na ka lilemo tsena tse mashome a mabeli a metso e meraro, ’me ke ’nile ka bua le lōna, ke tsoha hoseng ’me ke bua, empa ha lea ka la mamela.+

4 “‘Le se ke la tšoana le bo-ntat’a lōna+ bao baprofeta ba pele ba ileng ba ba bitsa,+ ba re: “Sena ke seo Jehova oa mabotho a se boletseng, ‘Ka kōpo, khutlang litseleng tsa lōna tse mpe le mesebetsing ea lōna e mebe.’”’+

“‘Empa ha baa ka ba mamela, ’me ha baa ka ba nkela hloko,’+ ho bolela Jehova.