La Bobeli ho Bathesalonika

1 Pauluse le Silvanase le Timothea+ ho phutheho ea Bathesalonika e bonngoeng le Molimo Ntate le Morena Jesu Kreste:

2 E se eka le ka ba le mosa o sa tšoanelang le khotso e tsoang ho Molimo Ntate le Morena Jesu Kreste.+

3 Re tlamehile ho leboha Molimo kamehla bakeng sa lōna,+ barab’abo rōna, joalokaha ho loketse, hobane tumelo ea lōna e hōla+ ka ho fetisisa ’me lerato la e mong le e mong le la lōna kaofela lea eketseha e mong ho e mong.+ 4 Ka lebaka leo re motlotlo+ ka lōna har’a liphutheho tsa Molimo ka lebaka la mamello ea lōna le tumelo ea lōna mahlorisong ’ohle a lōna le matšoenyeho ao le a mameletseng.+ 5 Sena ke bopaki ba kahlolo e lokileng ea Molimo,+ e isang ho nkoeng ha lōna le le ba tšoaneloang ke ’muso oa Molimo,+ oo ka sebele le utloang bohloko+ ka lebaka la oona.

6 Sena ke ho ela hloko hore ho lokile hore Molimo a busetse matšoenyeho ho ba le tšoenyang,+ 7 empa, ho lōna ba utloisoang bohloko ke matšoenyeho, phomolo hammoho le rōna tšenolong+ ea Morena Jesu ho tsoa leholimong le mangeloi+ a hae a matla 8 ka mollo o tukang, ha a tlisa phetetso+ holim ’a ba sa tsebeng Molimo+ le ba sa mameleng+ litaba tse molemo tse mabapi le Morena oa rōna Jesu.+ 9 Bana ba tla feta kotlong+ ea boahloli ea timetso+ e sa feleng e tsoang ka pel’a Morena le e tsoang khanyeng ea matla+ a hae, 10 ka nako eo a tlang hore a tlotlisoe mabapi le bahalaleli+ ba hae le hore ka letsatsi leo a talingoe ka ho makala mabapi le bohle ba ileng ba bontša tumelo, hobane bopaki boo re ileng ra fana ka bona bo ile ba kopana le tumelo har’a lōna.

11 Ho finyella seo, ka sebele re le rapella kamehla, hore Molimo oa rōna a ke a le nke le le ba tšoaneloang ke pitso+ ea hae ’me a etse ka ho feletseng sohle se mo khahlang mabapi le molemo le mosebetsi oa tumelo ka matla; 12 e le hore lebitso la Morena oa rōna Jesu le ka tlotlisoa ho lōna,+ le lōna bonngoeng+ le eena, tumellanong le mosa o sa tšoanelang+ oa Molimo oa rōna le oa Morena Jesu Kreste.

2 Leha ho le joalo, barab’eso, mabapi le ho ba teng+ ha Morena oa rōna Jesu Kreste le ho bokelleloa ha rōna ho eena,+ rea le kōpa 2 hore le se ke la sisinngoa kapele monahanong oa lōna leha e le ho feha matšoafo ebang ke ka polelo e bululetsoeng+ kapa ka molaetsa oa molomo+ kapa ka lengolo+ joalokaha eka le tsoa ho rōna, le bolelang hore letsatsi+ la Jehova le fihlile.

3 Ho se ke ha e-ba le ea mong ea le ekang ka mokhoa leha e le ofe, hobane le ke ke la tla ntle le hore bokoenehi+ bo tle pele ’me motho ea sa eeng ka molao+ a senolehe,+ mora oa timetso.+ 4 Oa hanyetsa+ ’me o iphahamisa holim ’a e mong le e mong ea bitsoang “molimo” kapa ntho e fuoang tlhompho ea borapeli, hoo a lulang ka tempeleng ea Molimo oa ’nete, a iponahatsa phatlalatsa hore ke molimo.+ 5 Na ha le hopole hore, ha ke sa ntse ke e-na le lōna, ke ne ke ee ke le bolelle+ lintho tsee?

6 Kahoo joale le tseba ntho+ e sebetsang e le thibelo,+ ka sepheo sa hore a senoloe ka nako ea hae e loketseng.+ 7 Ke ’nete, sephiri sa tlōlo ena ea molao se se se ntse se sebetsa;+ empa ke feela ho fihlela ha ea sebetsang e le thibelo hona joale a tloha tseleng.+ 8 Joale, ka sebele, ea sa eeng ka molao o tla senoloa, eo Morena Jesu a tla mo felisa ka moea oa molomo+ oa hae ’me a mo etse lefeela ka ponahalo+ ea ho ba teng+ ha hae. 9 Empa ho ba teng ha ea sa eeng ka molao ho teng ho ea ka tšebetso+ ea Satane ka mosebetsi o mong le o mong o matla le lipontšo le limakatso+ tsa leshano 10 le ka thetso+ e ’ngoe le e ’ngoe e sa lokang bakeng sa ba timelang,+ e le tefetso hobane ha baa ka ba amohela lerato+ la ’nete e le hore ba ka pholoha.+ 11 Kahoo ke ka lebaka leo Molimo a tlohelang tšebetso ea ho fosahetseng hore e ee ho bona, e le hore ba ka lumela leshano,+ 12 e le hore kaofela ba ka ahloloa hobane ha baa ka ba lumela ’nete+ empa ba ile ba khahlisoa ke ho se loke.+

