Liproverbia

23 Ha u lula fatše u ja le morena,

U be hlokolosi ha u ja tse ka pel’a hao.

 2 U ithibe*

Haeba u le pelo e tšoeu.*

 3 U se ke oa khalla lijo tsa hae tse hlabosang

E le hore u se ke oa thetsoa ka tsona.

 4 U se ke oa sebetsa ka thata hore u fumane maruo.+

Khaotsa ho etsa joalo ’me u bontše hore u na le kutloisiso.*

 5 Ha u a shebisisa, a tla be a le sieo,+

A tla mela mapheo ’me a fofele holimo joaloka ntsu.+

 6 U se ke oa ja lijo tsa motho ea timanang,

U se ke oa khalla lijo tsa hae tse hlabosang.

 8 U tla hlatsa lijo tseo u li jeleng

’Me pabatso ea hao e tla be e se na thuso.

 9 U se ke oa bua le motho ea hlokang kelello+

Hobane a ke ke a hlompha bohlale ba mantsoe a hao.+

10 U se ke oa chechisa moeli oa khale+

Kapa oa kena tšimong ea likhutsana*

11 Hobane Mosireletsi* oa bona o matla,

O tla ba emela ’me a u loantše.+

12 Mamela khalemelo ka pelo ea hao eohle,

U mamele lipolelo tsa tsebo.

14 U lokela ho mo shapa ka thupa

E le hore u mo pholose Lebitleng.*

15 Mora oa ka, ha u hlalefa,*

Pelo ea ka e tla thaba.+

16 Ke tla thaba ka pelo ea ka kaofela*

Ha molomo oa hao o bua lintho tse lokileng.

17 Pelo ea hao e se ke ea khalla baetsalibe+

Empa u tšabe Jehova ka linako tsohle.+

18 U tla ba le bokamoso+

’Me tšepo ea hao e ke ke ea fela.

19 Mora oa ka, mamela, u hlalefe

’Me u tsamaee* tseleng e nepahetseng.

20 U se ke oa ba har’a ba noang veine haholo,+

Har’a ba jang nama ho feta tekano.+

21 Letahoa le motho ea jang ho feta tekano ba tla futsaneha,+

Ho otsela ha bona ho tla ba apesa marantha.

24 Ruri ntate oa motho ea lokileng o tla thaba,

Mang kapa mang eo e leng motsoali oa mora ea bohlale o tla thabisoa ke eena.

25 Ntate oa hao le ’mè oa hao ba tla thaba,

’Mè oa hao ea u tsoetseng o tla nyakalla.

26 Mora oa ka, u ’mamele ka pelo eohle,

E se eka u ka thabela ho tsamaea litseleng tsa ka.+

27 Letekatse ke sekoti se tebileng,

Mosali ea boitšoaro bo bobe* ke seliba se moqotetsane.+

28 O lalla joaloka lesholu,+

O eketsa palo ea banna ba sa tšepahaleng.

30 Ke ea lulelang ho noa veine nako e telele,+

Ea ntseng a batla veine e tsoakiloeng.

31 U se ke oa sheba ’mala o mofubelu oa veine

Ha e shebahala e le monate ka koping, e lelemela hamonate

32 Hobane qetellong e loma joaloka noha,

E ntša chefo joaloka marabe.

33 Mahlo a hao a tla bona lintho tse sa tloaelehang,

Pelo ea hao eona e tla bua lintho tse tsoileng tseleng.+

34 U tla ba joaloka motho ea robetseng bohareng ba leoatle,

U be joaloka motho ea robetseng holimo palong e tšehetsang seile ea sekepe.