13 Leha ho le joalo, re tlamehile ho leboha Molimo kamehla ka lebaka la lōna, barab’eso ba ratoang ke Jehova, hobane ho tloha tšimolohong Molimo o ile a le khethela+ poloko ka ho le halaletsa+ ka moea+ le ka tumelo ea lōna ’neteng.+ 14 O le bitselitse kabelo eona ena ka litaba tse molemo tseo re li bolelang,+ ka morero oa ho fumana khanya ea Morena oa rōna Jesu Kreste.+ 15 Kahoo, joale, barab’eso, le eme le tiile+ ’me le tsoele pele le tšoareletse lineanong+ tseo le ileng la li rutoa, ebang e ne e le ka molaetsa oa molomo kapa ka lengolo la rōna. 16 Ho feta moo, e se eka Morena oa rōna Jesu Kreste le Molimo Ntate, ba ileng ba re rata+ eaba ba fana ka matšeliso a sa feleng le tšepo+ e molemo ka mosa o sa tšoanelang, 17 ba ka tšelisa lipelo tsa lōna le ho le tiisa ketsong e ’ngoe le e ’ngoe e molemo le lentsoeng le leng le le leng le molemo.+

3 Qetellong, barab’eso, le tsoele pele ho re rapella,+ e le hore lentsoe la Jehova+ le ka ’na la tsamaea ka potlako+ ’me la ’na la tlotlisoa feela joalokaha ho le joalo ho lōna; 2 le hore re ka lopolloa bathong ba ntšang kotsi le ba khopo,+ kaha hase batho bohle+ ba nang le tumelo. 3 Empa Morena oa tšepahala, ’me o tla le tiisa le ho le boloka ho ea khopo.+ 4 Ho feta moo, re na le kholiseho+ ho Morena mabapi le lōna, hore lea etsa ’me le tla tsoela pele le etsa lintho tseo re li laelang.+ 5 E se eka Morena a ka tsoela pele ho tsamaisa lipelo tsa lōna ka katleho ho kena leratong+ la Molimo le ho kena mamellong+ bakeng sa Kreste.

6 Joale re le fa litaelo,+ barab’abo rōna, ka lebitso la Morena Jesu Kreste, hore le tlohe+ ho mor’abo lōna e mong le e mong ea tsamaeang ka mokhoa o sa laoleheng+ eseng ho ea ka neano eo le e amohetseng ho rōna.+ 7 Etsoe le tseba tsela eo le tšoanelang ho re etsisa+ ka eona, hobane ha rea ka ra itšoara ka mokhoa o sa laoleheng har’a lōna+ 8 kapa ra ja lijo ho mang kapa mang ntle ho tefo.+ Ho fapana le hoo, ka mosebetsi le ho sehla+ bosiu le motšehare re ne re sebetsa e le hore re se ke ra imetsa leha e le mang oa lōna ka moroalo o litšenyehelo li boima.+ 9 Eseng hore ha re na matla,+ empa e le hore re ka inehela re le mohlala ho lōna hore le re etsise.+ 10 Ha e le hantle, hape, ha re ne re e-na le lōna, re ne re ee re le fe taelo ena:+ “Haeba mang kapa mang a sa batle ho sebetsa, le ho ja a se ke a ja.”+ 11 Etsoe re utloa hore ba bang ba tsamaea ka mokhoa o sa laoleheng+ har’a lōna, ba sa sebetse ho hang empa ba kena-kenana le se sa ba ameng.+ 12 Re fana ka taelo le keletso ho batho ba joalo ho Morena Jesu Kreste hore ka ho sebetsa ka khutso ba lokela ho ja lijo tseo ba li fumanang ka ho li sebeletsa.+

13 Barab’eso, le se ke la tela ho etseng se nepahetseng.+ 14 Empa haeba leha e le mang a sa mamele lentsoe+ la rōna ka lengolo lena, le lule le mo tšoaile,+ le khaotse ho tloaelana le eena,+ e le hore a ka hlajoa ke lihlong.+ 15 Leha ho le joalo le se ke la mo nka e le sera, empa le tsoele pele ho mo eletsa+ joaloka mor’abo lōna.

16 Joale e se eka Morena oa khotso a ka le fa khotso kamehla ka tsela e ’ngoe le e ’ngoe.+ Morena a be le lōna kaofela.

17 Tumeliso ea ka ke ena, ea Pauluse, ka letsoho la ka,+ eo e leng pontšo lengolong le leng le le leng; ena ke tsela eo ke ngolang ka eona.

18 Mosa o sa tšoanelang+ oa Morena oa rōna Jesu Kreste o be le lōna kaofela.